©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[ام عيالي]

ريومه
الحال من بعظه
من كل النواحي اكس والوزن ثابت ومالي خلق اتحرك من البرد

 

[الأسطووره]

السلام عليكم



شلونكم اخواتي مع هالبرد الله يصبرنا ؟؟




انا ضايف خلقي لي شهرين وزني موقف ينزل كيلو ويتنحر وانا ذابحه عمري مشي و اراجع دكتورة تغذيه بس مشكلتي مع الماي و قاعده احاول واغصب عمري ادعولي ينزل هالوزن و اودع الثالث ارقام وارتاح مع اني للحين مع الاكل والترجيع بس اضغط على عمري شسوي يقولون ما ينزل الوزن الا بحرصج عالوجبات والله المستعان والله لا يضيع التعب



بس مالنا الا الدعاء ثم الدعاء ثم الدعاء

 

[love^angel]

لوف انجل
الله يتتمم عليج ويرزقج بالذريه الصالحه عاجل غير اجل يارب العالمين
الله لا يحرمج من هالنعمه يارب ويرزقج من حيث لا تحتسبين
اللهم استجب دعوتي وانه صايمه يارب العالمين

بعد عمري والله ما تقصرين
بشريني عنج شلونج الحين

 

[love^angel]

بنات الي صارلهم فتره مسوين العمليه عند دتور خالد العنزي او حتى غيره بعرف ليمتى اكل حوب النكسيوم؟؟ انا للحين اخذهم مادري اذا اوكي ولا خلاص اوقفهم

 

[ام عيالي]

لوف انجل
حتا انه بسأل نفس سؤالج ليمتا ناخذهم
اتصدقين اذكر بالعيد رحت الدمام والخبر ونسيتهم وتعايزت اشتريهم اهناك واللهومن ثالث يوم حااااارج واحساس ماني قادره اوصفه واصل لي بلعومي
اعتقد اذا صار جذي يعني مو لازم نهدهم الحين انه من هالموقف حسيت ان المعده لي الحين محتاجتهم
ونشوف ردود البنات الي اسألو دكاترتهم

 

[بتبوتااا]

الحمدلله بخير حوبي عساج بخير

ومتابعه

ايه

متى عمليتج وعند منو بتسوينهاا

 

[منوشات]

بنات نصيحه الي ماسوت التكميم اتاجلها للصيف
والله عذاب بالشتا بس يوعانه طول الوقت يوعانه شسوي ياربي المشكله مو قادرة اكل اي شي انا بمرحله المهروس ومعدتي ماهي متقبله اي شي
حدددددي مكتئبه مع البرد
الله المستعان

 

[تعبت من الرجيم]

يابعد قلبي كل من سال عني

والله انا الحمدلله بخير،،
ومن داومت وشافوني هالاوادم والوزن ثابت و24ساعه يجيني شي غريب سواد وضربات قلبي :eh_s(11):وانا لي اللحين سوائل ماتجرات اكل مهروس ابد لان وزني ثابت

بس لايطوفكم هههههه صرت امشي بالبجامه بالبيت ،،وامي تقولي حجيه تري مانزلتي 20 كيلوا عشان تتمشين كل بلاويج طالعه هههههه مدري من قاص علي قالي صرتي رشيقه ​

 

[شقى عمري]

هاي بنات شلونكم انا صارلي اليوم رابع يوم من العمليه وامس يتلي الدوره ولازم اخذ حبوب المنع خامس يوم الدوره شلوون عفيه ساعدوني لازم يوم اليمعه اخذهم

قلت حق سكرتيرة دكتور خالد وماردت عليي


جاوبوني بليييز

 

[ام عيالي]

تعبت من الرجيم
ماتشوفين شر حبيبتي
الضاهر انتي امعلمه الكل عن العمليه
انه ما احب جذي اصلا ماوصلنا للوزن المثالي علشان الكل يدري
الافضل انج تقولين امسويه رجيم احسنلج من عيون هالناس حتا الرشيقه بتخليج موضوع دسم لقعداتها وتسولف عنج بس جذي المهم تتكلم
واذا عن البجامه انه نفسج قمت البس اللبس الي عندي وضاج علي وقبل كنت مفتشله البسه لاتلبسين وسيع عشان اتحسين بالضعف وتتحمسين اكثر واكثر

 

[مذهلة 78]

السلام عليكم شلووونكم بناات

طبعا البرد مو طبيعي وانا بس قاعده واتشهى و آكل بعيوني واتحسر

ريم وام عيالي حالي من حالكم من ناحيه الويه والشعر ويمكن ازيد

طبعا الدكتور كان كاتبلي على ابر فيتامينات فادوني بنسبه بسيطه

والحين قاعده استعمل شامبو فيتشي خذيته من الصيدليه قلت بجربه

لان اختي استعملته ووايد فادهاااا

بنات اللي صارلهم 6شهور واكثر من سوو العمليه حبيت استفسر متى اقدر اكل طبيعي

بدون ما احس بألم صج تعبت من الاحساس بالغصه والمغص اللي اييني ابي ارتاح وبنات منو فيكم

تعاني من هالمشكله

 

[تعبت من الرجيم]

تعبت من الرجيم
ماتشوفين شر حبيبتي
الضاهر انتي امعلمه الكل عن العمليه
انه ما احب جذي اصلا ماوصلنا للوزن المثالي علشان الكل يدري
الافضل انج تقولين امسويه رجيم احسنلج من عيون هالناس حتا الرشيقه بتخليج موضوع دسم لقعداتها وتسولف عنج بس جذي المهم تتكلم
واذا عن البجامه انه نفسج قمت البس اللبس الي عندي وضاج علي وقبل كنت مفتشله البسه لاتلبسين وسيع عشان اتحسين بالضعف وتتحمسين اكثر واكثر

ام عيالي ،،
من صجج ! انا ابوي مايدري بالعمليه ،،
محد يدري الا امي،،
بس الحريم يموتون بالتبحث

 

[بتبوتااا]

حياتي مذهله

ريلي كمل ثلاث شهور ولي الحين يحس بألم اذا اكل شي دسم وايد او ثقيل واهو بس يحس بنغزه او مغص يوقف اكل

بس ماشاء الله الاحظه بسرعه ايوع يعني ياكل تفاحه صغيره بعدها بنص ساعه يشرب جاي

المكسرات كميه مفتوحه عادي وصج ووووين زين المكسرات والكاجو والفستق للدم والهبوط

وبعدها بساعه توسته مع جبن او لبنه يعني جذي ياقلبي

 

[** آية من الجمال **]

:eh_s(16)::eh_s(16)::eh_s(16)::eh_s(16):

انا ابي ازنط روحي
وزنت الصبح والا وزني متنح
مو متحرك حتا غرام
انا السبب والعله الحين نفسي توزني قوي اكلي كاكاو

للتوضيح انا ماكله اروو وليس اوريو واي اخاف اكل اوريووو

توني الحين طلبت لليهال بيتزا قاعده افكر يصير اكل موتزاريلا ستيك اوو من الجبن
ياربي شسوي بعمري!! الاكل حاجه نفسيه اكثر من جسديه
اتهقون اروح جلسات علاج نفسي؟
الدكتور يقولي اذا ماتقدرين علي نفسج روحي جلسات

صدقي او لاتصدقي يا ايه
لما رراجعت اول سؤال سئلوني اياه قالو لازم نساله كل المرضي
هل تندمتو انكم سويتو العمليه؟
سيدا قلت لأ
قالولي انتي من الواحد بالاميه اللي جاوبو هالاجابه لان الكل عقب تعب العمليه والحرمان من الاكل يقولون احنا شسوينا بعمرنا و99 بالاميه قالو ندمنا ان سويناها باول مراجعه



اول ماصحيت من العمليه قالي الدكتور اول شي تسوينه باجر تقومين تمشين وان قدرتي تمشين بالليل قومي ليش؟
يقول احنا لما نبتدي العمليه ننفخ الجسم بهوا (عشان جذي في غازات) عشان مانحوش الاعضاء الثانيه
من ندش البطن الامعاء توقف عن الحركه وهذا من رحمه الله يقول الدكتور تخيلي احنا نشتغل والامعاء تتحرك يمكن نحوشها بالغلط
عقب العمليه تظل غازات موجوده والامعاء خامله
شلون ترجع الامعاء تتشغل؟ لما تمشين ينضخ الدم بالجسم وترد الامعاء نشيطه وتطلع الغازات
اكثر شي يضايقج بعد العمليه واللي يسبب ترجيع وتعب الغازات
واكثر شي يريحج المشي
لان يحرك الامعاء ويساعد الجسم ان يصرف الغازات فترتاحين
عشان جذي لي دشيتي المستشفي لاتنسين تاخذين وياج روب زين تطلعين تمشين فيه بالممر

ونسيت لاتغلطين غلطتي
يبتلي بجاما
قلت استر لي يو يكشفون علي بدال لا ارفع دراعتي
اللي بيحصل ماراح تقدرين تلبسينها لان في جرح تحت الصدر واحد وثلاث تحت (واحد بالسر واثنين يم السر يمينه ويساره) يعني ماتقدرين تلبسين بنطرون

اي سؤال ثاني يا ايه انا حاضره
ومتي عمليتج حبيبتي؟
وعند منو؟



منوشات انتي جنيتي علي عمرج
يوم ان تبين تاكلين
اكلي وتفليه بكلينكس لاتبلعييييييييييييييييييييييييييييييييين
لاتقولين لقمه صغيره
تدرين انتي شنو سويتي؟
تخيلي بيبي رضيع بوو جم شهر توكلينه مجبوس شيصير فيه؟
هذا اللي سويته معدتج معده بيبيي
وبعدين جرح المعده لي الحين مابرااااا
المعده لاحمه بالخياط
ولي الحين ماتحمل
وانتي حطيتي فيها اكل
ترا تجازفين ان جرحج يتبطل !!!!!
لاتعيدينهااااااااااااااا
تزيدين خطر التسريب

مشكورة يا فنر7 على شرحك الرائع :eh_s(15): والله ماذكرتيني إلا بـ"سما" لما أسألها أي سؤال توضح لي من قلبها وتشرح لي ... تبرد الجبد وتريحني ... إن شاءالله لي يت باجر وتعرفتي عليها بتشوفين طيبة قلبها وبيعجبك إسلوبها ... :eh_s(17):

بالنسبة حق البيجاما سألت فيها الدكتور وقال عادى مالها شغل ... وصج عادى صراحة أريح شلون عيل الآندروير!!!

بس البنطرون أتوقع تسكيرته تضايق ... غير لما يكون سير

إن شاءالله وبعد التوكل على الله نويت أسويها ... يوم الأثنين القادم بتاريخ 12/12 بإذنه تعالى عند الدكتور أحمد الهيفي ... إدعيلي الله ييسر أموري ويسهل علي ... وعندي جم سؤال دام قلتيلي إنك حاضرة ماني مترددة بسؤالك...

 

[** آية من الجمال **]

بنات احبكم في الله كلكم بدون استثنااء

ايه يالله سوييها توكلي علي الله

فنر الحمدالله علي سلامتج وفالج الرشاقه ان شالله ولاتخربطيين عشاان يتحررك الميزاان


مذهله ياقلبي ماتشوفين شررر رووحي سوي تحاليل اخاف عندج نقص فيتامين ، او سالي دكتورج


منوشات حرااام لاتعبين معدج انتي تووووج لاتجااازفييين الزهره اصلا تسوي غازااات

أحبك الله الذي أحببتنا به

إن شاءالله وبعد التوكل على الله نويت أسويها ... يوم الأثنين القادم بتاريخ 12/12 وشكرا على التشجيع حتى لو كان بكلمة يالله سوييها :eh_s(7):

 

[** آية من الجمال **]

آيه يالغاليه غلبتج حييييل معاي
ياحياتي اسم الله على عيونج
والله اني متفائله بس شسوي والله اتحبط لاتوزنت ولقيت نفسي مو نازله صج صج العدو الاول للريجيم هو الميزان بس حلفت ما اوزن الا عند الاخصائيه وبودع اي ميزان ثاني
الحمد لله احسن من اول الحين
تصدقين كل ما اشوف الاكل تلوع جبدي بعد ما كليت الزهرة وانغثيت صرت كل ما اشوف الاكل انغثثثثثث
اعتبر هاذي نعمه ولله الحمد
يارب يارب يارب افرح بقومتج بالسلامه من العمليه وتفرحين وتستانسين بنزول وزنج

حبيبتي انت... :eh_s(17):

قعدت أفكر ليش قلتي العدو الأول للرجيم هو الميزان >>> العدو يعنى الضد أو العكس وعدو الرجيم هو الاكل :botetoo: وبعدين الميزان نفس عمر الإنسان مجرد رقم ... صج هالرقم أحيانا ينزل ويصعد ويلعب بالنفسية مثل أسهم البورصة ... بس لا تخلينه يتحكم فيك وخلي ميزانك يكون إحساسك بالخفة وحركتك ... إنت لاحظي نفسك بقومتك وقعدتك حتى بصلاتك ... تري الميزان ما يقيس هالأشياء ..!

وماسوت عليك هالزهرة :cxxxp: إللي قثتك أجر وعااافية


مع تمنياتي لك بالرشاقة المليئة بالصحة والعافية :eh_s(8):

 

[** آية من الجمال **]

تابع >>> فنر7

انا ابي ازنط روحي
وزنت الصبح والا وزني متنح
مو متحرك حتا غرام
انا السبب والعله الحين نفسي توزني قوي اكلي كاكاو

للتوضيح انا ماكله اروو وليس اوريو واي اخاف اكل اوريووو

توني الحين طلبت لليهال بيتزا قاعده افكر يصير اكل موتزاريلا ستيك اوو من الجبن
ياربي شسوي بعمري!! الاكل حاجه نفسيه اكثر من جسديه
اتهقون اروح جلسات علاج نفسي؟
الدكتور يقولي اذا ماتقدرين علي نفسج روحي جلسات

إذا بخاطرك قوى على قولتك كاكاو >>> إكلي "كاندريل" أو أي نوع من كاكاوات الدايت متروس بالجمعية إكلي لك قطعة بس عن خاطرك ويكون مكان وجبة عشان ما يأثر سلبي بوزنك ولاتحرمين نفسك...

وشنو يعنى يقولك إذا ماتقدريت على نفسك روحي جلسات >>> من صجه!!! الحمدالله والشكر هذا منو بعد؟

الحمدالله ما فيك إلا العافية ... لاتروحين طبيب ولا خرابيط ...

وإكليلك تميرة ثنتين ثلاثة أفيد من الكاكاو ويقلل رغبة السكر عندك!

وسلامتك

 

[** آية من الجمال **]

ما أدري ليه كلامكم هنا يحطم اش دعوة مسوية عملية ودافعه كل اللي ورااااي عشان انحف و بالاخير يمكن ماننحف ما يصير كل الناس اللي سوو تكميم و بعيني نحفوا مررررررره انتم من جدكم ؟؟؟
بعدين انا عندي سوال انا من يوم قابلت الدكتور و قررت العملية بعد شهر و اسبوع من الحين و انا زايده 4 كيلو كنت 86 و صكيت 90 و بصراحة ماودي ازيد فهل التزم ببرنامج قبل العملية و شكرا

حياك الله "أموووره9" معانا

حبيبتي الكلام ما يحطم إلا إللي يقراه من ناحية سلبية >>> هذي تجارب البنات وكل وحدة نقلتها نفس ما إهيا بدون رتوش عشان الكل يستفيد ... بالعكس تجاربهم واقعية وحلوة ...

بالنسبة حق إلتزامك ببرنامج قبل العملية فجوابي لك بيكون من شقين شوفي إللي يناسبك...

1) في حالة إذا كنتي مو راعية رجيمات وأنظمة بحياتك من قبل >>> يفضل إنك تبدين بنظام لتهيئتك إلى ما بعد العملية حيث أن العملية بداية المشوار أو المفتاح إللي بعدها بتكملين الطريق بالإعتماد على نفسك بإذن الله

يعنى العملية 50% و50% الثانية عليك من ناحية الإلتزام بنظام غذائي مناسب والرياضة :eh_s(15):

2) في حالة إلتزامك بأنظمة غذائية مختلفة وممارسة التمارين أو إحداهما بحياتك من قبل >>> فيمكنك أخذ استراحة وتناول ما تريدين حتى وقت العملية وإن إزداد وزنك فلابأس حيث ستخسرين كل الوزن الزائد بعد العملية بإذن الله

وشكرا ... تحياتي :eh_s(8):

 

[** آية من الجمال **]

شلونكم يا بنات؟
من زمان مادشيت اهني ولا تواصلت معاكم

الحين صارلي 10 شهور من سويت العمليه
والحمدلله نزل وزني بصحه وعافيه
بس مشكلتي الحاليه ابي اوقف وزني , مابي انزل اكثر
شسوي؟
اخاف افتح ع الاكل وامتن :/
انا بس ابي اوقف


++++++++


حبيباتي المتكممات اليدد ..
مااوصيكم لاتهدون فيتاميناتكم
وحبوب بريورين للشعر
و المشي
ويفضل الرياضه

صباح الخير AFRoDiT

احكيلنا عن تجربتك ... ما شاءالله عشرة شهور مو مدة بسيطة ... الله يتمم عليك بالصحة والعافية

يا ليت تفيدين خواتك وتكلمينا عن تجربتك عند منو سويتيها؟ وين؟ والتكلفة؟ وتفاصيل الوزن؟ كذلك السلبيات والإيجابيات التي حدثت معك؟ وإذا كان هناك أية مضاعفات؟ ومن متي بديتي تناول حبوب تقوية الشعر؟

أتمنى ما تتضايقين من استفساراتي ... بس عشان تعم الفائدة للجميع :ggdw:ونبي بعد توصياتك الذهبية للمتكمكمات الجدد وهل تشجعين إللي ما سواها إنه يقدم عليها؟ :eh_s(1):

وحياك الله معانا ... وبالنسبة حق سؤالك أفضل تراجعين أخصائية تغذية ... بس أعجبتني "أخاف أفتح عالأكل" فهل بعد هالمدة من التكمكم يرجع الإنسان يآكل طبيعي نفس قبل العملية؟

أتوقع إذا كان أكلك صحي ومتوازن مع تتمارين معتدلة يثبت وزنك إن شاءالله بس خلي إللي يدخل الجسم متعادل مع الطاقة الخارجة وما عليك إلا العافية :eh_s(7):

تحياتي :eh_s(8):

 

[** آية من الجمال **]

السلام عليكم



شلونكم اخواتي مع هالبرد الله يصبرنا ؟؟




انا ضايف خلقي لي شهرين وزني موقف ينزل كيلو ويتنحر وانا ذابحه عمري مشي و اراجع دكتورة تغذيه بس مشكلتي مع الماي و قاعده احاول واغصب عمري ادعولي ينزل هالوزن و اودع الثالث ارقام وارتاح مع اني للحين مع الاكل والترجيع بس اضغط على عمري شسوي يقولون ما ينزل الوزن الا بحرصج عالوجبات والله المستعان والله لا يضيع التعب



بس مالنا الا الدعاء ثم الدعاء ثم الدعاء

الأسطورة ..... لاتضيقين خلقك ولاشي وقولي الحمدالله دام إنه واقف وينزل كيلو ويتنحر على قولتك .... وإنت مستمرة بالمشي والتغذية السليمة وهذا أهم شي .... مرده بينزل وبتفأجأين بنزوله :rerrerek: لاتحاتين

بس يا ليت تذكرينا بدكتورك والوزن قبل / بعد والفترة والمدة مشكورة

:eh_s(8):