~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[زيـنـه]

صباح الخير

شلونكم ؟

ودي انضم لكم و ان شاء الله بداية موفقه من اليوم .

 

[GAP^^الكبيرة]

شيووووخه.. حبيبتي شلونج ؟؟بشري عنج...
الجوري... اذا الوزن اللي بتنزلينه وايد راجعي عند اخصائيه او طبقي رجيمات من المنتجى وكل اسبوعين او شهر غيري رجيمج عشان لا تملين
انا افضل اذا الوزن اللي بتنزلينه وايد تبتدين بالسعرات الحراريه وبعدين قطعي النشويات

نص انجنير... حبيبتي الله يسهل مشوار رجيمج ترا 6 كيلوات تهون .. واذا شديتي حيلج بشهرين تنزلينهم

 

[GAP^^الكبيرة]

زينه المزاييين... هلا وغلا
حياج الله عزيزتي

شنو نوع رجيمج اللي بتمشين عليه؟
وشكثر ناويه تنزلين بهالشهر؟
انا صراحه مو ناويه احط توقعات عاليه 3-4 كيلوات بس
لاني ادري بعمري منانزل بسرعه اردهم اسرع

 

[GAP^^الكبيرة]

بنات فاقدتهم... رشووق وبطاطا وحساسه وينكم؟؟؟


خل احط لكم يومياتي ..

طبعا مع نتيجه المسابقه .. ضاق خلقي على روحي نزلت 4 ورديت منهم 3
فحطيت الاوربت تراك والجهاز الثاني بالصاله عشان اشوهم وانا اشوف تلفزيون
وامس وانا رايحه مع اختي جرير كانت روايه حق عبدالوهاب السيد وما حصلتها
المهم وانا هناك شريتيلي كتابين الاول مال جورج كروز.. بس جنه حسافه لان اغلب حجيه مكرر
والثاني له علاقه بسد الشهيد عن طريق تمارين ان ال بي
ببتدي بهالكتاب



وبقولكم اذا يسوا ولا لء
ان شاء الله ان شاء الله.. امشي اليوم 30 دقيقه متواصله
نظامي طبعا لاني وايد مخربطه مرح اروح موعدي باجر
بس بلتزم بنظام التغذيه اللي معطيني اياه


امس ريوقي كرواسونه محشيه جبن وسبانخ وشاي وحليب...



وغداي كان سلطه شمندر وخضار



والعصر اكلت نص صحن باستا
والعشا كان سبانخ وطماط مجفف ولبنه
واكلت لي براوني بالنص
وجم حبه بطاط
وودعت التخربط.. الى الابد ان شاء الله

اليوم ريوقي... هم سبانخ ولبنه (( طول ما اكو سبانخ فرش))هههههههه



وغداي باذن الله نص خبزه خفيفه عرايس وروب وسلطه
وعشاي بيكون باذن الله كورن فليكس
سناكي الاول نص كوب عصير
سناكي الثاني كوب لبن خالي الدسم
سناكي الثالث 3 تمرات

 

[GAP^^الكبيرة]

واااي بدلياتي لا تطاااق

بليز بنات طوفو ههههه

 

[زيـنـه]

غاب

تبين الصج ما ادري شنو راح امشي عليه .. المشكله ما احب التزم ببرنامج معين

بس كثر ما اقدر بقطع الحلويات و النشويات ... يعني طقة بوعباس .

و نزولي بطئ جدا .. من تجربه سابقه بالشهر كنت انزل 3 او 4 تقريبا .. بدون حركه او رياضه .. هالمره ان شاء الله اتحرك شوي .

و الله كريم .

 

[GAP^^الكبيرة]

زين تسوين .. ابتدي جذي لين تسوين لج نظام خاص فيج يريحج

وما عليه حبيبتي .. 3-4 بالشهر ترا هم زين ... شدي حلبج وبالتوفيق ان شاء الله

انا اهم شي افتكيت من ال80 لانه كان مسويلي عقده... كل ما انزل بال70 ارد اطق ال80

وبالنسبه للرياضه والله مو كل يوم اسوي.. شاريه الجهاز اللي قالت عنه سمسومه واليوم اللي بسوي رياضه البسه من الصبح من اوصل لي 15000 اوقف >>> اكسل من جذي بعد ماكو هههههه

زين بسالج سمعتني عن المشي... انا كنت اقرا او اسمع ن لاجسم ما يحرق الابعد 20 ديقيه من ممارسه الرياضه
وبعدين بمنتدى ثاني خبيره تغذيه معاها ماجستير كانت تقول ان الجسم بعد ال30 من ممارسه المشي بيتدي يحول الدهون الى عضلات والجسم ما ينزل وزن
مادري منو اصدق؟؟؟
خبير التغذيه قالي امشي 3 مرات بالاسبوع ساعه
انا قلت بمشي 30 د كل يوم
وان شاء الله فيه الفايده

 

[بطة رشيقة]

قووه بنات شلووونكم عساكم بخير ... انا بخير الحمدلله وملتزمه صارلى جم يوم ... بس انا وايد وايد متضايقه وزعلانه عندى ظرووف كلش مو حلوه .. بنات ادعوولى ان الله يفرج عنى ... ويفج ضيجتى انشالله ... اشوووووفكم على خير ..

 

[GAP^^الكبيرة]

قووه بنات شلووونكم عساكم بخير ... انا بخير الحمدلله وملتزمه صارلى جم يوم ... بس انا وايد وايد متضايقه وزعلانه عندى ظرووف كلش مو حلوه .. بنات ادعوولى ان الله يفرج عنى ... ويفج ضيجتى انشالله ... اشوووووفكم على خير ..

مو بشاره
الله يفرج همج وضيقتج يا رب
وتذكري حبيبتي كلام الله سبحانه وتعالي
بسم الله الرحمن الرحيم
وَلَنَبْلُوَنَّكُمْ بِشَيْءٍ مِّنَ ٱلْخَوْفِ وَٱلْجُوعِ وَنَقْصٍ مِّنَ ٱلأَمَوَالِ وَٱلأَنفُسِ وَٱلثَّمَرَاتِ وَبَشِّرِ ٱلصَّابِرِينَ
واقري هالدعاء وايد زين عن تجربه
اللهم إني عبدك وابن عبدك وابن أمتك ناصيتي بيدك ماضٍ في حكمك عدلٌ في قضائك ، أسألك بكل اسمٍ هو لك سميت به نفسك أو أنزلته في كتابك أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ونور بصري وجلاء حزني و ذهاب همي

 

[جوجو.]

شيووووخه.. حبيبتي شلونج ؟؟بشري عنج...
الجوري... اذا الوزن اللي بتنزلينه وايد راجعي عند اخصائيه او طبقي رجيمات من المنتجى وكل اسبوعين او شهر غيري رجيمج عشان لا تملين
انا افضل اذا الوزن اللي بتنزلينه وايد تبتدين بالسعرات الحراريه وبعدين قطعي النشويات

الوزن وايد والله مو شويه تنصحيني بأي رجيم ؟

 

[جوجو.]

صباح الخيرات
يالله gap شرايج ؟

 

[mn.mn]

على ماترد عليج قاب أنا ارد عليج

والله والله ماكو على رجيم المطوع

أنا لي اليوم نازلة 10 كيلو وناوية اكمل عليهم

موجودين بقسم الانظمة الغذائية بموضوع لبنت الكويت

 

[mn.mn]

قووه بنات شلووونكم عساكم بخير ... انا بخير الحمدلله وملتزمه صارلى جم يوم ... بس انا وايد وايد متضايقه وزعلانه عندى ظرووف كلش مو حلوه .. بنات ادعوولى ان الله يفرج عنى ... ويفج ضيجتى انشالله ... اشوووووفكم على خير ..

يابعد عمري الله يفرج همج عاجلا غير آجلا

والمهم لا تخربطين لان صدقيني بضيق خلقج اكثر

وناطرين اخبارج الزينة

 

[mn.mn]

غاب

تبين الصج ما ادري شنو راح امشي عليه .. المشكله ما احب التزم ببرنامج معين

بس كثر ما اقدر بقطع الحلويات و النشويات ... يعني طقة بوعباس .

و نزولي بطئ جدا .. من تجربه سابقه بالشهر كنت انزل 3 او 4 تقريبا .. بدون حركه او رياضه .. هالمره ان شاء الله اتحرك شوي .

و الله كريم .

جربي رجيم المطوع حلو ومافي حرمان

و4 بالشهر ممتاز نعمة

أنا راضية بثلاثة ميخالف النزول البطيء أحسن

 

[mn.mn]

قاب شكل الفطاير يعور القلب عاد أنا هذي نقطة ضعفي

بالعافية عليكم

ووقفي خرابيط حرام تردين اللي نزلتيه

 

[GAP^^الكبيرة]

صباح الخيرات
يالله gap شرايج ؟

سوري حبيبتي كنت احوس بالمنتدى

شوفي انا مره كانت قايلتلي الاخصائيه اللي اراجع عندها.. اذا بديت برجيم قوي جسمي بينزل اول شي بس بعدين بيوقف
فانتي امشي على رجيم السعرات الحراريه او الحصص الغذائيه
وبعد ما تقطين النص او الاكثر نم وزنج
بلشي بالرجيمات الثانيه
لانج اذا حرمتي نفسج بتملين وبتردين تاكلين اكثر من اول

 

[mn.mn]

بنات الجو حده عجيييييييييييييييييييييييييييب

يبيله ممشى بس اخاف على ما اوصل تمطر

والمشكلة الثانية عيالي إذا طلعت بينقلب البيت حلبة مصارعة

قلبي معورني ودي اروح امشي بس شكلي مالي غير جهاز المشي

بنات دعواتكم باجر بروح المزرعة وما بي اخربط بس اخاف اضعف في وجه المغريات

 

[جوجو.]

على ماترد عليج قاب أنا ارد عليج

والله والله ماكو على رجيم المطوع

أنا لي اليوم نازلة 10 كيلو وناوية اكمل عليهم

موجودين بقسم الانظمة الغذائية بموضوع لبنت الكويت

بعد عمري مشكوره

أوكي
بس جنه قالولي لازم تشربين الجاي اللي عنده مادري شنو ؟ عدل ؟

 

[جوجو.]

سوري حبيبتي كنت احوس بالمنتدى

شوفي انا مره كانت قايلتلي الاخصائيه اللي اراجع عندها.. اذا بديت برجيم قوي جسمي بينزل اول شي بس بعدين بيوقف
فانتي امشي على رجيم السعرات الحراريه او الحصص الغذائيه
وبعد ما تقطين النص او الاكثر نم وزنج
بلشي بالرجيمات الثانيه
لانج اذا حرمتي نفسج بتملين وبتردين تاكلين اكثر من اول

عدل كلامج
ان شاالله

 

[جوجو.]

منمن عندج جهاز المشي ؟
تستخدمينه والا طايح حظه ؟