©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[~شوق الغلا~]

بنآت انا حدي متخوفه من دكاترة الشد عندنا اقرأ عنهم وحده تذم وحده تمدح مدري شسوي ،،

بس شفت حيل يمدحون كروز برويال حياه للشد واتصلت عليهم قالو عنده اجازه في اثنين زائرين دكتوره قي أسمها جنه ،، و الثاني الدكتور زيرا او ريزا ماني متاكده من اسمه وحطتلي موعد عنده شرايكم وربي حدي خايفه من دكاترتنا وسامعه حيل يمدحون رويال واكيد بشوف هناك حريم وانا انطر دوري وبسالهم خخخخخخخ << خوافه

 

[ليالي العاشقين]

شوق حبيبتي متى سويتي العمليه ..؟؟
وشكثر ضعفتي ,,..

حبيت اسال من الباب للقافه ههههههههههه
لان وزني لحين قرب يبطى نزوله وضايق خلقي
احس قمت اكل بس مو نفس اول طبعا بس اقدر اكل ..

اوووووووووف ...

 

[~شوق الغلا~]

سويتها شهر 7 اللي طاف نزلت حوالي 66 كيلو ماشاء الله والحين قاعده ادور دكاتره شد بشد نفسي شرايكم بدكاتره رويال حيااه كلهم اجانب دكاترتهم واستشاريين ؟

 

[ليالي العاشقين]

ماشالله ..
انا االحين لي 3 شهووور ..
17 كيلووو ...
واحسسسسسس وقف خلااااااص

 

[~شوق الغلا~]

حبوبه على حسب كل جسم يختلف عن الثاني وصدقيني احسنلج نزولج بطيئ عشان ماتعانين من الترهلات بس شدي حيلج ريااضه وربي ترهلات تخرع فضيعه اهئ

 

[ليالي العاشقين]

قالولي احسن بس يختي مليت يعني
انا داشه عمليه ابي اشوف النتيجه بسرعه مالي خلق يتنح
ويوووووووقف ..

الله كريم ..

 

[الريم30]

الله يعافيكم ابي اسوي العملية امدحولي الدكتور عفيفي الي باصفاة الامريكي:bbbiu: الي امسوي عندة الله يعافيكم اتفيدني لاني خايفه منها انا وزني 100 وطولي 170 فيدوني حبايبي:yaaaaaarb:

 

[~شوق الغلا~]

عفيفي أول مره اسمع فيه

 

[Sweetq8]

اول مره اسمع عنه

الله يوفقج ان شا الله

 

[دمع القلوب]

انا عمليتي الثلاثا الجاي

بس راح ااجلها لاخر الشهر بس مو عارفه شقول للدكتور احمد الشرهان

انا راح اروح له الاحد عشان اعطيه التحاليل وبقوله باجلهااا عادي والا اخاف يعصب

والله يا بنات ضاق خلقي من جسمي طلعتلي خطوط بفخوذي وزنودي

بعرف اذا ضعفت تروح الخطوط هذي والا لا

انا بشنو. والا شنو قسما بالله احس مخنوقه ببجي

انا بسال المتكممات كلهم وعذبه وليالي واميره وسويت وشوق. وكل الموجودات

اذا سويت العمليه اخر الشهر عندي شهر ٦ و٧ جم ممكن انزل فيهم اذا كان نزولي بطيء

ولرمضان راح اكون قادره اكل والا لا

مابي احد يلاحظ علي برمضان اني ما اقدر اكل

 

[لؤلؤية]

الشهر الاول اقل شي تنزلين 8 - 10 كيلو
الشهر الثاني يكون نزولج اقل

 

[لؤلؤية]

بنات
اليوم اكلت عيش :tongue22:
يمكن قفشتين..خلطت معاه لبن
طبعا اكل نتفه نتفه..وامضغه عدددل

للعلم ماكملت شهر

يضر..؟؟؟؟!!
والا عادي..؟؟؟

 

[لؤلؤية]

شربي ماي النخي

بطاط مهروس

فديت قلبج
ماي النخي اخاااف يسببلي نفخه بالمعدة
لنه من قبل العملية اتضايق اذا اكلته

والبطاط المهروس...اتصدقين ما فكرت فيه :eh_s(10): باجربه باجر

 

[وعد2006]

الاسم: وعد2006
الطول 157
الوزن قبل العملية: 150 (اعوووووذ بالله)
معدل النزول والمدة : 30 ووقفت
تاريخ اجراء العملية : 3-2-2011
اسم الدكتور :فهد الاصفر وبكل فخر
التكلفة : 1075 بس الاجهزه
النتائج الايجابية للعملية : اكييييييييييد الضعف واحس اني اخف من قبل
النتائج السلبية للعملية : بس تعب اول الايام والشعر راااح فيها

 

[shakshuka]

انا صارلي شهرين ونص وليما الحين نزلت بس 13 كيلو والدكتور يقولي عادي واكل كل شي بس نتوفه واشبع بس طبعا مرق ما مرق ما اقدر علي ارجعة علي طول بس الي مضايقني النزول:eh_s(16):وزني ثبت والدكتور يقول عادي ليش مستعيلة وشكلي برد للسوائل شرايكم

 

[~شوق الغلا~]

دمع قلبي كل جسم يختلف عن الثاني أنا اول 10 ايام نزلت 9 كيلوا لا تخافين نازله نازله بأذن الله

 

[بالمشمش]

بنات
اليوم اكلت عيش :tongue22:
يمكن قفشتين..خلطت معاه لبن
طبعا اكل نتفه نتفه..وامضغه عدددل

للعلم ماكملت شهر

يضر..؟؟؟؟!!
والا عادي..؟؟؟

عادي حبيبتي انج تاكلينه بس خلي العيش لين شوي الدكتور سمح في هالشي

 

[نجدية ستايل]

بناااات من صجكم لاحد يدخل ناادي صحي الحين ألا بعد 3 شهوووووور من العمليه
واذا تبون بس سبااحه بعد شهر من العمليه :eh_s(7)::eh_s(7)::eh_s(7):

مشكوره اميره عالتنبيه خلاص انا بكتفي بالسباحه بس لان صارلي شهر من سويت العمليه:eh_s(7):

 

[Sweetq8]

انا حسيت الشوربه و البطاط المهروس اريح شي لمعدتي

بس كنت بسال انا بكمل شهر شنو النظام ورا المهروس

متا يصير ناكل سلطه ؟؟؟

 

[عذبه الصوت]

مرحبا بنات انا كان موعدي عند الدكتور احمد الملا بالاميري قبل اسبوعين رحت من بعد ما شفت بعيني ناس اعرفهم سو عنده وامدحوه قالي بنبدي تحاليل شامله اخلصهم وامره بس قلتله ابي بسرعه وابي موعد قريب للعمليه ان شاء بس وايد زحمه عنده الله يستر وبصراحه وراني صور لناس قبل وبعد العمليه تشجعت بس لما صار موضوع العمليه جد اختلرعت بس ان شاء اخلص تحاليلي ويشوفلي موعد بس ما شاء الله عليه ذوق وفاهم شغله وانا انطر دوري قعدت اسولف مع وحده موعدها يابختها الاسبوع الياي تقول انها من زمان حجزت موعد عنده وبنات عمها ثنتين مسوين عنده قبل سنه تقول صراحهقررت اني اضعف وتقول ان الدكتور احمد الملا سمعته وايد زينه من زمان ووايد شاطر انا بشوف شنو يقولي وان شاء الله الله كريم وبقولك الاخبار

الله يوفقج ويسهلها عليج ان شاءالله