من تعملني كويتي ..لها دعوه من القلب ..

اهلا وسهلا فيج نورتي

دامج اسعوديه بترجملج امبييييه على لهجتكم

امبيييييه = يا كافي ..يا فجعي...ياطر جيبي هههههههه يعني هي كنايه عن شدة الاستغراب والفجيعه هههههههه


بعدين حبوبه الاغلبيه العظمى بالكويت اخر حرف للظمير الدال على الانثى هو(ج)
يعني شلونك للذكر -شلونج للانثى>>>ههههههه عشان متمسكينها للجنسين
وشغله ثانيه الكويت قسمين قبايل وحضر>>>الله لايفرقهم ياااارب

القبايل تستخدم حرف (ج) للضمير الموجه للانثى والحضر كذلك
لكن القبايل حرف الجيم في المصطلحات العاديه غالباً مايتغير يبقى جيم اما الحضر يحولونه ي
مثال(رجاجيل)>>تبقى رجاجيل عند القبايل اما الحضر (رياييل) طبعاً نظراً للاخطلاط بين الفئتين بالكويت وترابطهم ممكن تلقين قبيليه تتكلم نفس الحضر او العكس لان ماشا الله حيييييل مختلطين في بعض الكويت صغيره الله يحفضها


وفيه بعض العوايل القبيليه مازالت متمسكه باللهجه الاصليه لقبيلتها
مثل العجمان الضمير المستخدم للانثى (ش)
الهواجر والدواسر (س)
العتبان(اتس)




وحياااااج الله ي الغاليه