©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[** آية من الجمال **]

حبيبتي آيه الدكتور بالاصل بركز اكثر شي على المشي بعد العمليه حيييييل مفيد
وصج مافي خلق للمشي واحياناً في دوخه بس انا احاول امشي حتى لو ربع ساعه بالبيت ارتاح على المشي
ان شالله ربي يكرمج وتسوينها وتشوفين وقتها شلون المشي مريح خاصةً للغازات المشي يصرفها بفضل الله

حبيبتي كان عندج كلام لي وقلت اني بانتظارج وتذكرتي اليميع اليوم الا انا

أول شي أشكرك على معلومة المشي ... :eh_s(15):

وبعدين شلون تقولين نسيتك؟ أو ما تذكرتك ..!

أنساك.. دا كلام.. أهو دا إللي مش ممكن أبدا أبدا ... الله يهداك بس

القصة وما فيها إنه عيوني راحت وأنا أقلب الصفحات أدور كلامك إللي كنت بعلق عليه ما لقيته!!!

بس على ذاكرتي ... قلتي إنك حاسه إنك منتي بنازله وبيوقف وزنك ... على ما أذكر:eh_s(10): فتعليقي البسيط كالتالي:

إنه الإنسان هو ما يرى نفسه فيه إن خيرا فهو خير وإن شرا فشر

بمعنى >>>>> إنك إذا ظنيتي إنه وزنك الزايد ما راح ينزل أكثر >>> راح يتحقق لك هالشي

الخلاصة >>> تفائلي تفائلي وهم تفائلي أحسني الظن بالله وإذا طلبتم الجنة فأسئلو الله الفردوس الأعلى

يعنى خلي طموحك عالي وكوني على يقين وثقة بالله إنك بتحطمين وزنك الزايد كله بتفجرين فيه قنبلة وإتطيرينه مع كل شره ... خلي عندك أمل طموح وتفآئل "تفآئلو بالخير تجدوه"

مثلا قولي مهي مخلصه هالسنة إلا وأنا مطيحه مو أقل من 20 كيلو (مع الـ6) مثلا وشذي سيري إلى الأمام دايما حبيبتي

أنتم السابقون ونحن اللاحقون

شوفي ما هان علي أقرى ردك وأخليك لي باجر ... قلت ما أنام إلا لما أجاوبك عشان ماتقولين تذكرتهم ونسيتك ... عاد الحين :ch12: بنام وباجر إن شاءالله بعلق على خواتي المتكمكمات :weight_lift:

 

[غلاتي الكويت]

بنات احبكم في الله كلكم بدون استثنااء

ايه يالله سوييها توكلي علي الله

فنر الحمدالله علي سلامتج وفالج الرشاقه ان شالله ولاتخربطيين عشاان يتحررك الميزاان


مذهله ياقلبي ماتشوفين شررر رووحي سوي تحاليل اخاف عندج نقص فيتامين ، او سالي دكتورج


منوشات حرااام لاتعبين معدج انتي تووووج لاتجااازفييين الزهره اصلا تسوي غازااات

 

[بتبوتااا]

صباح الخير

حطو بالكم البرد ايوع وترى انا من الي اقراهواشوفه من اهلي المتكممين انه كل ساعه او ساعتين ايوعون وهالشي طبيعي

وحيلكم بالشغلات الدافيه والاعشاب

 

[غلاتي الكويت]

اخر اخباري كملت شهرين من العمليه الحمدالله

النادي اشركت وماااالي خلق اتحرك من البرد شسوي بعمري

ودي جسني مايترهل بس انا اساسا بطني مو شاد حتي انا ومتينه فمتوقعه ترهل كبير بهالمنطقه

 

[غلاتي الكويت]

صباح الخير

حطو بالكم البرد ايوع وترى انا من الي اقراهواشوفه من اهلي المتكممين انه كل ساعه او ساعتين ايوعون وهالشي طبيعي

وحيلكم بالشغلات الدافيه والاعشاب

اهلين بتبووت اي والله البرد ايوووع وايد

طمنينا عن ريلج

 

[krkosha]

صبااااحو حبايبي شلونكم اليوم ؟

بنات تكفون قاطين 3000 وغير التعب وحالتكم حاله ليش تخربطون جان قعدتو وماسويتو عمليه وكليتو على راحتكم

يلااا بلاا دلع كل وحده تمسك روحها طول عمركم تأكلون قضبو نفسكم هالجم شهر

 

[منوشات]

فنر7
حبيبتي انا ما جنيت على نفسي .. ليش؟!!
لان الدكتور معطيني جدول فيه اكل مهروس من ضمنه الدياي بس يكون مطبوخ عدل واهرسه بالشوكه وامضغه عدل و( ابلعه) وعندي بطاط مهروس انا بس استبدلت البطاط بالزهرة وطافني انها تسوي غازات طبعاً كانت مطبوخه عدل وهرستها وكليتها كانت حدهاا صغيرة والدياي ماقدرت اكمل قفشه صغيرةوعلى طول لاعت جبدي وطول الليل مانمت ذبحتني الغازات.. بس توبه عن الزهرة شسوي كليتها ماقدر اقاومها

انا كلمت اخصائية التغذيه وقلتلها ان الجدول ماناسبني وما قدرت اكل شي قالت مايخالف لاتغصبين روحج ما في شي اسمه غصب بالعمليه بس كل يومين جربي تاكلين وجبه من الي بالجدول قالت لازم اعرف شنو الي يناسب معدتي اليديدة واكله لازم اعود المعدة على الاكل
وهاذا سبب اني كليت دياي وووووو الزهرة

 

[منوشات]

آيه يالغاليه غلبتج حييييل معاي
ياحياتي اسم الله على عيونج
والله اني متفائله بس شسوي والله اتحبط لاتوزنت ولقيت نفسي مو نازله صج صج العدو الاول للريجيم هو الميزان بس حلفت ما اوزن الا عند الاخصائيه وبودع اي ميزان ثاني
الحمد لله احسن من اول الحين
تصدقين كل ما اشوف الاكل تلوع جبدي بعد ما كليت الزهرة وانغثيت صرت كل ما اشوف الاكل انغثثثثثث
اعتبر هاذي نعمه ولله الحمد
يارب يارب يارب افرح بقومتج بالسلامه من العمليه وتفرحين وتستانسين بنزول وزنج

 

[منوشات]

بنات احد يعرف شي عن سما مو عوايدها تغيب جذي
عسى المانع خير

 

[مذهلة 78]

فجوره حبيبتي الله يسلمج من كل شر والدكتور كتبلي على ابر حديد وخذيت الكورس كله

وفنر حبيبتي رحت حق دكاتره جلديه بس كلهم قالولي ويهج ما يحتاج فلرز تحتاجين جلسات بايوديرما

وانشالله ويهج راح يصير احسن وهالجلسات مفعولها بطيء

والله بنات قبل كان ويهي جنه مكيج من الله الخدود حمر و شفايفي و رديه وبشرتي نضره الحين ما اطلع الا وانا حاطه كيلوا فونديشن وكونسيلر عشان

اخفي السواد اللي تحت العين وصفار الويهه وابين طبيعيه وانا طبيعية ويهي المكياج الوايد والثقيل حيل ما يلوق عليه اصير جني ساحره

يعني لا. بمكياج نافع ولا بدون نافع وعموما وحده من البنات عطتني رقم وحده تبيع خلطه حق الويه وتبين النتيجه خلال اسبوع بجرب وبشوف

انشالله تكون صادقه بكلامهاا وبنات والله انا مو قاعده اقول جذي عشان اكرهكم بالعمليه او احبطكم بس لازم الواحد يكون صادق بالحجي اللي ينقله



ولازم تعرفون الجوانب السلبيه لهااا وما تتفاجأون مثلي ولازم تعرفون شنو الاشياء اللي راح تواجهونهااا غير مشكلة ثبات الوزن

 

[ام عيالي]

يعني عقب الثلاث شهور متا يوقف الوزن ومتا يرجع يتحرك ثاني مره
تكفون ردو علي لا تحقروني اهي اهي اهي
احس وزني ثابت ليش ليش
ارجع السوائل ثاني مره ولا اشلون
انصحوني
الي صارلهم فوق الثلا ث شهور شنو صار وياهم بالظظظظظظبط

 

[أموووره9]

ما أدري ليه كلامكم هنا يحطم اش دعوة مسوية عملية ودافعه كل اللي ورااااي عشان انحف و بالاخير يمكن ماننحف ما يصير كل الناس اللي سوو تكميم و بعيني نحفوا مررررررره انتم من جدكم ؟؟؟
بعدين انا عندي سوال انا من يوم قابلت الدكتور و قررت العملية بعد شهر و اسبوع من الحين و انا زايده 4 كيلو كنت 86 و صكيت 90 و بصراحة ماودي ازيد فهل التزم ببرنامج قبل العملية و شكرا

 

[bee alh]

دعوووووووواتكم عمليتي بعد سبوعين
متابعه بصمت

 

[bee alh]

بنات قبل سنه الدكتور عطاني حبوب رايسك قالي استخدميهم لي موعد العمليه لانه فيج التهاب :/
وانا للحين استخدمهم بس مو كل يوم لاني ما رحت لدكتور عقب ما سوالي منظار وسونار بس مشيت على كلامه بس عمليتي بعد سبوعين اوقفهم ولا استمر عليهم

 

[ام عيالي]

اشدعوه بنات مافي وحده ترد علي
وبنج ياسما عسا المانع خير
ام العيال شخبارج من زمان قطعتي
فجوره
ريم شخباركم

 

[badlya]

السلام عليكم اختى لا تحاتين ان شالله مافيج الا العافيه راجعى الدكتور وتاكدى من شفائج من الالتهاب لاتسوينها ونتى مو متاكده لان ممكن تسوى مضاعفات والله يسهلج وتحققين حلمج مثلى

 

[غلاتي الكويت]

ام عيالي الوزن طبيييعي يوووقف لاتحاتين مارده بينزل ان شالله هذا حجي الدكتور

تحركي امشي وان شالله يتحرك الميزان

اموره حاولي تثبتين وزنج لين وقت العمليه احسن

Bee الله يقومج بالسلامه وبالنسبه حق الحبوب سالي الدكتور احسن

منو دكتورج ؟؟


وايد بنات مفقودين عسا المانع خيير يارب

 

[ام عيالي]

فجوره تسلمين علا الرد

 

[love^angel]

شلونكم بنات شخباركم ولهت عليكم
الي بالنادي بشرو شلون النزول مع الرياضه
انا للحين ما اشتركت انطر ريلي يقتنع عقب ما خربت على نفسي سنه ما رحت
انا للحين نازله ١٨ كيلو وبكمل ٣ شهور بعد اسبوع نزولي زين؟
انا اقول الحمدلله لني صرت ٧٥ صج نزولي مو وايد سريع بس الحمدلله مو مبين التعب على ويهي وهاذي ميزة نزولي
مذهله حبيبتي شخبارج
ويهج جذي لنج نزلتي بسرعه اول شهرين لما كنتي تعبانه
حاولي تاكلين شغلات مفيده و اخذي ادويه وانشالله يرد ويهج نفس قبل و احلى

تصدقون بنات لما كنت ٩٣ ريلي كان يقول ما تحتاجين عمليه انتي مو وايد متينه بس يبيلج شوية رجيم
ولما سويت العمليه وصرت بالسبعينات قالي طلع ويهج و صرتي كتكوته توني استوعب الفرق

الي متردده بالعمليه تسويها بسررعه لنها صج تغيير حياة اجتماعيه و زوجيه و نفسيه حتى صحتج ونشاطج يصير احسن اذا التزمتي بالادويه والاكل الصحي

ادعولي احمل بنات و ربي يعوضني سنين الحرمان

 

[AFRoDiT]

شلونكم يا بنات؟
من زمان مادشيت اهني ولا تواصلت معاكم

الحين صارلي 10 شهور من سويت العمليه
والحمدلله نزل وزني بصحه وعافيه
بس مشكلتي الحاليه ابي اوقف وزني , مابي انزل اكثر
شسوي؟
اخاف افتح ع الاكل وامتن :/
انا بس ابي اوقف


++++++++


حبيباتي المتكممات اليدد ..
مااوصيكم لاتهدون فيتاميناتكم
وحبوب بريورين للشعر
و المشي
ويفضل الرياضه