¨°o.O (التجمع الثاني لطالبات " كلية التربية " جآمعة الكويت) O.o°

[سحابه حزينه]

يمال العافيه صدق فزااااااااااااعه

 

[سحابه حزينه]

بس السستم للحين معلق اخاف يعلق بعد ساعه 7
اهئ اهئ

 

[فديتـ♥ترابـ♥الكويتـ]

خالد مجبل الرميضي

المختصر المفيد- معظم الطلبة يقولون
5/3.8
ان مستوى الاختبارات صعب
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 58


التقييم ملاحظات الطلبة
- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: مبادئ تربية التاريخ: 2009-08-29
الطالب: نونو رقم التقييم: 18726
بكل صراحة الدكتور محاظرته تنوم بس ساعات يونسنا , المادة بايخة , طريقته انه يعطي ثلاث امتحانات كل واحد من 15 غير الفاينال من 50 و5 درجات على الحظور , واذا امتحنا بكمية ما تدش بالفينال وهذا شوي خفف علينا بالفينال , ويخيركم اذا تبون موضوعي ولا مقالي, ومو شرط تحلون كل الاسئله ,بس الفاينال كان 50 سؤال موضوعي والسؤال بدرجة هذا اللي وهقنا وخذيت -A
اهوه بصراحة طيب ومحترم و يحب يسولف واايد, بس انصح فيه لان واايد احسن من غيره

- النجوم:
- المستوى: متوسط الصعوبة
- الشرح: شرح متوسط
- حصلت على: B
ننصح به
المـادة: مبادئ تربيه التاريخ: 2009-08-12
الطالب: بنت العز وكلمتي تهز رقم التقييم: 18580
خوش دكتور من ناحية التعامل والاخلاق بس والله شرحه ممل وينوم وامتحاناته زووينه مو صعبه ولا سهله حيل يعني وسط

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تربيه اسلاميه التاريخ: 2009-06-22
الطالب: ع ـلي رقم التقييم: 17650
الدكتور عجيب

شرحه فوق الممتاز معاملته عسللل

ماكو تفرقه طيب لي درجه ماتصورونها

انصحكم عنده والاهم انه ان زادكم ولا مانقصكم

- النجوم:
- المستوى: صعب
- الشرح: شرح جيد جدا
- حصلت على: B
ننصح به
المـادة: أصول تربية التاريخ: 2009-05-28
الطالب: LeLLa89 رقم التقييم: 17408
الله يعطيكم العافية

دكتور خالد كله عسل.. و حبوب و نفسيته تينن على الكل, ودايما مبتسم هذا اهم شي يدفعنا حق الدراسة..

بس الشرح مو على قدنا :/ يعني وايد يشطح بالخيال و ينزل مرة وحدة على الأرض! ومادري شلون يربطه بالدرس!

امتحاناته مثل ما ثالو تحتاج فهم وتفسير.. بس والله تعامله راقي معانا.. و مرة رحت معاه المكتب و اهوا كلش ما يحب السوالف p; نســـولف ليين وصلنا لي قضية مذاهب و لقيته متفهم يسمع مني كأني دكتورة حالي حاله..

و نعم الدكاترة والله

- النجوم:
- المستوى: صعب
- الشرح: شرح متوسط
- حصلت على: B
ننصح به
المـادة: اصول تربية التاريخ: 2008-12-28
الطالب: totti رقم التقييم: 15801
الامتحانات:
صعبة شويه لازم تفهمين عشان تجاوبين ومعظم الاسئلة تطبيق على الواقع يعني ما يجي الامتحان كله من الكتاب ( مو مثل الثانوية )
التعامل :
محترم بمعنى الكلمة
الدرجات :
يناقش فيها وياخذ رايكم
شنو تفضلون.
البونصات:
احنا كنا شعبة مشاغبة وحرمنا من كل البونصات .
الغياب :
شديد على الغياب مايحسب اول ثلاثة غيابات ويقدر الظروف اذا حالة وفاة او عرس او أي شيء ثاني
انصح فيه بالتوفيق.

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: أصول تربية التاريخ: 2008-09-13
الطالب: el3obed رقم التقييم: 15319
الدكتور ممتاز الصراحه من ناحية التعامل مع الطلبة و ما يقصر بالدرجات بس ضروري الدوام عنده ، إلي يداوم عنده يقدره و ما يقصر معاه .

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: اصول تربية التاريخ: 2008-09-03
الطالب: salamlam رقم التقييم: 15181
الدكتور زين واخلاقه حلوة وغشمرجي ويعطي بونس على الحضور وامتحاناته اوبن بوك باستثناء الفاينل نصيحة لا تغيبون عنده وواحد زفت بالامتحان عادله ياه

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: اصول تربية التاريخ: 2008-09-01
الطالب: aisha رقم التقييم: 15149
الامتحانات كانت شوي صعبة بس كان يخيرنا بين المقالي و لموضوعي و مع هذا كانت اوبن بوك ..
الدكتور محترم وتعامله وايد راقي مع البنات

ووانصحكم تاخذون عنده

- النجوم:
- المستوى: صعب
- الشرح: شرح متوسط
- حصلت على: B
ننصح به
المـادة: مباديء تربية التاريخ: 2008-08-26
الطالب: nenga3 رقم التقييم: 15091
انا ان شاء الله باخذ عنده الكورس الاول بس حضرت له محاضرتين وايييييييييد ممله بس على كثر ما تمدحونه ان شاء الله يطلع زين

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: 804129اصول التربية التاريخ: 2008-07-21
الطالب: شاهين رقم التقييم: 14616
بايخ

- النجوم:
- المستوى: صعب جدا
- الشرح: شرح متوسط
- حصلت على: C
ننصح به
المـادة: اصول التاريخ: 2008-06-20
الطالب: .:candy:. رقم التقييم: 14342
خوش دكتور وامتحاناته واااااااايد صعبه ووبين الاسطر وفوق هاذا open book ومزفتين
بس وايد طيب ويعطي بونصات..
- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: مبادئ تربية التاريخ: 2008-04-25
الطالب: دلال رقم التقييم: 13681
الصرااحه لو تكلم ماراح اوفي له حتى لو ربع من حقه

دكتور يسااعد الطلبه لابعد الحدووود

المدتيرمات كلها open book

ومحترم وملتزم صج ان محااضرته تنوم بس يساعد ويرااعي ظرووف الطلبه

والله يوفقه انشالله ويوفقكم اجمعين

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: أصول تربية التاريخ: 2008-03-18
الطالب: جامعيه03 رقم التقييم: 13496
مرحبا ، اولا بسم الله الرحمن الرحيم

كتبتها من صميم القلب يعزفها شدوي وشعري واشجاني واحساسي

هالدكتور عجيب ، انسان يندر وجوده بهالزمان ،انا طالبه عنده من خمس سنوات وكل يوم اسأل عنه وعن أحواله وهو مايقصر يحب كل طلابه ويقدرهم ومايحقد عليهم وصدقوني علاقته ممتازة مع جميع طلابه حتى بعد ماينتهي الكورس الدراسي .........
كانت الدراسة عنده قمة المتعة .. شيقة ومحاضراته فيها الكثير من العبر والمعلومات القيمة والجديدة طبعا .....
وصدقوني انا بصراحة ليما الحين مو قادرة انسى محاضراته الممتعة ولا حتى سوالفه الحلوة
وبصراحة انا استانس لمن يسولف عن نفسة وعن دراسته بامريكا ..وترى الدكتور انسان مو مجرد اله تسرد المعلومات وتسمع المنهج للطلاب بالعكس احنا لازم نستفيد من تجارب الاخرين لان الحياة كلها تجارب ود_خالد لمن يسولف عن نفسه يحاول انه يعرض تجاربه بهالحياة ويفيدكم في حياتكم والذكي يقدر يستفيد من خبرته في جميع امور الحياة
وانا فعلا استفدت منه بأشياء كثيرة مالها دخل بالدراسة...
ويناااااااااس ترى الحياة تجاارب نقدر نعرفها من معظم دكاترتنا وبعدين ترى د_خالد انسان حقاني بعيد عن المصلحة بأنواعهااااااا
وانصح فيه ونص
ولكم مني هالبيتين بما اني احب الشعر :
إن كانت النفس في التفكير سامية وحالة الدون لاتنفك تأباه
لابد للجسم حتما ان يرى تعبا يغزو الى النفس والتفكير بلوااااه
وشكرا دكتوري
وجودك بهالدنيا ضروري.....
بهالكلية وين كااااااكااااوييييي !!!!!!

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: أصول تربيه التاريخ: 2008-02-08
الطالب: مملكة الحزن رقم التقييم: 13172
دكتور محترم و طيب
اسلوبه حلو وبسيط
بس ساعات يطلع برى الموضوع
و شديد من ناحية الغياب
امتحاناته نص ونص ..
انا من حظي كان في اوبن بوك
بس الدكتور لا باس فيه حليوو
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: أصول تربية التاريخ: 2008-01-21
الطالب: d.h رقم التقييم: 12672
دكتور جدي ومحترم جدا ويعامل الطالبات مثل بناته وحبوب ويقدر الظروف ويعطي كيرفات بالهبل وهذا من باب مساعدة الطلبة والطالبات ويسوي جو بالمحاظرة ينكت ويتغشمر يكسر الروتين ووايد حبوب وامتحاناته تعتمد عالكتاب لازم تقرون كل كلمة من الكتاب باختصار أهوه وااااااااايد أحسن من غيره وأنصح انكم تاخذون عنده

- النجوم:
- المستوى: متوسط الصعوبة
- الشرح: شرح متوسط
- حصلت على: B
لا ننصح به
المـادة: مبادئ تربية التاريخ: 2007-12-18
الطالب: bo_s3ayd رقم التقييم: 12346
دكتوووور شرحه ماله شغل بأمتحانااته اللي يااخذ عنده الله يعينه المااده سهله وامتحانااته سهله وكلها اختيااري بس المشكله ان بكل سؤال اكوو جواابين صح تشك انك مو فااهم وبالاخير تااخذ -b تنقهر والله واذا كلمته مايرفعك حتي لو تصيرله ماايرفعك ماينفع معااه الا مصالح يعني تعرف واحد من ربعه الخاصيين يمشيك ماتعرف الله يعينك.

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: أصول التربية222 التاريخ: 2007-12-14
الطالب: هبونة رقم التقييم: 12301
دكتور بمعنى الكلمة محترم متدين مرح
ما احب اطول عليج
أولا:الغياب
ياخد الغياب حسب المقعد مو الاسم عشان شدي انصحج من اول يوم تحجزين لج مكان لانه صعب تغيرينه بعدين يعطيج يومين عرضي غياب و ما يحسبهم لج بس بعدهم ينزل غياب و ينقص دجرجات

ثانيا:الامتحانات
امتحانين ميدتيرم و فاينل
والحلو بهالنقطة انه يتفق مع طالباته من اول اسبوع على توزيع الدرجات و الغياب و المواعيد اللي تناسبهم على قولته عقد بين الطرفين يعني اهو و طالباته


ثالثا:الزيادات
دكتور كريم يعطي بونس و كيرف من نفسه بس نصيحة لا احد يطلب اهو من كيفه يحب يفاجئكم يوزع عليكم استبانة او نشاط خارجي و لا تخافون ما يطلب بحوث بس تفسير 10 كلمات من القران او مقالة صفحتين


رابعا:الشرح
يحب المناقشة و الحماس بالمحاضرة فان كنت من جماعة النوم و السوالف الجانبية و يايه كانه ساحبينج من الفراش ما انصحج تاخدين عنده

ملاحظة:الدكتور متمكن من المادة لانه مؤلف الكتاب و شرحه اكثر من عجيب و ادا تحبين المطالعة انصحج بكتاب التربية قبل المدرسية اللي شارك بتاليفة مع الكتور علي وطفة

ملاحظة مهمة وايد :!!!!!!!!!!!!!!!!!!!!!!
انصحج تاخدين عنده برمضان لانه يعطي off في العشر الاواخر و فبل الحج

باختصار دكتور انصح فيه للي يحبون يتعلمون و يستفيدون
اما اللي يايين عشان يلقطون كم درجة انصحهم يشوفون دكتور ثاني لان دكتور خالد دكتور حقاني و ما يحب شي اسمه واسطة

- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: أصول تربية التاريخ: 2007-12-10
الطالب: dl3 q8 رقم التقييم: 12254
انا مستجده

و اللي اشوووفه انه دكتوور محترم و يبسط لج المادة قد ما يقدر و يعطيج المادة جنها سالفه و امثلة تقرب لج الصورة حيييل يحب يسولوف حيل ما يزززف يعني طيييب لاقصى درجه تتوقعونها بالمحاظرة يحب ينكت و يسولوف لما كان يدرس بره و مواقفه بس اللي بتاخذ عنده خليها من اول محاظرة تقعد جدام لأن مكانج يكوون ثابت لاخر السنهو اهو من النوع اللي يركز على السطره الاولى اكثر شي يحب النقاش يعني يحب البنت اللي تناقشه ودايما يقول لنا انتم تماثيل و لا وحده فيكم تتحجى انا ابي شعبة تناقش

من جهة الامتحانات

40 سؤاال موضوعي و الللي يبي مقالي يقوول له من فترة علشان يجهز له امتحان مقالي بس اهو قال لنا ان المقالي ماله يصير صعب و يكوون دقيق


يصير تحل اذا تبي من الاربعين سؤال بس عشرين

اما عشرين زوجي او عشرين فردي بس انا احلهم كلهم علشان اخذ فرصة اكثر و الدرجات تقل للسؤال الواحد


و يزيد الشعبة كلها حسب درجه اعلى بنت يعني اذا اعلى بنت جايبه 14 من 15 يزيدها درجة علشان توصل 15 و يزيد الشعبة كلها معاها درجة لأن يقول لازم احد بالشعبة ياخذ درجه كاملة

حتى بالدرجة النهائية نفس الاسلووب يعني اذا اعلى بنت جابت 90 يزيدها 5 درجات علشان توصل 95 و يزيد الشعبه كلها بعد


بس امتحاناته صعبه يبيلها دراسة عدل عدل صج انه اوبن بووك اخر ربع ساعه بس كلش ما يفيبدج

امتحاناته لف ودوران يعني يبيلج ساعه على ما تفهمين سؤاال واحد


بس بإختصار اللي تدرس و تفهم عدل تاخذ عنده

و ترى اهو يقووول انه يساعد وايد بالنهائي و انشالله اشووف اذا ساعدني اقولكم

شكرا

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: C
لا ننصح به
المـادة: اصول تربية التاريخ: 2007-09-01
الطالب: bint-el-badw رقم التقييم: 11483
ما أقدر اقولكم انصح فيه أبد
شرح وايد معقد وماكو فهم
والدرجات حسب المزاج

- النجوم: لا يستحق نجوم
- المستوى: صعب
- الشرح: شرح ضعيف
- حصلت على: D
لا ننصح به
المـادة: اصول تربية التاريخ: 2007-08-14
الطالب: شيووم الظفيري رقم التقييم: 11283
وايد صعب في المعاملة
شرح وايد معقد
امنحانات خارج نطاق التغطية

- النجوم:
- المستوى: صعب
- الشرح: شرح ضعيف
- حصلت على: B
لا ننصح به
المـادة: اصول تربيه التاريخ: 2007-07-15
الطالب: همسات رقم التقييم: 10883
اخااااااااااالف كل الطلبه الي مدحو رميضي بصراحه انا اول ماده لي بالجامعه عنده وفكرت احول بسبته يعني على قولتهم بدايتها مو شي وهذا يرجع الى ان يكلمنا جنه نحضر دكتوراه مو طلبه جامعيين غير اتمحاناته الي كلها لف ودوران واسالته فيها تفلسف زياده عن اللزوم وعمره ما دش محاضره بدون لا يسولف عن نفسه وسفراته وما يشرح كل المنهج ولااااااااااااااااااا انصح به كلشششششششش وشكرا

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: اصول تربية التاريخ: 2007-06-20
الطالب: kakawi رقم التقييم: 10476
دكتور روعة محترم وعنده كم كبير من المعلومات التى تفيد الطالب ومحاضرة ممتعة ويراعي الطلبة وما يرد احد.

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: اصول تربيه التاريخ: 2007-06-12
الطالب: zest رقم التقييم: 10245
أكثر من رائع يعجز لساني عن وصفه يعطيك العافيه دكتور وفرت كافه التسهيلات للطلبه اعتقد ما يلقون اكثر من جذي تساهل ومساعدات
- النجوم:
- المستوى: صعب
- الشرح: شرح جيد جدا
- حصلت على: B
ننصح به
المـادة: أصول تربيه - 0820222 التاريخ: 2007-05-30
الطالب: hamany44 رقم التقييم: 9886
امتحاناته صعبه

واايد يتفلسف و لازم اهوه الصح

مو ديمقراطي

بس فوق كل هذا طيب و محترم في تعامله مع الطلبه

- النجوم:
- المستوى: صعب جدا
- الشرح: شرح جيد جدا
- حصلت على: A
لا ننصح به
المـادة: 080222 التاريخ: 2007-04-24
الطالب: عزوز يوز رقم التقييم: 9421
الدكتووور هذا زين و مو زين بنفس الوقت
زين في درجاته و اسلوبه بالشرح و عنده قانون اهو اذا اي ما في ولا واحد اخذ فل مارك يزيد كل الشعبة درجات على حسب اعلى واحد جم ماخذ و جم يحتاج عشان يصير فل مارك و يزيدة و يزيد الكل مثله

مو زين في انه امتحاناته صعبة واااااااااايد و اسئلته فيها فلسفة صعبة و هذا الي مو زين فيه

و انا خذيت عنده a بعد تعب و شقا و سهر الليالي


لا انصح به

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: صول تربية التاريخ: 2007-03-11
الطالب: someone05 رقم التقييم: 9009
دكتور محترم جدا وواضح وصريح ويحاول يساعد الطلبة قد مايقدر صحيح اسئلته فيها لف ودوران بس هذا التريك:خدعة: بس اللي قاعد ومشغل مخة بالمحاضرة مايحتاج يبطل الكتاب ويدرس لان شرحه كامل وشامل ويوصل المعلومه بطريقة حلوة جزاه الله ألف ألف ألف خييييييير بصراحة انصح وبشدة

- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: مبادئ تربية التاريخ: 2007-02-10
الطالب: حمد رقم التقييم: 8872
جزاه الله خيرا

دمه خفيف متمكن من الماده ويفهم ماشالله خصوصا بالامثله واضحه جدا لدى الطالب :]

اول 3 غيابات لا يحاسب عليه الطالب

طريقتة بالغياب حلوه وذكيه :>

إمتحاناته مقاليه ويساعدنا فيها خصوصا يقط بالمحاضرات بعض الاسئله واللي تجي بالامتحانات.

إمتحاناته لا سهله ولا صعبه وسط

جزه الله كل خير ونفع الله به

...

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: أصول تربيه التاريخ: 2006-11-29
الطالب: trbawia رقم التقييم: 8166
الســـــلام عليكم

- أول شي . المنهج اللي يدرسه د. الرميضي من تأليفه أهو

- وحده سهل ونهاية الفصل ما تمتحن بالمنهج كله ( اللي يدخل الميدتيرم ما ينعاد بالفاينل )

- open book آخر ربع ساعه بالامتحان

- الإمتحانات موضوعيه ( واللي ما يحب الموضوعي ، يفصل له امتحان مقالي عشانه

- صراحه >> تســــــــاهيييل <<

صج ان وااايد يتكلم عن نفسه . بس شي طبيعي لأن الماده تافهه وماكو شغل

- إذا محد بالشعبه ماخذ درجة كامله !!
يزيد كل الشعبة على درجة أعلى واحد (( يعني لازم في فل مارك ))

- فوق كل هذا إذا ما عجبتك درجتك تقدر تعيد الامتحــــان

- وفوق الفوق .. نهاية الفصل في سؤال بونص بــ 5 درجات


شرحه ممتاز ، وتفهم منه عدل
ويوصل معاني حلوه


---------------------------
الله يعطيك العافيه يا دكتور ، ويسهل على عيالك مثل ما تسهل على عيال المسلمين


ننصـــــــح به ،، وبشده
)

- النجوم:
- المستوى: متوسط الصعوبة
- الشرح: شرح متوسط
- حصلت على: A
ننصح به
المـادة: اصول تربية التاريخ: 2006-07-05
الطالب: بيولوجية رقم التقييم: 5726
الدكتور الرميضي بالنسبة للبنات لازم تسولقف معاااه عساس تسلك امورها
بس الصراحه هو على حسب يعني مو حقاني عدل وعلى كيفه بس حليوو وطلته حلوه
ومع هذا قاهرني

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: مبادئ تربية التاريخ: 2006-06-20
الطالب: بنت الحقوق رقم التقييم: 5325
السلاام بصراحه هالدكتور فعلا عجيييييب محترم و يحاول يسهل الماده كثر ما يقدر صج انه اهوا ما يلتزم بالوقت بضبط ودايم يتاخر بس يناقشك ويعرف رايك حتى لو كان مو متفق معاك فيه ويعطيك فرصه تعبر عن نفسك بس اهوا يحب الي يناقشونه ويقعدون جدام بس مشكلته انه امتحاناته ما تحتاج بس حق الي بالكتاب لا فيها اسأل لازم تفكر فيها عدل بس انا انصح فيه ويعطيكم العافيه

- النجوم:
- المستوى: متوسط الصعوبة
- الشرح: شرح غير مفهوم
- حصلت على: B
لا ننصح به
المـادة: أصول التربية التاريخ: 2006-06-13
الطالب: @@@ رقم التقييم: 5170
لا يشرح وانما الطلبة هم الذين يشرحون!!

- النجوم:
- المستوى: صعب جدا
- الشرح: شرح متوسط
- حصلت على: B
لا ننصح به
المـادة: اصول تربيه التاريخ: 2006-06-07
الطالب: س.ر رقم التقييم: 4920
بصراحه هذا التكتور مدرى على شنو يمدحونه,ماشفت من شى زين لا امتحانات سهله ولا شرح وبخيل بالدرجات ومحاضرته كله تكلم عن نفسه وانجازاته اهو وعياله عرفنا كل شى عن حياته ولا عرفنا شىء عن المقرر المحاضرته لا تطاق كل يوم يعيد لنا السوالف نفسها ويحط نفسه طيب وحقانى ولا يوم اعتذر واذا غاب يجيب واحد بداله.انصحكم لا تاخذون عنده.

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: اصول التربية 0820222 التاريخ: 2006-06-06
الطالب: الفجر رقم التقييم: 4858
دكتور طيب ومحترم في تعامله مع الطلبة والذكي يقدر يكسب دكتور خالد ويقدر ياخذ a امتحاناته متوسطة تراعي مستوى الطالب الجامعي الكتب الي ندرسها من تاليفه وشرحه عجييييييييييييب وشخصيته حلووووووووه محاضراته شيقه وانصح فيه ونص

- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: مبادئ تربيه التاريخ: 2006-06-06
الطالب: حلم عمري رقم التقييم: 4802
دكتور يستاهل الدكتوراه انصح الكل يسجل عنده يعطي الكل حقه محاضرته عجيبه البنات قبل المحاضره بربع ساعه كلهم عند القاعه وينطرون محاضرته وبسرعه يمر الوقت مومثل بعض الدكاتره تتمنى الوقت يمر بغمضه عين حيل متفهم ويبسط المعلومه بس استحاله الواحد يوصل لقريد واهو مايتعب فيه والله يوفق الجميع وبالنهايه اقول ربي يعطيه الصحه والعافيه

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: اصول التربية التاريخ: 2006-05-27
الطالب: القمر رقم التقييم: 4485
د. خالد انسان طيب محترم شرحه ممتاز الله يوفقه

- النجوم:
- المستوى: صعب جدا
- الشرح: شرح متوسط
- حصلت على: C
لا ننصح به
المـادة: اصول تربية التاريخ: 2006-05-26
الطالب: قمر14 رقم التقييم: 4449
دكتور اكس ما يستاهل يصير دكتور اصلن كله لما كنت بامريكا سويت و سويت و سويت يفتخر بروحه

امتحاناته صج انها open book بس اس~لته فلسفيه و صعبه حيل

ما انصح فيه كلش كلش

بس ترا اهوا محترم

و لما البنات يسوون برزنتيشن يفشلهم ساعات و بس


و فوق انه الماده اختياريه خذيت عنده سي تحسفت الصراحه لحد ياخذ عنده
- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: مبادئ تربية 0820201 التاريخ: 2006-05-15
الطالب: # رقم التقييم: 4230
الدكتور أكثر من رائع الله يعطيه العافيه محاضرته خفيفه ومشوقه ، وااااااااااااااااااايد يحرص على الغياب ، وكريم بالدرجات ، انصح فيه لأنه وايد محترم ، امتحاناته ما تطلع عن الأشياء الي اهوا علق عليها أثناء الشرح : )

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: مبادئ تربية 0820201 التاريخ: 2006-05-13
الطالب: سلام رقم التقييم: 4192
دكتور ممتاز محاضرته ممتعة وأنصح به

ملاحظة إلى المسؤولين عن هذا الموقع قريت اللي كاتبينه عن الدكنور ولقيت 17 واحد ينصحون فيه و1 بس ما ينصح فيه وانتو كاتبين في المختصر المفيد لا ننصح به ((صج مو عدل))

- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: أصول تربية 222 التاريخ: 2006-05-11
الطالب: ديحانيه رقم التقييم: 4136
عسى الله يعطيه العافيه و يحفظه و يكثر من أمثاله بصرااااحة أبو سالم ماكو منه "أخلاق و تعامل راقي و شرح عجيييييييييييييييييييب عيني عليه بارده أسلوبه بالشرح ممتع ومحاضرته حلووووووووه" أنصح به جدا لأن الماده سهلة وحلوه و هو محليها زياااااادة ماشاالله عليه

- النجوم:
- المستوى: صعب جدا
- الشرح: شرح متوسط
- حصلت على: B
لا ننصح به
المـادة: اصول تربيه التاريخ: 2006-05-10
الطالب: مبتلش رقم التقييم: 4112
الدرجاات على مزااااجه الشخصي........


ويتكلم عن نفسه وانجاازاااته البطوووليه اللي مايندرى صجها من جذبها .............

واذا نقد على واااحد من شكله او اي شي..........لو عبقريييينو مايفلت


احبب بدون سبب يكره بدون سبب.......

ونصيحه لوجه الله ............ لا اطلب عليها جزاااء

لا ننصح به ثم لا ننصح به

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: اصول تربيه التاريخ: 2006-04-16
الطالب: لولوووووووووو رقم التقييم: 3490
ممتاز بس في عيب شرعي يسولف وايد عن نفسه وانجازاته بس محترم ومرن باسلوبه مع الطلبه

- النجوم:
- المستوى: صعب جدا
- الشرح: شرح ضعيف
- حصلت على: B
لا ننصح به
المـادة: مبادئ تربية التاريخ: 2006-04-14
الطالب: رنا رقم التقييم: 3414
مو خوش دكتور قاهرني لحد الحين

طريقة بالامتحانات حظك نصيب اذا حظك حلو اجاباتك تكون صحيحه
طريقته واسئلته بالامتحانات كلش مو مباشره

الماده سخيفه وسهله وانا ماخذتها اختياري واهو من اول يوم يقول مو متعتقدون ماده اختياري و ضامنين ال A

كلش مو عادل لا بدرجاته ولا بامتحاناته واسخف شي لم يقول كل واحد يقعد بمكانه مايغره ويحط اكثر اهتمامه على اللي باول سطره

وحضرته يبي مشاركه ولم اي احد يبدي براي من عنده ويشاركه يقول بعدين خل نخلص المحاضره جذي ماراح نخلص

مانصفني وظلمني وايد و صراحه مانصح فيه

اكون دارسه عدل وحافظه وبالامتحان اسئله اهو يقصد شي ولم احنا نقره نفهم شي ثاني كلش مو مباشره ولم اروحله اقوله انا فاهمه بس كنت حسبالي انت تقصد جذي يقولي هذا حظج اي ماده هذي اللي نجاحها بالحظ!

والمشكله الموضوعي درجه يعني الدرجه هذي تنقل من قريد لي قريد مو شويه ولم يقول اذا تبون مقالي مو اشياء سهله لا بتكون ناقشي واشرحي مو حسبالكم مباشره مادري ليش مصعب الماده معنها سهله

عموما برايي انا جربته وكلش ماعجبني ظلمني وليلحين حاقده عليه وكارهته وكارهه الماده والكليه بعد

انا بموادي الصعبه بكليتي ماخذ جذي كثر ماخذيت عنده شدعوه كلها مبادئ تربية مافيها شي ابداع

عموما الله يوفق الجميع

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: أصول تربية التاريخ: 2006-03-27
الطالب: لؤلؤ رقم التقييم: 2953
بصراحه و بالمختصر مفيد دكتور روووووووووووووعه
شرحه عجيب و كل محاضرة تستفيد منها

- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: اصول تربيه التاريخ: 2006-02-27
الطالب: جوري رقم التقييم: 2625
يقلب المحاضره ضحك مايخليها جد ويحب امثله من الحياة

- النجوم:
- المستوى: متوسط الصعوبة
- الشرح: شرح غير مفهوم
- حصلت على: B
ننصح به
المـادة: مبادئ تربيه التاريخ: 2006-02-23
الطالب: بنت الاجتماعيه رقم التقييم: 2567
بصراحه انا ماخذه هالماده عشان ارفع معدلي لاني بحول حقوق
ومبدئيااا يعني مع انه احنا مابدينا المنهج
بس الدكتوور حده قرقه ويعور الراس من كثر قرقته
والله انا يصكني راسي بمحاضرته المممممممممممممله
والله يستر بس على مدحكم له تفائلت خير لانه صكت فيني الدنيا من حضرت له 4 محاضرات

والله يسمع منكم ويكون خوش دكتووور :S

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: أصول التربية222 التاريخ: 2006-02-20
الطالب: fatemaالرشيدي رقم التقييم: 2482
دكتور ممتاز في شرح المادة ويعطي كل طالبة حقها ولكن في (طالبات يأخذون فوق حقهم زيادة..يمكن عندهم واسطة قوية..يمكن)وأتمنى من الدكتور خالد انه ينتبه الى هذه النقطة لانه قاعد يعطي طالبات فوق حقهن زيادة أنا خذيت
A-مع اني توقعت أكثر And Thank youمع ذلك أنصح به؟











- النجوم:
- المستوى: صعب جدا
- الشرح: شرح متوسط
- حصلت على: B
ننصح به
المـادة: أسس التربية التاريخ: 2006-02-11
الطالب: صريحة رقم التقييم: 2336
دكتور زين كأسلوب و معاملة ..
و بالنسبة للمحاضرة بعض المرات تكون مملة .. و إمتحاناته فيها صعوبة حتى لو الكتاب مفتوح ..

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: أصول تربيه التاريخ: 2006-02-08
الطالب: $$حـــور$$ رقم التقييم: 2272
خوووش مدرس يستاهل التقدير والاحترام وامتحانات سهله وOPEN BOOKواامحاضره حلوه حيل و كتاب سهل ومبسط

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: أصول التربيه التاريخ: 2006-02-04
الطالب: Future Teacher رقم التقييم: 2232
خذيت عنده A-

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: أصول تربية التاريخ: 2006-02-03
الطالب: كويت رقم التقييم: 2216
أفضل دكتور ،،، (( يعطيه العافية ))

لأن كريم بالدرجات ويعطى بونس وشرحه حلو وممتع وتخلص محاضرته بسرعه وتعامله مع الطلبه وايد راقى و أمتحاناتة موضوعيه كلها و نفتح الكتاب بالأمتحان (( وناسه )) ،،،

بس في بعض أسئلة الصح والخطأ توجد أسئله غير مباشره

وبأمتحان الفاينل خلانا نفتح الكتابين ،،،

وبالتوفيق جميعا ،،،

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: اصول تربية التاريخ: 2006-01-14
الطالب: محبة رقم التقييم: 2019
عجيييييييييييييييب لأقصى درجة
شرح ممتااااز
امتحاناته يعني
بس صج خوووووووش دكتور الله يحفظه انشاالله

- النجوم:
- المستوى: صعب
- الشرح: شرح جيد جدا
- حصلت على: B
ننصح به
المـادة: اصول تربيه التاريخ: 2006-01-05
الطالب: hamany44 رقم التقييم: 1894
خووش مدرس
الشرح ماله زين
بس مرات يصير ملل
بس بشكل عاام زين
بس امتحاناته صعبه حتى لو تبطل الكتاب بالامتحان ما تعرف تحل
وهذا اللي كنه انسوي يقوولنه بطلو الكتاب وهم ما نعرف نحل
امتحاناته كلها موضوعي

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: اصول تربية التاريخ: 2005-12-05
الطالب: عذوب رقم التقييم: 1423
خوووووووش دكتوور
يجنن ماشالله عليه

وامتحاناته تجنن سهله ومبااشرة...
وقشمرجي حيييل..

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: اصول التربية التاريخ: 2005-12-01
الطالب: طمووحة رقم التقييم: 1391
خوووش دكتور صج صج ماشاالله عليه
وشرحه حدة عجيييب
ييقدر واايد
حدة حليو
لو اكتب مااوفيه حقه ابد ابدا


- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: اصول التربية التاريخ: 2005-11-26
الطالب: أبلة المستقبل رقم التقييم: 1305
خوووش دكتور
شرحه عجيب
تعامله جدا جدا راقي
عن جد ماضاع من سجل عنده

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: أصول تربية 222 التاريخ: 2005-11-20
الطالب: فيلسوف رقم التقييم: 1275
ممتاز جدا جدا جدا وأكثر من رائع أشعر بالمتعة ودائما أخرج بالفائدة يولي اهتمام بالغ لطلابه ومحاضراته تمضي المحاضرة من دون أن نشعر بالوقت قادر على شد انتباه جميع طلابه ويمتلك قوة غير عادية في ربط أجزاء المادة بالواقع متعاون ومتفاءل ويقدر جميع طلابه وكل الذي قلت إنما هو غيض من فيض أسأل الله له التوفيق والسداد وكثر الله أمثاله ......

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: اصول النربية التاريخ: 2005-11-16
الطالب: تربوية رقم التقييم: 1247
خوووش دكتور
شرح ممتاز جدا
يستحق وسام تقدير

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: اصول تربية التاريخ: 2005-06-26
الطالب: اللؤلؤة رقم التقييم: 225
محــــتـــــرم في التعامل

يسااعد بالدرجات

كريم بالbounce

ويقدر الظروف

 

[بنت الاجواد]

بطل و ماكو مواد باح

 

[&&.. فزاعه ..&&]

الله يعافيج قلبي


بس حسااااافه ع النطره مافي شيي كل شي مغلق وبقوووه بعد يعني مافي مجال تفتح لنا ماده دقيقه وتسكر

 

[بنت الاجواد]

بنات ورشه طفل ما عندكم خبر متى تتبطل ؟

 

[« لـ / غيـرگ »]

بنات منو تعرف ميرلين كورين ؟ دكتوره انجليزي

باخذ عندهآ تمهيدي انجليزي

تنصحوني فيهآ ولا اسحبهآ وباجر اسجل بالباي فورس بلييز ردوآ علي؟

 

[سحابه حزينه]

بنات بطل بس ماكووو سحب واضااافه ليش ؟؟؟؟

 

[&&.. فزاعه ..&&]

بنات صارت الساعه 7 وماقدر اضيف او اسحب ؟؟ ليييش؟؟

انتوا نفسي والا عادي تسجلون ؟

 

[« لـ / غيـرگ »]

احس حالي هبله اسولف بروحي


حريتوني اكثر من السستم :rgewrg:

 

[سحابه حزينه]

بنات متى يبطلووووون ورشه الي عندها خبر تبشرني

 

[سحابه حزينه]

لك غيرك والله ما اعرفها ما مرت علي
انشاء الله البنات يفيدونج

 

[&&.. فزاعه ..&&]

احس حالي هبله اسولف بروحي


حريتوني اكثر من السستم :rgewrg:

خخخخخخخخخخخخخ :d

لا محشووومه خيتووو

بس بالنسبه لي والله ماعرفها اول مره اسمع فيها ..


ان شالله البنات يفيدونج ..


وعلى فكره اذا انتي ميه ميه بالانجليزي اخذي عند اي احد لان بتكون الماده سهله عليج وكلها قواعد الثانويه مافيها شي جديد

 

[سحابه حزينه]

ل غيرك والله ما اعرفها ما مرت علي
انشاء الله البنات يفيدونج

 

[الغــلآ]

بناااات

شرايكم شنو اسهل

مدخل علم احياء او بيولوجيا الانسان او ارض وكووون


heeeeeeeeelp

والشعب المغلقه يسجلوونه فيها بالباي فورس؟؟؟؟

؟؟؟؟؟؟؟؟؟؟؟؟

 

[w0o0dy cullen]

بنات ليش ماكو ايقونه اضافه ولا سحب
الله ياخذ هالسستم اللي مو راضي يتعدل

بليزز اللي تدري ترد علينا هههههههههه
اهما راح يفتحونه ولا خلاص؟؟

 

[سحابه حزينه]

بنات في فتح له اضافه او سحب بالسستم

 

[سحابه حزينه]

بنات في احد فتح له اضافه او سحب بالسستم

 

[سحابه حزينه]

بنات في احد فتح له اضافه او سحب بالسستم

 

[الغــلآ]

بنااات شالسالفه في اضافه وسحب ولااا لااااااااااا ؟؟؟؟؟؟؟؟؟؟؟؟؟؟؟؟؟؟

لقيت ماده ابيييييييها ماكو الا مقعدين