©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[vooom]

قووووه يا حلوين

بنااات شلون اعرف اذا معدتي توسعت ولا لا

اذا اكلتي اكثر من الكميه الي كنتي تاكلينها
يعني مثلا اول الايام (بعد شهر من العمليه )كنت يدوب اقرم التوسته اشبع
حاليا اكل قطعه وحده اذا مع جبنه بس

بنات انا انصح بالعمليه من السره وترا الالم يحتمل مو الي ما تتحركين
اللهم ال10 ايام الى 3 اسابيع بالكثيررر قارنوه بعوار الدوره الشهريه
:bbbiu:الدوره تعوررر اكثر

 

[cat-girlq8]

بنات انا نازله 13 كيلو بسسسسسسسسسسسسسسسسسسسسسس

حدي مقهوره ليش بس 13 كيلو يمكن لاني مادشيت نادي ولا اللعب رياضه



بتاريخ 29 -2 اكمل شهرين واااي يالقهرررررررررررررر

 

[boOnita]

انزين اللي ما كملوو شهر هم تتوسع

انا مادري صرت ايوووع وايد واكل بس علي فترات

واول ما بديت مهروس كنت اكل يدوم قفشتين او ثلاث واشبع

الحين لا 4 او 5 علي ما اشبع

مادري ليش قمت احاتي من كثر ما اسمع ان عادي تتوسع

بنااات بليييز فيدوني

 

[ريم عزيز]

صبحكم الله بالنور والسرور كيف حالكم ؟


من يومين جالسه في هذا الموضوع اقرا لين ماطلعت عيوني

وصلت لكم عن طريق قوقل لأنه كنت ابحث بخصوص العملية

اكثر تجمع عجبني قصصكم تحمس ذكرتو فيها كثير امور افادتني

وماشاء الله عليكم متفاعلين مع بعض ومتعاونين عكس باقي المنتديات

يعطيكم الفين عافية ماتتخيلون شكثر خدمتوني وانتو ماتدرون


بالتوفيق للجميع يارب وعقبى لي اجي اقص لكم قصتي ^^
​

 

[Nazya.9]

بنااات صارلي 20 يووم تقريبا ومارحت الحمام كلش
ولما اصير حسرانة مااحس بعض المرات اني حسرانة
وسبوعين صوب حدتي تعورني تقريبا مثل عوار الدووره وكلش مو وقتهاا
*ومااكل وايد حده نتفه وزت تقريبا كيلوين او كيلو ونص حدي مستغربة

 

[ChokOBar]

انا صار لي اليوم 14 من بعد العمليه و نزلت لحد الان 15 كيلو

عطتني الدكتوره كورس لمدة 3 اسابيع بعد العمليه بس سوائل شفاافه
وبعدها كورس 3 اسابيع راح تضيف لي بعد العصائر والحليب
وبعدها راح ابتدي المهروس وبعد مو كلشي اقدر اكله بالمهروس مثل البطاطا والرز ممنوع بالمهروس


الي خايفه تتوسع معدتها حاولو تعملوا كونترول وحددو لكم كمية معينه حتى لو ماشبعتوا حزتها وبعدها بساعتين اخذوا وجبه ثانيه
بس المهم بالوجبه الوحده لا توصلون للشبع لان الشبع هو الي يوسع المعده

 

[ChokOBar]

بنااات صارلي 20 يووم تقريبا ومارحت الحمام كلش
ولما اصير حسرانة مااحس بعض المرات اني حسرانة
وسبوعين صوب حدتي تعورني تقريبا مثل عوار الدووره وكلش مو وقتهاا
*ومااكل وايد حده نتفه وزت تقريبا كيلوين او كيلو ونص حدي مستغربة

اختي انا بعد ماروح الحمام لان الي اشربه بس سوائل و شفافه هههه

وعن الالم انا عندي الم في الساق احسه من نقص الكالسيوم :eh_s(16):

 

[Nazya.9]

حياتي مبروك على نزول الوزن وماتشوفين شر
اناغير عنج انا بلشت بالمهروس من ثالث اسبووع

 

[وليدي وينك]

بنات هل التكميم ياثر علي الحمل والبويضات لاني مااحمل الا باطفال انابيب وودي اسويها واخاف تاثر بالمستقبل علي التبويض او تسبب التصاقات تكفون اللي سامعه عن تجارب تطمني

 

[om-kesha]

بنات هل التكميم ياثر علي الحمل والبويضات لاني مااحمل الا باطفال انابيب وودي اسويها واخاف تاثر بالمستقبل علي التبويض او تسبب التصاقات تكفون اللي سامعه عن تجارب تطمني

حبيبتي انا رحت للدكتور وقالي اصلا هذي العمليه تساعد على الانجاب .... انا ما احمل الا بالانابيب فقالي بعد ماتضعفين ماتحتاجين الانابيب والتكيس يروح منج ويزيد نشاط البويضات سبحان الله ... ويوم كنت حامل كانت عندي عضلة القلب تتعب مع اني مو وايد متينه وريولي بعد وايد تعورني ...المتن مو مخلي شي
ان شاء الله اسويها ويخفف كل شيء :yaaaaaarb:​

 

[sheraZia_Q8]

شلونكم بنات شخباركم
انا اليوم كملت شهرين
نزلت من 130 لي 111
نزولي بطئ بس همن نعمه ينزل ما يصعد
الفال لي انزل اكثر هالشهر

وانتو بنات شنو اخباركم ؟؟

 

[sheraZia_Q8]

كات حبيبتي لازم رياضه انا وزني ثبت 3 اسابيع لمن رجعت لعبت رياضه تحرك وبسرعه الحمدلله
روحي ممشى او نادي

 

[ام خدود ورديه]

شلونكم بنات انا اليوم رحت حق الدكتور احمد الشرهان قالي بيسويلي العمليه من السره وانا خايفه مادري ليش قلتله ابي اكثر من فتحه مو من السره قالي السره اسهل علي بالعمليه قلتله اخاف قالي انا صارلي سنه ونص اسويها من السره فشرايككم ؟

 

[وليدي وينك]

مشكوره اختي الغاليه اللي رديتي علي الله يجزاج خير ويشافيج يارب

 

[جاكليت]

يعطيكم العافيه

شنو الشوربات الثقيله اللي تشربونها ؟

 

[ريم عزيز]

بنااااات انا عايشه في صرااااااع نفسي ومحتاااااااااره

خاطري اسويها وانحف لانه تعبت من نفسيتي المحبطه والمحطمه دوم بسبب شكلي و تعبت من الريجيمات بدون فايده
ولأني شفت نتايجها على ناس كثير اعرفهم واتشجع واتحمس لما اشوفهم
ومتقبله فكرة انه اغامر وادخل المستئفى واسوي العملية مع انه حمدلله ولا مره يحاتي سويت عمليات
وبرضو مستعده اتحمل تعبها واثارها السلبيه

لكن الي مو مخليني اقرر واجزم على الموضوع هو فكره اني راح اعيش بجزء صغير من معدتي بقية عمري وماقدر استرجعه
يعني مادري اخاف لاقدر الله يصيبني امراض بالمستقبل واكون بحاجة الباقي الي اسرفت فيه

او يتوسع الجزء الصغير الي بقي وبعدين ارد امتن واكون خسرت رشاقتي ومعدتي

وخايفه يعاقبني ربي ساعات احس هالعملية نوع من الفسق مادري ليش ياربي شسوي والله حيل محتاره بموت من التفكير
زين يالي سويتوها اطبائكم وش قالولكم طمنوكم على مستقبل المعدة ومافيه مخاطر محتمله ولا شلون ؟

على فكره بنات انا سعودية بس احاول اتحجي كويتي احب لهجتكم ههههه

 

[kat.kot]

أم خدود وردية توكلي الله وسويها كلنا سويناها من السره وماكوا الا العافية
صارلي سبع شهور ونص من سويتها والحمدالله نزل وزني 39 كيلو
كان 98 صار 59 اللهم
لك الحمد

 

[سمسميه]

بارك الله فيكم يا متكممات

يسرنا افتتاح الجزء الرابع
http://www.q8yat.com/t1023934.html