أول مرة كان صدمة بـ النسبة لي ..
المهم اتصلت الأم و قالت مواصفات الولد امن ضمنها ان الولد " عنده تكنولوجيا 4 سنين " انا استغربت شلون تكنولوجيا 4 سنين .. المهم انا مابلعت السالفه و ظليت متضايقة و شلون امي ما تأكدت من السالفه حزتها ..
لما شفت أهله امي سألتهم شلون تكنولجيا 4 سنيين ؟!! قالت مو كلية الدراسات التكنولجيه لأ ثانوية تكنولوجية " صـناعي مكشخينها " صدمة عمري و الله .. قلت هذي اولها ينعاف تاليها ,,
شفت الولد عقبها وضعه غريب الصراحة " قاعد و مستحي و قاعد على اعصابه و يقولي انتي سئلي " شنـو أنا أسـأل" ؟!! ,, قلت له مو محضرة اسئله انت اسأل .. و بعدين سأل أسئلة عادية ..
سألته ليش طلعت من المدرسة ؟ و اذا يقرا و عنده اطلاع ؟ قالي يقرا جرايد !!
سألته شنو مواصفات الزوجة الي تطمح لها ؟ رد بالاجابة المعروفة تداري بيتها و تلبس عباية ..
رد و سألني شنو مواصفات الزوج الي تبينها ؟ قلت محترم و خلوق و شخصيته سويه و يداريني و يتفهم و يقدر ظروفي و يفهمني ..
رد بـرد صعقني الصراحة ؟ قال التفاهم و التنازل ما ايي الا بعد 4 - 5 سنين من الزواج نشوفها تستاهل و لا لأ .. طبعاً كل الحوار ما استمر 7 دقايق و اخير شي طلع قبل لا يطلعون اهله و انا قاعده قلت لكم كان قاعدى على اعصابه,, مو ذوق كلش ..
طبعاً لما راحوا قلت حق امي ما ابيه لأسباب الشهادة و الاسلوب كلش ما ريحني و حسيته معقد و اتطوائي و كملها بسالفه التنازلات ,,
امي قالت اكيد راح ترفضينه قلت لها ليش ؟ قالت مطلق من 4 أشهر و لما سألت عن السبب قالت البنت مو سنعه !!! ..
زين ليش ما تكلمتوا من البداية عن شهادة ولدكم و ووضعه الاجتماعي ,, جان ما استقبلتهم من البداية و كل شي قسمة و نصيب ..
يعني من حقي ان يكون زوجي صاحب شهادة و عنده اطلاع علشات اعرف اتواصل معاه ,, و من حقي ان يكون زوجي انسان متفاهم و طبعاً يكون جنتل .. و الاهم وضعه " كمطلق " ..
و الي يضحك زيادة بعد اسبوعين اتصلت علي رفيجتي تقول ان نفس الناس يايين يخطبونها .. بس رفضت من قبل لا تشوفهم
و الي يضايقني ان وايد ناس يتصلون و يقولون نبيها دينه و تلبس عباية ؟ من متى كانت الديانة بالعبايه. و لله الحمد البس عبايه و عن اقتناع و يظل هالشي يضايقني ..
و الي يضايق اكثر ان هذا الشخص كلش ماله بصوب الدين بس يتشرطون ..
و لا الي تتصل و تقول نبيها " مكونة روحها " لا و الله شنو خلفت ولدكم و نسيته ,, و الله عيب
و الي تقول نبي عيونها ملونة .. امي تقول بنتي عيونها مو ملونة تقول مو مشكلة بس نيي نشوفها ,,
و الي اييون يتطمشون و يروحون و بدال ما يقولون ان شاءالله يكتب الي فيه الخير و نرد لكم خبر تقول آسفة ثقلنا عليكم ..
عيب و الله عيب ,, بنات الناس عندهم قدر و مكانه ,, و الحمدلله عقب هالأشكال و اهلي رفضوا يستقبلون احد ,, لاني جد مافيني حيل للعاهات..
