©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[leb-heart]

بنات لاتحاتون من ثبات الوزن رفيجاتي نصهم مسوين التكميم وماسويتها الا لمن شفت المراحل اللي مروا فيها ولاتخافون من ثبات الوزن شي طبيعي لان بعد الشهر يوقف الوزن شوي وثلاث شهر يرجع ينزل حيل بس مقاسات الجسم قاعدة تتغير
لاتحاتون توكلو على الله اهم شي الحركة لاتخلوا ثبات الوزن يأثر على النفسية شي طبيعي والله يابنات رفيجاتي قالولي سادس شهر راح تشوفين فرق واااايد
​

​

 

[برونزيه شقرا]

​

هاي حبايبي
مساككم الله بالخير لو نحكم نفسنا عالغدا ان مثلا حدي ٤قفاش اكل
اخذ وحده سلطه و٣طبق رئيسي وان شا الله تخف القصه علينا
والالم اللي بالجهه اليسرى ان شاءالله بعد الشهر راح تنسينه باذن الله

 

[مذهلة 78]

السلام عليكم بنات شلووونكم

اليوم ريوقي كان قهوه وسط والغدا كان مرق شبزي وعيش ابيض طبعا 4 لقمات بس

العشا كان عباره عن جاردن سالاد بالدياي خذيتها من بفولو اللي بالجابريه وانا طالعه من النادي

 

[love^angel]

مذهله انتي بشامبيون؟ شلون الوضع عقب المغرب زحمه؟ باقي شهر على اشتراكي حسافه خل اروح والله حرام ضيعت اشتراك سنه وما رحت
توني احس فيها الظاهر شعور الخفه خلاني اتشوق العب رياضه

 

[لوولووة]

انا رحت البراء اسوي عصب ضرسي اتصلت بالدكتور علشان المضاد قال اخذيه شراب مو حبوب ثقيل علي المعده

 

[بسنت88]

انا لي شهرين
بس مالي خلق الرياضه
على طول حيلي مهدود وتعبانة
ومزاجي مو كلش
الله يعدي هالايام على خير

 

[الريم30]

الكل لان دخلت شتا الجو جو حساسيه عادي انا جذيهً مادريً يسوي من فوق ضعفت بس الهنشً مش راضي ينزل ما دري اشفطً فخوذي يفشلون*

 

[برونزيه شقرا]

صباحو
شخباركم
اليوم ريوقي شاي وحليب
مايندرى بعداشوي اشراح اكل لووووول
الجو يكسسسل مالي خلق اروح النادي واليوم الدوره شرفت يعني اشكره بندعس پفراشي
وودي اروح النادي اخفف هالفخوووووووذ
لوولووة سلامات حبيبتي ماتشوفين شر اللا الضرس يذبح الله يعينج ويآجرج

 

[الريم30]

برونزيه اليوم مشيت نص ساعة بالدوام بس الجو رطب كلش موشي

 

[om-3abodey]

صباح الخير

بنات الدكتور حاط لي موعد 29 هالشهر والله يكتب الي فيه الخير انا كنت مترددة عالعمليه بس مالي حل الا هو لان تعبت من حبوب الرجيم تغريبا اكلت اكثر من عشر انواع حبوب وغير البايوجي والقهوة الخضرا انزل اربع كيلوات واردهم ثمان مليت بالصراح وانا يبيلي تقريبا 27 حتى مقيدني وزني باللبس سواء حق البيت او طلعه او حتىلو بيني وبين زوجي احس والله نفسيتي اتعبت ودي البس بس وزني مقيدني ومرات احس اني البس لبس مو حق عمري توكلت على الله من بعد تشجيعاتكم والله كريم واستودعت نفسي والله يحفظني ويخليني لاعيالي

بس بنات امانة بطلب منكم تدعون لي ربي يسهل علي واناااا حيل محتارة باي نوع اسوي الي بفتحة السر او الي اربع انا ماهمتني الميتين الي بدفعها ابي شي ما يضرني انصحوني بنات وشودي معاي المستشفى وشنو اجهز لي اغراض بالبيت من عصاير واكل

 

[ام عيالي]

الله يقومج بالسلامه لعيالج ويحفظج ايسرلج امرج

 

[Goth-Girl]

الله يسهل عليج ام عبودي انشالله سهالات انا نفسج بالضبط تعبت من الرجيم والحبوب ما عاد يفيد فيني شي وقلت مافي الا العملية
دخلت مستشفى السيف الخميس اللي طاف وكنت ميتة خوف بس افكر بعيالي الله يحفظهم لي سويت دخول الساعة 12 الظهر ونزلوني 4 العصر ما حسيت باي شي وقعدوني 6 ونص المغرب ودوني غرفتي
انا الدكتور نصحني ب4 فتحات لان المها اقل
والله يا بنات ليلحين نازلة 4 كيلو من يوم الخميس الحمدالله
ام عبودي توكلي على الله وقولي اللهم اني استودعتك نفسي وانشالله سهالات وتقومين بالسلامة

 

[صعب*المنال*]

فديتكم كلكم

تسجيل حضور مع زحمة الغيم

 

[لوولووة]

صباحو
شخباركم
اليوم ريوقي شاي وحليب
مايندرى بعداشوي اشراح اكل لووووول
الجو يكسسسل مالي خلق اروح النادي واليوم الدوره شرفت يعني اشكره بندعس پفراشي
وودي اروح النادي اخفف هالفخوووووووذ
لوولووة سلامات حبيبتي ماتشوفين شر اللا الضرس يذبح الله يعينج ويآجرج

مشكورة حبيبتي يزاج الله خير
اناحجزت بسافر 3/11 ان شاء الله بيكون لي 25 يوم يارب اكون اقدر اكل سفر تعب ومشي

 

[الريم30]

الله يسهلجً تعب والله السفر ًيبيلنا ثلاث شهور علي ما افكر أسافر انا الدوام وادوخً تروحون وتردينً بالسلامهً لولو ديري بالج علي روحج

 

[تيناا]

ام عبودي توكلي على الله وسويها وان شاء الله تقومين بالسلامه وبالنسبه للفتحات استخيري وتوكلي على الله

 

[الريم30]

شوفو الدكتور خالد الشرف بقناة الكوتً خوووووش مقابله والله

 

[الريم30]

بنات اول ست اشهر لإزم نحس بممول لنزول الوزن يعني احنا عادي مافينهً شي ههههههههههههه ماهو الدكتور يقول

 

[تيناا]

نحس بشنو ؟

 

[لوولووة]

الله يسهلجً تعب والله السفر ًيبيلنا ثلاث شهور علي ما افكر أسافر انا الدوام وادوخً تروحون وتردينً بالسلامهً لولو ديري بالج علي روحج

الله يسلمج شسوي ماابي اسافر بس حنه اليهال