** تجمع الي مسوين جراحة الفك**

بنات بلييييز وقفوا نشاطاتكم الحواريه على ما يرجعلنا موضوعنا بالسلامه






وانا مستعده أكلم مديرة المنتدى في سبيل إنه الموضوع يرجع

ليش تسكر الموضووع

اذا في ردود موعاجتكم وتشوفون انها سوالف احذفوها ..بس مو تسكرون الموضوع لان حراااام فيه معلوومات واجد

مع ان مااصارت سوالف ,, كلها اسئله واجوبه بخصوص العمليه ماطلعنا برى الموضوع

يمكن انتوا الموضوع مومهم بالنسبه لكم .. لكن احنا كل كلمه بهالموضوع تهمنا وتنفعنا

وانا مااشترك بالمنتدى الا عشااان هالموضوع

خلاص يعني ننتظر الموضوع يرجع...

أمس كان موعدي عند الدكتور بدر الجندان والفضل يعود لله ثم للعضوه innocence الله يوفقها
بس بـ أعطيكم التفاصيل لما مايتحدد مكان الموضوع..

أسرآآء <ضيفيني معكم بقآئمة الحديديات :eh_s(22):
خلاص توكلت على ربي وبأذن الله بسويهاا ..
مع اني بطول لانه لازم اركب تقويم ثاني بس ربي يسهلها صبرت سنين مااصبر سنه زياده


وعلى فكره الموضوع راجع للاداره بخصوص أغلاق الموضوع بس حبيت أأكد على كلام البنات..
أنا سجلت في المنتدى عشان هالموضوع كنت أبحث في قوقل وطلع لي وسجلت عشان استفسر من البنات..

السلاااام علييكم

اذا تذكروني كنت قايله عمليتي بتاريخ 3-5-2011

قالولي الادمشن يوم الاثنين والجراحه يوم الثلاثاء تاريخ 3 - 5

رحت يوم الاثنين وقعدت اصلي واستخييير

وتخيلوا جراحتي تأجلت وانا في غرفة العمليااااات

انا كنت مستخيره ومتوكله على الله لعله خير

بس ياااني احباط حسيت اعصابي احترقت يعني يا اما اسويها ولا ماسويها يووم ونص بالمستشفى يعني كنت رايحة يوم الاثنين و دخلوني غرفة العمليات يوم الثلاثاء الساعه 4 العصر اعصااابي هلكت صج

وسبب التاجيل شاب عمره 28 مسكين مسوي حادث وصار وجهه بدون ملامح وكان الدكتور الاستشاري من الصبح معاه يرمم ويهه فدخلوني غرفة العمليات على اساس ان الدكتور يجي بس الدكتور ماكان مخلص

ااااخ دعواتكم بنات

للعلم الجراحه تتاجل للمره الثانية وبحاول للمره الثالثه اذا تاجلت خلاص

شو رايكم بنات في وضعي اوقف ولا اكمل

انا رأيي من رأي خواتي

نبي موضوعنا الاول ينفتح لانه بجد نحتاجه ومالنا غناة عنه

اتمنى تتفهم الاداره رغبتنا وترجع موضوعنا

السلام عليكم ..

بالنسبة للخوات الي معترضين على التجمع الجديد

اول شي التجمع القديم تسكر لان صفحاته وايد بس ما انحذف .. موجود والمعلومات الي فيه مرجع للجميع ..

ثاني شي الي ماتبي تشارك بالتجمع الجديد هالشي مو اجباري وان شاءالله الباجي فيهم الخير والبركه


ورابط التجمع القديم موجود بأول صفحه للاستفادة ..

اختكم / بنت الكويت

sendrila قال:

واااااي انا اخترعت يوم شفت الموضوع مغلق , ضاق صدري !! زين فتحتو تجمع ثاني
غلاااه اول شي طمنيني عنك كيفك واذا لحد الان ارقبتك توجعك جربي ادهنيها بزيت زيتون دافي يريحك
الدكتور اللي رحت له دكتور زهير بخش في عيادات بن حمران والدكتور اللي ناويه اروح له ان شاء الله دكتور علي حبيب وبصراحه مادري ايش انتظر ؟؟ ابي اقرر العمليه بس محتاجه دعم وتشجيع والله محتاااااااااره والمشكله ما اقدر اروح لدكتور التقويم الا وانا مقرره على العمليه .
بسألك انتي مين دكتورك التقويم خاص ولا حكومي ؟وليه ما سويتي العمليه عند د.احمد يماني

أنقر للتوسيع...

sendrila قال:

غلاااه انتي احتجتي نقل دم ؟ودخلتي العنايه ولا لا ؟

أنقر للتوسيع...

اخت الامل قال:

السلام عليكم
ان شالله الجميع بخير وسعادة انا من زمان متابعاكم ولكن بصمت لاني ماعندي اي شي جدبد اضيفو والبنات
ماشالله ماقصروبس احب اشكر المنتدي واللي فتحت الموضوع كل من شارك فية الله يجزاكم خير
المهم ياحلوت انا سويت عمليتي يوم الخميس ماشالله والحمد لله وحبيت اخبركم عنها عشان تستفيدو
زي استفادتي منكم .
سويت عمليتي بالفكين عند الدكتور احمد اليماني بعيادات سمايا .
طبعا لسة مقدر اكل واتكلم قليل وجههي منفوخ بس الحمدلله شوي نسم من يوم العملية
تصدقون يوم رجعت البيت قطوتي ماعرفتني بس تتطالع المسكينة اخترعت.
بس هذا كلة يهون ع قولت اختنا الرائعة اسراء كلة في سبيل الجمال يهون.
طبعا اليوم كانت عندي مراجعة عند الدكتور احمد وكمان عندي يوم السبت الجاي ان شالله . واي سؤال انا
حاضرة بس ارجوكم لاتنسوني بالدعاء .

أنقر للتوسيع...

حبوبه حمدلله على سلامتك
ياليت تقولي لي كم كلفت
وهذي العيادة في مركز بن حمران

اسراء حبيبتي
لا تتعبي نفسك
وبعدين كيف اذا مارجعوه ما راح تدخلي المنتدى
ادري ان انتي اكثر وحده تعبت في الموضوع افدتي البنات كثير بس مابيدنا شي
فأنا اشوف انو حرام تحرمي البنات من المعلومات اللي تعرفيها وحتعرفيها :eh_s(17):
:eh_s(7):

اولا: الموضوع القديم قمه في المعلومات
حييل استفدت منه بصراحه..

اسراء
حبيبتي انتي والله اللي تجاوبيناا ع اسلئتا
لاتتخلين عنا
وتراانتي قمرهالتجمع واحنا النجوم

Esraa.a قال:

بصراااااحه مو هاين علي كللللش أشوف موضوعنا قاعد يندثر

أنقر للتوسيع...

Esraa.a قال:

اختي لو سمحتي راجعوا نفسكم وراجعوا الإداره بخصوص إغلاق موضوع جراحة الفك ترى المعلومات اللي فيه تعتبر الأولى من نوعها على مستوى العالم العربي

ناس قاعدين يسوون لهم عضويه مخصوووص حق هالموضوع من مصر والسعوديه والإمارات وعمان وقطر والبحرين وطبعا الكويت ( وانا منهم)​

و وااااااااااااايد استفادوا الحمدلله​

معلومات دقيقه وتجارب شخصيه ما راح يلقونها بأي منتدى او أي موقع ثاني​

بعدين العمليه صعبه جداااااا >> يعني قرار العمليه قد يصل إلى سنه كامله أو أكثر ( طبعا هالفتره مجرد اتخاذ قرار العمليه )​

و الشخص المقبل على العمليه لازم يقرا ويتثقف قبل لا ياخذ قراره​

وهالمعلومات والتفاصيل جد جد من غير مباااااااالغه موجوده فقط لااااااااغير بمنتداكم المصون​

فحرااااااااااام والله حراااااااااااااام إنه يتسكر الموضوع​

إذا الموضوع وااايد مسببلكم زحمه بالمنتدى .. حذفوا الردود والسوالف اللي مالها داعي .. وبجذي راح تتقلص عدد الصفحات ويقل الضغط ان شاء الله​

بسسسس عففففففيه واللي يرحم والديكم الموضوع لا يتسكر​

أنقر للتوسيع...

لابيرلا حاولي تقنعين امك واخذيها معاك للدكتور عشان يقنعها الدكاتره لهم اسلوب وبعدين قو لي لها انها مأثره على نفسيتك وترى هيه من خوفها عليك وقوليلها انك استخرتي والله يسرلك امرها لان لو فيها شر كان الله صرفها عنك وانتي بنفسك مافكرتي فيها ..اجل انا ايش اقول امي قبل اربع سنوات مارضيت تخليني اسوي ليزر (لازالة الشعر) تقول يسبب لك امراض بس الحمدلله الحين رضيت .... كيف لو تعرف اني بسوي عمليه ؟ هذا اللي شايله همه .
شتات الله يرضى عليك ذكرتيني بالتقويم السريع هذا مر علي وانا ابحث عن الموضوع ويسمونه(( Wilkodontics) نسبه للاخوان ويلكو اللي اخترعوه
http://www.aawsat.com/details.asp?section=65&article=486895&issueno=10876 وهذا الرابط للي حابه تعرف اكثر واللي كاتب عن الموضوع نفسه الدكتور اللي بروح له .
وحبيت اسألك انتي بتروحي عيادات سمايا عشان العمليه؟ ومين دكتورك التقويم ,حكومي او خاص ؟
Esraa.a ياريت تحاولين مع الاداره لانه الموضوع مررررره مهم واللي ايده في النار مو زي اللي ايده بالمي وانا بصراحه اول مره في حياتي اسجل في منتدى وكله عشان هالموضوع والله حتى لو صفحاته وصلت للالوف كنت قريتها كلها و صاحب المشكله راح يفضي نفسه عشان يقرا الموضوع وانا فعلا استفدت من كل كلمه وكل رد من اول صفحه لاخر صفحه .
الاخت امل الحمدلله على سلامتك ياقلبي والله يرضيك بالنتيجه وتكون بيرفكت 100% ... حبيبتي انتي نفس جراحي د.احمد يماني
عندي اسئله كثيره معليش تحمليني
1-مين دكتورك التقويم ,خاص او حكومي , ايش نوع التقويم شفاف عادي وكم مدته ؟
2-ايش المده اللي اخذتيها عشان تقرري العمليه ؟
3-سوييتي العمليه في سليمان فقيه صح ؟كيف الرعايه عندهم يهتمون بالمريض ولا كيف .
4-كم قعدتي في غرفة العمليات وكم كلفتك ؟
5-اهم شي الخشم كيف ساواه لك نفس طريقة د.حامد للاخت غلااه يعني خيط للك مع الجنبين وخصوصا انهم يشتغلوا بنفس المكان ولا فارش ويحتاج تجميل .
الله يسعدك اشرحي لي مشكلتك بالتفصيل واختيارك للدكتور احمد على اي اساس يعني شفتي حالات مسويها
Ego-Girl كل تأخيره فيها خيره وعليك بالدعاء والاستغفار ودامك استخرتي لا تتراجعين وبعدين اسمك بالقائمه الحديديه ما فيه تراجع ياويلك من اسراء.
غلاااه مشكوره حياتي وماقصرتي , ايه الحمدلله انك ما طحتي فيه كان حطمك , يعني قصدك لمن استخيييير اقول اسم الدكتور ؟ ماني فاهمه , وبالنسبه للتقويم استخير كمان واقول اسم الدكتور ولا كيف لان استخارتي كانت للعمليه بس ومن غير ذكر اسماء .
malocclusion يعني سوء الاطباق وفيه 3 انواع كلاس 1 تكون الفكين متطابقه بس الاسنان ياتكون متراكبه فوق بعض يعني فيه زحمه او تكون فيه فراغات كبيره بينها وكلاس 2 زيي انا وانوسه تكون الاسنان اللي فوق مغطيه اللي تحت وتقريبا تلامس اللثه اللي تحت ويسونها over bite او deeep bite وكلاس 3 تكون الاسنان اللي فوق طايره قصدي بارزه وتسمى open bite .

^^بنت الكويت^^ قال:

السلام عليكم ..

بالنسبة للخوات الي معترضين على التجمع الجديد

اول شي التجمع القديم تسكر لان صفحاته وايد بس ما انحذف .. موجود والمعلومات الي فيه مرجع للجميع ..

ثاني شي الي ماتبي تشارك بالتجمع الجديد هالشي مو اجباري وان شاءالله الباجي فيهم الخير والبركه


ورابط التجمع القديم موجود بأول صفحه للاستفادة ..

اختكم / بنت الكويت

أنقر للتوسيع...

وعليكم السلام ..

يعطيج العافيه اختي

اذا صفحاته واجد لان الموضوع شامل

كل بنت تقريبا اشتركت فيه من قبل لاتسوي العمليه

وتبدي اول خطوه مرحله اقناع الاهل ومراجعات التقويم وبعدها العمليه وبعدها مضاعفات العمليه وهكذا

وفي بعضهم مسوين ويحبون يفيدون البنات بتجربتهم ماقصروا الله يعطيهم العافيه

وانا مااشوف ان صار سوالف كثر مااهي اسئله مهمه لكل وحده مقبله على العمليه

وبعدين انتي تقولين الي ماتبي تشارك بالتجمع الجديد هالشي مو اجباري وان شاءالله الباجي فيهم الخير والبركه :eh_s(12):

اسمحليلي بكلامج هذا ضايقتي بنات واجد ,, ترى حتا المتعرضين فيهم الخير والبركه

اتمنى ان كلامي مايضايقكم و تتفهمون رغبتنا

Ego-Girl

كل تأخيره فيها خيره

الله يكتب لج كل خير يارب

السلام عليكم بنات ...

بصراحة شديدة أنا بشارك بموضوع عمليات الفك عشان (( أخوي my brother )) كان يبحث عن هالموضوع وعن أشخاص موسوين هالنوع من العمليات, لان مركب التقويم صاره أكثر من سنتين ومقبل على العملية. (( الله يقومه بالسلامة وتنجح العملية )).

فذكرت له ان في منتدى كويتيات يتكلمون عن عمليات الفك بأنواعها وفي بنات مسوين العلمية وشنو اللي يحتاجه المريض قبل وبعد العملية.

فقالي اذكري حالتي وان شاالله نلاقي وحدة من البنات نفس الحالة, فبعد إذنكم أنا بذكر حالتة وأتمنى إنكم ما تقصرون بالفايدة والنصيحة.

عنده تأخر بنمو الفك العلوي تقريبا واهو يحتاج عملية للفكين العلوي والسفلي, العلوي يتقدم للامام والسفلي يرجع للخلف.
وأي معلومة تبونها عن حالة أنا حاضرة.

وشـــــــــــــــــــكرا للجميع وللقائمين على الموضوع المهم أتمنى الفايدة تعم ,,,