Kattie
New member
- إنضم
- 9 يوليو 2011
- المشاركات
- 84
- مستوى التفاعل
- 0
- النقاط
- 0
ياعمريي يا كيتي تعوذي من الشيطان وذكري الله واستغفريه ,, وشيء طبيعي والله وعارفه بالضبط شنو قاعده تحسيين فيه وأغلبناا مرينااا بهل الشعوور وانا حاشتني هل حاله اول 20 يوم من بعد العمليه ,,
تدرين ليش انا اقوولج لانه جسمج الحين وبهل فتره حايشه نوع من الحرمااان !! وفي شيء مو طبيعي قاعد يصير فيج واللي اهواا اكلج ونمط سلوكج بالاكل !! كله تغيرررر ,, ومعروف حتى من تاكلين وجبه دسمه مثل الفاست فوود اتحسين روحج واو ومستااانسه ليش لانه كلها عباره عن دهوون وهل دهوون تتخزن بالجسم وانتي عودتي جسمج على هل نمط .. فجاه شيء تغير بجسمج ومحتااج حيل للدهوون !! واحنا قاعدين نحارب الدهون فشنو يصير فييج اهني حاله من الكئابه وضقه الخلق وبجي وغلقه وبعضهم حاله من الاعصاب انااا عن نفسي .. كان في احد خير يحااجيني بهل فتره كله كنت صاكه علي الباب ومابي اكلم احد و24 ساعه بجي وضقه خلق ولايعه جبدي من كل شيء ,, بعدهااااا قاعده احاااول احاارب الحااله اللي انا فيهاااا واحاول كثر ما اقدر أني اونس نفسي واتناااسى الكئابه ,, وكنت أسوي اشياء تضحك كنت اروح اشتري العاااب علشان ألهي نفسي وكنت ألعب العااب تخص الطبااخ علشاان اعوض ههههه وكنت اسوي وايد اشياء ومو بيوم وليله يختفي هل شعووور لكن صدقيني وثقي بالله وباذن الله انها مرحله وتعدي ان شاء الله .. ولا تنسييين القران ثم القران ثم القرااان اهوا العلااااااااج الاول النفسييي واللي يبعد عناا الكئاابه والضيق وكثري الاستغفااار وذكري الله ,, وفكري في بعدين شلون راح يصير شكلج وخططي وقولي اناا بسوي جذي وبدش هل نادي وبشتري هل اغراض وبروح السوق وملابس بتصير قدي ووناسه حياتي كلها بتتغير باذن الله ,, باختصاار خلج ايجاابيه وتفااائلي بالخييير وباذن الله بتلقينه والاكل ترى والللللللله لاحقه عليه وبتملييييييين منه واتلوووع جبدج حتى والله ماكو مثلي كنت اموووووووووت على الوجباات السريعه والحلوياات وبيبسي ما كااان يفااارقني كان اهوا حياتي !! والله من سويت العمليه ما شربته الا مره او مرتين ولقمه بس ولاعت جبدي !! منو يصدق ؟؟؟؟ ولا ماكدوونلز ووجباات سريعه الله يزيد النعمه من اشم ريحته اتلووع جبدي :\ هذا قبل كنت اعشق شيء اسمه ماك وكنت اطلب على صمونتين و3 !! فيل ادري هههههه
والحيييييييييين تعالي شووفيني مدلعه نفسي اخررر دلع ولله الحمددددددد صرت وااثقه من نفسيييييي ولا احد يهزني ولا احد يأثر فيني اناا اتحكم بنفسيييي اناا اتحكم بمشااعري اذا ابي اكون مستااانسه أو زعلااانه ما اخلي شيء يأثر فيني الا بحاله اشياء اللي الله كاتب لناا اياهاا امور القضاء والقدر اهني اقول لا حول ولا قوه الا بالله مو بايدي اذا تضاايقت اماا الامووور الثااااااانيه كلهااااا طااف
وهم بقوولج معلووومه معرووووووووووف بعد أي عملييييه جرااااحيه ... 80 % من الحالات يصير معاهم حاله من الاكتئاااب النفسي ..! بس انتي لا تحطيين ابااالج وترى هل حاله ما تكون دايمه وبسرعه تروح من لمن تتواافقين مع نفسج يعني لااااااااازم انتي بنفسج تقاااوميين وباذن الله كل شيء بيكون اوووك
انا ادري قرقت وااايد عليج السمووووووحه بس ما حبيت أبخل عليييج لانه انا حاشتني هل حااااله وما كانت بايدي ولا بايد احد ادري .. لكن انحاااول نتغلب علييييهاااااااااا ..
واذا تبين أي شيء انا حااااضر
مشكوره يا قلبي على ردج وايفادتج لي
بعد شنسوي بنتحمل هالمرحله الخايسه اللي تزهق الواحد وخصوصا الأكل كله سوائل صراحه حايشتني دوخه موطبيعيه لدرجه ماقدر اوقف على حيلي 5 دقايق احس بيصير فيني هبوط وماكو توازن كل شوي اقعد والبروتين بس اشم ريحته ارجع قلت يعلي ادوح ولا اشربه وجبدي كله تقلب صبح وليل وساعات افز من النوم معدتي عوار واحس اني برجع تعبت من هالاشياء ماكان فيني شي بس هاليومين حاشتني هالحاله لوعه شغاله صبح وليل والله اشم ريحه اخوي ياكل ماكدونلز احس برجع اي ريحه قويه لو ريحه كرتون تقلب جبدي
الله يعلم بالحال والحمدلله على كل حال..
