<<كل وحده تدش تحطلنا طريقها بالقهوة العربيه >>

[xxx]

شلونكم بناااااااااات

بعد الموضوع مبين من عنوانه >>> مقولتي الشهيره

قولونا الطريقه ؟؟

ومن وين تشترون قهوتكم ؟؟


يلا شاركونااااااااااااا

 

[السفيرة عزيزة]

رد : <<كل وحده تدش تحطلنا طريقها بالقهوة العربيه >>

عادي يا حياتي


اول شي افوح الماي

و احط بالدله هيل و شويه زعفران

بعدين لما يفوح الماي احط القهوة

و انطر شويه لما يغلي

عاد بعدين

صكي عليها النار و خليه يفتر شويه

في ناس يحطون عليه كوفي ميد او حليب كارنيشن

بس ريلي يحبها جذي و سلامتكم

 

[^دلوله^]

رد : <<كل وحده تدش تحطلنا طريقها بالقهوة العربيه >>

أسال امي واردلكم خبر

 

[xxx]

رد : <<كل وحده تدش تحطلنا طريقها بالقهوة العربيه >>

مشكوووووورة عزيزة بس ماقلتيلنا من وين تشترينها ؟؟


دلوله ناطرتج



وين باجي البنات ؟؟؟؟؟؟؟؟؟؟

 

[زيـنـه]

رد : <<كل وحده تدش تحطلنا طريقها بالقهوة العربيه >>

عن نفسي اشتري القهوه من بن العميد
مقداري لكل قفشة طعام قهوه اضيف ربع لتر ماي .
و افوحها على النار لين تغلي مع شوي هيل مطحون و عودين مسمار
و تالي اصبها في الدله و يكون في الدله شوي هيل مطحون .
و سلامتكم

 

[xxx]

رد : <<كل وحده تدش تحطلنا طريقها بالقهوة العربيه >>

مشكورة زيـــنه

ربع لتر حق القفشه الكبيرة ؟

 

[السفيرة عزيزة]

رد : <<كل وحده تدش تحطلنا طريقها بالقهوة العربيه >>

اشتريها من بن ا لعميد

ريلي يخليهم يخلطونها جدامه

يخلط الفاتحه مع الغامجه

يقول احلى

اهو يحبها جذي

مادري

 

[xxx]

رد : <<كل وحده تدش تحطلنا طريقها بالقهوة العربيه >>

مشكوووورين بجرب اروحلهم

انا اخذها من الجمعيه جاهزة هم بن العميد

 

[زيـنـه]

رد : <<كل وحده تدش تحطلنا طريقها بالقهوة العربيه >>

لا بنت الكويت اللي بالجمعيه مو بن العميد تلاقين اسمها ابن العميد , غش اشكره . اشتريها من العميد بفرعهم و انا بس اقوله ابي قهوه عربيه مع الهيل .
بالنسبه للمقدار ايه .. حق الربع لتر قفشه طعام وحده كبيره

 

[moorjan]

رد : <<كل وحده تدش تحطلنا طريقها بالقهوة العربيه >>

بالنسبة للقهوة العربية حلاتج انتي اللي تحمسينها ما ادري تحمصينها وتطحنينها وبنفس الوقت تسوينها يطلع طعمها احلا واطيب من لو كانت محمصة قبل مده جربت الطعم بصراحه وااااايد يفرق

 

[xxx]

رد : <<كل وحده تدش تحطلنا طريقها بالقهوة العربيه >>

مشكووووووورة زينه وانا اقول ليش تلوع الجبببببببد

انا ما استخدمها في بيتي وايد بس اذا احد ياني من جذي ما ادقق


مرجانه

خالتي تسويها جذي اتينن قهوتها تطحنها حزة الحزة

 

[FOZQ8]

رد : <<كل وحده تدش تحطلنا طريقها بالقهوة العربيه >>

امي تحمصها وتخليها شقره
وبعدين الله يسلمكم عندي طريقه خاصه فيني بس امي ما تحبطريقتي اتحب تكون القهوه خفيفه حيل ومره حدها
انا لا ادلعها شوي
الله يسلمكم احط الماي على النار واروح احط بالدله "نص قفشه نسكافيه وقفشه كامله كوفي ميت وقفشه هيل ناعم ومرات قفشه ونص لاني احب الهيل وشوية زعفران"ولما يغلي الماي احط القهوه صراحه بالنظر ما اكيل القهوه واخليها تطبخشوي مووايد واصبها يصير لونها بالضبط مثل النسكافيه بحليب
بس طعمها روعه
وسلامتكم

 

[xxx]

رد : <<كل وحده تدش تحطلنا طريقها بالقهوة العربيه >>

مشكووووووة فوز على الطريقه

 

[لازانيا]

مشاركة: <<كل وحده تدش تحطلنا طريقها بالقهوة العربيه >>

بنت الكويت <<< بنوته

اقولك طريقتي ؟؟؟

اذا رديتي علي بقولك اياها اخاف اقعد اكلم روحي,, هههههه

 

[xxx]

مشاركة: <<كل وحده تدش تحطلنا طريقها بالقهوة العربيه >>

قولي لازانيا ههههههههه

 

[sunshine22]

مشاركة: <<كل وحده تدش تحطلنا طريقها بالقهوة العربيه >>

القهوه العربيه ما نشريها الا من مطحنه الصباح

العميد اول مره اسمع انه عنده عربيه!!!!!!!!!انااخذ منه الفرنسيه والتركيه

بس امي تحب الخياش وتطحنهم

وفي كذا طريقه كالعاديه بالهيل والزعفران

وبعضهم يضيف بودره دارسين ويا الهيل

وكره الفوح تزين القهوه

 

[sunshine22]

مشاركة: <<كل وحده تدش تحطلنا طريقها بالقهوة العربيه >>

القهوه العربيه ما نشريها الا من مطحنه الصباح

العميد اول مره اسمع انه عنده عربيه!!!!!!!!!انااخذ منه الفرنسيه والتركيه

بس امي تحب الخياش وتطحنهم

وفي كذا طريقه كالعاديه بالهيل والزعفران

وبعضهم يضيف بودره دارسين ويا الهيل

وكثره الفوح تزين القهوه

 

[xxx]

مشاركة: <<كل وحده تدش تحطلنا طريقها بالقهوة العربيه >>

هلا سنشونه

العميد قهوته حلوة ...

جربيها

 

[لازانيا]

مشاركة: <<كل وحده تدش تحطلنا طريقها بالقهوة العربيه >>

طيب سمعي شلون
احنا طبعا ناخذ القهوه خضرا يعني مو محموسه بالخيشه نوعها يسمونه هرري...طيب؟
وبعدين سلمك الله نحمسها طبعا مو كلها يعني قد ست كاسات تقريبا لما يصير لونها بني يميل للغامق شوي
وبعدين بمطحنة القهوة مولينكس نطحن ثلاث طحنات بس ونحطها بعلبه مسكره عدل
ونغلي ماي بالابريق تقريبا لتر ونقصر عليه ونحط له فنجال قهوه مليان من القهوه المطحونه
ونخليها تغلي 10 دقايق تقريبا على نار خفيفه
في هذي الاثناء نجهز الدله ونحط فيها ملعقتين ونص صغار"تي سبون" هيل مطحون وربع ملعقه صغيره زعفران مطحون وعودين مسمار وهنا تـكون القهوه غلت وطلع طعمها نشيلها عن النار ونتركها نص دقيقه بس علشان تركد شوي ونصبها في الدله على الاشياآت اللي فيها
ولازم عاد تعلميني اذا عجبتك والا لا ..
وسلامة عمرك.....واسفه جدا على التفصيل الممل...هههههه

 

[لازانيا]

مشاركة: <<كل وحده تدش تحطلنا طريقها بالقهوة العربيه >>

بنوته عاد شدعوه ردي علي عطيني وجه ...

تراني بازعل