©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[غلاتي الكويت]

بنااات بنضم لكم قريب

رحت حق الدكتور خالد العنزي نفسيته اتهبل وعطاني اسوي تخاليل دم وو سونار ومنظاار

بس خايفه من المنظار يعوور؟؟

وحطيت موعد العمليه ١٥-١٠


وان خلصت التحاليل قبل بغير الموعد


حدي خايفه

بنات المنظار شلون طريقته بنج كامل ولا موضعي؟

 

[mizyana]

فجوره المنظار. ما يعطونج مخدر قوي تحسين بكل شيء الله يعينج

 

[غلاتي الكويت]

مزيانه مايصير اطلب بنج كاااامل؟؟؟

انزين اهوا يعوور ؟؟ وشكثرر المده

 

[بتبوتااا]

فجوره الله يتمم عليج حوبي

قبل سويت بالعدان منظار بنج كامل وما حسيت بشي عادي

 

[krkosha]

بتبوتا

هلا حبيبتي اهوه ناوي عند د خالد العنزي باذن الله

بس تصدقين انا بروحي ابي احد يعابل فيني زايد وزني وناطره ابي اسوي العمليه حايشتني كاااااااااااابه موطبيعيه اول مره بحياتي تحوشني جذي لدرجه ما فيني حيل اتكلم ولا لي خلق امشي بس قاعده واكل جنه الاكل بيخلص وبتصير مجاعه ياساتر


الله يصبرني ويرزقني واسويها ياااارب

 

[بتبوتااا]

الله يقومه بالسلامه ان شاء الله

انتي مسويه العمليه من قبل ؟

شوفي نطري ريلج يسويها وبعدين انتي يختي كلنا ندور الضعف

 

[krkosha]

اي انا عندي اهم شي اهوه يسويها بعدين انا بصراحه اهوه اولى وانا وزني 80 اقدر اصبر

لاحبيبتي ما سويتها ناطرته عقب مايخلص وعلى ما اتوظف باذن الله

 

[krkosha]

صاجه يااااحلووو الضعف يالله شدي حيلج ولما تولدين بالسلامه سويها الله يسهل عليج يارب

 

[kunkush]

السلام عليكم شلونكم متكممات عسا الله  ينولكم مرادكم ويمن عليكم بوافر الصحة والعافيه ... طبعا انا من المتابعات بصمت وقرأت الكثير والكثير وسهرت علي كل حرف كتبتوه بالقسم هذا واللي يشوفني يقول قاعده تعد لشهادة عليا  وطبعا طول فترة قراءتي وانا اتمرجح بين اليأس والامل وبين الخوف والطمأنينة وبين اكون او لا اكون  ومع كل صفحة اقلبها تنقلب فيها تعابير وجهي البسيطه ومع كل قلبه صفحة تنقلب مشاعري مابين فرححححة لدرجة اني احس اطلعتلي جوانح ومابييين احباط  وتردد وقلق والله ما ابالغ نفسيتي انعكست علي صحتي لدرجة النوم شبه اختفي والاكل قل وتعاملي مع اللي حولي تغير والكل بدا يلاحظ علي مع انيي ماسويت العملية للحين الله يستر لو اسويها شبصير والله اني تفاعلت وتقمصت شخصية كل وحدة فيكم تالمت مع اللي تالمت وبجيت مع اللي بجت وخفت مع اللي خافت و يعت مع اللي ياعت وحاشني احباط مع اللي مانزل وزنها ، مرة اكون اميرة بكلمتي بارادتي وفرحتي من ما حققته من هدف ومرة اكون مذهله٧٥ اتوقع جذي نكها من ندم والم وحسافه ومرة اكون يوفه من احباط ومن تيتي مثل مارحتي جيتي ... لدرجه اني افتح اعيوني (ريجي ) الصبح بمشاركاتكم واغمضها واتكون اخرصورة شفتها هم مشاركة من مشاركاتكم وتجاربكم اللي خلتني اهمل بيتي واللي حولي صرت انطر اللحظه اللي امسك فيها ماي اي فون ( ترا انقلش ) عشان اكمل اللي بديته اذكر جم مره نمت والاي فون بيدي ما اتركه من افز شوي اقعد اكمل محل ماوقفت صلاتي قل التركيز افكر بفلانه اشفيها مااكتبت شي اليوم وفلانه ليش حرارتها مرتفعه وفلانه الله يستر ويسهل عليها عمليتها واحسب الوقت من اخر شي اكتبته لمن القاها اكتبت شي اقول الحمدلله حية ترزق  ...... المهم هذا مو موضوعي ( كل هالقرقه وروايات الف ليلة وليلة وموموضوعي) هذي مشاعر ٣٠ ليله مع ٣ اجزاء من مسلسل متكممات ولكن .. وموضوعي بعد اشوي انشاءالله اطرحه وباخذ رايكم فيه واستفيد من خبرتكم انشاءالله وباي الحين ولنا عودة انشالله *

 

[love^angel]

فجورره انا مسويه منظار يعطونج منوم ما تحسين بشي والله و مدته دقايق انا سويته نمت وقعدت ولا جني مسويه شي والله ولا عوار لا بمعدتي ولا حنجرتي ولا شي جني كنت ماخذه غفوه و قعدت
انا سويته عند الدكتور سالم الشمري بالسلام ماشالله ايده خفيفه
بنات عمليتي باجر ان شالله ادعوووولي اقوم منها بالسلامه و تخلص دورتي باجر قبل العمليه و ارتاح منها

 

[أم مـنـ*ـار]

ام منار


سوري على لقافتي بس في جمعيات فيها دايت كير يكون جاهز تشترينه عادي

جزاك الله خير
ما عليك امر اي جمعية وين بالضبط وشنو تاخذين منه يفيدنا

 

[Miss nerd]

انا بس اذكر البنج تلوع جبدي الله يعافيكم في عوار وايد ولا عادي يعني اقدر اصلي وامشي انا قالي الدخول الساعه عشر ولازم تكونين صايمهً شنو ازهر بالبيت من عصائب وحليب يعني بعد العملية رجعتم وايد

 

[غلاتي الكويت]

بعد عمري بنات مشكورين ريحتووني

لوف انجل حبيبتي ان شالله سهالات للتفكرين ولاتحاتين وتخيليً شكلج مع الضعف واللبس وكل شي بيهووون

الله يسهل عليج ويقومج بالسلامه

 

[sheraZia_Q8]

الله يسهل عليكم يا بنات

 

[mizyana]

فجوره حبيبتي أنا سويت المنظار في مستشفى الصباح. و عطوني بنج خفيف وحسيت بكل شيء بس ما يأخذ وقت و أتوقع إلخاص أجسن و أم منار دايت كير في بجمعية الخالدية و ألفيحه و مركز السلطان و جمعية الروضه و اليرموك والدسمه ورميثيه والزهراء والقادسيه و ابو حليفه و في توصيل للمنازل رقمهم 1806050

 

[mizyana]

و البنات اللي خائفين يسون العمليه و ما عندج حل ثاني. عشان تظعفين صلي صلاة استخاره و تؤكلي على الله ألم جم يوم و وناشه طول العمر. والله يوفق الكل والجميع و نوصل حق هدفنا يا رب

 

[تمنيتك]

بنبوتاا


حبوبه انا اكل بس موالاكل اللي اهوو

يعني اليوم ظلعنا وتعشينا بماك انا اكلت بطاط شوي بس هذا ساعه 8ونص الحين اكلت لقمتين من الصمونه وبس حمدالله وطبعاا الظهر موماكله شي



واكثر شي ارتاح عليه السلطات وجم يوم فاصله علي فتوش من مطعم فتوش بوحليفه ​

 

[مشاعر]

مبروووك الجزء الثالث

 

[مشاعر]

اوووووووووووفه

انا مسويه جدول حق شعري

حنا ودهن وعلاجات الكل يقول تهبل حق الشعر تخيلي ماخليت ولاشي

وهم شعري يطيح وااايد احس نفس المطر

:

البنات اللي مسوين العمليه من زمان

قولوا لنا شسويتوا مع شعركم

دكتوري يقول عادي لازم يطيح ...عادي وين اصرفها اعدل شي ويخترب شي موقته

 

[بتبوتااا]

اي انا عندي اهم شي اهوه يسويها بعدين انا بصراحه اهوه اولى وانا وزني 80 اقدر اصبر

لاحبيبتي ما سويتها ناطرته عقب مايخلص وعلى ما اتوظف باذن الله

وزنج شوي بالنسله للعمليه توقعت اكثر فوق الاميه :eh_s(10):

عيل زيدي وزنج وتمتعي بالأكل قبل العمليه

وبشري على ريلج لمن يسويها ياقلبي

فجورره انا مسويه منظار يعطونج منوم ما تحسين بشي والله و مدته دقايق انا سويته نمت وقعدت ولا جني مسويه شي والله ولا عوار لا بمعدتي ولا حنجرتي ولا شي جني كنت ماخذه غفوه و قعدت
انا سويته عند الدكتور سالم الشمري بالسلام ماشالله ايده خفيفه
بنات عمليتي باجر ان شالله ادعوووولي اقوم منها بالسلامه و تخلص دورتي باجر قبل العمليه و ارتاح منها

الله يقومج بالسلامه حياتي عاد ما اوصيج قولي لنا الاخبار اول بأول :eh_s(7):

جزاك الله خير
ما عليك امر اي جمعية وين بالضبط وشنو تاخذين منه يفيدنا

اللي اعرفه بجمعيتنا ابو حليفه ومزيانا ما قصرت حطت باجي الافرع ورقمهم :eh_s(7):

بنبوتاا


حبوبه انا اكل بس موالاكل اللي اهوو

يعني اليوم ظلعنا وتعشينا بماك انا اكلت بطاط شوي بس هذا ساعه 8ونص الحين اكلت لقمتين من الصمونه وبس حمدالله وطبعاا الظهر موماكله شي



واكثر شي ارتاح عليه السلطات وجم يوم فاصله علي فتوش من مطعم فتوش بوحليفه ​

يا سلاام عليج بالعافيه شوقتيني على ماك

انزين حوبي متى بلشتي تاكلين ؟

وبسأل اليوم ريلي اكل روب خالي الدسم وبطاط سفينه جم حبه ولقمه لبنه

كان يوعان حده ما يأثر هالاكل ؟؟ اهو له الحين 7 ايام

يقدر ياكل شي خفيف ولا بعد مرحله السوائل ؟؟