أنا وين كنت عن هالموضوع
الصراحة قريت أبرز الأحداث .. ما رمت اقراه كله وااااااااااااااااااااايد
ما علينا بخبركم عن تحفة زمانه اللي خطبني قبل ريلي ..
انا انخطبت كمن مرة .. بس هذا من النوع اللي لااااااااااااااااينسى
اسمه خالد .. وودي اقول اسم قبيلته واهله واشهر فيه .. يلوع الجبد
طبعا هو ما شافني قبل الخطبة ..
انا كنت رايحة أخلص معاملة وتدرون بالامارات خاصة بوظبي غلب البنات أسود بأسود ,, وأنا اصير اسود بأسود حتى موب نقاب لا غشوة تغطي كل الوجه لا بغيت أخلص شيء في الدواير الحكومية
وكنت اخلص معامله بالجوازات .. وحظي الردي عقني ف مكتبه ..
طبعا هو أخذ رقم الموبايل من الملف واتصل .. وردت عليه أمي <<<< كنت حاطة رقم امي !!
من بعدها طلب يخطب .. ويا ..
شفته عقب الخطبة ..
وامي تمدح فيه وهو شكله كان مقبول نوعا ما بس كان عنده لحمية .. وقال بسوي عملية وبشيلها
بعد 10 أيام يتصل فيني وأنا ما أرد .. ( ما أعرف الرقم )
عقب امي اتصلت قالت لي والله خالد يقول انه يايب لج شراي للسيارة .!!
اتصلت له وقلت له : من طلب من حضرتك تدور لي شراي ؟؟ اصلا أنا ما اريد أبيع ..
قال الأخ: بتعرسين وبنستعمل سيارة وحدة ما يحتاج سيارتين ؛<<<<<<<<<<<<<< عشتواااااا
طبعا قلت له : اطلع من هالموضوع وما يخصك ف هالامور .. حلالي أنا ابخص فيه,,
عقبها بيومين يتصل بالليل .. ما رديـت .. للفجر يتصل وأنا ما أرد ..
عقب كلمته الصبح قلت له ما بترمسني الا بعد الملجة ولا تتصل بي لو سمحت
وسكرت الخط بويهه ..
والا الأخ ع الساعة 3 الظهر رجع يتصل .. وأنا ما أرد ..
الساعة 4 ونص أنا طالعة من الدوام وهو يتصل وحارق الموبايل اتصالات و أنا مطنشة
ييت اركب السيارة ما حسيت الا بسيارة تويتا فور ويل تسكر علي الطلعة والا هو ينزل الجامة ويصارخ ( ليش ما تردين علي !!!!! )
انال بكل هدوء رجعت ريوس واتحاشيته وطلعت .. وهو وراي يضرب علي بالفول ليت يباني اوقف ..
عطيت اشارة يمين ووقفت ..
اول ما يا جنبي قلت له ( اسمع يا ولد الناس انا سايرة البيت وان مشت سيارتك وراي عقب الاشارة ما تلوم الا نفسك .. والله مخيرز ما يكفيني فيك ) "مخيرز سجن كبير بالصحرا عندنا "
وتحركت .. وهو يتصل ما رديت عليه ..
عقب شفته وراي .. بلغت الشرطة ان فيه واحد يلف علي وعطيت ارقام سيارته ورحت البيت لقيت امي محتشرة ومعصبة ( الأخ مخبرنها ) .,,
انا قلت لها : ما اريد اي كلام في هالموضوع ...
وسرت غرفتي واذكر كان ويك اند .. سكرت الموبايل وقعدت بالغرفة لين يوم السبت ..
ونزلت لأمي يوم السبت قلت لها امي ترضين انه يغلط علي بالشارع ؟؟ ترضين انه يتدخل فيما لا يعينه ؟؟
طبعا امي زعلت مني وقالت له : انتي مقرودة ومنحوسة وبتعنسين وهالريال زين وغيره وغيره ..
وانا طنشت الموضوع كله وقلت لها ما اباه لو يموووت
واتصلت بأخته وقلت لها مالنا نصيب وخلاص هالموضوع ينتهي
عقب اسبوعين شفته يتصل على رقم امي رديت عليه وصارخت عليه وقلت له الظاهر ما تبت .. الشرطة هذاك اليوم ما ترست عينك .. لازم تتشرشح مرة ثانية ..
قال لي انتي اللي بلغتي الشرطة .. قلت له هيه واعلى ما ف خيلك اركبه .. وسديت الخط ومسحت رقمه وارتحت منه للأبد
طبعا الله رزقني سيده وتاج راسه
_03BA: جان الحين معلق في سااحة العلم هههههههههههههههههههههههههههه 
