تجمع مسافرات تايلاند صيف 2011

انا بتايلند

الحين خلصت من بوكيت صارلي اسبوعين ورايحه باجر بانكوك وهذي ثاني سفره لتايلند

مرحبا
انا ان شاء الله عقب باجر بروح لتايلند 23 _ 6
على طول بوكيت اسبوع وبعدين بانكوك اسبوع واحتمال اروح ليله بتايا وليله كسومواي جزيره

وهذي ثاني مره اروح لها هالسنه اذا الله كتب

انا راده من اسبوعين او اكثر

خل افضى واحط التفاصيل

ماخبرتونا فأي فنادق راح تنزلون

سفرتي راح تكون ١٤-٧
أول ٤ أيام راح تكون فبانكوك بعدين اذا الله راد بنتوجهه لبوكت

لكن لحد الحين ماستقرينا على السكن

فاللي تعرف شقق حلوة وقريبه من المولات تخبرنا واهم شي تكون نظيفة

بنات جربو فندق في بانكوك اسمه جراند سنترا عجييييييييب ولازق بمجمع نسيت اسمع وهالمجمع كبير وعجيييييييييب

هاذي ثاني سفره لي حق تايلند الاولى كانت ب 2006 وبصراحه فرقت عن اول حيل بالذات الاسعار انا الحين بتايلند والساعه عندي 12 الليل وتوني راده من سوق الليل يلوع الجبد الحمدلله والشكر جنطة هرمز لقيتها وعجبتني طلعت علي ب 25000 بات ومافيه شئ يذكر هالسوق وباجر ان شاءالله ناويه الصبح اروح سوق بوبي وبعده اروح باتونام وانا ساكنه ب فندق سنترا جراند وفعلا موقعه قريب من الاسواق واهو نفسه له مجمع لازق بالفندق وطبعا انا توني اليوم واصله بانكوك عشان جذي مااقدر افيدج الحين فيها من ناحيه الاسواق مامداني الا سوق الليل وكنت قاعده 12 يوم في بوكيت اول الايام بالميلينيوم بالباتونج بيتش ورحت منتجع ماليسا حده عجيييييييب فيلا وداخلها مسبح خاص فيج وريوقج يوصلج لغاية الفيلا يعني بصراحه دلع لاتطوفج اشوف اكثرها خليجيين وهاذي بال كاتا بيتش ورحت الهوليدي ان بي بي ايلاند هاذا بعد روعه وبصراحه مقارنه بسوق بوكيت وسوق الليل اللي في بانكوك طلعت بوكيت ارخص منه حدي مصدومه بس ان شاء الله الباتونام والاسواق الثانيه تطلع احلى وارخص
وان شاء الله افدتج فيها

ياريت خبيرات تايلاند يفيدوني

عجبني هالفنادق في بانكوك


Anantara Bangkok Sathorn


President Palace Hotel


Chatrium Hotel Riverside Bangkok



هل قريبين من السوق والا لا بليز الي اتعرف تحطلي على الخريطه الاماكن او تعطيني المكان وانا اقارن




وعاجبني هالريسورت في بوكت


The Village Coconut Island


وموجود بالقسم الشرقي من بوكت على جزيره

بليز الي اتعرف شي بمستواه ويكون فيلا مو غرفه ومع حمام سباحه خاص

تعطيني بعد الاسم

او تشوفلي اذا هذا موقعه زين



لان اول مره بطب تايلاند بحياتي وكل من قالي تلوع الجبد !! فابي شي زين علشان اتكرر السفره



والي اتعرف اماكن احسن تفيدني

بس مابي مكان كله عرب او عليه دوس عرب

ابي مكان مافيه عرب وايد كافي طول السنه مجابلتهم

انا بعد بروح بوكيت و بانكوك 1-7 على الاماراتيه
بوكيت اول مره اطبها
بانكوك رايحتلها مره من 10 سنين .. زوينه و كنا ساكنين في فندق اسمه اماري
بس مساجهم عجيب
و لازم تركبون توك توك

سوق الليل لا تروحون له يلوع الجبد
mbk عجيييييب هالسوق


مطاعمهم مو زود
كنا مقزرينها بيتزا و باستا ساده



بوكيت بنسكن في ميلينيوم
مادحينه لنل و شفت صوره في العرب المسافرون

بانكوك
نوفوتيل سيام يم مجمع سيام

حبايب قلبي ابى اماكن الاسواق والمجمعات فى بوكيت
قاعده اكتب واسجل بالنوته عندى
وابى فى بتايا المجمعات والاسوقه الحلوه

أسفه نسيت أكتب أسامي الفنادق

بالنسبه ( بوكيت ) فندق ملينيوم في الباتونغ بيتش وهذي ثاني مره أسكن فيه .

بالنسبه ( بانكوك) فندق زينيث بشارع العرب والسبب لإخيارنا الفندق هذا كان المفروض نروح المستشفى الأمريكي لكن كنسلنا الموعد ومانقدر نغير الفندق لأن السفر بعد باجر الخميس لكن يعتبر الفندق جيد لأن كله عرب ونظيف والمطاعم العربيه جدام الفندق .

بنات نصيحه لاتسكنون بالفنادق اللي بشارع العرب لانها مسخرة وقله ادب في كل مكان صارت تجمع للسكاري وبنات الليل فماله داعي حاولو قد ماتقدرون تبعدون عنها بصراحه سنترا جراند عجيب ونظيف وفي البايوك سكاي اطول برج وفيه اماري