¨°o.O (التجمع الثاني لطالبات " كلية التربية " جآمعة الكويت) O.o°

[بصْمةُ ضِيَاءْ]

ههههههههه انا مادتين وكلهم انتظاار عادي راح تتسجل حسب البنااات

 

[مشاعر خجوله]

بنات شرايكم بـ..
جماليات الادب>>ايمن العشماوي
مهارات الاتصال>>حوراء عبدالعزيز السفر

هلا فيــج خيــتـــو ..


دايماً الحين بحط لج جم تقييم له حاطينهم بالموقع اما د.حوراء مالقيت اسمها موجود !!

بس شوفي أشرف حافظ يمدحونه حيييييييييل بس ديري بالج تسجلين عند ×× عبدالله الدوسري ×× :lkmnkl:
مو صااااااااااااااااحي هالدكتور .. استغفر الله ... "اللهم لا شماته"








تقييمات أيمن العشماوي >>

أيمن العشماوي

المختصر المفيد- معظم الطلبة يقولون
5/3.7
ان مستوى الاختبارات صعب
وشرح المدرس شرح جيد جدا
والأغلبية حصلو على تقدير C
بإختصار ننصح به
عدد الطلبة الذين شاركوا في التقييم 52




التقييم ملاحظات الطلبة
- النجوم:
- المستوى: صعب
- الشرح: شرح ممتاز
- حصلت على: B
ننصح به
المـادة: جماليات التاريخ: 2009-07-11
الطالب: el70b رقم التقييم: 18235

شديد بالدرجات
حقانييييييييييييي جداااان
وخوش دكتور محترم حده
ويحببج بالماده



- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: جماليات التاريخ: 2009-06-24
الطالب: el70b رقم التقييم: 17763

خوش دكتور محترم وحقاني ومايعطي قريد زياده




- النجوم: لا يستحق نجوم
- المستوى: صعب
- الشرح: شرح غير مفهوم
- حصلت على: D
لا ننصح به
المـادة: جماليات الادب العربي التاريخ: 2009-06-16
الطالب: nona رقم التقييم: 17524

لا يراعي الفروق بين الطلبه وبذالك يضلم طلبة التخصصات العلمية وحجم النهج كبير جدا والحفض فيها كثير وخصوصن في الفاينل





- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: جماليات الادب العربي التاريخ: 2009-05-04
الطالب: chick-q8 رقم التقييم: 17309

دكتور ايمن دكتور حقااني لابعد الحدود ماكو شي بونص او كيرف
شرحة حلو ويحببك بالشعر العربي
اختباراتة عموما زينة بس يحفظ واااااايد
انا انصح فييية





- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: جماليات الادب التاريخ: 2009-04-25
الطالب: سيرة الحب رقم التقييم: 17139

دكتور رائع بمعنى الكلمه حبوب وشرحه مفهوم وامتحاناته سهله




- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: جماليات ادب التاريخ: 2009-02-17
الطالب: manchester.utd رقم التقييم: 16740

احسن دكتوووور بالجااامعه كلهااا خذيت عنده اول كوورس لي بالجامعه الدكتووور يهبل وكل من يقوول العكس ما عنده سااااالفه لا اتغيب واقعد اول سطره وانت بالسيف سايد لحد يخرعكم لان تعااامله واااايد حلووو الشرح رووووووووعه واحلى منه ماااااكو والحفظ كل ماده يبيلها حفظ بس الحفظ بهالمادة ما تنساااه طووول عمرك تطلع من المادة بكم من المعلومات والابيات اللي اتخليك تطلع مثقف واترد على الناس باشعار P: والله يوفقكم جميعا وتتخرجوون باعلى المعدلات لا اتطوفووووووووووووون مادته نهائيا بتاتيا p:




- النجوم:
- المستوى: متوسط الصعوبة
- الشرح: شرح ممتاز
- حصلت على: C
ننصح به
المـادة: جماليات ادب التاريخ: 2009-01-27
الطالب: الجـــوري رقم التقييم: 16131

دكتور حقاني درجتك تاخذها مو اكثر ولا اقل

انا الي خرب علي الميد تيرم الاول

موفقين




- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: جماليات الأدب التاريخ: 2008-09-14
الطالب: Cold Sun رقم التقييم: 15329

الدكتور أيمن عجيييييييب أحلى ما فيه يوم يشرح ، شرحه حده عجيب يخليك تندمج معاه .. و بعد الشرح يكتبك اللي شرحه و بجذي المعلومات راح تنرسخ بمخك ..

الماده تعتمد على الحفظ .. الدكتور عجيب بس يخيلك تعتمد على النوت و مافي شي ايي من بره .. احفظ النوت و دش الامتحان ..

كل مره تكبر كمية الامتحان لانك راح تمتحن من اول ما درست لحد ما وصلت .. يعني بالتيرم الثاني تمتحن كمية الأول مع الثاني و الفاينال طبعا كله ..

توزيع الدرجات عند د.أيمن عباره عن :
20 ميدتيرم أول
20 ميدتيرم ثاني
10 غياب (شديييد بالغياب و التأخير كل غيبه بدرجه)
50 فاينال

بالأخير أنصح فيه لأنه خوش دكتور بس احفظ أول بأول و حافظ على الحضور .. بالوفيق : )





- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: جماليات التاريخ: 2008-09-09
الطالب: ريم رقم التقييم: 15285

اوب اوب اوب

هوووووووووووووو
صح لسانكم جميعا
لاهنتو
ماخلو لي كلام ازيده ماشاء كفو وفو

كل مااقول ايه هالنقطه ماقلوها الااشوف المشاركه اللي وراها قايلنها وكل مااقول اذا ذا ذا واذا ماذا ذا القيهم وش يسمونه<<ايه هين اذا احد فهم عليك

طيب انا استاذن قبل مااجيب العيد






- النجوم:
- المستوى: صعب جدا
- الشرح: شرح ممتاز
- حصلت على: A
لا ننصح به
المـادة: جماليات الأدب العربي التاريخ: 2008-09-07
الطالب: duggulover رقم التقييم: 15255

نصيحة مني


انا خذيت المادة مرتين عنده

اول مره سويت زين بالامتحانات وكنت رايحة مكتبه وحاطه في بالي اقل شي اني ماخذه b بس الصدمة الأخ حطلي d

ورحت له وتناقشت معاه وقهرني انا كنت اكلمه من صجي وهو ميت من الضحك

قال لي ان وايد اغيب والله كنت بذبحه غبت 3 مرات ويساويني مع وحده ما تحضر وماخذه بالامتحانات 4 من 20

فا قلت له انا الكورس الياي باخذ الماده عندك وراح تحطلي a غصبا عنك وطبعا كان ميت من الضحك

فا خذيت الماده مره ثانية وفعلا خذيت a وكنت الوحيدة اللي خذيت A ورحت المكتبة عشان اضحك عليه

فا اذا تبون ال A لازم تسوون هالأشياء

أولا

نصيييييييييييييييييييييييييييحة

ما تغيبون ولا مره عشان ما يحط عذره انكم تغيبون ترى لعين

واذا فعلا ما تقدرون تحضرون محاضره روحوا قبلها ب10 دقايق واستأذنوا منه ما يقول شي وما يحطلكم غياب
لأن كل غياب بدرجة من اول محاضرة

ثانيا كتبوا كل شي يقوله وحفظوووووووووووووا صم لا تقولون هذا اكيد ما راح يدخل الأخ عشماوي يحط أسألة من تحت الأسطر

ثالثا شاركوا معاه ولا تزعجونه بالكلام مع زميلاتج ترى يعصب وعادي يحط عليج عشان هالسبب


بس طبعا انا ما انصح احد ياخذ الماده عنده لأن راح تتعبون على الفاضي





هذي بعض التقييمات .. ما اقول إلا عسى ربي يسهل لج ان شاءالله وتسجلين عند احلى الدكاااتره ان شاءالله

 

[بصْمةُ ضِيَاءْ]

المختصر المفيد- معظم الطلبة يقولون
5/3.7
ان مستوى الاختبارات صعب
وشرح المدرس شرح جيد جدا
والأغلبية حصلو على تقدير C
بإختصار ننصح به
عدد الطلبة الذين شاركوا في التقييم 52


c وننصح فييه !!
لو a شيسوون ؟

والله ام فنر كلمي بنات القوائم وراح نشوفين صدمه الله يعينج بس حتى لو الدكتوور x اذا البنت توب راح تمشى ان شاء الله

 

[مشاعر خجوله]

بيت اسالكم اشرايكم بموظفات التوجيه ولارشاد
؟؟؟؟؟؟؟
من الى

بصرااااحه وباختصااااااااااااار >>


نفسيــــه ززززززفــــت و أحسهــمـ مو شايفين الطالبات عندهم شي !!!!!!


خصوصا رئيسه قسم الشؤون "الحمدلله والشكر بس"

بعررف على شنو مااااااادري !!!!؟؟؟ :cxxxp:



مــاعــــدا

وحـــده ماعرف شسمها وهي اتوقع تلبس حجاب اسود بس احسها نفسي نفسي ومالي دخل بغيري يعني حيييييييييل هاديه وما تلعوزج والا تطالعج بنظرات مادري شلون صايره نفس الباجين :eh_s(14):

 

[مشاعر خجوله]

لا حبيبتي تخصص الانجليزي مافيه ثقافه

بنات في مجال تتسجل ماده انجليزي 101 اذا قائمة الانتظار 3 ولا اغسل ايدي ؟

مرررحبــا فيج ..



اول شي على حسب الكراسي المتاحه يعني على حسب اللي عدد اللي مسجلين عندها من دون انتظار، وبعدها تتوقعين اذا في مجال او لا



عند منو مسجله ؟؟

 

[مشاعر خجوله]

بنات ثقافه اسلاميه تتعادلي بالتربيه انتوا تأخذونها انا اداب وبحول تربيه انجلش ابتدائي اخذ الماده ولا لا وعند منو ؟؟

على حسب اذا الماده موجوده بالتخصص .. بس ولا يهمج من شفت ردج شفت المجرشيت لانه يمي لكن للاسف لقيت عندج ماده اختياريه اسمها (تربيه اسلاميه) وبصرااحه ماااااادري اذا هي نفسها ثقافه اسلاميه او لا




شنو مسجله ليليحن ؟؟

 

[الخاطر المكسور]

والله ماعندي فكره عن هالموضوع ..


انتي روحي وسألي وماراح تخسرين شي .. عالاقل تعرفين شنو بيصير احسن من انج ماتروحين وعقب تندمين لو قدروا يسجلون لج ...


عسى الله يسهل عليج وان شاءالله اسجل تمهيدي هالكورس << ولا بالاحـــــــــــــــلامـ !! ناس 2 و 3سنه ماحصلوا هالدور مستجده !!!

والله مالي خلقهم عاد اعرف نفسيتهم ويييع :eh_s(13):

يوم واحد فتحت الشعبة حتى الويتنق طار

 

[رووز q8]

مشاعر انا مسجله عند زهرا بارز

ما يصير جذي ثلاث سنين احاول اسجل هالانجليزي ولا قدرت وانا سنه ثالثه متى باخذه يعني

 

[رووز q8]

بنات بالعكسس التوجيه والارشاد شحلاتهم بس في جم وحده شوااذ خاصه ام خشم الضعييفه اكرههاااا

لكن الباقي مافيهم شي


يمكن لاني ابلعهم بالكلام الحلو حبيبتي لا هنت يعطيج العافيه فمن جذي محترمين روحهم مادري صراحه

 

[SparK]

صــباح الخــير

<< كلش مو ساحبه ع المحاضره

ما امداه يطق المطر رشه رشتين إلا احنا ساحبين على محاضراتنا خخخخ


فديت تراب الكويت الحمدالله على سلامة الوالده

المنتدى الصبح يا زينه و يا حلاته بسرعه يفتح

بس بليل اصلاً انسي تدخلين !!

 

[مشاعر خجوله]

صـبــــاح الخيــــر ...

شلـونـكـمـ ؟؟

ان شاءالله بخير



الجـامعـه سيتــي ترحــــب بضيوفهـا الكراااام :balo:


^
^^
الاخت شابكه من الجامعه :weight_lift:

والله مالي خلقهم عاد اعرف نفسيتهم ويييع :eh_s(13):

يوم واحد فتحت الشعبة حتى الويتنق طار

اي عاد عن هالشي حدّث ولا حرج !!!


بس انتي منو تبين بالضبط ؟؟

امس بطلت شعــب شكثـــر وانا سجلــــت ..



بس استغرررربت .. ان حاطين الحد الاقصى للوحدات 19 !!!!!!!

تتوقعين اقدر آخذ اكثر من 3 مع التمهيدي ؟؟ :eh_s(10):

 

[مشاعر خجوله]

مشاعر انا مسجله عند زهرا بارز

ما يصير جذي ثلاث سنين احاول اسجل هالانجليزي ولا قدرت وانا سنه ثالثه متى باخذه يعني

زهرا بارز امس رفيجتي امدحتها لي .. عاد مايندرى عن نظامها وجي !!


عندج صبيحه بوفتين او سلوى شمس يمدحونها عن تجربه خواتي

بس تدرين امس مابطل لي الا صبيحه ووحده اسمها سلوى بن ناجي وسجلت عند سلوى لان صبيحه بتخررربط لي جدولي كله وبعدين عالويتنق يعني ما اضمن اكون مسجله او لا :tongue22:


وهم سلوى اول مره اسمع فيها بس رفيجتي امدحتها بعد ..



عالعموووم عسى ربي يسهل عليج ان شاءالله وتسجلين عند احلى واحسن الدكاتره

 

[بصْمةُ ضِيَاءْ]

بنات عطوني ماده اختياريه بكيفان ورقمها بسرعه ؟!

 

[مشاعر خجوله]

بنات عطوني ماده اختياريه بكيفان ورقمها بسرعه ؟!

هلا بج صموتـه ..



اذا ماني غلطانه هالماده عندج اختياري >>


0830136 .. تربيه اسريه



سوري اذا تأخرت بس توني اشوف ردج !! << عندها محاضرتين ورا بعض :lkmnkl:

 

[البنوته تووووته]

بنات بغيت اسالكم ليش الاضافه ما تطلع بالموقع :lkmnkl:

 

[GuEss_wHo]

قوة بنات شلونكم شخباركم اتمنى تردون علي
ابي اسالكم عن مادة اشراف تربوي عند سلطان غالب الديحاني سامعين عنه او مجربينه عفية قولولي بنات شلون المادة وشلون الدكتور وعسى الله يوفقها اللي ترد

 

[G A L A W I]

موش موش سجلتي التمهيدي

امس موكا تقول ماتبطل معاها مدري اذا راحت التوجيه اليوم ولالا!!

 

[غلا دنيتي جابر]

بنوتات بغيت اسئلكم
الحين الي تبي تخصص احياء شنو المواد التمهيدي المطلوبه بس انقلش؟؟
لانه انا ما خذه بري كالكلس <<بس اعتقد مو مطلوب علي


اتمنى تجاوبوني بسرعه
ثانكس

 

[الخاطر المكسور]

غلاوي ومشااعر

انا قلت ان امس في شعبتين مفتووحين تمهيدي

بس انا ماقدر اسجل لان مو طالع لي اضافه

وشعبة صبيحة بو فتين تصكرت

رحت اليوم التوجيه ويا ليت ما رحت

غصب تطلع الكلمه منها

تقول لي شسوي يعني نطري لي موعد تسجيلج الي حاطينه لج

اقولها الشعب تتصكر وانا ابيه ضروري

تقول مادري يعني شتبيني اسوي حاولي تسجلينه بعدين !!

قلت لها راح تفتحون شعب يديده تقول لي احتمال

مشيت وخليتها

 

[الخاطر المكسور]

بنات بغيت اسالكم ليش الاضافه ما تطلع بالموقع :lkmnkl:

بنوته نفس حالتي انتي

ماراح تطلع لنا الا عالمواعيد الي اهم حاطينها لنا

يعني معدلين النظام لو مخلينه نفس قبل وايد احسن

:eh_s(4):