ارجووو معاونتكم لي في اختيار تخصص مطلوب وقوي :(

براايي تخصصات العلوم الادرايه مطلوبه بسوق العمل

وبضيف تخصص تقنيه معلومات هم حلو ومطلوب واكيد موجود بالاداريه

وبالتوفيق

تسلميين على الدعوه بوقتها :d
دراسة ادارية مو سهل بس هم مو صعبة يعني شوي مجابل وامورج تمام
وبالنسبة تكملين ماستر هم علوم ادارية وايد زين تكملين ماستر فيه
وبالنسبة للبنوك في بنوك اسلامية .. بيت التمويل .. الاهلي المتحد .. بوبيان.. الدولي والحين وربة بعد
والوزارات والقطاع الخاص مفتوح المجال فيه
بس سالفة تدريس اللي اعرفه ان من تخصصات ادارية بس تخصص نظم معلومات اللي ممكن تصيرين مدرسة حاسوب بعدها بس هذا قبل مدة للحين يصير او لا ماعندي فكرة تاكدي من المعلومة
اما ادارة اعمال وتسويق والباجي مااعتقد يصير
بس اذا حابه تصيرين مدرسة اكيد ادشين تربية احسن
وموفقة

انا اختي توها متخرجه مثلج واهي شطوره بالرسم وقاعده انصحها تدش تربيه فنيه ليش؟

1-عطله 3 شهوووور
2-معاشهم حلوو 850
3-الدوام حلو

وقلت لها اذا مو حابه التدريس تدش علوووووووووم اداريه تخصص اداااااره اعماللل لانه له مستقبل كل مكان يبونه

هم اختي ما تحب الرياضيات مثلج ولا كنت بنصحها بعلوم الاداريه تخصص محاسبه ...بس اهي مو ميولها فقلت لها

1-تربيه فنيه
2-اداره اعمال علوم اداريه
3-علوم اجتماعيه علم نفس مع انها الحين حاطه براسها شي يديد اللي اهو علوم سياسيه ومع الاسف ماله اي مستقبل خاصه
للبنات

فنصيحتي لج حبوبه ومثل نصايح البنات اداااره عمال او اداب اذا انتي حابه الانجليزي بس هم ترا وضايفهم شوي محدوده

والله يوفقج ويوفق اختي ويهديها وتشوف التخصص الزين والمرغوب

البنات كفو ووفو ونونوشااا قالت كل شي وانا معاها انه الاداريه اي مكااان تقدرين تشتغلين فيه خاص حكومه هيئات مليتي من مكانج تقدرين تروحين مكان ثاني بالنسبه للرياضيات وكونج ادبيً اولا في شيً اسمه تمهيدي حق الي مانحجوا بالرياضيات وهذا وايد زين ياسسج ولاتحاتين سهاله واؤد ناس ادبي دشو وتخرجوا بالنسبه للمحاسبه اهي ارقام وماله علاقه بالرياضيات
بعدين ميزه الكليه انه ماراح اتخصصين على طول لازم تاخذين المواد المشتركه الي اهي التمويل المحاسبه التسويق نظم معلومات اداراه تسويق اقتصاد طرق كميه احصاء على ما اذكر لازم تخلصين 30 وحده مشتركه يعني 10 مواد بعدها تالي انتي شوفي وين ميولج شنو اكثر ماده حبيتيها تالي تقدرين اتخصصين وتوكلي على الله ولا تتردييين وحتى حق الماستر تقدرين تكلمين بس سالفه التدريس على ايامنا كانو عادي اذا تخصص اداريه تقدر تصير مدرسه حاسوب بس تكونين ماخذه شهاده اي سي دي ال بس مادري اذا اللحين غيروا النظام اولاء اذا انتي حابه التدريس فروحي تربيه بس ها بتنحكرين بالتدريس وصعب تغيرين المجال

بس ماقلتي انتي قدمتي اختبار القدرات انجليزي ورياضيات ؟

وموفقه ان شاءالله وصلي استخاره *

شاعره

ماخذه فكره غلط عن الادااريه منو قالج بس شغلهم بنووك !!!!!!!! كل مكان يقدرون يشتغلون والي مايبي الدوام الطويل والمتعب اروح اي وزارات من الوزارات نصهم مافيهم شغل ودوام قصير ومرييح ومومتعب وبتاخذ نفس الراتب الي تبي تاخذه لو راحت علم اجتماع الي اعرفه مالهم كادر وهم لو عندهم كادرهم مو واو وفوق كل هذا مجال الشغل محدود ياتربيه ياالشؤون *

قبل على وقتنا هالكلام قبل ست سنين الي اتخرج من كليه العلوم الاداريه وتبي ادرس لازم ادش دوره اي سي دي ال هذي شهاده قياده الحاسوب شي جذي بس اللحين مادري اذا تغير الوضع

اي مو مشكله راح تاخذين تمهيدي رياضيات وشوفي مستتواج تالي

والله تخصص نظم معلومات يعتمد عليج اذا تحبيننه ولا لا اهو يعتمد على الكمبيوتر
ومعاشات نفس ما ذكرتلج قبل كل ادارية نفس المعاش تقريبا بالوزارات ماعدا المحاسبة زيادة 60
ومطلوب بس المحاسبة والتمويل احسن من وجهة نظري
بس سالفة التدريس اللي اعرفه يصير حق هالتخصص بس غيروا الحين ماعندي فكرة
يعني صعبة تلاقين تخصص يقبل كل مكان وبعد مدرسة
وبالتوفيق

Eee ohwa
Esma bl english management information system (MIS)
Bl3arbi n'6m m3lomat edaria

Etha m7tara est5eray bt6menan wayd
O allah ysahel omorech

لا مافي شي اسمه حاله حال الدبلوم بالكريوس ادارية ما يتقارن بالدبلوم ونصيحة لا تاخذين كلام شخص واحد
سالي عدل

لا كل الوزارات يمشيله كادر المحاسبة
بس المالية اللي له كادر بروحها فزيادة
نصيحة اختي دوري تخصص تحبينه مطلوب ومعاشه معقول
لا تفكرين بس بالمعاش

انا اللي اعرفه كل الوزارات يمشيلها كادر المحاسبة يعني كل الوزارات 830
ماعدا الوزارة اللي لها كادر خاص يكون اكثر
هذا اللي اعرفه
ومتاكده ان وزارة الصحة اللي اهيا كل الناس ما يبونها 830
دشي تجمعات وزارة اللي تبينها وساليهم
اهني بالمنتدى في وايد تجمعات حق الوزارات

لاتفكرين حاليا بالمعاش فكري بشي تحبينه ومجالات عمله متوفره اذا انتي داش بخاطرج علوم اداريه بس محتاره بالتخصص فهذا شي سهل التخصص تقررينه بعد سنه او سنتين عقب ماتخلصين المواد المشتركه بتكون اتضحتلج الصوره وعرفتي المواد وبتشوفين ميولج ويين

اليوم نزل اعلان توظيف بالمؤسسه العامه للتامينات الاجتماعيه البنات منزلين الاعلان بالمنتدي دشي شوفي التخصصات المطلوبه كلها تخصصات الاداريه