©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[اميره بكلمتي]

اميره شخبارج بكره بطلع من المستشفى ومو عارفه شسوي

ابي ماي النخي والباجلا من وين اجيبهم اروح للمحل اللي ينباعون فيه واقول ابي بس الماي والا شلون

وشنو اشرب عصاير

على كثر ما قريت الايام اللي طافت احس نسيت كل شي الحين

اي طللعي منهم واذا مارضوا يعطونج الا لازم النخي والباجيلا اخذيهم واشربي بس الماي
العصاير اشربيها عادي اختاري الحجم الصغير احسللج مناسب لج هالفتره

 

[اميره بكلمتي]

انزين حبايبي بعرف كل فتحه جم غرزه ووين اماكن
وشنو نوعيه اكلكم اول اسبوع

أكثر شي يسوون الغرز على 5 فتحات كبس تجميلي متوزعه دار مادار البطن
ونوعية الاكل اول اسبوعين او 10 ايام كلله سوائل

 

[اميره بكلمتي]

hi shlonkm

???

هلا والله ليالي اشلونج ؟؟

وين هالغيبه

 

[اوووفه]

تسلمين يالغاليه علي ردج

صاجه والله العين حق ..والحمدالله علي كل حال
وبسمع كلامج وبرقي نفسي والله يجزاج خير علي النصيحه..

:eh_s(7):

بعد قلبي ماسويت شيء فالج الرشاقه والله لايضيع تعبج :yaaaaaarb:

 

[اوووفه]

دمع القلوب اشلونك اليوم انشاءالله احسن
انا عمليتي السبت ادعولي بنات الله يردني لعيالي سالمه خايفه حدي موبس من العمليه ومن بعد العمليه خصوصا اني بسافر علي طول باسبوع خايفه يكون فيه اثارجانبيه وانا مو بالديرة عشان اروح لدكتور واشوفه
خايفه من الكابه والنفسيه والدوخه احس حوسة العمليه واجد لو انسوي رجيم ماكان احسن

 

[mahawey]

دمع القلوب اشلونك اليوم انشاءالله احسن
انا عمليتي السبت ادعولي بنات الله يردني لعيالي سالمه خايفه حدي موبس من العمليه ومن بعد العمليه خصوصا اني بسافر علي طول باسبوع خايفه يكون فيه اثارجانبيه وانا مو بالديرة عشان اروح لدكتور واشوفه
خايفه من الكابه والنفسيه والدوخه احس حوسة العمليه واجد لو انسوي رجيم ماكان احسن

اووفه حياااااااااتي ليش الخوف توكلي على الله حبيبتي ان شاءالله اتقومين بسلامه ياربي بصحتج وبعافيتج ان شاءالله اتردين حق اعيالج بسلامه ياربي بصحتج وبعافيتج يارب وربي يردج بسلامه حق اعيالج
:yaaaaaarb:

 

[دمع القلوب]

اوفه والله في تعب شوي بس احسن قبل

امس ترجيت السسترات عشان تعطيني مسكن و شي ينومني

وحطتلي شغلات واجد بس ما نمت وجننتهم كل شوي اناديهم جان نجيب ابره قالت الحين راح تنامين والله واهي قاعده تعبيه بالمغذي انا اتدنوخ

قلت اي الحين تبون تفتكون مني

ونمت

بس ذبحوني بابر السيوله بزنودي وغيرو مكان المغذي من ايدي اليمين لليسار لان ايدي انتفخت وتعورني وخافو ترتفع حرارتي

الحين احس الالم خف شوي يا رب ما يزيد علي بعد شوي

دعواتكم بنات

 

[ليالي العاشقين]

صبح صبح ..


للي بتسوي عمليه لسبت ..
الله يسهل لج امورج ويقومج بالسلامه ..

والي سوتهااا حبيبتي شده وتزول وكلناا مرينااا
بهالحاله ..

والحمدلله مافينا الا العافيه ..
بس يبيلج شويه صبر ..


وفالكم لرشاقه ..

 

[دمع القلوب]

الله يسمع منج ليالي العاشقين وتعدي هالفتره على خير وسهوووله اللهم امين

 

[دمع القلوب]

ابشركم بنات توني طلعت من المستشفى للبيت

راسي احس بيفجر مادري شسوي

 

[نجدية ستايل]

اللي مسوين عمليه وعندهم جروح مكان العمليه (فتحات الغرز)

تستخدم كريم ميبو
http://www.vitiligoteam.com/up/uploads/images/vitiligo-6091c1266f.jpg

+
تشترين كحول سائل من الصيدليه
+
لزقات اكبر شوي من حجم الجرح..

عقب ماتشيلون الغرز او اذا كانت تدبيس
تمسحون علي الجرح بالكحول تالي تحطون الكريم وتلزقون اللزقه...

تدرون انا بخلص شهر

وماشاء الله تبارك الرحمن بطني تقولين جذب ماكان فيه غرز ... بس شوي مكان البربيش مبين وان شاء الله بعد فتره يروح

قلت افيدكم بشي سويته واستفدت منه..

ماقصرتي :eh_s(7):

انا استخدمته توني من 3 ايام بس.. لان وحده نبهتني عليه قالت يوخر اثر العمليه لكن مايندرى لاني استخدمته متاخر يعني بعد جم يوم بيصيرلي شهرين من العمليه وانشالله يجيب نتيجه معاي

 

[نجدية ستايل]

دمع القلووووووووب حمدالله على سلامتج والله يهونها عليج

 

[نجدية ستايل]

بنات لاتضحكون علي انا قمت اكل بصل خخخخخخخخ عادي؟؟ ولا موزين عالمعده؟؟ وهم شريت مرطبانة طرشي مخلل وطايحتله بلع

 

[@بنت زايد@]

سبحان الله وبحمده
سبحان الله العظيم

 

[دمع القلوب]

الله يسلمج يا قلبي يا نجديه

 

[دمع القلوب]

بنات معقوله والا يتهيألي قست وزني قبل لا اطلع من المستشفى عند السسترات طلع ٨٩ ونص وانا كان ٩٢ ونص

معقوووووووله نزلت ٣ كيلوو

يوم الثلاثا الجاي اروح للدكتور الشرهان وبشوف وزني عنده

 

[Lola Al Lola]

حمد الله علي سلامتج
وبتشوفين كل يوم بعد بتنزلين كيلوا
وقولي لولا ما قالت
انا نفسج لما الحين نازله 9 كيلوات
والحين كاني بروح العياده اشوف بالضبط شكثر واقولكم

 

[دمع القلوب]

بنات اللي متكممات قولولي شنو اشرب

شربت عصير العنب وع ما تحملت طعمه

اللي تحملته عصير التفاح (النجديه) من المستشفى شربته واحس طعمه اوكي

بس شنو اشرب بعد

شسوي بعوار رااااااسي

 

[دمع القلوب]

لولا جم لج مسويه العمليه

 

[دمع القلوب]

ما ادري شنو اشرب

راااااسي يعورني شسوي بنات

انا قبل اذا عورني راسي اكل بندول حبتين الحين مو عارفه شسوي والله