<<كل وحده تدش تحطلنا طريقها بالقهوة العربيه >>

انا اشتري قهوه هرري اللي بالخيش واحمسها لمن تصير محمرة اذا طحنتيها وطبختيه كن فيها زعفران طريقتي افوح الما وبعدين احط فنجان قهوه واتركها
تطبخ مدة من ربع ساعه الى عشر دقايق بعدين اتركها تصفي ثمن احط الهيل بالدله او المطاره واصب القهوه واتركها تخمر شوي حتى يبين طعم الهيل اذا بدللينها حطي معها شوي زعفران او مسمار بسيط ينكه فيها وسلامتكم على فكره الهيل ملعقه احبه طالع طعمه

سلااااااااام بنات
انا شريت قهوة أم ابراهيم بس مو عارفة اشلون اسويها ؟؟؟ الي تعرف تقولي بليييييز

رد : <<كل وحده تدش تحطلنا طريقها بالقهوة العربيه >>

مشكووووورين

اللي تزور قطر
تخبرني راح اقول لها على مكان يطحن القهوة بخلطات
لكن ولا بعده !
وهالمحل دوم سيارات خليجية عنده

رد : <<كل وحده تدش تحطلنا طريقها بالقهوة العربيه >>

طريقتي

احط الماوي وافوحه نص فوح وبعدين احط القهوه والهيل ومرات احط مسمار بس..

واذا اشتهيتها شقره احط كوفي ميت .

رد : <<كل وحده تدش تحطلنا طريقها بالقهوة العربيه >>

انا اشتري القهوه جاهزه
اروح اغسلها زين واحطها على جريده لحد ماتنشف ومن بكرا احطها بالفرن على اقل اقل اقل درجة حراره وبين فتره وفتره اقلبها
لين تصير شقراااااء ريحتها بالدمااااغ علىطول ...
طبعا مااطحنها كلها .. اطحن حق اسبوع بس تبقى الريحه والنكهه
طبعا احط البريق على النار واخلي المويه تغلي بعدين احط فنجال قهوه واقصر على النار مررره لمدة ربع ساعه واكون مجهزه بالترمس ملعقة هيل ( الهيل نفس الشي مااطحن كثير حق اسبوع) ونص ملعقة عويدي واحط ملعقه من ( بودرة قهوه القصيم) وزعفران
بعد ماتطبخ القهوه اطفيها واخليها تركد شوي بعدين ازلها بالترمس...

احيانا احط مسك سايل نقطه بس بأخر دقيقة من طبخ القهوه
واحيانا احيانا اذا كنت مولعه فحم وحاطه عود طبعا مو اي عود العود الملكي . اقلب الترمس قبل لا احط فيه شي ويكون ناااشف مره من المويه.. اقلبه على العود لحد مايدخل البخور بالترمس واغطيها على طول بعدين احط خلطتي

وسلااااااااااااااامتكم

تلم الايادي على الطريقة الحلوة

انا بصراحة زوجي ما يحب القهوة كتير وضيوفي قليل جداو ما احب اسويها واشربها لوحدي
عشان كذا حسيت اني استفدت منكم كثيرررررررررررر
جزاكم الله خيرا

رد : <<كل وحده تدش تحطلنا طريقها بالقهوة العربيه >>

الوالدة الله يطول في عمرها تشتري القهوة اللي بالخيشه نوعها هرري تحمسها بالفرن على نار هادية حتىيغمق لونهايصير لونها
بني غامق مش كثير بعدين تطحن القهوة مش كلها حق اسبوع تحط المزل على النار لين يغلي الماي بعدها تحط القهوة على حسب الكميه وتخليها تطبخ لمدة ربع ساعه في الترمس ملعقة هيل مطحون خشن -ملعقة بهارات قهوة القصيم بعد ربع ساعه تزل القهوة في الترمس وبالعافيه

بقولكم على طريقتي وتطلع عجيبه اول شي تروحين حق محلات التمور ودبس التمر تلقين عندهم قهوه القهوه هذي اسمها

قهوة شاعر المليون اغلي الماي ويكون ثلاثة ارباع بعد مايغلي احط فنجان وربع قهوه بعدين احط بالدله قفشه من كل من زعفران وكافي ميت وهيل وشوي مسمار اذا حبيتي ويسلمو بنت الكويت على الموضوع الحلو

اب

اب

عشان ما يضيع مني الموضوع هههههههههههه

بنااات والله ثم والله انكم راح تدعون لي
خذوا بهار القصيم اللي غطاه اخضر مو ازرق روووعه بمعنى الكلمه
يجنن ومايفشل مثل بعض بهارات القهوه وللطعم خذوا زعفران ايراني مو مطحون واذا تبيين لون حطي زعفران مطحون
كلامي اللي بتحط الخلطه تحط شوي هيل مطحون بالترمس وقرنفل مطحون
واللي تبيث الزعفران حطي كارنيشن وهيل وقرنفل وبس

انا اشتريها من (مطحنه الصباح) يمدحونها واااايد

أنا أشتري قهوتي من بن الصباح الشقره قهوه رقم 3 أما طريقتي أحط الماي نص الغوري وأحطها عالنار وانطر لغاية ما يفور الماي بعدين أحط 2 فنجان قهوه وشوية هيل وبس تغلي أقصر عليها وأخليها تطبخ تقريبا نص ساعه لغاية ماتطلع ريحتها وأطفيها وأحط بالمطاره ملعقة أكل هيل وشوية زعفران وكوفي ميت وأحط المشخال وأصب فوقه القهوه وبس

المريوم قال:

ممكن اعرف وين مطحنه الصباااح وشكراااااااااا

أنقر للتوسيع...

أنا فروعهم اللي أعرفها بجمعية الصباحيه وجمعية فهد الأحمد وسوق فحيحيل

انا عن نفسي مااحب القهوه ولا احب اسويها
الا اذا سوتها خ.هيونه يمه فديتها وعليها طبخ موصج
ويمكن القهوة اللي تسويها مثل اي قهوه لكن اسئلها شلون تسويها
واردلكم انشاء الله واهيا دايم تشتريها من السوق>>>> ههههههه
يعني قايله شي