** تجمع الي مسوين جراحة الفك**

واااااي انا اخترعت يوم شفت الموضوع مغلق , ضاق صدري !! زين فتحتو تجمع ثاني
غلاااه اول شي طمنيني عنك كيفك واذا لحد الان ارقبتك توجعك جربي ادهنيها بزيت زيتون دافي يريحك
الدكتور اللي رحت له دكتور زهير بخش في عيادات بن حمران والدكتور اللي ناويه اروح له ان شاء الله دكتور علي حبيب وبصراحه مادري ايش انتظر ؟؟ ابي اقرر العمليه بس محتاجه دعم وتشجيع والله محتاااااااااره والمشكله ما اقدر اروح لدكتور التقويم الا وانا مقرره على العمليه .
بسألك انتي مين دكتورك التقويم خاص ولا حكومي ؟وليه ما سويتي العمليه عند د.احمد يماني

السلام عليكم
بنات انا خذيت موعد الاسبوع الياي عند الدكتور نائل الهزيم واخيرا بتحرك لووووووول
المهم نسيت اسألهم عن الرسوم قولولي جم ياخذون حق المراجعه وفتح الملف واذا يبون اشعه عشان لا اتوهق
واذا رحت ان شاء الله اقولكم شيصير معاي

سندريلا

حالتك تشبه حالتي كثييير بس الفرق ماعندي تراجع بالفك السفلي او يمكن لانك كلاس تو مكتوب بالتقرير ان فكك السفلي متراجع والعلوي بالبروبر بوزيشن

عموما حالتك تعتبر سهله ولا فيها اي تعقيد بس ليش كل هالتردد

انا رحت واسناني مصفوفه بس كان فيها بروز وكل دكتور يشوفني يقولي يمكن تحتاجين فكين
وكنت حاطه ببالي ماراح اطول بالبريسز لان اسناني مصفوفه وحتى دكتوري اللي ركبت عنده البريسز كان وده يحط لي خطه معينه تختزل الوقت
بس لما شافني الجراح رفض اللي فهمته من نقاشهم ان يبغى وضع عضتي كلاس ون
وانا كانت حالتي class II =deep overbite

يعني بدل ماتكون حالتي تحتاج كم شهر بريسز الحين صار لي سنتين بريسز عشاني خلعت 4 ضواحك وصف لي اسناني من جديد
خطة علاجي حاليا مثل التقويم العادي يعني اسناني صارت مصفوفه بس باقي شويييية بروز او بالاصح مدخل اسناني السفليه اكثر من العلويه ومازال الديب بايت موجود عشان شوية البروز هذي يحتاجها مع الرفع وللـ auto rotation اللي بتحصل للفك السفلي

كلامي هذا كله عشان ابين لك ان مدة البريسز ممكن تطوووووول وانتي الريدي ضيعتي وقت بالتردد وانصحك نصيحه لاتلفين على 20 جراح مثلي خخخخخخخ هذا بعد ضيع علي وقت كثير
كل واحد يشخص من غير دراسه ولا ركبت بريسز

ابدي مع دكتور بريسز متخصص بالتقويم الجراحي وتكونين متاكده من دقته و انه متمرس بهالنوع
يسوي لك دراسه كامله وممكن يوريك صور متوقعه لحالتك
و مو شرط تشوفين جراح بالبدايه انتي ابدي بريسز واذا قالك الدكتور مين الجراح اللي تبغينه اختاري اي جراح تثقين فيه حتى لو ناويه تسوينها بامريكا راح يتراسلون مع بعض

واضح ان عندك خلفيه كبيره عن العمليه و اظن لك خلفيه بالمجال الطبي فاختيارك للدكتور اللي تثقين فيه بيكون سهل


ايه وعلى فكرة شغلة مع التقدم بالعمر تتغطى اللثه شكله دايخ هالدكتور اللي رحتي له اللثه مشكلتها من النمو العامودي الزايد للفك العلوي فمع التقدم بالعمر اوكي الشفايف ممكن تطول شوي بس بتظل ترتفع مع الضحك فوش بتستفيدين غير انك ضيعتي 15 سنه من عمرك وهو ياملك بهالكلام اللي ماله معنى
<< قهررررني :rgewrg:


ارسلي لي ايميلك واضيفك بالقروب لو حابه نتواصل اكثر

بالتوفيق عزيزتي :eh_s(7):



لايبرلا

مايوحشك غالي ياعسل الله يسهل امرك يارب :eh_s(17):



ريهام

وياك ياقمر الله يسهل امورنا جميعا ويكتب لنا اللي فيه الخير



غلاه

ايه قالوا لي البنات تدخلين الظهر او بعد الظهر هالوقت مااكون موجوده بالقروب دايما من بعد المغرب او بعد العشاء

ماتشوفين شر ياقمر وربي يتمم عليك الصحه والعافيه و بالنتيجه اللي تفرحك :eh_s(7):

innocence
صادقه كل الجراحين شخصوني من غير دراسة حاله تشخيص مبدأي بس د.احمد قالي عشان اقولك بالتفصيل ايش راح يصير لازم تروحي لدكتور تقويم يسوي لك دراسة حاله واتناقش انا واياه
واهم شي تتزبط العضه لانه عندي كلاس 2 .
وصح كلامك انا اشتغل في المجال الطبي وهاذي مشكلتي كل يوم اشوف ناس داخله العمليات وناس طالعه منها من غير الكود بلو اللي دايما اسمعه .. الله يكون بالعون .
بس ماعندي تراجع بالفك السفلي مادري ليش كاتب كذا اصلا في الوضع الطبيعي مو مبين انو عندي مشكله بس اتكلم او اضحك تبان البلاوي يعني الواحد ينخدع فيني .
يعني انتي مشكلتك بس بالقمي سمايل وبروز بالاسنان مو بالفك صح ؟
مشكوره حبيبتي على النصيحه وشكلي راح اخذ موعد مع دكتور التقويم واريح نفسي خلص تعبت من التفكييييييييييييييير .
ايه ياقلبي حابه نتواصل بس مشاراكاتي قليله ومقدر ارسل على الخاص

ارسلت لك ايميلي سندريلا واتشرف بمعرفتك


ايه مشكلتي كانت بروز الاسنان بس مو بالفك الحين لما تشوفيني ماتشوفين بروز وشكلي يعتبر طبيعي جداا وانا مسكره فمي او مبتسمة ابتسامة ذربه خخخخخخخخ بس اذا ضحكت ديزاااستر ههههههههه

بالرست بوزيشن i'm showing my teeth ولا اقدر اسكر فمي الا لما اشد فاللي مو فاهم مشكلتي لان شفايفي ماتغطي الاسنان بسبب نزول الفك يتوقع اسناني طويله وهي بالعكس طولها مناسب
الفك السفلي الحمد لله مااعاني اي مشكله فيه بس هو مدخل اسناني السفليه زياده شويتين ومع الرفع بيتقدم من حاله

الى الان ماقابلت الجراح فمااعرف القياسات بالضبط وماادري اذا بيكون شايف ان الفك السفلي بيحتاج شي او لا

ان شاء الله فك علوي بس دعوااتك

انا أعترض بصراحه



اختي noreez احنا وااااااااايد تعبنا على ما سوينا موضوع متكامل عن جراحة الفك .. وكافي التجارب السابقه المليانه فيه


حراااااااااااااااااام تسكرونه >> نبي نكمل عليه



يعني جهدي وتعبي والصور والفيديوهات اللي حطيتها والمعلومات القيمه .. كلها راحت هباءا منثورا !!!!!


صكت فيني الدنيا بصراحه :0bee2e8d89:



أنا عن نفسي إذا ما رجع الموضوع >> أعتذر منكم بنات ماني داخله المنتدى بكبره

لأني بصراحه سويت عضويه بهالمنتدى علشان موضوع جراحة الفك .. وتعبت فيه واااااايد

انا اتفق مع اسراء !

انا ليما الحين ارد ع الصفحات القديمة عشان اشوف معلومات احتاج اراجعها او شي ..
و فعلا خصوصا اسراء وايد تعبت ..

و فيه معلومات مهمة وايد ..

في وايد مواضيع الردود فيها شكثر دبلات التجمع ما تسكرت و هالمووضوع وايد مهم
حرام صراحة

و نوريز الموضوع حتى لو فيه سوالف لاحظي السوالف شنو كلها نقاشات نحتاجها لان كل وحدة فينا تعرف شي
و كل وحدة فينا تفيد الثانية و حتى الناس اليدد لو ماعرفوا معلومة معينة الكل يساعدهم
و سوري هذي عملية بالويه .. يعني اكيد الواحد لازم يتعب شوي عشان يحصل المعلومة كا انا من دشيت قريته صفحة صفحة لانه يهمني .. و الحين عقب ما زاد التجمع و صاروا البنات عندهم وايد معلومات و قاعدين يكملون عليها و يزيدونها يتسكر و يروح بطي النسيان .. حرام صراحة !

الموضوع ماله مثيل بالنت .. وايد ناس منهم انا سجلت عشانه .. اي بحث بسيط بقوقل راح يطلع هالموضوع ..

المهم .. صج اني متضايقة بس يمكن ما يرد الموضووع القديم فـ

اليوم رحت موعدي .. المفروض يبلش يسكر الفتحات .. بس قالي ليما الحين الضرس اللي فوق صوب ضرس العقل المفروض يطلع لي برا شوي و اهوا still داخل .. فحطلي سير و قالي احطه طول اليوم .. و غير لي الواير
حطلي موعد عقب شهر ان شاء الله قالي هذي الخطوة الياية اهيا باذن الله اخر خطوة .. لان بيبلش يسكر الفتحات و تحتاج ما بين شهر و نص الى شهرين

innocence
حبيبتي شكلج انتي نفسي بس الفرق ان اسناني صغار و سوالف المصطلحات اللي قاعده تقولينها انا لازم اسوي check عليها مع الدكتور ههههههه وااي افشل افشل هذا و انا مختبرات طبية المفروض افهم و اعرف .. لان انا حتى شرح مو عارفة اشرح حالتي :/

بس فكي وااايد نازل .. و narrow
و السفلي دكتور عادل قال احتمال ما يسويه لان بروحه بروحه بيتعدل .. بس انا خايفة

بصراااااحه مو هاين علي كللللش أشوف موضوعنا قاعد يندثر

اختي لو سمحتي راجعوا نفسكم وراجعوا الإداره بخصوص إغلاق موضوع جراحة الفك ترى المعلومات اللي فيه تعتبر الأولى من نوعها على مستوى العالم العربي


ناس قاعدين يسوون لهم عضويه مخصوووص حق هالموضوع من مصر والسعوديه والإمارات وعمان وقطر والبحرين وطبعا الكويت ( وانا منهم)


و وااااااااااااايد استفادوا الحمدلله


معلومات دقيقه وتجارب شخصيه ما راح يلقونها بأي منتدى او أي موقع ثاني


بعدين العمليه صعبه جداااااا >> يعني قرار العمليه قد يصل إلى سنه كامله أو أكثر ( طبعا هالفتره مجرد اتخاذ قرار العمليه )

و الشخص المقبل على العمليه لازم يقرا ويتثقف قبل لا ياخذ قراره

وهالمعلومات والتفاصيل جد جد من غير مباااااااالغه موجوده فقط لااااااااغير بمنتداكم المصون

فحرااااااااااام والله حراااااااااااااام إنه يتسكر الموضوع




إذا الموضوع وااايد مسببلكم زحمه بالمنتدى .. حذفوا الردود والسوالف اللي مالها داعي .. وبجذي راح تتقلص عدد الصفحات ويقل الضغط ان شاء الله


بسسسس عففففففيه واللي يرحم والديكم الموضوع لا يتسكر

اسراء الموضوع مايسوي زحمه بالمنتدى شكو
خو لا فتحوا موضوع يديد نفس الشي بيصير فيه ردود
خلوا الردود بالموضوع الاصلي وخلاص

اصلا انا اقترحت عليهم يحذفون المواضيع العتيجه اللي محد راد عليها ولا فيها رد و ردين او كانت استفسار بوقت معين وانتهى
وكتبتلهم هالاقتراح قالولي لا مايبون وبيخلون المواضيع تفيد البنات
مواضيع من سنه يدي تارسه المنتدى محد طال فيها بدال لايصير بطيئ ويعلق كل ساعه مو راضين يمسحونها
والحين يت على هالموضوع سكروه!!

موضوعنا اسراء مافيه ردود مالها داعي و الله

الاسئلة مهمة كثر الاجوبة ..

لاان ممكن في اشخاص يبون يسألون سؤال معين او حالتهم تشابه حالة معينة يلاقونها مني او مناك
خو هذا منتدى و اخذ و عطا فيه بالردود مو معقولة بنكتب كل شي و كل الافكار برد واحد

انا جد منغثة و الله ماله داعي في مواضيع بالفاشن و الستايلات كانت موصلة فوق ال100 الف رد

noreez قال:

لووووول
لا احنا ما نبيه شامل
نبيه يخص العمليه علشان البحث يكون سهل ومايكون كله سوالف ويملل
لانه الي يبي شي من الموضوع راح يتعب بالبحث من كثر الصفحات

أنقر للتوسيع...

دانه و روز


أنا رديت عليها ,, إنه ما يبونه سوالف

قلت يمكن بعد السوالف مسببه زحمه



وصح كلامكم فيه مواضيع فاشن ومواضيع مامنها فايده ردودهم واصله 100 ألف رد


واحنا موضوعنا علمي وكله معلومات وفوايد :0bee2e8d89:

السلام عليكم
ان شالله الجميع بخير وسعادة انا من زمان متابعاكم ولكن بصمت لاني ماعندي اي شي جدبد اضيفو والبنات
ماشالله ماقصروبس احب اشكر المنتدي واللي فتحت الموضوع كل من شارك فية الله يجزاكم خير
المهم ياحلوت انا سويت عمليتي يوم الخميس ماشالله والحمد لله وحبيت اخبركم عنها عشان تستفيدو
زي استفادتي منكم .
سويت عمليتي بالفكين عند الدكتور احمد اليماني بعيادات سمايا .
طبعا لسة مقدر اكل واتكلم قليل وجههي منفوخ بس الحمدلله شوي نسم من يوم العملية
تصدقون يوم رجعت البيت قطوتي ماعرفتني بس تتطالع المسكينة اخترعت.
بس هذا كلة يهون ع قولت اختنا الرائعة اسراء كلة في سبيل الجمال يهون.
طبعا اليوم كانت عندي مراجعة عند الدكتور احمد وكمان عندي يوم السبت الجاي ان شالله . واي سؤال انا
حاضرة بس ارجوكم لاتنسوني بالدعاء .

اخت الامل قال:

السلام عليكم
ان شالله الجميع بخير وسعادة انا من زمان متابعاكم ولكن بصمت لاني ماعندي اي شي جدبد اضيفو والبنات
ماشالله ماقصروبس احب اشكر المنتدي واللي فتحت الموضوع كل من شارك فية الله يجزاكم خير
المهم ياحلوت انا سويت عمليتي يوم الخميس ماشالله والحمد لله وحبيت اخبركم عنها عشان تستفيدو
زي استفادتي منكم .
سويت عمليتي بالفكين عند الدكتور احمد اليماني بعيادات سمايا .
طبعا لسة مقدر اكل واتكلم قليل وجههي منفوخ بس الحمدلله شوي نسم من يوم العملية
تصدقون يوم رجعت البيت قطوتي ماعرفتني بس تتطالع المسكينة اخترعت.
بس هذا كلة يهون ع قولت اختنا الرائعة اسراء كلة في سبيل الجمال يهون.
طبعا اليوم كانت عندي مراجعة عند الدكتور احمد وكمان عندي يوم السبت الجاي ان شالله . واي سؤال انا
حاضرة بس ارجوكم لاتنسوني بالدعاء .

أنقر للتوسيع...

ياااااا بعدعمري والله ما تقصرين ... والحمدلله على سلامتح


والله ودي أسألج بس لأ مو الحين لما يرجع موضوعنا لنا بالسلامه



ولاااا تكملين تجربتج إلا لما يرجع موضوعنا .. علشان ما تكتبين ردود عالفاضي :eh_s(15)::eh_s(15):





شكلي بحطج بقائمة الحديديات ,, بس لااازم أسمع تجربتج بالتفاصيل أشوف تنطبق عليج المواصفات الحديديه أو لا :krkrkr: