كويتيات للطبخ

العودة   منتديات كويتيات النسائية > >

ركن العروس ركن مختص بكل مايهم العروس وتجهيزها


حصري :: عروستنا .. تعالي اعلمج شلون تنظمين وقتج وتختارين كل شي بتجهيزج

ركن العروس



إضافة رد
 
أدوات الموضوع إبحث في الموضوع انواع عرض الموضوع
قديم 15-05-2011, 12:10:42 PM   #1
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

6 حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


عرسي ...




وكل ما قرب الموعد ...

موعد مع مصمم الحفلة !!
موعد بروفة نفنوف العرس !!
موعد بروفة الشعر والمكياج!!
موعد اختيار الاغاني مع الدي جي !!
موعد مع المطبعة !!
موعد لاختيار بوفية العشا !!
موعد توزيع البطاقات !!

موعد .. موعد .. موعد

وأخيــــــــرا .. موعد اليوم الكبير

(( العــــرس ))




لو سألنا اغلب المتزوجات عن أصعب مشكلة واجهوها أثناء تحضير حفلة عرسهم

راح يجاوبون وبصوت واحد (( ضيق الوقت))


اذا كنتي موظفه أو عندج نشاط اجتماعي راح تحتاجين خمسة وعشرين ساعه في الاربعة وعشرين ساعة يوما بالاسبوع عشان تشرفين على كامل تفاصيل عرسج

والاهم من هذا انج تقضين وقت كافي مع المعرس .. مثل ماتعرفون فترة الملجة من أهم واحلى فترات العلاقة الزوجية ..





بعطيكم بعض النصايح المهمه الي تساعدج بتنظيم وقتج بهالمرحلة ::




* خصصي ملف لجميع الفواتير والاوراق وارقام التلفونات الخاصة بحفلة عرسج .
* خصصي ساعه باليوم بعد العمل مباشرة على سبيل المثال عشان تخلصين من المكالمات المهمه وتشطبين الي خلصتي منه وتضيفين المواعيد الجديده .
* وزعي المهام على ناس تثقين فيهم من (العايلة - رفيجاتج - ... الخ ) .
* حاولي تنظمين موعد واحد باليوم وخليه في الفترة المسائية بين ال 6-7 منها ترتاحين عقب الدوام أو الدراسه ومنها يمديج تطلعين مع زوجج .
* حاولي تتجولين بمواقع التسوق بالنت راح يختصر عليج الوقت الي بتقضينه بالسوق وبتحصلين بضاعه ارخص .





v
v
v
v
v
v



وين أسوي عرسي ؟؟؟؟؟؟؟؟

تابعيني وتعرفين



^^بنت الكويت^^ غير متواجدة حالياً   رد مع اقتباس
قديم 15-05-2011, 12:44:06 PM   #2
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


وين أسوي عرسي ؟؟؟؟؟؟؟؟؟؟









العروسه : أبي حفلة بالبيت ملمومه وونسيه .. ليش مانسويها بالسرداب ؟
الأم : لا احنا معازيمنا وايد مايشيلنا الا فندق ...


بعد يومين ..

الأم : القاعه محجوزة بهالتاريخ .. بس القاعه الثانية موجوده
العروسه : يمه !! انزين مو لازم نسويها بالبيت

الأم : لا فندق ... العروسه : لا بالبيت ... الأم : اقوولج فندق
فندق .. بيت .. فندق .. بيت .................

شلون نختار المكان المنااااااسب ؟؟


اذا ودج تسوين عرسج بفندق ::

القاعه تكفي عدد المدعوين ؟؟
القاعه الي تبينها فيها حجز بالتاريخ الي تبينه ؟؟
السعر يناسب ميزانيتج ؟؟


اذا ودج تسوين عرسج بالبيت ::

يكفي مكان الحفلة عدد الضيوف ؟؟
في مكان مناسب حق البوفيه ؟؟
في مكان كافي ويفضل مطبخ داخلي تخصصينه لطاقم التقديم ؟؟
حركة طاقم التقديم بتكون سهله بين الكراسي والمدرجات ؟؟
تكييف المكان يبرد بشكل مناسب ؟؟
مكان الحمامات ومغاسل الضيوف سهل الوصول له ؟؟
في مكان خاص حق الدي جي ؟؟



^^بنت الكويت^^ غير متواجدة حالياً   رد مع اقتباس
قديم 15-05-2011, 01:10:02 PM   #3
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


شلون اختار نفنوف عرسي ؟؟؟؟؟؟؟؟؟؟



ابدي بالبحث بعد الملجه على طول ، بعض المصممين يحتاجون فترة مابين ال 3-6 شهور

اخذي راي امج و أختج أو رفيجتج في الاختيار عشان تحصلين على آراء صادقة

وقت البروفة لاتنسين تاخذين معاج ملابس داخلية تناسب موديلات الفساتين

لاتخلين أحد يأثر عليج اذا مو مقتنعه بالنفنوف



انيي حق تركيبة الجسم ::


:: النوع الأول::

40% الجزء العلى (الصدر)
20% الجزء الأوسط (الخصر)
40% الجزء الأسفل (منطقة الأرداف)

عروستي .. اذا تملكين جسم حلو وجذاب لا تترددين في أختيار نفنوف يبرز معالم جسمج
موديل حورية البحر (الميرميد) الانسب لج





عند اختيارج تذكري ::

*موديل الميرميد تبرزالصدر والأرداف وتطلع الخصر بشكل أصغر .
*الفساتين ذات القصة أسفل الصدر (empire-line) ماتناسبج .
* اذا كنتي من ذوات الصدر الممتلئ او كانت سمنتج بمنطقة الصدر والأكتاف راح يعطيج هالموديل انطباع بامتلاء هالمنطقة .
*الفساتين ذات الخصر المائل تساعد فيه تمويه منطقة الكرش .
*الفساتين الي تظهر الأكتاف أو جزء منها تشد الانتباه عن منطقة الأرداف.
*فتحة الصدر على شكل حرف V مناسبة لذوات الصدور الممتلئة ولكن لاتبالغين في حجم الفتحه.
*الطرحة المنسدلة على الأكتاف تساعد على تمويه الأكتاف والجزء العلوي من اليدين اذا كان ممتلئا.
عروستي .. اذا كنتي تملكين هالقوام .. انتي تشتركين في ذلك مع : هيفاء وهبي ، بيونسي نولز


::النوع الثاني::

30% الجزء الأعلى
70%الجزء الأسفل

عروستي .. اذا تملكين اكثر اشكال الاجسام شيوعا بين النساء وهو شكل الكمثرى (الجزء الأسفل أكثر امتلاء من الجزء الأعلى فستان السندريلا الانسب لج

عند اختيارج تذكري ::

* فستان السندريلا يكون ملاصقا للجسم عند منطقة الصدر والخصر ووسيع من تحت صوب الارداف وبجذي يغطي عيوب الارداف .
* الفساتين على شكل (A-Line) مناسبة لذوات الأرداف الكبيرة .
* اظهار الكتفين أو كتف واحد يشد الانتباه للجزء الأعلى من الجسم وتشتيت الانتباه عن منطقة الأرداف.
عروستي .. اذا كنتي تملكين هالقوام .. انتي تشتركين في ذلك مع : منى زكي وكيت ونسليت


:: النوع الثالث::


100% حجم الجسم الطبيعي - 30%

عروستي .. تملكين جسم حلو ومتناسق ولكنه أصغر بنسبة 30% من البقيه .. وهذا مو معناته انج نحيفة بس جميع قياسات جسمج صغيره من مقاس حذائج الى طولج .. ومن عرض اكتافج الى حجم ايدج
الفستان الطويل بخطوط وتفاصيل طولية الانسب لج


عند اختيارج تذكري ::

* فساتين المصممين ماتناسبح .. لازم تصميم خاص أو البحث عن ماركات تصمم تصميم خاص لضئيلات القوام .
* الفساتين الطويله الي قصتها انسيابية وتفاصيل مثل التطريز بالطول تعطيج جسم وشكل ممشوق .
* لبس تاج أو عمل تسريحة مرتفعه مع لبس طرحة قصيرة تعطيج المزيد من الطول .
* الفستان الطويل يعطيج الفرصه لاضافة المزيد من السنتيمترات الى طولج وطلبي حذاء مع الفستان لايقل ارتفاع كعبه عن 15 سم وعادة ماتكون هالاحذية مرتفعه عند المقدمة (Platform)
عروستي .. اذا كنتي تملكين هالقوام .. انتي تشتركين في ذلك مع : نانسي عجرم و ايفا لنغوريا


::النوع الرابع::

70% الجزء الأعلى
30% الجزء الأسفل

عروستي .. اذا تملكين جسم بشكل الكمثرى المقلوبه ، تحتاجين فستان يعطي الجزء الأعلى من الجسم شكل أصغر ويعطي الجزء الأسفل منظر أكثر امتلاء عشان يصير فيه توازن وتوصلين الى نسبة 50/50
الفساتين المنسدله على الأكتاف بنعومه وتفاصيل اكثر على منطقة الارداف الانسب لج

عند اختيارج تذكري ::

* الاقمشه الناعمه الانسيابية مثل الحرير والشيفون تناسب الجزء الأعلى من جسمج اكثر من الاقمشة السميكه مثل التفته والشانتون.
* كل ما زادت التفاصيل بالجزء الأسفل من الفستان مثل التطريز الثقيل أو الدرابيه أو تفاصيل مثل الفيونكات أو الورد كل ماشتت البصر عن الجزء الأعلى الممتلئ من الجسم.
* تقدرين تختارين فستان بفتحه كبيرة عند الظهر وفتحه صدر صغيرة ومرتفعه.
* لازم تختارين طرحة طويلة منسدلة عشان تغطين الجزء الأعلى مع الحرص على عمل تسريحة ناعمه عشان ماتزيدين الجزء الأعلى حجما.
عروستي .. اذا كنتي تملكين هالقوام .. انتي تشتركين في ذلك مع : اليسا وباميلا اندرسون




^^بنت الكويت^^ غير متواجدة حالياً   رد مع اقتباس
قديم 15-05-2011, 01:11:09 PM   #4
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


الدي جي d.j




الدي جي اهم شي بكل عرس .. واختيار الشركة المناسبة والسعر المناسب وايد مهم




التصوير ..



*الصورة عن ألف كلمة *

بدون شك الذكريات تحتل مساحة كبيرة بحياتنا .. وماكو اهم من مناسبة العرس عشان تتوثق بالصور



بطاقات الدعوة ..



لازم تخلصين من طباعة البطاقات قبل 3 اسابيع من العرس .. بعد ماتنطبع تنكسب قائمة بالاسماء وتتوزع البطاقات بأكياس وينكتب على كل كيس العدد والاسماء عشان التوزيع





ويكون التوزيع قبل اسبوعين من الحفلة ، وتتوزع المهام على جم شخص عشان يتم التوزيع بشكل اسرع .



^^بنت الكويت^^ غير متواجدة حالياً   رد مع اقتباس
قديم 15-06-2011, 07:10:06 PM   #5
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


عروستي .. شعرج وشلون تعتنين فيه




حابة تغيرين لون شعرج ؟؟

اذا كنتي حابة تغيرين لون شعرج أو تعدلين اللون لازم تصبغينه قبل العرس ب 3 اسابيع على الاقل

عشان يستقر اللون ومنها تعدلينه اذا ماعجبج ..

وبعد صبغ الشعر لازم تسوين برنامج خاص للعناية بشعرج ..

نصيحة (1)
لازم تسوين بروفة مكياج لان الصبغه تأثر على اختيار الفاونديشن ودرجات المكياج ..

نصيحة (2)
يفضل قص اطراف الشعر قبل العرس باسبوع ..





نصيحة (3)
اذا كانت الشبكة ملتفه على الرقبة choker ينصح بعمل تسريحة مرتفعه ..



^^بنت الكويت^^ غير متواجدة حالياً   رد مع اقتباس
قديم 15-06-2011, 07:20:01 PM   #6
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


الاظافر







لاتهقين انج بعيده عن الحضور ومحد بيلاحظ ايدج واظافرج

لاتنسين التصوير راح تتفاجئين ان ايدج طالعه بمعظم اللقطات


والحين بعلمج خطوات العناية بأظافرج :

* تجنبي الأظافر الطويله أو الشكل المربع .. افضل اشكال الاظافر للعروس (البيضاوي) الكلاسيك ..
* اختاري الألوان الفاتحة والمحايدة بالأصباغ وتجنبي الألوان الصارخة ..
* لازم تسوين منيكير وبديكير بصالون متخصص مره كل اسبوع أو اسبوعين قبل العرس بفترة كافية ..
* اهتمي بأكلج وخصوصا الي تحتوي على فيتامين a والزنك والحديد ..



^^بنت الكويت^^ غير متواجدة حالياً   رد مع اقتباس
قديم 31-07-2011, 07:37:47 PM   #7
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


شلون اختار المكياج الي يناسبني ؟؟؟؟؟؟



نصيحه لكل عروس ( الاعتدال سيد الذوق ) لاتكثرين ولا تخففين من المكياج

حطي الي يناسبج واختاري خبيرة التجميل الفاهمه ..


بعلمكم على أنواع المكياج الكلاسيكية ::

(1) شفاه حمراء + آي لاينر أسود حاد

يتناسب هالنوع من المكياج مع المرأه الجذابة ( البيبي فيس)
خل اوصف لكم احسن صغيرة الفم ، صغيرة الذقن ، بشرتها بيضه
شكل العيون وحجمها مو مهم بس صاحبات العيون الجاحظه ما انصحها بهالنوع من المكياج ..


(2) عيون داكنة + شفاه فاتحه

يتناسب هالنوع من المكياج مع صاحبات العيون الكبيرة أكثر من الصغيرة ويتحمل جميع ألوان الشعر من الأسود الى البلاتيني




هاللوك يعتبر عربي أجنبي ويتناسب أكثر مع الي بشرتها حنطية الى سمرا
أما الي بشرتها بيضه لازم تختار درجات الأي شدو بحذر أكثر
أكثر درجات الوان الأي شدو المناسبه للوك ( اخضر باهت - كحلي غامج - بني غامج - رمادي - بنفسجي ) ..


(3) عيون بدرجات البني والبرونز + شفاه بدرجات الوردي والمشمشي

يتناسب هالنوع من المكياج مع كل اشكال الوجوه وكل الوان البشرات ويسمونه المكياج العالمي
وللحصول على احلى نتيجه لازم تختارين درجات الالوان بدقة وحذر عشان يتناسب مع بشرتج ..



نصائح لبشرة احلى :

(1) كثري من الخضروات الورقية الداكنة والفواكه البرتقالية (الجزر - البرتقال - الافندي - الكاكا) قبل العرس .

(2) كثري من الماي وايد مهم للبشرة ..

(3) ديري بالج من الشمع لازالة شعر الوجه أو حقن الوجه بالبوتكس أو التنظيف العميق للوجه قبل العرس مباشرة .. لازم على الاقل قبل العرس بشهر ..

(4) ارتاحي كثر ماتقدرين قبل العرس ب 4 ايام ونامي نوم عميق ليلة العرس ..



^^بنت الكويت^^ غير متواجدة حالياً   رد مع اقتباس
قديم 31-07-2011, 07:55:10 PM   #8
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


تعالي اعلمج شلون تتعطرين وتتبخرين



قبل العرس باسبوع ابدي بتبخير نفنوف العرس يوميا عشان يتشبع بريحة البخور

وديري بالج تبخرين النفنوف بنفسج بيوم العرس .. راح تكونين متوترة وعصبية مو وقته تحرقينه بأخر لحظة ..







خطوات قبل لبس نفنوف العرس ::

* اخذيلج حمام دافي سريع قبل لا تبدين بالشعر والمكياج ..
* استخدمي شاور جيل من نفس ماركة العطر الي راح تستخدمينه ..
* بعد ماتجففين جسمج استعملي عطر الجسم وكريم مرطب من نفس ماركة العطر ..
* تبخري وشعرج رطب عشان تثبت ريحة البخور بشعرج وجسمج ..
* بعد البخور حطي مسحات من الطيب ودهن العود أو اي خلطة عربية تحبينها على شكل نقاط بمكان النبض (خلف الاذن - الرقبة - الرسغين - ومنتصف الذراع - خلف الركبة ) ومسحة خفيفة على أطراف الاصابع ودلكي فروة راسج من الخلف ..
* لبسي روب قطن وانتي تحطين مكياج وتسوين التسريحه عشان يتشرب أي بقايا للكريم المرطب ..
* رشي عطرج المفضل على طرحتج من بعد 30 سم على الاقل عشان ماتبقع ونفس الشي نفنوفج الا اذا كان مصنوع من الحرير والتفته السادة لاترشين عليه واكتفي بالبخور ..
* رشي من عطرج على جسمج وبالذات منطقة الصدر والرقبه قبل المكياج لان لو رشيتي عقب بيخرب على فاونديشن الجسم ..



^^بنت الكويت^^ غير متواجدة حالياً   رد مع اقتباس
قديم 31-07-2011, 08:05:49 PM   #9
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


عروستي .. اذا كنتي ناوية تسافرين بشهر العسل



قبل لاتبدين في ترتيب حقيبة السفر لازم تحددين النقاط التالية :


جهة السفر / خط سير الرحلة :
عدد الايام :
حالة الجو في الجهات المقصوده :


مستلزمات السفر والاحتياجات الشخصية

* جواز السفر + الفيزا وصورة عنها
* موبايل + شاحن
* مزيل مكياج الوجه والعين + قطن
* مناديل مرطبة ومعقمه
* عدة خياطة بسيطة




* عطور وأطياب
* مرطبات للجسم + مقشر الجسم
* مزيل صبغ الأظافر
* حقائب صغيره لترتيب الأشياء
* مفكرة صغيره + قلم
* سدادات الأذن للطيران والسباحة
* مقراضة أظافر + مبرد + ملقط
* ديودرنت
* شامبو + كونديشينر
* مستحضرات تسريح الشعر
* كاميرا + شاحن
* فوط صحية
* ليفة للجسم
* فرشة أسنان + معجون + غسول فم + خيط تنظيف أسنان
* محارم ورقية صغيرة الحجم
* نظارات طبية + عدسات + محلول
* سيشوار
* مكياج
* مستحضرات العناية بالبشرة
* بروش شعر + مشط


الملابس :

* ملابس داخلية
* جوارب قطنية + شفافه
* قمصان نوم وبجامات
* أرواب
* فساتين
* جاكيتات
* بلوزات
* تنانير + بنطلونات
* قمطات
* معاطف ثقيلة
* معاطف للمطر
* قفازات
* شالات
* حجابات
* قمصان
* تي شيرتات
* جينزات
* ترينغ سوتات
* حذاء رياضة
* احذية عملية (فلاتات)
* أحذية رسمية
* نعال بيت
* أحزمه
* نظارة شمسية
* حقائب يد
* اكسسوارات شعر


نصايح لحقائب سفر أقل وأخف ..

* لاتجمعون برحلة شهر العسل بين وجهات صيفية وشتوية عشان ماتضطرين تاخذين معاج ملابس وايد ..

* حاولي تختارين حقيبة يد وحده أو 2 مو اكثر ونفس الشي البوتات لانهم اكثر شي ياخذون مكان

* اختاري الالوان الي تلائم جميع الملابس مثل : الذهبي ، الفضي ، البيج ، الرمادي ، جلد الحية ، جلد النمر ..

* حاولي تختارين جميع ملابسج من مجموعات لونية متقاربة عشان تستخدمينهم عدة مرات مثل :
بنطلون أسود ، بوديات سادة ، جينز ، قميص أبيض ، كارديغان رمادي .. الخ



^^بنت الكويت^^ غير متواجدة حالياً   رد مع اقتباس
قديم 31-07-2011, 08:24:13 PM   #10
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


وأختم موضوعي بدليل هواتف مهم جدا لكل عروس ..



تصميم حفلات ..

أمجد السمحان --- 67077704 / 66888488
قاسم دشتي --- 99438998
نوفمبر ايفتس --- 22253445
وائل الحميضي --- 22443855


زهور ..

او نوم دو لاروز --- 22253157 / 22255998
جي لو فلاورز --- 65988009
زهور البستان --- 25715998
زهور الجره --- 1802666
زهور البدع --- 25741444



فنادق + تجهيزات غذائية ..

لونوتر (قسم الحفلات) --- 1805050
الشيراتون (قسم الحفلات) --- 1835555
رويال موفنبيك --- 1888800
شركة البدع للتجهيزات الغذائية --- 25340402
الشركة الوطنية للتجهيزات الغذائية --- 1807744
مركز الخليج للتجهيزات --- 24832631


صالات ..

http://www.q8yat.com/t6056.html



شوكولاته تقديم + كيكات زفاف ..

جيز بيكري -- 25350640
جوكلت بار -- 22597404 / 22244880
نوفمبر بيكري --- 22253445


دي جي Dj ..

الرندي --- 22618886
بلال الشامي --- 66577786
يوسف اشكناني --- 99000076
فيصل السعد --- 99045303
روتانا --- 9973770
العسعوسي --- 99303452
أنور الشامي --- 99629553



تصوير ..

ستيفاني --- 22445509
المصور محمد ناصر --- 99069521


لوازم وخدمات الحفلات ..

الخشتي ديزاينرز --- 99618417 / 94040585
زولي --- 99792161


مجوهرات ..

الفارس --- 22433366 / 22598086


صالونات ..

ليلى هارموني --- 1886655 / 23905777
منيرة الفرج --- 22622207 / 66676300
رشا شيك --- 25737992
نادية الشطي --- 25737776
حنان دشتي --- 22660660


عطور وبخور ..

اطياب المرشود (خدمة التبخير) --- 97103003
اطياب المرشود --- 22244804 / 22597298

الموضوع من مجهودي الشخصي وما أحلل اي وحده تنقله بدون ذكر اسمي + المصدر

أتمنى يعجبكم الموضوع وتستفيدون منه
والف مبروك لكل العرايس











^^بنت الكويت^^ غير متواجدة حالياً   رد مع اقتباس
قديم 31-07-2011, 10:08:57 PM   #11
أميـِـِره
كــويــتــيــة ذهــبــيــة
 
الصورة الرمزية أميـِـِره
 
تاريخ التسجيل: Mar 2010
الدولة: فِـيّ سسٓمآآ الأحّـلآمْ ..•*
المشاركات: 1,566

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


يسلمووووووو

شلوون ما يعجبناا

الله يوفقج ويعطج علئ قد نيتج

ومبارك عليكم الشهر



__________________


أميـِـِره غير متواجدة حالياً   رد مع اقتباس
قديم 31-07-2011, 10:10:57 PM   #12
أميـِـِره
كــويــتــيــة ذهــبــيــة
 
الصورة الرمزية أميـِـِره
 
تاريخ التسجيل: Mar 2010
الدولة: فِـيّ سسٓمآآ الأحّـلآمْ ..•*
المشاركات: 1,566

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


أي نسيت

تقومين لنآ بالسلامه يآ رب 



__________________


أميـِـِره غير متواجدة حالياً   رد مع اقتباس
قديم 31-07-2011, 10:31:17 PM   #13
زينه***
كــويــتــيــة فــعــالــة
 
الصورة الرمزية زينه***
 
تاريخ التسجيل: Jul 2011
الدولة: كويت
المشاركات: 284

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


مشكووووورهـ




ويعطيج العافيه



زينه*** غير متواجدة حالياً   رد مع اقتباس
قديم 31-07-2011, 10:45:11 PM   #14
مالي غير الله
كــويــتــيــة ذهــبــيــة
 
تاريخ التسجيل: Aug 2009
المشاركات: 1,288

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


ماشاء موضوع رووعه ومتكامل




يعطيج العافيه



مالي غير الله غير متواجدة حالياً   رد مع اقتباس
قديم 31-07-2011, 11:06:35 PM   #15
المـــــها
*مساعدة مشرفات قسم العروس*
 
الصورة الرمزية المـــــها
 
تاريخ التسجيل: May 2009
الدولة: وطـــــــــن النـــــهـــــــــار
المشاركات: 12,875

افتراضي رد: حصري :: عروستنا .. تعالي اعلمج شلون تنظمين وقتج وتختارين كل شي بتجهيزج


يعطيج العافيه حبيبتي



__________________

المـــــها غير متواجدة حالياً   رد مع اقتباس
إضافة رد

اكثر الكلمات بحث
.., ::, الي, اعلمج, تعالي, تنظمين, حصري, يناسبج, شلون, عروستنا, وتختارين, وقتج, كل

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 05:00:53 AM.