©?°¨¨°?©©?°¨¨°?©تجمع مميز لمواليد الصيف شهر يوليو واغسطس ©?°¨¨°?©©?°¨¨°?©

[athora]

جهزتي اغراضج ولا للحين؟؟ انا ان شاءالله ببتدي من اول اشهر الياي بس للحين مادري من وين اخذ الكفر هالمره ودي

شي خفيف لان بولدي الاخير كنت شاريه الكفر من اللمسات الاخيره كان عود وكوشياته وايد واحجام ونقلته شغله وكان

بالشتا بس هالمره اول مره اولد بالصيف اعيالي كلهم بالشتا وودي بشي غريب اوزعه على الضيوف بس للحين ماني

عارفه شنو محتاره

 

[athora]

((ياسمين)) وانتي من اهله حبيبتي والله شكلي بلحقج

 

[-Bello-]

هااي بنااات
اليوم رحت مراجعتي و الدكتور قالي كل شي تمام الحمدلله و عطاني كريم حق ظهري عجيييييييييب حتى ريلي دهنته منه وراوانا وهابي لووووووووووول طافكم الحبيب منسدح و رافع ايده على يبهته نفس سدحت ابوووووووووووووووووه سبحااان الله غشيت من الضحك و الدكتور اقولي ابنك دمه خفيف لول على ابوه ماشالله

طلعنا و رحنا السوق افترينا لييين تعبنا وردينا تغدينا و نمنا نومت الكهف لان امس ما نمت بالليل وريلي مسكين مانام طول الليل مجابلني فعوضناها الضهر عدل الحمدلله
ام نحييييييييس
الحمدلله تطمنت الدكتور قال كل شي تمام ام شكري نستنا

(

اشوه الحمدالله طمنينا حجيه والحمدالله انه مافيج الا العافيه وسلم قلبه اللي حاطه ايده على راسه سلم قليبه انا الاخ اللي عندي حاط ريل على الريل والدكتور ميت من الضحك على المنظر سبحان الله
[

بنات ابي رايكم بشغله ..

بشتري baby changer او dresser bath الي تسبحين البيبي و تغيريله بس محتاره اخذ بلاستك و احطه بالحمام و انتو بكرامه و لا اخذ خشب نفس لون السرير و احطه بالدار يم السرير ؟؟ انا بصراحه ماحب اسبح البيبي بالحمام عزكم الله لان البيبي يبجي و يصارخ ماحب استاحش افضل بالدار و اقدر ادفيها و دام الدار رخام معناته ماراح تتبلل و بالحالتين البيبي مايحتاج غرفه تعبين الطشت و تنقعينه و تمسحين عليه .. انتو شرايكم ؟؟ انا بحطلكم صورة الاثنين و شاركوني الراي



هذا الخشب ب 70 دينار



هذا البلاستك ب 38 دينار

فجوووور الخشب حيل حيل عملي انا امي شرته حق مرت اخوي وهم حق اختي وايد عملي تبدلين عليه ونفس الحزه انه كبت وفيه مثل مكان تعلقين عليه الهدوووم .. وماشاء الله اختي ليلحين تستخدمه واهي كانت شاريته حق ولادتها الاولى واهي الحين عندها ثلاث يهال ماشاء الله وهم تستخدمه .. وبيني وبينج اخذيه حطيه بغرفة نومج واشتريلج الحووض النايلوون لصغير حق الحمام تكرمين حق السباحه وهذاك خليه حق التبديل وملابس البيبي ترى انا قصدي عن الخشب ها.. انا طلبتلي حوض مال سباحه من الانترنت حلوو وعملي حيل وقلت بشتري نفس الخشب يكون بالغرفه

((فجوره)) الحمدالله طمنتيني وديري بالج على نفسج

((نور دنيتنا)) زين على البركه حليتو مشكلة الماي الله يعينكم ....اعيالي الله يحفظهم للحين مثل ماهم الله يهديهم..

((لولو)) ((ام ضروي)) ((البنوته))((الارجوان))((عيون زوجي))((ام حمني))((صاحبة السمو))((ياسمين))

اشلونكم خواتي ولهت عليكم((ام تروكي)) الله يهداج علمتيني على يوميات مخطوبه والله وكيلج من امس

توني اخلصها لا والقصه بعد ماخلصت بنات لا طوفكم عجيبه اتعيشكم بعالم ثاني

بعد عمري عذوره تسال عنج العافيه .. انتي شلونج حياتي

:68_asmilies-com:


شلونكم شخباركم

امس واليوم لهيت مادشيت النت ابو الشباب رد من البحرين امس الظهر وسافر مره ثانيه لام الدنيا مصر

اليوم الظهر يعني قعد عندنا 24 ساعه بس :0bee2e8d89: ويرد لنا الجمعه ان شاء الله

وانا من الصبح قاعده ومفتر راسي رحت الصبح لموعد التقويم وعلى مارجعت جهزت اغراض السفر لابو

الشباب الله يرجعه لنا سالم ان شاء الله



]

اول شي الحمدالله على سلامتكم حبيبتي .. وقرة عينج على ردة بو العيال وهم يرووح ويرد بالسلامه..احس شكلكم كاااان حده فلم ككككككك ومسكينه بنتج لوووول ماجورين انشاء الله ياشماتة ابله زازا بيكي يا شماتة رمزيووووه النسره بيكي خخخخخ_03BA:

ياسمينااا
لوووووووووووووووووول انا تدرين لو يحصلي انام بيت ابوي مارد بيتي ؟ بس بشرط ريلي معاي لوووول والله كل ما انام هناك ابوي اعصب ماعندي بنات اهدون بيوت رياييلهم ! اشدعووووووه عن خاطري .. استمتع بس بنومة الضهر عقب الغدا عجييييييييييييييييبه اتحسين ماكو شي تفكرين فيه ماكو مسؤوليه ماكو شي قطي همج و نامي

اي والله فجوووور بيت الاهل غير .. انا الحين كل اسبوع ريلي منغير شر يسافر وقمت عادي ما اشتاق حق النومه كل اسبوع نايمه هنااك خخخخ حدي شبعانه وقمت اشتاق حق شقتي

 

[CaRaMeLaH]

صباح الخيــــــــــــــــــــــــــــــــــــــر يا حوامل

 

[CaRaMeLaH]

السلام

شلونكم بنات وشلون الحمال وياكم

انا باواخر الخامس ,ومن الحين ودي ابلش واشتري تجهيزاتي للولاده

ودي اشتري الكفر وابيه حلوو مع طقم اغراض البيبي حق الاستقبال ,,

وين احصل شي راقي وحلو ؟؟

ولكم سندريلا حياج الله

 

[ام تروكي 1]

صباح الخير

هلا ام تروكي شخبارج؟؟
شعنده ابو الشباب بيسافر ؟؟دراسه؟؟ <<وانتي شكووووووو

عيون اخ ياحبج للفضول ههههههههه

اي رايح يشوف الجامعات هناك ناوي على الماجستير الله يوفقه

ام تروووك
لوووووووووووووووول شفتيي ؟؟ انا قلبي كان حاااس انج اغريتي الناس بشي والله انني فلله لوووول
بدعت بنيتج اخترعت وعلييااا زين ماتعورت ! الله ستر .. الله يرد ابو الشباب بالسلامه و يعطيه العافيه
اي والله وهاابي حبيبي رااهي الاخ شعلييه الدلال سابقه الله اييبه بالسلامه اهو و اخوانه بيبياتكم
اممم وجهة نظرج نفس ريلي مادري احترت انا بنطر ماراح استعيل عليه رفيجتي توها والده و خذت البلاستك خنشوف شتقول عنه

ههههههههه شغريتهم فيه الله يغربل بليسج انا على النقاب بس البوشيه اللي فوق راسي طااااااارت لوووووووول

اي والله الحمد لله جتها سلامه وتقول ماما خلاص لانروح حدايق مره ثانيه هههههههه

والله يسلمج حبيتي ان شاء الله يرد لنا بالسلامه

ام تروكي

يالله انشاءالله يرد لج بو الشباب بالسلامه , يارب غلقه من غير الريل, والله حتى ماكو احد اناجره والا يطفرني

يالله انشاءالله يردون بالسلامه

ياسمين لاتشكين لي ابجيلج كلنا بالهوا سوا الله يعينا صج لهم مكان بالبيت

لوووووووول اشتقتي للنجره وان شاء الله يردون بالسلامه

 

[ام تروكي 1]

((ام تروكي)) الحمدالله على سلامته ويروح ويردلج بالسلامه

انتي اشلونج واشلون عيالج .... اتصدقين يوميات مخطوبه وقفت واليوم ادور الصفحه ما لقيتها اتهقين السالفه

مو صج بس بصراحه حلوه اتعيشين وياهم بالجو

آمين عذوره الله يرده بالسلامه ان شاء الله

وانا الحمد لله بخير وعيالي تمام

واليوميات مادشيها من قلتلج عنها مادري شصار عليهم اهما مسافرين مادري ردوا او لا شوي واروح اشوف

اول شي الحمدالله على سلامتكم حبيبتي .. وقرة عينج على ردة بو العيال وهم يرووح ويرد بالسلامه..احس شكلكم كاااان حده فلم ككككككك ومسكينه بنتج لوووول ماجورين انشاء الله ياشماتة ابله زازا بيكي يا شماتة رمزيووووه النسره بيكي خخخخخ

الله يسلمج بنوته وبنبيج ان شاء الله

اهو فلم وبس شقول شخلي بس والله ربي ستر ذاك اليوم الله لايعيده وانا افكر يوم شفت الاخبار والجرايد

والخراب اللي صاير بالديره اقول الحمد لله اللي جت صحن بلاستك مو حديد اوشجر فوق روسنا لووول

وانتي ايدج تحكج على الشمااااته لووووول :dddds:



CaRaMeLaH
صباح النور وينج غطيتي لاحس ولاخبر

 

[CaRaMeLaH]

بنات ابي رايكم بشغله ..

بشتري baby changer او dresser bath الي تسبحين البيبي و تغيريله بس محتاره اخذ بلاستك و احطه بالحمام و انتو بكرامه و لا اخذ خشب نفس لون السرير و احطه بالدار يم السرير ؟؟ انا بصراحه ماحب اسبح البيبي بالحمام عزكم الله لان البيبي يبجي و يصارخ ماحب استاحش افضل بالدار و اقدر ادفيها و دام الدار رخام معناته ماراح تتبلل و بالحالتين البيبي مايحتاج غرفه تعبين الطشت و تنقعينه و تمسحين عليه .. انتو شرايكم ؟؟ انا بحطلكم صورة الاثنين و شاركوني الراي



هذا الخشب ب 70 دينار



هذا البلاستك ب 38 دينار

فجووره البيبي جينجر الخشب من وين ؟؟ مفيد وحلو

وشثكر إرتفاعه مابي واحد طويل وايد أعابل بالياهل

 

[CaRaMeLaH]

CaRaMeLaH
صباح النور وينج غطيتي لاحس ولاخبر

إي والله صج غطست وطافتني هالصفحات كلها

كنت مرضية يوم الخميس والأحد وما أشبك إلا من الدوام إذا بالبيت بس أبي أرتاح ولا اعابل بهالشقة والتنظيف والشغل إلي مايخلص

وهالويك إند صبغت داري قاعده أجهزها حق ولادتي وكل شهر بسوي شغله وآخر هالشهر بركب ورق جدران إن شاءالله

 

[ام تروكي 1]

حبيبتي سلامتج ماتشوفين شر ان شاء الله وهذا وقت الامراض والحساسيه وانا الحساسيه ذابحتني هاليومين الله يعين

والله يعينج ماعندج خدامه تساعدج والله الشغل يهد الحيل

وان شاء الله تكملين تجهيزاتج وتفتكين

 

[CaRaMeLaH]

الله يسلمج وسلامتج أنا الحساسيه خفيفه عندي

وأنا ماعندي خدامه بييبها على الثامن إن شاءالله

بطلبها من أشكناني أو من الدخنان بييب أندونيسية

بس تدرين زوجي يقولي ورق جدران موضه قديمه شخباري إلي يحطوننه لاتحطين وأنا حدي أبيه رحت حولي ذاك اليوم ونقيته وصبغت بنفسجي حده حلو

 

[Yasmin]

صباااااح الورد :tek:

عذوره

انا لما الحين ما جهزت اي شي, بعد شهر انشاءالله ببتدي اللويه, والله يعين انا يديده على هاللويه


البنوته

شلونج حبوبه؟؟


كراميلا

صبااااح الورد وسلامتج وما تشوفين شر انشاءالله :tek:


ام تروكي

والله طلعت بينا عوامل مشتركه, حتى انا ذابحتني الحساسيه, بس امعاااطس والخشم والعين يحككون, ووقت الاستنفار الدموع مالها اربع اربع

 

[ام تروكي 1]

كراميلا

انا الحساسيه عندي مرعبه لدرجه لازم اخذ ابره الحبوب ماينفعون الحمد الله

اكيد الخدامه ضروريه بعد والنفاس ولويته الله يعين واشكناني ممتازين انا قدمت خدامتي اللي عندي اللحين

منهم والكلام تقريبا من 5 سنوات شحليلها وللحين عندي بس تدرين اشكناني مايجيبون الا من قرى

اندونيسيا ماتقولين اندونسيات سمر وجلحان لووول بس حبوبات اذا نفس اللي عندي

وورق الجدران حلو بس حساس مو مضمون لان اخت زوجي توها حاطته من اسبوع وجهزت غرفه النفاس

وتولد على شهر 5 ان شاء الله وصراحه راقي




ياسمين

هههههه اي والله في عوامل ازواجنا مسافرين والحساسيه لاعبه فينا خخخخخخخخ

نفس الاعراض وخاصه عيوني يااااي الحكه مووووو طبيعيه الحمد لله على كل حال




عذوره
شفت اليوميات منزلينها من المواضيع المثبته

 

[CaRaMeLaH]

هلا ياسمين الله يسلمج من كل شر

أم تروكي أقول حق زوجي بالعكس حلو وفيه شغلات عجبيه وخاصة حق الصالات حدهم إيننون

صورت غرفتي لما صبغتها وبصورها لكم عقب ورق الجدران

 

[CaRaMeLaH]

حدي مالي خلق الدوام وودي أستأذن

 

[Yasmin]

حدي مالي خلق الدوام وودي أستأذن

كراميلا

هذا عامل مشترك لدى جميع الموظفين :0bee2e8d89:

 

[ام تروكي 1]

كراميلا
صوريها خل انشوفها لاخلصت

والله يعينكم على الدوام


ياسمين
شفيج على العوامل المشتركه اليوم خخخخخخخ الضاهر من الحساسيه

 

[Yasmin]

ياسمين
شفيج على العوامل المشتركه اليوم خخخخخخخ الضاهر من الحساسيه

لوووووول ام تروكي ضحكتيني :dddds:

اييي يمكن من الحساسيه بس قمت اركز على اشياء معينه

 

[athora]

بنات اشلونكم ...انا اليوم مارحت الدوام ظهري من امس ذابحني

((كرميلا)) ولهنا عليج وسلامات ماتشوفبن شر حبيبتي

((ياسمين)) ((البنوته))((ام تروك)) ((لولو))(( فجوره)) اشلونكم

 

[Yasmin]

بنات اشلونكم ...انا اليوم مارحت الدوام ظهري من امس ذابحني

((كرميلا)) ولهنا عليج وسلامات ماتشوفبن شر حبيبتي

((ياسمين)) ((البنوته))((ام تروك)) ((لولو))(( فجوره)) اشلونكم

هلاااااا عذوره

سلامتج ما تشوفين شر, شلون ظهرج الحين؟؟

انا اليوم كنت على طريف واكشت بالدوام, قايمه متعسره ومو نايمه عدل