©?°¨¨°?©©?°¨¨°?©تجمع مميز لمواليد الصيف شهر يوليو واغسطس ©?°¨¨°?©©?°¨¨°?©

[athora]

صباح الخير شلونكم اليوم ..جنه الغبار خف

 

[ZajiL]

هلا عذوره
والله ماادري ماطلعت اليوم ان شاء الله خف

 

[athora]

من الدريشه شكله خف لاني اليوم مواعده عيالي بنتغدا بالافنيوز

 

[athora]

لولو رحتي لتنزيلات مذر كير ؟

 

[ZajiL]

اي امس رحت تصدقيييييييييين ماادري انه فيه تنزيلات رحت على ويهي وتفاجات واستانست

اخذت ملابس داخليه واخذت جنطه للبيبي وبعض الملابس
وجهاز الشفط بس ماكان تنزيلات عليه بس معتازته

فوط ومافوط وخرابيط خبرج التخمط ومو كل شي عليه تنزيلات

 

[ZajiL]

امس ريلي ين طقت جبده مني هههههههههههه
من كثر مافتريت قعد بستار بكس ينطرني اخلص لانه ريلي ملول مسكين مايقصر يوديني بس مايحب التفرفر
واحنا جبرج مانقدر مانتفرفر ههههههه

 

[athora]

صاجه الرياييل مايحبون السوق انا امس وداني بس ايكيا وطلعنا ما رضى نتعشى عشان وايد زحمه

عشان جذيه واعدت اليهال اليوم اغديهم

 

[athora]

ابي مخده الرضاعه مسوين عليها خصم؟

شريتي السراويل اللي تنقط ...لاتشترين منهم عندج بستي سنتر عند الكوتكس فيه سراويل بعلبه

صفرا مثل الكلينكس صايرين مثل شبك سترج

 

[ZajiL]

صج عذوره انا قريت ردج بموضوع ولادة الصباح
انتي ليش تولدين بالثامن وكل عيالج والدتهم باثامن ولا واحد بس

 

[athora]

عيالي الثلاث دخلو شيشه لان الرئه مو مكتمله والرابع الحمدالله مادخل بس كان اخر الثامن

والله مادري يمكن عشان انا امي ولدتني بالسابع :dddds:

وهالمره مايندرا الله واعلم

 

[ZajiL]

ابي مخده الرضاعه مسوين عليها خصم؟

شريتي السراويل اللي تنقط ...لاتشترين منهم عندج بستي سنتر عند الكوتكس فيه سراويل بعلبه

صفرا مثل الكلينكس صايرين مثل شبك سترج

اي صج شريتها لالالالالالالالالا ماعليها تنزيلات :0bee2e8d89:

لا ماخذيته خذيت "ستيانات الرضاعه "عليهم تنزيلات مو كلهم مجوعمه منهم وخذيت 2 من غير
تنزيلات اقولج خمطت :dddds:

 

[athora]

المشكله انه طول حمالي عوارات مثل الحين ولما اروح الدكتور بالمراجعه يفحصني ويقول و لاده بعديين ييني الطلق بعد الفحص ..

 

[ZajiL]

سبحان الله رحمج مايتحمل مدة الحمل
انا بعد كله اول التاسع ماعمري كملت ودي هالمره اكمل ليييييييييه نص التاسع على االاقل يكون البيبي اكبر شوي

انزين يعطونج ابرة الرئه وجم وزنهم عسى مو وايد صار وشكثر يضلون بالشيه لاني اعاني من هالمشكله الشيه
ودي مثل الناس استمتع بالبيبي ويبونه لي واشيله

 

[athora]

الاول اعتقد كيليوين و300 قعد 10 ايام

والثاني كيلوين و250 وقعدت اسبوعين لانها كانت اتعب وحده وطلعت من الشيشه كيلو و900

والثالث هم كيلوين وشي ماني ذاكره بس ماطول طلع معاي يمكن قعد 3 ايام

والرابع تحفه هم كيلوين وشي بس الحمدالله ما دخل شيشه اتوهقت فيه لان ماكان فيه غرف وكلساع

ييايبينه لي

 

[athora]

لا ماعطوني الابره بس ناويه اطلبها من الدكتور هالمره بس متى ياخذونها باي شهر

 

[ZajiL]

بعد عمري اانتف يالله الحمدلله انا الاول 2.700 والثاني 3 كيلو بس هم قعد بالشيشه اسبوع
كانت الرئه مو مكتمله ويوم طلع كان 2.600 لانه اسوبع عايش على المغذي

والدكتوره قايلتلي انه بسبب الرئه احتمال هالمره اول التاسع يعطوني ابرة الرئه

لانه ولدي كان وايد تعبان الحمدلله ربي عداه الشر

 

[athora]

لولو استأذن ريلي يا

 

[ZajiL]

لا ماعطوني الابره بس ناويه اطلبها من الدكتور هالمره بس متى ياخذونها باي شهر

انا الطبيبه قالت اخذها اول يوم التاسع بس بحالتج سالي الطبيب احسن
انا سائله طبيبه اعرفها مو طبيبتي قالت اي وقت تاخذها المره الي متوقع لها ولاده مبكره
وهي عباره عن ماده فيها كرتزون بسيط مايضر لا الام ولا الجنين حتى لو الياهل ماانولد ولاده مبكره والمراه
خذتها ماتضر بالعكس تفيده
وفايدتها انه الياهل اول مايطلع لمه يبدي يتنفس توسع الرئه عن الشهيق والزفير وماتخليهم متلاصقين

وشرحتلي عليها اهم شي ريحني انها ماتضر لو انولد الياهل متاخر عادي ماتضره

 

[ZajiL]

لولو استأذن ريلي يا

اذنج معاج حبيبتي

 

[Yasmin]

صبـــــــــــــــــاح العسل, شلونكم يا حلوين؟؟