تجارب البنات مع التاجرة ( بنت الاحلام )

جدة الحلوين قال:

السلام عليكم واللة يابنات انا استعملت الحنة واشهد واحلف بربى انها احسن من الكراتين وعن نفسى الحمدلله صار لى تقريبا
سنة مااستعمل الاستشوار طبعا كل 3أشهر أحط الحنة والسبب الشيب

أنقر للتوسيع...

ام اسد الله قال:

اسلام عليكم
عزيزتي حنة بنت الاحلام وايد زينة انة وحدة من البنات
اخذت منهة اثنين بس اللئمانة مو انة الي استخدمهة لا بل
بنات اختي الي استخدمنهة بس انة الي حطته الهن ونشاء الله
راح ارجع واخذ منه بعد
عزيزتي والله وايد زينة اذا اخذتي منه ما راح تندمي بس ها
اذا شعرك كلش عكش ما تكفي وحدة
انة اسفة علة الطالة

أنقر للتوسيع...

روونه قال:

الســـــــــــــــــــــــــــــلام عليكم


بناات انا مجربة حنه بنت الاحلام بصراااااحة خطيررررررررررررة وعجييييييييييبة وانا انصح الكل يستخدمهااا

والله انااا شعررري كان متقصف ومحترررق ويلووووع الجبد والله العظيم اني اول ماحطيتهاااا لا تشووووفووون اشلووون شعري تغير طبعا

الكل عباله اني مسوية تمليس ماي الذهب بس استغربوا اشلوووون في هاللمعه وقلتلهم عن هالحنه العجيبة بنات تعطيكم لمعه مو طبيعية انا

اخر مرة استعملتهاااا من شهور وتخيلوا شعري لي الحين مو طبيعي قمت اتسبح واطلع نفس الدعيااات :ggdw:مو قبل كنت

من اتسبح اروح هالصالون اسويه ولا ايدي اطيح بالبيت من السشواااااار والله انا مابيني وبين هالبنت شي ولا اعرفها بس الله يوفقها ان شاء

الله على هالحنه وااايد ساعدتني وبصراااحة انصح الكل ان يجربهااااا .

أنقر للتوسيع...

قبل الوعد قال:

السلام عليكم ورحمة الله وبركااااته

واخيرا لقيتك ....

انا من السعوديه .... واشتريت من الحنا ... والحين انا حاطتها على شعر بناتي

وطقاق انا وياهم مو راضين ومسوين احتجاج عظيم وووالله يستر

بكره بقولكم النتيجه ...

بس حبيت اسألك .... انا دايم استخدم الريلاكس لشعري ... يعني مو فرد لااااا اخف من الفرد استخدمه في البيت

اشتريه من الصيدليه اسمه ((( بوتانيكالز ))) قبل 8 شهور تقريبا سويت صبغه ....

اقدر استخدم الحنا ؟؟؟

ياليت تردين علي الله يعاااافيك ....يارب...

أنقر للتوسيع...

عمري وغلاي انت قال:

حبيت انصح خواني بالحنه انا مجربتها وجزاءالله خيرا من صنعها شعري قبل كشه والاستشوار ماينفع يكش معه لين استخدمت الحنه وصج رهيب شنو ناعم ولامعه مو طبيعيه معن شعري جاف ولاحياة فيه ونصيحه ابتعدو عناليوكو غلاي ولايصلح لشعورنا خاصه للي تحني شعرها جربي الحنهوحني شعرج عادي

أنقر للتوسيع...

قبل الوعد قال:

هلا والله فيك ....

صرااااحه .... انا حطيته لبناتي 20 ساعه بالضبط والزيت خليته 3 ساعات

وبالمضارب بعد لانهم طفشوووو... مرررره ...

وانا بعد طفشوني معاهم .... وحاسوا الدنيا ... قرفانين وطفشانين ....

بس صراحه النتيجه رووووعه .... بنتي الصغيره ... مانامت من الفرحه لان شعرها صاااار انعم واجد

والكبيره بعد بس الصغيره ضبط معاها اكثر ....

هذاااني ادق دق على المندوبه اللي عندنا والى الان ماردت ... لاني برجع استخدمها لهم مره ثانيه ...

وحتى انا بحطها ... بس بحاول اغير اللون شوي ....

صراحه كنت بالمره خايفه ... حتى اني في الليل قمت احلم ان شعر بناتي حت ههههههه

بس والله النتيجه صدمتني ....

الله يعطيك العافيه .... ويوفقك وريرزقك من حيث لاتحتسبين ياااااارب....

أنقر للتوسيع...

اخت فايز قال:

الله يرزقج من اوسع ابوابه

صارلي فتره اقرى الموضوع واقتنعت وابطلب منج ان شاء الله

بس عندي جم سؤال لوسمحتي

..يصير استخدمها حق بنتي عمرها سنتين ونص شعرها ناعم بس فيه ردات واااااجد..ماياثر على فروة راسها بما انها صغيره واخاف ماتتحملها؟
..اذا ماتضرها جم اخليها على شعرها 20 ساعه والا عادي اقل لان شعرها موطويل بوي تقريبا؟
..يصير استخدمها وانا حامل بالرابع..مالها اي اثر على الحامل ؟
..ضروري احطها مرتين والا كافي مره وحده؟
..اذا بحط معاها كركم لاني مابي اسود حيل شلون بيطلع اللون وانا شعري اصلا بني؟
..اذا بصبغ بعد نفاسي يعني عقب 5 شهور اذا الله احيانا ان شاء الله..يصير والا ماراح يصبغ الشعر عقبها؟
..لوبطلب الحين متى توصلني؟


اسمحيلي على كثرة الاسئله بس وربي احاتي حيل لان شعري خفيف وصاير يطيح واخاف اقرع عقب الخلطه



ناطرتج يالغاليه ياليت ماتطولين علي

أنقر للتوسيع...

miss sensitive قال:

السلام عليكم

حبيت بس اشكرج على حنه التنعيم

صراحه كنت متشككه من نتايجها بعد ما سمعت كلام جم وحده يذمون فيها ويقولون طيحت شعورهم وغربلتهم

الشهاده ان خواتي 2 جربوها ولا اله الا الله تبارك الرحمن مفعولها سحري
وااايد مرتاحين من النتيجه
نعومه وسواااد ولمعه ماشاء الله ولا طاح ولا شي

الله يوفقج بنت الاحلام دزيتلج رساله بالخاص لاني ما ادري وين موضوعج وودي لو تسوين كوبي للرساله وتحطينها بالموضوع بس عشان اللي متردده تجرب واللي اثر عليها كلام الحساااد

وانا والله بعد ما شفت النتايج بخاطري صج اجرب بس الصبغ ذابحني

شكرااا لج

أنقر للتوسيع...

queeen قال:

الشهاده لله اختي و مرت اخوي جربوها و النتيجه روووعه
انا بعد شكلي بسويها مع اني فقدت الامل في شعري

أنقر للتوسيع...

baronkyh قال:

السلااااااااااااااااااااااااام عليييييييييييييييييكم

ندش بالموضوع سييييييييييدة ... كنت أشوف البنات وايد يتكلمون عن حنة بنت الأحلام وكنت أبي اجربها بس حدي كنت خاااااااايفة ... لمن دريت انه رفيجتي استعملتها ومدحتها وهمن كملت على امها واختها واستعملوها فقلت بقلبي ليش مااستعملها دام ماصار بشعرهم شي :eh_s(20):

قلت حق أمي وبصراااحة أمي خافت وايد وقالت يمكن تقص عليج او الحنة فيها شي او او او او ..... الخ
عاد انا المخ وقف لانه يا بنات انا شعري من كنت صغيره خشن بعدها على المتوسط حطيت حمام زيت من بيادر وشعري تحسن صار ناعم بس مشكلته رداااااااااااااااااااااته وانه يقب يصير كشه واذا سويت عنقوووووصه واي الله لا يواريكم الذيل جنه شعر ميريام فارس ... وشريت الحنة وحطيتها وامي تقولي وتطنز علي اييي بتغسلين شعرج وراح يحت ... انا كنت خايفه من سواد الحنة بس ماكنت ابي شعري يصير اسود اسود حطيت مليون قفشه قهوة تركية بس مافاد شي ... حطيتها ساعه 9 بليل وغسلتها ساعه 7 الصبح

والنتيجة​

بنااااااااات شعري مو صج طااااااايح مكتكت عجيب اينن امي انصدمت قالت شنو هذا شعرج وطبعا رداته الي قبببببببل وداعا عليها والحين فيه خفاف يعني لو احط مرة ثانية بتروح كلش ملش ( رفيجتي حطت نص الحنة لانه شعرها قصير وحطت مرة ثانية قالت رااااااااحو الردااااات )
بنات انا قدلتي ماكنت اشوفها اصلا كنت انسى عندي قذله الحين اطيح اطيح جني مسشورتها والحين حققت حلمي اني اسويلي عنقوصه لوول:eh_s(9): والشعر طايح طايح واهم شييييي لمن اقوم من النوم شعري ما يقب كشه


والحين راح اشتري دهن تطويل الشعر ابي اخلي شعري الكل ينهبل عليه وشعري صار اسود بس مع كل سبحه احس صبغ يطيح بس شعري صار اينن عجيب وصج صج صج الله يحفظج ويوفقج ويهنيج ويبارك لج بكل فلس والله دعيتلج من قلللللللللللب يا بنت الاحلام


طبعا نسيت خالتي الي شافت شعري وعينها بغت تطلع @@ لووول وكملت الدور وخالتي شرت حق بنتها خخخخ

أنقر للتوسيع...