©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[love^angel]

بنات انا عمليتي ان شالله السبت و قاعده احاتي لنه عندي فقر دم قوي وبنفس الوقت راح تكون علي الدوره.. خايفه اذا دمي الحين جذي شبيصير بعد العمليه
المهم بالنسبه حق بنك الدم شلون الطريقه اذا احد يبي يتبرعلي بس يعطيهم الورقه الي من دكتور التخدير؟؟ ويصير زوجي يتبرعلي اذا كان من نفس فصيلتي؟؟

 

[mizyana]

شلونكم بنات انا صارلي من سويت العمليه شهر و عشر ايام بس دكتوري ما عطاني نظام امشي عليه لانه يقول انتي مامشيتي على نظام قبل العمليه الحين راح تمشين عليه الحين ههههه (فشلني) وعطاني المسموح والممنوع
بس انا من صار العيد وانا طايحه فلمطاعم صج ان اكلي شويه بس كلا دسم و اكل مو مفيد فما قام ينزل وزني بلعكس زاد كيلو بلييييز ابي نظام غذائي حق هلمرحه نقذوني
وعندي استفسار اذا اكتو معدكتم تعوركم ولا لا؟؟ انا احس بالم مو طبيعي اذا اكلت ومشكورين​

 

[mizyana]

بنات انا عمليتي ان شالله السبت و قاعده احاتي لنه عندي فقر دم قوي وبنفس الوقت راح تكون علي الدوره.. خايفه اذا دمي الحين جذي شبيصير بعد العمليه
المهم بالنسبه حق بنك الدم شلون الطريقه اذا احد يبي يتبرعلي بس يعطيهم الورقه الي من دكتور التخدير؟؟ ويصير زوجي يتبرعلي اذا كان من نفس فصيلتي؟؟

انا انصحج حبيبتي انج تعالجين فقر الدم اللي فيج اول وعقب سوي العمليه ترى الدنيا مو طايره و حلاتج تسوين العمليه و انتي بصحتج و انا اعرف وحده سوت العمليه و اهيا مريضه الله لا يواريج شصار فيها عقب انا اقول تعالجي من فقر الدم بعدين سويها

 

[SHEEKO]

الاسم: شيكو
الطول:163
الوزن قبل العملية:126
معدل النزول والمدة : وزني الحين 97 .. يعني 30 كيلو مشالله
تاريخ اجراء العملية : 17 - 5- 2011
اسم الدكتور : خالد العنزي
التكلفة : 2700
النتائج الايجابية للعملية : واااايد .. الملابس وسعت نفسيتي تعدلت ووواشياء وايد بعد .. الحمدالله ياارب
النتائج السلبية للعملية : التعب إلي أول شي .. بس احس كل شي يهون للرشااقه

 

[SHEEKO]

بنات انا عمليتي ان شالله السبت و قاعده احاتي لنه عندي فقر دم قوي وبنفس الوقت راح تكون علي الدوره.. خايفه اذا دمي الحين جذي شبيصير بعد العمليه
المهم بالنسبه حق بنك الدم شلون الطريقه اذا احد يبي يتبرعلي بس يعطيهم الورقه الي من دكتور التخدير؟؟ ويصير زوجي يتبرعلي اذا كان من نفس فصيلتي؟؟

اهلين حبيبتي .. اييه عادي
انا ابوي تبرع لي وامي كانت بتبرع لي لكن طلع دمها خفيف ولاينفع
ونطررت لين جا واحد الله يجزاه خير وكان نفس فصيلتي وتبرع لي
وكان بنفس يوم العميلة يوم رررحت

 

[كايدهkuw]

شلونكم بنات انا صارلي من سويت العمليه شهر و عشر ايام بس دكتوري ما عطاني نظام امشي عليه لانه يقول انتي مامشيتي على نظام قبل العمليه الحين راح تمشين عليه الحين ههههه (فشلني) وعطاني المسموح والممنوع

بس انا من صار العيد وانا طايحه فلمطاعم صج ان اكلي شويه بس كلا دسم و اكل مو مفيد فما قام ينزل وزني بلعكس زاد كيلو بلييييز ابي نظام غذائي حق هلمرحه نقذوني

وعندي استفسار اذا اكتو معدكتم تعوركم ولا لا؟؟ انا احس بالم مو طبيعي اذا اكلت ومشكورين​

لا حرام لا تلعبين ابنفسج وتخربين اللي سويتيه اكل المطاعم ما منه فايده انا اشوف دام عديتي شهر من العملية لازم تبلشين مشي او عالاقل استخدمي درج البيت عشر مرات باليوم ,, وما صارلج وايد من سويتي العمليه لازم اديرين بالج بالاكل لا تضغطين على معدتج واتعبينها جذي المعدة تتوسع خليج علاكل الخفيف واللي مافيه سعرات وايد مثل الشوي المهروس جذي ,, انا صارلي عشرين يوم للحين لما اكل اتعب وفيه الم بس اتحمله لان من احس ان صار الم اوقف اكل وامشي شوي واخذ راحه

 

[فجووره]

بنات اشدعوا وينكم؟؟​

 

[اوووفه]

الاسم : اوووفه
الطول : 159
الوزن قبل العمليه : 88
معدل النزول : بطئ بطئ بطئ يمكن السلحفاه اسرع من وزني
تاريخ العمليه 2011/6/11 يعني كم يوم ويصيرلي 3 اشهر
الايجابيات : انا للحين مو حاسه بايجابيات لان وزني مثل ما قلت ما قاعد ينزل اقعد شهر بالموت انزل كيلوا مع انه حرمان ما اقدر آكل
السلبيات : الحين صايره ادوخ حيل واحس نفسي ثقيله وخطواتي اثقل اسحب ارجولي تسحب وايديني لو ارفعها شي بسيط تعورني احس الي ينزل مني العضل مو الدهن لجذي لو اسوي اي مجهود اتعب وغير الغصه والترجيع والماي الي للحين ما اقدر اشربه مره وحده وشعري بدي يحت
دكتوري خالد العنزي
التكلفه : معاشات العطله اه اه اه.$٢٨٠٠ $

 

[اوووفه]

كايده وزنج مو وايد اشلون رضي يسويلج الدكتور عمليه وين سويتيها لان ما شالله حيل رخيصه مشتشفي الحكومه يسويها ٩٨٠ قريب الف

 

[اوووفه]

لوف انجل نصيحه لاتغامرين بعمرج تري هذي عمليه مو بيع برد وانت عندج فقر حاد ومن اثار العمليه انه يزيد النقص وانت بروحج مو ناقصه روحي عالجي عمرج عقب سويها اخدي ابر فيتامين دال لاحقه علي العمليه ودوختها

 

[love^angel]

اوفه الدكتور شاف تحاليلي حتى دكتور التخدير قالو ماكو مشكله معقوله يقصون علي؟؟ قاعده اوسوس والله والعمليه صارلي شهور ناطرتها ابي اضعف بسرعه و احمل صارلي اكثر من ٣ سنين متزوجه والعمر يركض
انا قاعده اخذ علاج والحمدلله دمي قاعد يتحسن والدكتور طلبلي جيس دم مادري ليش بس قال لازم

 

[النية الصافية]

الحمد الله سويت العملية شهر 12/2010 وزني كان 94 والحين 69 بس احس في شي لما المس صوب معدتي بروح اراجع الدكتور منو مثلي تحس بهالشي مع العلم كان بالسابق مكان الخزان لاني كنت مسوية تحزيم معدة وشلتها وسويت عمليتي بالهادي وسواها لي دكتور موسي خورشيد

 

[mizyana]

انا صارلي من سويت العمليه شهر و اسبوعين تقريبا بس ابي نظام غذائي امشي عليه احسن(وبصراحه لي حد الحين ما تحسفت ليش سويتها)

 

[Sweetq8]

الحمدلله ماتحسفت صارلي ٤ شهور

اللهم لك الحمد صح في تعب و دوخه بس لما اشوف الميزان انسا التعب

واكثر شي مزعلني شعررررري راااااح ~_~

 

[Sweetq8]

sweetq8
صارلي 4 شهور من العمليه
سويتها عند دكتور خالد العنزي الله يوفقه دنيا و اخره
الايجاابيات : كااافي نفسيتي ارتاحت و تغيرت احس اني خفيييفه
السلبيات : شعري راح هذا اكثر شي ماثر فيني
نزلت 25 كيلو ما شا الله تبارك الرحمن الله يتم علييييناااا*

 

[اوووفه]

لوف انجل لازم يطلبلج كيس دم لانه انت دمج ناقص فراح تحتاجين دم وانت علي ماتجي العمليه اخذي ابر فيتامين دال
واجلي العمليه اسبوعين لما يتحسن دمج

 

[مذهلة 78]

بنات ابشركم اني بديت اكل اشياء بسيطه مثل الرقي والمرق خالي مع حبتين عيش

واليوم قدرت اكل علبة روب كامله الحمدلله يارب عالاقل احسن من ولى شي

واليوم وزنت بالدوام ولا وزني 70 حدي استانست لاني قربت للوزن المثالي

اووووووفه شلونج وشلون ولدج ومس بي ام شلون صرتي الحين انشالله احسن

 

[بتبوتااا]

السلام عليكم

بنوتات

بستفسر منكم ريلي سوى العمليه تاريخ 3/9/2011 اليوم الرابع له

واكله بس مشروبات , ماي + عصير رمان + تفاح + عنب اخضر واحمر + ماي النخي

شنو اسوي له من شوربات خفيفه ؟ ابي الطريقه بالتفصيل ماعليكم امر حبيباتي

واقدر اعطيه شوربات كنور او ماجي بس اصفيهم قبل ؟؟

 

[مذهلة 78]

السلام عليكم

بنوتات

بستفسر منكم ريلي سوى العمليه تاريخ 3/9/2011 اليوم الرابع له

واكله بس مشروبات , ماي + عصير رمان + تفاح + عنب اخضر واحمر + ماي النخي

شنو اسوي له من شوربات خفيفه ؟ ابي الطريقه بالتفصيل ماعليكم امر حبيباتي

واقدر اعطيه شوربات كنور او ماجي بس اصفيهم قبل ؟؟

اول شي الحمدلله على سلامته واجر وعافيه انشالله

وبالنسبه للشوربات عطيه الشوربات اللي قلتي عنهاا بس طبعا مثل ما قلتي عقب ما تصفينهاااا

وهم يقدر يشرب ماي اللحم والدياي اذا كنتي بتسوين مجبوس خليله شوي من ماي الايدام مالج عشان يشربه

ولازم يشرب لبن وحليب

وهذا موضوع كنت كاتبته عن التكميم والنظام الغذائي

http://www.q8yat.com/t881684.html

 

[Sweetq8]

لاتعطينه كنووور و ماجي

الانهم كلهم مواد حافظه و ملح و صوديوم يخزنون الماي بالجسم و نزله يصير صعب <<<< هذا كلام سماح اخصائية التغذيه

انتي فوحي الدجاج او الحم او الخضرا و صفي مايها و اخذيها وبسسسس

والله يتم العافيه عليه يااارب