!~¤§¦ مسابقة نجمة الرشاقة ¦§¤~! (انتهت)

[MissChoco]

رد: !~¤§¦ مسابقة نجمة الرشاقة ¦§¤~! (بداية)

تووووني كليت برتقالتين و روب خاااااااااالي الدسم

 

[سمسميه]

رد: !~¤§¦ مسابقة نجمة الرشاقة ¦§¤~! (بداية)

صباح الخير يا حلوين
اليوم ببدي رجيم اتكنز بس مع بعض التعديلات من عندي لان وجبات الدايت خلص اشتراكي معاهم

 

[MissChoco]

رد: !~¤§¦ مسابقة نجمة الرشاقة ¦§¤~! (بداية)

صباح النووور ياهلااااااااااا

سمسميه .. شنو هذا الرجيم اول مره اسمع فيه :×


وانا توني مشيت ساعه

 

[abaliabal]

رد: !~¤§¦ مسابقة نجمة الرشاقة ¦§¤~! (بداية)

السلام عليكم بنوتات حلوين
يا جماعة انا حبيت هالمنتدى لله في الله
واقولكم الله يوفقكم جميعا وخصوصا انكم قاعدين تجاهدون والله جهاد
يبه الرجيم انا عايشه معاه طول عمري
مع اني مو عصلة ولا متينة ((بسسبب الرجيم الدائم في حياتي((
انا طولي 162 ووزني 64-65
وللاسف كنت اول قبيل سنة ((وقبل لا اتزوج)) وزني دائما 61 يعني مثالي
الحين احاول احافظ مع كل انواع المطاعم والحلويات وبنات الدوام
لازم اقولكم قصتي صح
قبل لا اصير 25 كان الوزن مثالي وهو 61 والطول 162 واحيانا انزل الى 59
محد يتحاني بلبس
وكنت اشتغل بمستشفى الفروانية وانتوا عارفين كمية البشر الزوار والمرضى والحالات والركض والعبالة
فكان على طول رياضة صباحية
وكنت يوميا عدى خفاراتي امشي بممشى السرة او مشرف متدرجة من 4 الى 7 كيلوا مشي سريع مع عباة شلاح وسيعة وعلاق قطن ولفة مدبسه...
ثم
تغيرت حياتي
اولا :
حولت الى مستشفى الولادة وعدد الحلات انخفض من 230 حالة الى 15 حالة (بالكثير)
النتيجة ماكو حركة نهائيا مع زيادة وقت الفراغ فاصبح الريوق من شاي حليب وكرواسون سادة الى كيس كامل توست وريوق لبناي (زيتون ولبنة وزعتر وعيل وقيمر) ومطارة شاااي تقند الراس
وبسرعة خلال شهر تزوجت
وهو ثانيا:
وبعد اكل امي الخنين (والي يمشي مع معاير الرشاقة حتى لو مجبوس لان الوالدة تحافظ على رشاقتها بعد)
اصبح المطعم صديقي الدائم واصبح البيبسي والريد بول!! في ايدي على طول
والمعكرونيات وطبعا
ثالثا
ماكو مشي اكو عززززززززززززاااااااااااااااااااااااااااائئئئئئئئئئئئئئئئئئئئئئئئئئئئئئئئئئئئئئممممممممممممممممممم
فزاد البلع الى ان وصل وزني

68
وكنت بما للكلمة من معنى بطة بالنسبة للرشاقة السالف ذكرها
وهنا وبعد سنةمن الزواج واله ما كتب لنا عيال للحين
بدأ الزوج في التعليق اكثر.. فاااككككثثثثرررر
ففففففففففففاااااااااااااااااااااااااككككككككككككككككككثثثثثثثثثثثثثثثثثثثثثثثثثثثثثرررررررررررررررررررررررررر
ضعفي
وين الضعف ايام الملجة
بس لا تاكلين صايرة بتتوتته(تدليع بطة)

وفي لحظة

رحت وسويت تحليل شامل للدم والهرمونات
يسمونهم Rbc & Addmition Profile
وتحليل لخامس يوم الدورة علشان يتأكدون من هرمون الحليب و21 يوم الدورة علشان يشوفون هرمون الانوثة واذا طلع نازل فمعناته في تكيسات ومتن وشعر....
المد لله كل شي طلع نورمال وتمامو مية المية ورحت حق وزارة الصحة قسم التغذية بالصباح
(وذلك لاني يأست من ريجيمات الكيميائية ودشتي

والتي اثبت مضارها حيث صديقتي عانت من ارتفاع اززيمات الكبد)

وعطوني هذا الرجيم والذي يحتوي على 1600 سعرة حرارية بس كله بلع في بلع ومع مشي ساعة او جري 15 ساعة ينزل كيلو كل اسبوع مع المحافظة
الريجيم ينفع جدا للحياة اليومية ولايف ستايل وانا مطبقته على طول مع التخريب احيانا بالمطاعم لاننا
ما نستغني

الريجيم يحتوي على كل انواع النشويات والكربوهيدرات والبروتين ولكن من كل شغلة نوع وراح اعطيكم الاختيارات الموجودة بالجمعيات وانشالله تتقبلونها مني

الفطور :
1- اما خبزة سمرة ضعيفة او نص خبزة سمرة متينة او 2 شريحة توست اسمر
2- قطعة كيري سلفايد او 2 م لبنة خالية الدسماو بيضة مسلوقة او سلايس جبن خالي او قليل الدسم
3- كوب حليب خالي او نص دسم )+\- شاي والشكر لازم اسمر
4- شرايح طماطة وخيارة وخس
5-م ك واحدة زيت زيتون

السناك الساعة 12 (اذا احببتوا):
حبة فاكه اي نوع

الغدا:
1-شوربة عدس(اخياري ويجب ان تكون المحتويات فقط عدس وبصل وطماط وماجي وزيت دلال بدوار الشمس)
2-بحجم كوب الروب مرق
3-بحجم كوب الروب عيش (مشخول او المجبوس) او خضار سوتيه
4-صدر دجاج او 2 قطعة لحم او سيخ كباب او 3 قطع كفته او شيش طاووق او علبه تونه ضفيرة او سمك فيليه مشوي
5- وهو الاهم سلطة خضرا كبيرة (جرجير بربير بقدونس وخس وريحان وجزر مبشور .... )
يفضل شرب الماء قبل الغدا وا بعده بساعة علشان ما ينعسر الهضم

السناك:
وبما اننا لا نستغني عن الكاكاو ونبي شكر او سويت ف
( قطعة صغيرة من اي كاكاو مر (مثال كاندريل للسكر) او 3 جبات تمر

العشا :
نفس الفطور او روب وخس وخوخ

لا تنسون 6 اكواب ماي ومشي ساعة او رقص شرقس ساعة يهيهيهيهيهيهيه
وشكرا على القراءة وانشالله تستيفدون منه
ترى حده اوكي
ملحوظة : لكم وجبة من اي يوم من الاسبوع فري

 

[mrs_sugar]

رد: !~¤§¦ مسابقة نجمة الرشاقة ¦§¤~! (بداية)

abaliabal

مشكورة حبيبتي على النصايح و الريجيم الصحي

انا تقريبا جذي نظامي مع فليكس غورميه بس اخر شي صار اكلهم مو لذيذ

مشكورة مرة ثانية

 

[لولي**]

رد: !~¤§¦ مسابقة نجمة الرشاقة ¦§¤~! (بداية)

هلا بنات
صباح الخير
اليوم بعتبره اول يوم لي مع رجيم التوست
رغم انه بدأت من امس
يارب يسهل وينفع معي
بنات بسالكم في وحده تاخرت عليها الدوره من بدينا الرجيم دورتي للحين ماجت متاخر 10 ايام انا اقول شكله من الرجيم تخرب الهرمون والله مو عارفه شسوي

 

[abaliabal]

رد: !~¤§¦ مسابقة نجمة الرشاقة ¦§¤~! (بداية)

بنات انا ما انصح انكم تسون ريجيم قبل موعد الدورة مباشرة لانه راح يأثر على الرحم مثل ما صار معاي
والدورة عادةاً تتأخر اربع تيام عادي
ويكمن الله لا يقوله يصيرلكم سدد من الريجيم الزايد والغير صحي
قصة : وحدة عشابه صارلها 41 سنة تعالج الحريم والريايل علشان الحمال والعسيال حتى الشعر والبشرة كله بالاعشاب الطبيعية
تقول
اكثر المرضى اللي يونها اهم بنات الجامعة والللي على طول ريجيمات بايخة مثل تفاحة وبرتقالة.. عيش لا واعشاب ما تشرب ..... كلهم مليانين هوا وافرازات مو شفافة وصفرا وريحة نتيجة اهمال الرحم بس
صدقوني انا كنت جذي والحين توني خلصت علاج
انصحكم ( حق اللي ماتبي اتحمل ) خل تسوي تجويع )وليس ريجيم) واللي تبي تعيش صاحية تاخذلها نظام مطبق من اي منظمة صحية او دتور فاااهههم
وا تهمل الاعشاب والدارسين والعصيدة اللذيذة المليانه فلفل ودارسين
واسفة عالازعاج
اعزكم كلكم مثل خواتي وحطوا بالكم على روحكم

الحيم مو تخلون المسابقة وتاخذونها حجة
وتقولون ابالي ابال قالت
وانشالله النتايج تكون عال العال

p.c.:
ادري البدليات لا تعد ولا تحصى اصلا انا ام البديلات بلا منازع واللي يعرف نكي راح يعرف منو انا؟

 

[OM 3ABOD AL 7LOO]

رد: !~¤§¦ مسابقة نجمة الرشاقة ¦§¤~! (بداية)

almost a whisper
بعد عمري قاعده احاول اسوي في حركات وببدا اتقبل الواقع المرير

بطاطا
مشكوره حبوبه على الدعوة


حبايبي انا اليوم نفسيا احسن والدوره لي الحين ما انزلت من تاريخ 10 \ 1 اخر دوره شفتها وشافتني ولي يومكم هذا
وعلى قولتكم يمكن من الرجيم والله اعلم
اليوم بروح النادي
ريوقي كان عصير برتقال
والغدا روب خالي الدسم
والسناك الي قبل النادي قلاص حليب خالي الدسم
لاني شاطره ولي الحين مستمره على رجيم السوائل

وعلى طاري المسابقة لازم عقب هالمسابقه على طول جولي الحلوه تسويلنا وحده ثانيه
احنا تونا في بداية طريج الرشاقه والدرب جدامنا طويل انشالله تسويلنا مسابقه ثانيه

 

[jolie_q8]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

قوه بنااااااااااات

ترا ما بقى شي على نهاية المسابقة

وان شاءالله قريبا راح نفتح مسابقه يديده ...

 

[OM 3ABOD AL 7LOO]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

يا بعد قلبي يا جولي

مشكوره والله كنا نحاتي لا تكون اخر مسابقه

 

[سمسميه]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

abaliabal
تلاحقي نفسج بالرجيم دام انه الشحوم توها فريش تنزل بسرعه
موفقه

مس كاكا
اتكنز تلقينه على هالرابط الي اهوا رجيم د- حسين دشتي

رجيــــم الدكتـــور حسيـــن دشــــتي بالتفصـــيل الممـــل

بس انا مغيره فيه شويه على حسب طريقة د بوعباس

رجيم الدكتور يوسف بو عباس (( حياكم))

مع شوية اضافات من عندي_03BA:

 

[قطوة الكويت]

رد: !~¤§¦ مسابقة نجمة الرشاقة ¦§¤~! (بداية)

قطوه انتي قلتي اذا خربطت لازم اعيد من الاول ضيقتي خلقييييييي بس قلت عادي مابي انزل 8 باسبوعين لو 3 راضيه
لاني ماحب وزني ينزل بسرعه عشان لا ارده بسرعه ..

اهلين مستشارة احلى شي بالكيميائي ان يبين من اول الايام الضعف

وصج مكتوب بالورقة اللي عندي ان اذا خربطتي او بدلتي بين وجبة والثانية ان لازم من اول يوم اتعيدينه

بس يالله هم حلو اذا مو 8 كيلوات اربع كيلوات بعد حلوين


والله يوفقج ياربي :tek:​

 

[go0omar]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

قووووه بنات اشلونكم انا انشاءالله بشد حيلي عشان اضعف في هل 4 اياام لانه وزني عطاكم عمره ماقام ياثر فيه شي ياجبل مايهزك ريح

اليوم رجيمي رجيم سوائل

والله كريم

 

[قطوة الكويت]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

أم عبود الحلو

الله يوفقج ياربي وتنزلين

وحاولين تستعملين حبوب بروفيرا 3 حبات باليوم لمدة 5 أيام وتنزل الدورة بعدها بأيام أو بالكثير اسبوعين

ترا انا صارلي سنتين آخذهم كل شهر عشان انزل دورتي من المتن والهرمونات الملخبطة ماتنزل علي الا جذي

ودكتورتي قالت عادي اخذيهم ومايأثر بالحمل وصج قبل 3 سنين بعد كنت اخذهم وعادي حملت عليهم ولا فيه أي تأثير

ولا ان الدم الفاسد يظل بالوحدة وماينزل

نصيحة اخذيهم لان اذا فيه حمل يثبته واذا مافي ينزلها

وانا الحمدالله الحين من بعد الولادة الاخيره اول مره هالشهر انزلت علي الدورة بدون الحبوب

لان الحمدالله وزني نزل وجدمت 4 ايام يعني هم بوادر حلوة للحمل

بس الحمدالله خلاص بشوف روحي وبشوف جسمي وبعيش حياتي :dddds: برشاقة

اوكييييييييييييييييييي ام عبود اخذي الحبوب ولا تتحسفين ترا اهيا كدة :eh_s(15):


وجولي حبيبة ألبي مشكووووووووووووووووووووووووووووووووووووووووووورة على المسابقة الياية مقدما :tek:

وأنا معاااااااااااااج لييييييييييييييين انشالله يوصل وزني 70 :yaaaaaarb:​

 

[jolie_q8]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

انا اليوم الله هداني وبسد حلجي هالاربع ايام

ريوقي : حليب + سنكافيه

الضحى : 2 برتقال

وغداي بخليه اهوا عشاي (سمك فيليه + سلطه)

واذا يعت بالليل عصير اناناس مع كيوي

بشوف هالاربع ايام بخليه وجبه وحده رئيسيه والباجي فواكه وسلطه

والله كريم

 

[أوشال]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

بنات منوو بيسجل للمسابقة اليديدة أنا اوووول وحدة وانتووو؟؟

 

[mrmr mrmora]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

شلونكم بنات؟

أنا بعد إن شاء الله بسجل

أبالي أبال مشكوره على طرح تجربتج ولحقي على نفسج أنا يوم أتزوج وزني كان 53

أم عبود ماحللتي؟

 

[mrmr mrmora]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

أمس تغديت بشليز شربت شوربه وكليت سلطه

وماتعشيت

اليوم قاعده اشرب قهوه والغدا متبله ستيك ومو أكيد أكل منه

 

[سمسميه]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

ريوقي
موكا سكيمد ميلك
غداي
كباب+ تبوله
العصر
قهوه عربيه وتمر
العشا
عرموطه+ صمونه صغيره من خبز الصويا+نسكافيه

وان شاءالله يعدي اليوم على خير

 

[بطة رشيقة]

رد: !~¤§¦ مسابقة نجمة الرشاقة ¦§¤~! (باقي 4 ايام على النهاية)

قوووووووووووووووووووووووووه بنات شلونكم انشالله بخييير ولهت عليكم واااايد واااايد واااايد انا كنت مسافره وتنقطعت عنكم هالجم يووووم واليوم رديت قلت خل اشوف الرشيقات شخبارهم انا والله يعنى حاولت انى التزم بس للاسف للاسف وزنى اتوقع انه تحطم واخترب كل شى بس بشتررررررررررررررررررررررررررررررررررررررررررررررررررررررررررررررررررررررررررررررررررررررررررررررررك انشالله بالمسابقه اليديده وينها ومتى وشلون ؟؟؟ دلووووونى عليها يا حبيبااااااااتى



خل اروح الحين واشوفكم على خير