كويتيات للطبخ

العودة   منتديات كويتيات النسائية > >

كويتيات للمناقشات الجادة ركن يختص بمناقشة قضايا المجتمع وتبادل الآراء ووجهات النظر


تقول إنها ما تبي تتحجب ! و السبب إنها غير مقتنعة ! ( تعالوا بسرعة )

كويتيات للمناقشات الجادة



موضوع مغلق
 
أدوات الموضوع إبحث في الموضوع انواع عرض الموضوع
قديم 23-12-2011, 01:18:12 AM   #1
ترانيم القصيم
من كبار شخصيات كويتيات
 
تاريخ التسجيل: Dec 2009
المشاركات: 7,281

Smilies32 تقول إنها ما تبي تتحجب ! و السبب إنها غير مقتنعة ! ( تعالوا بسرعة )


بسم الله الرحمن الرحيم

السلام عليكم و رحمة الله و بركاته

أهلاً حبايب قلبي ,, كيف الحال ؟ عساكن بخير يا الغاليات ؟ ^_^

بس ملاحظة حبايبي قبل لا نبتدي بسرد الموضوع :

شوفن حبيبات قلبي بالبداية ,, ( اقرن الموضوع كامل ) ,, يعني لا تعلقين يا الحبيبة الطيبة على الموضوع و أنتِ ما بعد قريتيه كامل !

[ عشان لا يصير سوء فهم ]

ترى يبيّن من الردود من هي آللي قاريتن الموضوع كامل و من هي آللي ماهيب قاريتوهـ كامل

/

نبتدي على بركة الله و بسم الله الرّحمن الرحيم ,, ^^

أنـا يا حبايب قلبي ,, لفت انتباهي شي !

إن كثير بنات يقولن :

ما نبي نتحجّب ,, ما بعد اقتنعنا بالحجاب !

أنـا ضد إن الأم أو الأب يحجبون بناتهم و هن ما بعد اقتنعن بالحجاب ! ,,

طيب ..

راح أناقش معكن ,, هالإشكاليّة :

و أبي يا الغاليات تركزن معي بالحكي آللي أبي أقوله ,,

أول شي يا الحبيبة الطيبة ,, يا الأخت آللي غير ( مُحجّبة )

أنتِ غير مُحجّبة لأنك غير مقتنعة بالحجاب .. صح ؟

و أنتِ يا الأم الطيبة الحبيبة .. يا آللي ساكتة على هالوضع ,, و ما تبين تحجبين بنتك ( بالغصب )

و السبب إنك ضد سياسة الإجبار ,, صح ؟

طيب نشوف هنا ,,

أجل لو بنتك .. جت و قالت : ماما ما أبي أروح المدرسة ,, بصراحة مانيب مقتنعة بالدراسة

( يا ترى .. هل بتتركينها على كيفها ) ؟

يا الأبو .. لو جاك ولدك و قال : يبـة أنـا صرت رجّال و أبي أدخّن مثلي مثل باقي الشباب !

( يا ترى ., هل بتتركه على كيفه ) ؟


/

نشوف من جهة ثانيــة ,, أنتِ يا الحبيبة الطيبة يا آللي تقولين أنـا ما أبي أتحجّب لأني غير مقتنعة بالحجاب !

راح أثبت لك الآن إنك لو تبين تلبسينه راح تلبسينه سواءًا اقتنعتِ ,, و إلا ما اقتنعتِ !

القصة ماهيب اقتنعتِ و إلا ما اقتنعتِ .. القصة تبين و إلا ما تبين !

لو رتّبت جااائزة على لبس الحجاب قدرها مليون ريال أو مليون دينار أو مليون درهم ..

كان الحين ما فيه و لا بنت سفور ! كان الكل تحجّب ,, سواءًا المقتنعة ,, و الغير مقتنعة !

ليــه ؟ عشان الجائزة ! .. قال تعالى : { وَمَا عِندَ اللَّهِ خَيْرٌ وَأَبْقَى }

حبيبة قلبي ,, يا الحبيبة الطيبة ,, ^__^

اسمعيني شوي يا الغاليــة , إني لكِ ناصحة ,, و لقلبكِ محبّة ,,

و أنـا خايفة عليك من نار جهنّم

ليه تضحكين على نفسك حبيبة قلبي فديتك ,,

أنتِ كم مرّة بحياتك اضطرّيتِ إنك تسوين أشياء ما تبينها و لا تحبينها و لا أنتِ مقتنعة فيها


و السبب إن تنفيذ هالأشياء ( يصب في مصلحتك الشخصية ) ؟

كثير صح ؟

خليني أعطيك مثال :

المذاكرة مثلاً ,, غالبيّتنا ما يحب المذاكرة الشديدة المكثّفة ,,

لكن نضطر بأوقات الإمتحانات إننا نذاكر و ندرس و نشد حيلنا و نتعب و نسهر الليالي

( و بواقع الحال : نفسنا بكل صراحة تكرهـ هالشي !! )


يعني ما فيه إنسان يحب يتعّب نفسه و يجهدها و يسهر طول الليل ! معليش هذي بس الفطرة !

لكن كم مرّة أجبرناها على إنها تسوي شي ما تبيه و ما تحبّه ؟ كثيييييييييير والله كثيييييييير عدّوا و اغلطوا !!

لما تمرضين يا أختي الحبيبة الطيبة ,, تشربين الدوا صح ؟

و يمكن هالدّوا طعمه ( مر) ! و أنتِ غير مقتنعة بطعمه ( المر ) !

مع هذا تصبرين نفسك و تشربينه ( بالغصب ) ,, صح ؟

ليــه طيب ؟ لأنك تدرين بقرارة نفسك إن شرب الدواء و إن كان مر يترتب عليه شفاءك بإذن الله

صح حبيبة قلبي ؟

طيب .. قومة الصّبح حق الدوام ,,

محد يحب يقطع لذيذ نومه و يقوم من الصّبح ..


مع هذا نغصب أنفسنا و نجاهد حتى نصحى الصباح ,, ليـه ؟

عشان نشتغل و نكسب فلوس !


أو عشان ندرس و نتخرّج بأعلى الشّهايد !

شفتوا كيف إننا داااائمًا و أبدًا نسوي أشياء ما نحبها و لا حنـا مقتنعين فيها ؟

و السبب ؟ إنها تحقق مصالحنا الشخصية ..

لكن يا سبحان الله !!

إذا تعلق الموضوع بـ ( الحجاب ) أشوف يتغيّر الوضع !!


يصير لنا كلام ثاني !!! يصير لنـا موقف ثاني !

أنـا أجبر نفسي على الدّراسة ,, و أجبر نفسي على شرب الدواء المر

و ما أقول شي !!

لكن لما يصير الموضوع متعلّق بالحجاب ( أقول أشياء ) !

و أبدأ أتحجّج و أعلل بأعذار واهية مردود علي !

بموضوع الحجاب يصير ( أنـا ضد سياسة الإجبار ) !

بموضوع الحجاب يصير ( أنـا ضد سياسة لبسه من غير اقتناع ) !


لكن بموضوع الدواء ( لا عادي ) !! أجبر نفسي ما يخالف !!

/

ليه يا قلبي .. ليه ؟؟

يعني تبين تفهميني إنك بكل حياتك ما تمارسين مع نفسك سياسة الإجبار و لو بصورة خفية ؟


أعتقد أعطيتك أمثلة يا الحبيبة الطيبة ,,

أفهم من هذا يا الحبيبة الطيبة .. يا عسل لو تجيك بنتك و تقول لك :

يمه أنـا أبي أتعرف على واحد ! ,, بصراحة أنا غير مقتنعة بإن العلاقات الغرامية حرام !

أفهم من هذا يا الأم الطيبة الحبيبة إنك راح تتركين بنتك على كيفها ؟

تتركينها تكلم شباب و تتعرف و ما تحركين ساكن ؟

لأن حضرتك تنتظرينها ألين ما تقتنع بحرمانية هالعلاقات عشان تتركها عن قناعة بلحالها ؟


لو تجيك بنتك و تقول لك ( عذرًا على المثال بس عشان تآضح الصورة ) و تستشعرون خطورة هالمبدأ :

لو تجيب بنتك و تقول لك :

أنـا أمارس العادة السريّة ! هل بتتركينها على كيفها ؟ و تقولين خلاص لمّا تقتنع إن هالشي غلط هي راح تتركه بنفسها ؟


لو تجيك بنتك و تقول لك ما أبي أداوم ما أحب المدرسة ,, مانيب مقتنعة بالدراسة

أفهم من هذا إنك بتتركينها على كيفها ؟ بتخلينها ما تداوم ؟

يضيع مستقبلها و يتدهور ؟


لا والله ما راح تتركيها على كيفها ! والله إنك راح تمارسين معها سياسة الإجبار و الغصب !

مع إن الدراسة يا قلبي ( شأن دنيوني ) ,, فما بالك بالحجاب آللي هو شأن ديني ( بل فرض من الله جلّ جلاله ) ؟

يا سبحان الله !! .. في الأمور الدنيوية نتشدد و يكون فيه نوع حزم و شدّة و إجبار و غصب !!

لكن لمّا يجي شي يخص الدين نترك عيالنا على كيفهم و نحتريهم ألين يقتنعون ؟

طيب يا أختي الحبيبة الطيبة

لو ما اقتنعت بنتك أبد ؟ و بعدين ؟ بتتركينها خلاص ؟


تسوي آللي تبيه ؟

يا حبايبي هالمبدأ آللي تفكرون فيه خطير جدًا !!

هالمبدأ لو طبقناهـ من جد راح يفسد علينا ديننا !!

انتبوا يا بنات !!

لا تقولون ما فيه شي بالغصب !

يعني آللي ما له خلق يصلي خلاص يترك الصلاة ؟

تارك الصلاة عمدًا كاااااااااااااافر ..

هل يصلح يقول : أنـا بصراحة ما أصلي لأن ما لي خلق و ماني مقتنع بالصلاة ؟

و هل يصلح إن الأب يسكت عن ولدهـ و ما يأمرهـ بالصلاة لأن ما فيه شي بالغصب و يتركه ألين ما يقتنع و يصلي من نفسه ؟

ليـه أنتم نسيتم قول الرسول صلى الله عليه و سلم :

( مُرُوا أَبْنَاءَكُمْ بِالصَّلَاةِ لِسَبْعِ سِنِينَ ، وَاضْرِبُوهُمْ عَلَيْهَا لِعَشْرِ سِنِينَ ، وَفَرِّقُوا بَيْنَهُمْ فِي الْمَضَاجِعِ )

قال : اضربوهم !

و قال ( فرّقوا بينهم بالمضاجع )

رضوا ما رضوا.. لازم يتم التفريق بينهم بالمضاجع !

شفتوا كيف إن حنـا بحاجة إلى استخدام سياسة الإجبار ؟

و الدليل ؟

قال صلى الله عليه و سلم :

( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان )

و خروج البنت من غير حجاب ( منكر )

منكر عظيم ,, فبتبرّجها و سفورها ( فتنة على الشباب ) و سعي في إفسادهم !

ما أقدر أجاملكم حبايب قلبي ,, بس فعلاً آللي تطلع سفور هذي تتسبب في افتتان الشباب بها

إذا مهوب في وجهها .. جسمها

إذا مهوب في جسمها .. شعرها

و هكذا !

و أعتقد الأم تقدر تتدخّل و تمنع هالمنكر و تحجّب بنتها !

و أعتقد الأب يقدر يتدخّل و يمنع هالمنكر و يحجّب أبنته !

و أعتقد الأخ يقدر يتدخّل و يمنع هالمنكر و يحجّب أخته !

من رأى منكم منكرًا فليغيّرهـ بيدهـ يا مسلمين و هذي أعلى درجات الإنكار

كيف ترضون على بناتكم الخروج سافرات بلا حجاب ؟

المرأة فتنة على الرّجال و هي عورة كما ثبت في الحديث الشريف ليه متساهلين بالموضوع ؟

هل تقبل على نفسك أيها الأخ الفاضل صفة ( الدّياثة ) ؟

آللي يرضى و ما يغار على محارمه هذا ( ديّوث ) و الديوث ما يدخل الجنّة .. هذا مهوب كلامي

معقولة هانت عليك الجنّة ؟ معقولة ما تبي الجنّة ؟

كل هذا باسم الحريّة ؟

أي حريّة آللي تخلّيك معدوم الغيرة ,, شحيح المرجلة ؟

أي حريّة هذي آللي تحرّم عليك دخول الجنّة ؟

أنت من جدّك ؟

هذا كلام الرّسول صلى الله عليه و سلّم ..

( لا يدخل الجنة ديوث .. قالوا: ومن الديوث يا رسول الله ؟ قال : الذي لا يغار على محارمه )



قال صلى الله عليه و سلّم :

( المرأة عورة ، فإذا خرجت استشرفها الشيطان )


تدرون يا بنات وش معنى هالحديث ؟

البنت لما تطلع للشارع ,, يزيّنها الشيطان بعيون الناس ,, يخليها جميلة !!

أجل كيف لو طلعت سفور ؟

يا أخواتي شوفن هالرابط والله يعوّر القلب :

http://www.saaid.net/Doat/assuhaim/186.htm


ختامًا :


أنـا أطالب كل أم حبيبة فاضلة .. و كل أب شهم فاضل

و كل أخ عندهـ غيرهـ و مرؤهـ ,,

إنهم يتقون الله حقّ تقاته ,,

و بسنا ضحك على أنفسنا ,, يا كثر ما ضحك علينا الشيطان ..

لأن هذي جريمة جماعيّة ,, الكل له يد فيها ,,

فالراضي كالفاعل ,,

أتمنّى نتحرك ,, و نقضي على ظاهرة السفور

لأننها بالنهاية مسلمين ,,

و الحجاب هو آللي يميّزك ( ظاهريًا ) عن الكافرة ,,

لأنك لو خرجتِ للشارع و أنتِ سافرة ,,

أنـا وقتها ما راح أقدر أحكم عليك

إذا كنتِ مسلمة أو غير مسلمة ,,
لأن المسلمة تلبس حجاب و الكافرة ما تلبس حجاب

معليش ما قدرت أحدد ديانتك وش هي ,, خلافًا لما تكونين متحجّبة

هنـا و بكل فخر ,, راح أشاور عليك و أقول :

تراها مسلمة

/

شي أخير :

هذا هو المفهوم الصحيح للحجاب ( الشرعي ) :


لأن مهوب أي حجاب ينقال عليه ( حجاب ) ..

انشروا الموضوع





__________________
<p><br></p>
<p><br></p>
ترانيم القصيم غير متواجدة حالياً  
قديم 23-12-2011, 09:03:29 PM   #2
سمسمة كويتية
كــويــتــيــة مــاســيــة
 
الصورة الرمزية سمسمة كويتية
 
تاريخ التسجيل: Sep 2009
الدولة: حبيبتي الكويت
المشاركات: 3,055

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


جزاج الله ألف خير
فعلا احنا كل يوم نسوي أشياء غصبن علينا و كارهينها عشان مصلحتنا فليش لما ايي الموضوع للحجاب لازم نقتنع و مانفكر انه في الحجاب مصلحتنا الكبرى



سمسمة كويتية غير متواجدة حالياً  
قديم 23-12-2011, 10:26:20 PM   #3
احساااااس انثى
كــويــتــيــة بــرونــزيــة
 
الصورة الرمزية احساااااس انثى
 
تاريخ التسجيل: Oct 2011
المشاركات: 709

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


ياحبي لك وياحبي لمواضيعك ياترانيم القصيم ..
ايه والله والله يحز فيني وانقهر ونفسي اسوي شيء لان اشوف بعض البنات
مو مهتمين بالحجااب ... ماامر الله بشيء الا فيه خير وستر ومصالح للمرأه المسلمه
مره وحده من العضوات مسويه استطلاع مين المحجبه ولا المنقبه ومن هالكلام ..
ومن ضمن الردود وحده تقول انا ماني مقتنعه بالحجاب والله انقهرت هذا عباده
امرك بها الخالق مو عن قناعه ماقناعه تسوينها ..لكن الله يصلح فتيات المسلمين ...



احساااااس انثى غير متواجدة حالياً  
قديم 23-12-2011, 10:26:44 PM   #4
يسحرني بنظراته
كــويــتــيــة
 
الصورة الرمزية يسحرني بنظراته
 
تاريخ التسجيل: Dec 2011
المشاركات: 82

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


الله يهدي الجميع يارب



يسحرني بنظراته غير متواجدة حالياً  
قديم 23-12-2011, 10:52:38 PM   #5
^LILY^
كــويــتــيــة ذهــبــيــة
 
الصورة الرمزية ^LILY^
 
تاريخ التسجيل: Aug 2011
الدولة: ♥ الكويـــت يافديتهــا ♥
المشاركات: 2,690

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


بنشره برودكاســـــت



__________________
ضرووووووووري دشو هالرابط

http://www.q8yat.com/t1144254.html
^LILY^ غير متواجدة حالياً  
قديم 24-12-2011, 01:07:11 AM   #6
مشـــــاعل
كــويــتــيــة فــعــالــة
 
الصورة الرمزية مشـــــاعل
 
تاريخ التسجيل: Sep 2010
المشاركات: 278

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


معاك لكن مو هنا النقطه

انا اقول ان الوحده حتى لو ماتبي تحاول من وقت لثاني وتحط براسها انو فرض

انا مرات اقول هالكلام لان البنت بالاجبار اذا لبست بأقرب فرصه راح تقط الحجاب او تلبسه مخافة الاهل مش مخافة الله او حبا بالطاعه

فاالاحسن انها تكون من داخلها حابه انها تتحجب وتتمسك بالحجاب وعليه فالاهل لازم يحببون الحجاب للبنات ويكونون لطيفين بالنصح



__________________
يادارنـا دام ابومتعـب علـى الكرسـي *** يقرا على اهلك وراضيك اية الكرسي

ارواحنـا رهـن اشـارة كـفـه الطـايـل *** وقلوبـنـا لــه ســواة اعقـالـه المـايـل
مشـــــاعل غير متواجدة حالياً  
قديم 24-12-2011, 03:47:16 AM   #7
درر2008
كــويــتــيــة فــعــالــة
 
تاريخ التسجيل: Sep 2010
المشاركات: 327

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


والله انا لما اشوف البنات والحريم بعد الكبار بالسوق استغرب من هل وضع كل وحده كاشخه ولابسه قصير ومكياج وتسريحه علشان يقولون كشخه شنو استفدتي الناس قالوا كشخه وذربه وطلعت وندعمتي او جاج الموت فجاه وانتي لابسه هل لقصير والله احنا نتغطه وعندنا اخطاء وذنوب
استغفرالله



درر2008 غير متواجدة حالياً  
قديم 24-12-2011, 12:15:58 PM   #8
PuPa^^SWeeT
من كبار شخصيات كويتيات
 
الصورة الرمزية PuPa^^SWeeT
 
تاريخ التسجيل: Mar 2010
الدولة: كويتي الغالية
المشاركات: 15,231

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


انا معااج والله بكل كلمة قلتيها



كلمة انا مو مقتنعة ماتقنعني


وسالفة لو مو مقتنعة راح اتقطه


اهني الاهل شنو اهم مربين بنتهم عليه


عالجذب والخداع

ولا الصدق


اعرف بنات تحجبو من اقتناع و همن قطووه

واعرف بنات تحجبو غصب و ليلحيين لابسينه


السالفة سالفة تربية البنت شنو اخلاقها بالاساس


مو سالفة الحجاب مو مقتنعة فيه

احنا مسلمين اننفذ تعاليم ديننا حتى لو فاهمين

بعدين بتبين فايدة هالتعاليم والاخلاقيات



__________________


PuPa^^SWeeT غير متواجدة حالياً  
قديم 24-12-2011, 01:10:06 PM   #9
المرتاحة
كــويــتــيــة مــاســيــة
 
تاريخ التسجيل: Jul 2009
الدولة: الكويت
المشاركات: 3,302

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


يزاج الله خير اختي ترانيم

دايما اسلوبج بمواضيعج يعجبني

لكن خليني اقول شغله وانا مقتنعه فيها

البنت اللي ترفض الحجاب تلاقين في تربيتها من صغرتها بيئتها ما تشجع على الحجاب او ان الحجاب ما يعتبرونه شي اساسي دام البنت مصليه و مسميه وعابده ربها و اخلاقها عاليه .. ادري هالشي متناقض بس في عقليات في المجتمع جذي..يعني رفض البنت للحجاب بيرجع الي طريقة نشئتها من الاساس

و بالنسبة للإجبار اللي انا ضده نهائيا سواء للبنات الصغار او بالنسبة للمرأة البالغ العاقل

انا مع الدعوه "بالحكمة"

صح انا ما ارضى اذا وحده اعزها واحبها ما تتحجب بس مستحيل امسكها واغصبها عليه وخاصه اذا كانت مراه عاقله عارفه الصح من الغلط و تدري بقرارة نفسها ان اللي قاعدة تسويه حرام...انا ما اقول لج اتركها واخليها لكن احاول اني ادعوها بطريقة احببها الي الحجاب بدون ما ازعجها او انفرها وباسلوب حلو بدون الإلحاح المذموم والتشدد والغلظه ومع الدعاء لها سبحان الله مع الوقت يمكن تتعدل ..وان ما تعدلت هذا هو اختيارها هي اختارته بنفسها رغم نصحنا لها لكن مابيدنا شي غير جذي

نوح عليه السلام لما نزل الله الطوفان قال لولده "يابني اركب معنا" يعني دعاه خوفا عليه ما اجبره بالغصب ولكن الولد رفض واختار طريجه بنفسه.


بعدين اذا في بنت مو متحجبة ورافضه الحجاب نهائي رغم نصحنا لها ليش ما نلتفت للطريقة "الأحكم" ونحاول ننمي فيها الوازع الديني نعزمها على دروس دينية اللي تكون عند مشايخ تغلب عليهم الحكمة لان شي اكيد رفضها للحجاب دليل قلة الوازع الديني


انا اعجبتني حلقة شفتها في التلفزيون عن شاب ما يبي يصلي بالرغم من تهديدات اهله واجبارهم وبالعكس هالشي زاده عناد لما طلع من البيت وقعد عند امام مسجد.. تخيلوا الشاب كردة فعل قبل ما يكلمه الامام قال الشاب: انا مابي اصلي ولا تطلب مني اصلي

قال له الامام ماراح اطلب منك هالشي ابدا بس ابيك تنظف المسجد و تهتم فيه اما الصلاة ما راح اكلمك عنها
ومع الوقت والاشهر اللي مرت والشاب يراقب المصلين من غير ما احد يكلمه او يجبره على الصلاة لان قلبه للصلاة وربنا هداه لين قام يصلي من نفسه وتمسك في صلاته واايد


يعني سبب هداية الشاب هو الله طبعا ثم البيئة اللي كانت مهيئة لهداية هذا الشاب مو الاجبار والغصيبة.. وحكمة هذا الامام ما شا الله عليه

انا هذي طريقتي بالنسبه لهذي الفئة والله الهادي

انا مع اني ادعوها بالموعظة الحسنة وخصوصا اذا كانت معانده وما احب الاجبار ابدا




التعديل الأخير تم بواسطة المرتاحة ; 24-12-2011 الساعة 01:26:42 PM
المرتاحة غير متواجدة حالياً  
قديم 24-12-2011, 01:20:11 PM   #10
PuPa^^SWeeT
من كبار شخصيات كويتيات
 
الصورة الرمزية PuPa^^SWeeT
 
تاريخ التسجيل: Mar 2010
الدولة: كويتي الغالية
المشاركات: 15,231

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


ياحلووو ردج المرتاحة



__________________


PuPa^^SWeeT غير متواجدة حالياً  
قديم 24-12-2011, 01:25:17 PM   #11
asoula al-3soul
كــويــتــيــة بــرونــزيــة
 
الصورة الرمزية asoula al-3soul
 
تاريخ التسجيل: Oct 2011
المشاركات: 617

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


انااااا معاااااااج بكل كلمه قلتيها




__________________
لأن الوفا في شرع مثله بضآعه ~
يبيع لو شآف البشـر يشترونه ..
شفت الغلآ ضآيع وقمة ضيآعه
إني عطيته نآس مـآيعرفونه !
بس! وغلآتك يبقى حبك قنآعه
اخون نفسي لو .. { افكر اخونه ..

فديتهم و فديت الي بـ صورتي
asoula al-3soul غير متواجدة حالياً  
قديم 24-12-2011, 01:32:43 PM   #12
انوثتي غير وياك
كــويــتــيــة ذهــبــيــة
 
الصورة الرمزية انوثتي غير وياك
 
تاريخ التسجيل: Sep 2011
المشاركات: 1,849

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


مشكوووره صاحبت الموضوع

أحب اقراا ردود المرتاااحه ... تعجبني حيل



__________________


الــنــدم مـــو عـــلــيــك , الــنــدم عـــلـى الـلـي(( خــســرتــهـم )) عــشــانــك !

انوثتي غير وياك غير متواجدة حالياً  
قديم 24-12-2011, 01:42:07 PM   #13
فاقده حنان ابوه
كــويــتــيــة مــاســيــة
 
الصورة الرمزية فاقده حنان ابوه
 
تاريخ التسجيل: Apr 2010
المشاركات: 3,750

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


كل كلامج عدل

بس انا مو متحجبه الله يهديني ادعيلي بالهدايه

ترا اصلي واعرف ربي واصوم الحمدالله بس الحجاب ناقصني ادعولي

وانشالله قريب



__________________







فاقده حنان ابوه غير متواجدة حالياً  
قديم 25-12-2011, 01:33:34 AM   #14
Angel-Lady
كــويــتــيــة فــعــالــة
 
الصورة الرمزية Angel-Lady
 
تاريخ التسجيل: Aug 2011
المشاركات: 495

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


في البداية كانت نظرتي ان البنت تلبس الحجاب عن اقتناع مو اجبار حتى لا تكرهه و تكره الدين نفسه و كنت بعض المرات ادخل بنقاش عن هذا الموضوع و انا مقتنعه ان لازم لبس الحجاب عن قناعة و قلت حتى ازيد من قوة رايي لو احد بيناقشني عن الموضوع بديت ادور و ابحث عدل عن الموضوع

و عرفت بعدها و قتنعت ان الحجاب فريضه كغيرها من الفرائض كالصلاة و الصيام و غيرها من الفرائض مو بس جذي مثلا في الصلاة الانسان راح يتحاسب على انه ما صلى و ياخذ اثمه بنفسه، لكن في الحجاب الام و الاب ياخذون اثم البنت اذا بلغت و ما تحجبت

و المشكله من الاهل مو عارفين هذي النقطه و كله كيفيها متى ما اتحجبت تحجبت او حرام مسكينه خل تستانس بعدين

و راح انشوف و نسمع عبارات و قصص عجيبه تحور لج اهمية الحجاب او لبسه عن القناعة مو غصب و كلها لاسباب تتعلق بامور شخصية و يفكرون بعاطفتهم... مع انه فريضه يعني ما فيه شي اقتنع و لا ما اقتنع الا اذا الوحده لهذي الدرجة ضامنه الجنه فاوكي الله يهنيها :]

لو فكرو بعقل و سالو نفسهم شنو الحكمه منه لاعرفو ان كل شرع و كل حكم وضعه الله سبحانه و تعالى ما هو الا حماية للانسان نفسه اولا و حماية للمجتمع بشكل عام و يبعده عن الفتن ثانيا

و لا المشاكل الاجتماعية الي طلعت و تطلع لنا كل يوم من شنو؟

لكن مشكلة الي يفكر بعاطفه و بنفسه و اتكون وناسته و مصلحة نفسه على حساب مجتمعه و امته

و كل الي علينا ان ننصح بالمعروف و نحاول انغير الي نقدر عليه عشان دينا

بالنسبة للاهل في البداية يبدون طريقة تحبيب نفس البنت بالحجاب و مع الوقت يبينون اهميته لها حتى تقتنع فيه، لما تبلغ و اتكون مكلفه تلبس الحجاب سواء اقتنعت او لا عشان لايكون ذنبها عليهم

فيه ناس بتقول ان اذا اهلها مو موجودين راح اتقطه لانها ما اقتنعت... هذي ربي يحاسبها بس ابدا ما احط عدم الاقتناع و الاجبار مبرر لها و انا اخذ اثمها

الكبيره و الي مو متحجبه لانها مو مقتنعه، علينا ان ننصح و ندعي لها بالهداية حتى تقتنع :]

و حتى انكون واضحين

عدم الاقتناع = اتباع هوى النفس

قال تعالى ( ولا تتبع الهوى فيضلك عن سبيل الله )

و قال تعالى : ( وأما من خاف مقام ربه ونهى النفس عن الهوى فإن الجنة هي المأوى )

فالمصرين على سالفة قناعة و لا مو قناعة لهذي الدرجة الجنة شي عادي بحياتكم؟؟؟ :]

الانسان و تفكيره اهو الي يحدد مكانة و هيبة دينه بقلبه و اذا ضعنا ما علينا الا نرجع لقرانا و سنة نبينا

يقول النبي صلى الله عليه وسلم: " تركت فيكم ما إن تمسكتم به لن تضلوا بعدي كتاب الله وسنتي" ويقول صلى الله عليه وسلم: " إنها ستكون فتنة، قالوا: وما نصنع يا رسول الله، قال: ترجعون إلى أمركم الأول "

يعطيج العافية و اسفه على الاطالة

الله يثبتنا ان شالله و يهدي الجميع لما يحب و يرضى



__________________






التعديل الأخير تم بواسطة Angel-Lady ; 25-12-2011 الساعة 01:42:03 AM
Angel-Lady غير متواجدة حالياً  
قديم 25-12-2011, 01:54:04 AM   #15
كاميليا1
كــويــتــيــة بــرونــزيــة
 
الصورة الرمزية كاميليا1
 
تاريخ التسجيل: Feb 2009
المشاركات: 686

افتراضي رد: تقول إنها ما تبي تتحجب ! و السبب إنها غير مقتنعة ! ( تعالوا بسرعة )


الله يجزاك الف خير كلامك في الصميم



__________________
استغفرالله واتوب اليه
كاميليا1 غير متواجدة حالياً  
موضوع مغلق

اكثر الكلمات بحث
لا, مقتنعة, السبب, تبي, تتحجب, بسرعة, تعالوا, تقول, غير, إنها

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 08:52:33 PM.