˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

منال القلب · 9 فبراير 2011

˚◦ஐ˚◦( حـزب معـلـمات التعيــيــن الجــديد [3] ♥فضفضي واستفيدي♥ )˚◦ஐ˚◦

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته

على بركة الله أفتتح الجزء الثالث من سلسلة " حزب معلمات التعيين الجديد " والي الحمدلله والشكر
نجح في الجزء الاول + الثاني منه بفضل تواصلكم. حبيت أشكر كل معلمة ساعدت الثانية، واٌوقولكم عساكم على القوة
وماقصرتوا يارب

هذا تجمع الحزب الثاني حق الي تبي تشوف شنو صار فيه:

http://www.q8yat.net/showthread.php?t=695649

وهذا تجمع الحزب الأول:

http://www.q8yat.net/showthread.php?t=608588

الصراحة انا حيل زعلامة من جم معلمة ما صار لهم وجود. كانوا موجودين بالحزب الاول والثاني وللأسف انقطعوا وانقطعت اخبارهم. ان شالله يكون المانع خير ويارب نشوفكم قريب ونعرف آخر اخباركم... واهديكم هالوردة :blueSmCLR:

________

كوني متألقة... :082502bye_prv:

كوني واثقة... :wqedqw:

أنتي الأفضل بالتأكيد .. :rerrerek:

بهذي الشعارات الثلاث افتتح الحزب اللي اتمنى يكون حزب مثمر وفيه نشاط، وأوعدكم إني بكون نشيطة لأن التدريس ما يخلو من اليوميات والسوالف والفضفضات بس ها، همتكم وياي بنات، نبي نتساعد ونتشارك مع بعض، وإذا في وحدة متضايقة تتكلم علشان نخفف عليها ونرتاح ونوسع سدورنا شوي

الموضوع موضوعكم والمكان مكانكم...

_______

:::شروط الحزب:::

1- جميع المعلمات مدعوات للمشاركة سواء الي صارلها سنة أو 10 سنوات أو 5 شهور أو شهر واحد

2- يسمح بكل من تريد أن تصبح معلمة تشارك ويانا حتى تستفيد

3- يمنع مشاركة الطالبات سواء في المرحلة المتوسطة والثانوية لأنه خاص بالمعلمات فقط

وألحين نبدا مع بعض ونقص الشريط الاحمر واعلن عن الافتتاح

كل عام وانتوا بخير معلمات، ويارب يكون الفصل الثاني عليكم خير وبركة

يارب يكون الفصل الثاني خالي من المشاكل والمداحر والأعصاب.. آمين آمين آمين

= [ وابتدينا العــــــــــــــــام الدراسي للفصل الثاني 2010 - 2011 ]=
على بركة الله

منال القلب · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

لكل وحدة تبي تصير معلمة بإذن الله وعندها استفسار

أمثال ( توتي فروتي + فطومة + سدن ) الي سألو جم سؤال بالحزب الثاني، فهذي اجاباتي:

هذا الي بكتبه لكم... تعبت فيه ترا >>> خلصي شتبين يعني؟ لووول ابي منكم دعوة حلوة مابي شي ثاني

اول شي الله يوفقكم في وظيفتكم وان شالله تتوظفون وتستلمون المعاش
ويتبارك بكل فلس تقطونه ويبعد عنكم العين والحسد..

بالنسبة حق اسئلتة فطومة راح اجاوب عليها لأن اعتقد اهي نفسها اسئلة توتي فروتي وسدن:

وين تروحين عشان تحددين المقابله لما تتخرجين من آداب اللغه العربيه و تصيرين معلمة ؟

أنا تخصصي عربي آداب وتخرجت من الجامعة شهر 1 سنة 2010 يعني قبل سنة تقريبا. فلما تخرجت قعدت 3 شهور ونص بطالية. لكن خلال هالـ 3 شهور نزل " إعلان " استثنائي بالجرايد وفيه ان طلبة الكليات + التربية الي حابين يكونون مدرسين يراجعون وزارة التربية حتى يستكلمون الاجراءات.. وانا رحت الوازرة وكان في بنات من طقتي واذا انتي خريجة الكورس الأول نفس حالتي ف المفروض هالفترة ينزلون اعلان استثنائي انهم بحاجة حق معلمين. واذا ما نزلوا لازم تقدمين على " ديوان الموظفين " لأن الي بتخرجون من أي كلية ثانية ومنهم الأداب ويبون يصيرون مدرسين لازم على الديوان اول. أما الي متخرجين من كلية التربية يروحون وزارة التربية دايركت. وحق الي من التربية لما تروح مبنى وزارة التربية تروح مبنى رقم 2 البوابة الي بالويه.

و شنو الاوراق اللي تاخذينها .. ؟

المطلوب: ودي وياج ملف وحطي فيه كل المطلوب علشان لي طلبوا شي يكون عندج وما تضظرين تصورين وتروحين البيت مرة ثانية:

8 صور شخصية مقاس 4*6

5 صور شهادة ميلاد

5 صور جواز السفر

5 صور للبطاقة المدنية

5 صور للجنسية

4 نسخ من شهادة الجامعة ( بالألوان ) ولازم النسخ الـ 4 تاخذينهم من الجامعة يعني مو تاخذين نسختج وتروحين مال التصوير وتصورينهم بالألوان لأن الشهادة فيها رموز يبين انها اصلية او لأ.. فعلشان جذي روحي الجامعة " الشويخ " عند العمادة وطلبي منهم 4 نسخ بالالوان لان فيه ابيض واسود والي بالالوان اعتقد سعر النسخة 3 وشوي عن شهادتج الأصلية. وطبعا راح يقولون لج تعالي بعد 3 ايام تستلمينهم وعلى فكرة عليهم فلوس بس ناسية بجم انتي ودي وياج 2- دينار لان هناك فيه طوابع بفلوس ف ودي وياج خردة 20 يعني كل ما يكون وياج دنانير بترتاحين اكثر لان كل شهادة فيها طابع خاص فيها.. وديري بالج ان النسخ تطول على ما تستلمينهم فحطي بحسابج تطلبينهم مبجر وافتكي حتى تاخذينهم مبجر..

ورقة تحويل راتب على البنك الي فيه معاشج ان شالله لما ينزل

+

راح يطلبون منج تحليل دم + بول + فحص سريري وهو عبارة يفحصون صدرج وبس + اشعة حق صدرج

وكل هالأمور تسوينها بالمستشفى التابع حق منطقتج، انا سويتها بالاميري لان بطاقتي ع العاصمة وفي ناس بطاقتهم على حولي

ف يسوون في مستشفى مبارك وهكذا... ونتايج البول واشعة الصدر تاخذينهم بعد يوم كامل يعني سويتيه اليوم تاخذينه باجر

أما تحليل الدم يطول 3 ايام.. وبعدين تاخذين نتايج كل هالحوسة وتودينه المجلس الطبي الي صاير صوب مستشفى الصباح وهناك تسوين الفحص السريري وتحليل الدم وتعطينها نتايج الفحوصات الي سويتها وتقولج تعالي بعد أسبوع استلمي النتيجة
وبس تستلمين النتايج تاخذينهم وتروحين على وزارة التربية وهناك عاد راح ينطرونج اسبوع وبعدها تاخذين مباشرة العمل
وتروحين على مدرستج......

واذا كانت مباشرة العمل مكتوبة على تاريخ معين لازم تروحين ع التاريخ مو تقولين لأ برتاح اليوم لأن تعبت من الروحة والردة!! لان فرضا لو كانت مباشرة العمل صارت يوم الخميس وتقولين لا خلاص بداوم الاحد بداية الاسبوع لان الخميس نهاية الاسبوع راح ينخصم من معاشج على هاليوم والمعاش تاخذينه بعد مرور شهر من وظيفتج.

و جم شخص يقابلج بالمقابله ؟

بالمقابلة: انا قابلتني وحدة بس فتحت جدامي القرآن وخلتني أقرا صفحة كاملة بعدين قالتلي على جم كلمة شنو اعرابها... واعربت 3 صح و 4 خطأ لول وبعدها قالت انا بحطج متوسط قلتلها أوكي. يعني بنفس الوقت اهي تحددلج اي مرحلة ف انتي قولي لها المرحلة الي تبينها واذا سألتج ليش انتي قنعيها وقولي انج حاسة انج راح تتمكنين ومن هالكلام..

و شنو الاسئله اللي بالمقابله ؟

المقابلة: شفوي ووضحته فوق. والتحريري يكون عبارة عن امتحان من 4 صفحات والاسئلة مالته حيل صعبة بس لا تحاتين ما ياخذون عليه درجات يعني بس جذي شكليات. اهم شي دشي عليهم بكل ثقة ولا تحاتين لانهم اساسا يبون مدرسات ومو مستعدين يخسرون مدرسات...

متى تطلع نتايج المقابله ؟

نتايج المقابلة تطلع بعد أسبوع كامل يعني ان سويتيه الأحد بيطلع الأحد الياي.

و متى تباشرين دوام ؟

لما تخلصين تحليل الدم وكل الأوراق راح تتوظفين بعد أسبوع كامل من خلاصج من كل الإجراءات. وهذا رقم وزارة التربية حق الاستفسارات: 24840678وزارة التربية

منال القلب · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

اليوم رحت شريت دفتر تحضير وجم قلم ووسيلة على الماشي. وباجر بروح السوق باخذلي جنطة وجوتي تكرمون وهم بعد باخذلي ملابس عملية مابي أخذ شي يضايق.....

وانتوا معلمات متجهزات حق الكورس الثاني؟

ضحـاوي · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

بارك الله فيج منال

ويعطيج الف عافيه ع هالتجمعات الحلوه والمفيده

منال القلب · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

حبيبتي ضحاوي تسلمين وحياج الله
والله يعطيج ألف عافية يا قلبي...

منال القلب · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مشتاقة للدوام بس مالي خلق قعدة الصبح ملاقة

لكن الحلو إن الاسبوع الياي راح يحوشنا يوم الخميس عطلة وهذا يعني راح نداوم 4 ايام بس

والاسبوع الي بعده راح يحوشنا 4 ايام وناسة _03ba:

توتي فروتـي · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

بسم الله الرحمــــــــــن الرحيم ,

السلام عليكم ورحمة الله وبركاتـــــــــــــه .,

:eh_s(22):

ما شاء الله .
الله يبارك في تجمعنا

,. ان شاء الله بنكون معاج بالتجمع << ونأذيج بأسألتنا احنا الثلاثي لووول

حبيبتي يا منال ما قصرتي والله جاوبتي على الاسئلة بالتمام.,
عسى الله لا يحرم المنتدى من تواجد عضوة مثلج .,

أبشري بالدعوات بظهر الغيب من خوياج .,

:eh_s(7):

توتي فروتـي · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

/

انزين منال .,,

مايبتي طاري المنطقة التعليمية ., يعني المقابلة الشفوية والتحريرية كلها بتكون بالوزارة نفسها؟؟

انتي قلتي موظفة تقابل يعني المراقب ماله دور ؟؟

الجفووول · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

بنات انا متخرجه الكورس اللي طاف

اول مااستلم الشهاده اروح للوزاره والا انطر ديوان الخدمه يبطل تاريخ 4/3 واحط رقمي المدني بالفون !!

LA TROO7 · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مرحباا

منال يعطيج الف عافيه وراح انظم لكم بهالتجمع انا متعينه 2008

استغربت ليش شريتي دفتر تحضير ؟ ماتحضرون الكتروني على قولتهم

بالبدايه كرهنا لما قالوا التحضير عالكمبيوتر بس حاليا حبيته وحسيته ارتب وانظم

English.Teacher · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

الديوان 4 فترات بالسنة

وراح يفتح للتسجيل الجمعة 4 مارس لاستيعاب خريجي الكورس الاول من الجامعة والتطبيقي

وبالنسبة لخريجات التربية ماتوقع في مقابلة

منال القلب · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

لا تروح: الله يعافيج حبيبتي ونورتي الحزب. لا احنا مدرستنا مانعة التحضير الالكتروني لازم بخط اليد.

الجفول: اي بالضبط نفس ما قلتي سجلي بديوان الخدمة وحطي رقمج المدني

توتي فروتي: حبيبتي تسلمين يا قلبي. بالنسبة حق المنطقة التعليمية راح يكون دورج فيها الأتي:

من بعد ما تخلصين كل شغلج بالوازرة راح يعطونج ورقة تودينها المنطقة التعليمية وهالورقة تودينها عند التوجيه الفني حق تخصصج بعدها راح يقولون لج ودي الورقة عند مراقب المتوسط او الثنوي الابتدائي صاير بنفس المبنى وبعدها يوقعها المراقب وبنفس الوقت يقولون لج بأي مدرسة راح تدرسين. أما باجي الأمور الي قلتها كلها في الوزارة.. .والمنطقة التعليمية بس هذي دورها..

منال القلب · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

صاير فيني أرق ومو قادر أنام :gr4uu:

LA TROO7 · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كم صارلج ابله ؟

منال القلب · 9 فبراير 2011

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

^
^

شهر 4 يصيرلي سنة ان شالله

ورده بيضاء · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

شخباركم بنات انا مدرسه جديده يوم الاحد اباشر في مدرستي بس حدي متوتره ماعرف شي فيها ياليت اللي تعرف عنها شي تفيدني واكون شاكره لها اسمها مدرسة بوبيان المتوسطه بالدوحه

سدددن · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مبرووووووووووووووووووووووووووووووووووووووووووووك التجممممممع الييديددد :hjy5jewf:

ان شااااااااااء الله يكوووون ويهه خيررررررررر علينااااااااااا

يعطيج العااافية ابلة منووووووووووووووللللللله

ياا حياااتي ما قصررررررتي :blueSmCLR:

الله يوفجج و ييسرلج امرج ياااااااااررب :yaaaaaarb:

و كووووووووورس يديد و سعيدد بعد هالويك انددد

سدددن · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

منوول اناا توني راده من السفررر

و شريت لي ملابس جم قطعة على جم جنطة

و باخذ لي عزكم الله جواتي مريحة

و هم اذا قدمت اوراقي بروح اخذ لي جم قطعة ابي اغير ستايلي مع الوظيفة

اماا الدفتررر و باجي الاشيااء بخليهااا لماا اروح المدرسة

سدددن · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

منوووووووول ناامي عددددددددددل

بعد يوومين رااح يبداا الدوام

صج انه شهررر 2 كله عطل

بس اسمه دوام و قعده من الصبح

الله يعين

واقعية حـلـم ! · 9 فبراير 2011

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مبروك التجمع النيووووووووو

أنا معاكم بقوة

ناويه هالكورس اغير اشياااااااااء فيني

بصير اكثر رسميه مع البنات و اهم هدف عندي اضبط الصف اكثر لان الكورس الاول حسيت البنات هم يديرون الحصة مو اناااااا

بنظم نومي و ما راح اسهررررررر لان السهر حيل استهلكني اداوم تعبانه و حالتي حاله و الله يعين لان طبيعتي ما احب انام بدري

بوقف اكل و ريوق بالدوام لان وزني زاد من الريوقات

بحاول ان الدوام ما ياخذني من نفسي الكورس الاول حيل اهملت نفسي صارت حياتي كلها شغل و تحضير ووسايل ما تسوى علي يعني بخلي لي ع الاقل اسبوعياااااا روحة للصالون او السباااا و لازم يوميااااااا اهتم بايديني من ناحيه سنفره و ترطيب و شكل الاظافر

ما شريت شي للكوووورس الثاني باستتثناء دفاتر التحضير لا و نسيتهم بالمدرسة ..

ودي اخذ لي اليوم مثلج جوتي ذرب و جنطة كبيره عمليه و صبغ اظافرر هادي و بفصل لي عبايه حلوة

هذا الي ناويه اسويه و ابيكم انتو تسوونه بعد و لازم نشجع بعض بنات على الاهتمام طبيعه شغلنا ضغط نفسي و تاخذين شغلج للبيت

فـ خلونا نتشارك مع بعض بافكار تساعد على الاسترخااااء اثناء الدوام و بالاجازات

˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

New member

New member

New member

*عضــوة شرف في منتديات كويتيات*

New member

New member

New member

New member

New member

New member

New member

New member

New member

New member

New member

New member

New member

New member

New member

New member

عضــوة شرف في منتديات كويتيات