تجمع نبي طريقة مجربة لانجاب الولد بأذن الله

تجمع خاص لكل اللي يبون يبون مولود ذكر

السلام عليكم ورحمة الله



كلنا نعرف ان العلم تطور وصار يساعدنا بتحديد نوع الجنين ولكل كل شي بيد رب العالمين فلازم ندي ونطلب من الله ان يهبه لنا وبعدين نبذل الاسباب





وفي شروط للتسجيل بهذا التجمع لازم كل وحده تقرها عدل قبل ماتسجل معنا

1-اول شي تسجلين اسمج وعمرج وراح يكون التسجيل مفتوح لي يوم 15 يونيوو يعني فتره اسيوعين فقط واي وحده بعد هالتاريخ راح تسجل راح تكون متابعه فقط.

2- اي معلومه تشوفين انها تفيدنا لاتبخلين علينا فيها.

3- اذذا كنتي تراجعين عن دكتور او دكتوره ذكري لنا اسمائهم وبرنامجهم.

4- لازم تسجلين دخولج كل نهاية اسبوع وتذكرين لنا شسويتي .

5- اي نقاش خارج موضوعنا مممنوع بالتجمع عشان الكل يستفيد من المعلومات اللي فيه.


وان شالله كلنا نيب تؤام صبيان
​

رد: تجمع خاص لكل اللي يبون يبون مولود ذكر

موضوعج حلو بس ترى ما فهمته اهنيه ماشالله البنات عندهم معلومات حلوه و مثل ما قلتي الطب تطور بس كل شي بيد الله سبحانه و ان شالله البنات يتفاعلون وياج موفقه يارب ​

رد: تجمع خاص لكل اللي يبون يبون مولود ذكر

دا شه غلط ابي بنت انشاء الله ومخليتها علي الله لان تحديد الجنس حرام والله يرزقج بالولد الصالح

رد: تجمع خاص لكل اللي يبون يبون مولود ذكر

om.meme قال:

موضوعج حلو بس ترى ما فهمته اهنيه ماشالله البنات عندهم معلومات حلوه و مثل ما قلتي الطب تطور بس كل شي بيد الله سبحانه و ان شالله البنات يتفاعلون وياج موفقه يارب ​

أنقر للتوسيع...

هلا فيج ويسعدني تكونين اول وحده ترد الموضوع وانا قلت كل شيد بيد الله ولازم نتوكل على الله ونبذل الاسباب

رد: تجمع خاص لكل اللي يبون يبون مولود ذكر

وجع راس قال:

دا شه غلط ابي بنت انشاء الله ومخليتها علي الله لان تحديد الجنس حرام والله يرزقج بالولد الصالح

أنقر للتوسيع...

هلا فيج اختي يسعدني مرورج
واحب اقول ان كلمه حرام تعتبر افتاء ومايجوز التحليل والتحريم الا بنص من القران (اي ماورد في القران او السنه النبويه) والموضوع اختلفوا فيه العلماء منهم من اجازه ومنهم من قال لا يجوز والغلبيه اجازوا اغلبه اللي بالغذاء والدواء مثل الغسول وتحديد ايام الجماع واما اللي فيه اختلاف عمليات فصل الاجنه وانا مقصدت العمليات بموضوعي لكن قصت الدعاء والعلاج

رد: تجمع خاص لكل اللي يبون يبون مولود ذكر

om.meme قال:

موضوعج حلو بس ترى ما فهمته اهنيه ماشالله البنات عندهم معلومات حلوه و مثل ما قلتي الطب تطور بس كل شي بيد الله سبحانه و ان شالله البنات يتفاعلون وياج موفقه يارب ​

أنقر للتوسيع...

راح اوضحلج الفكره وللبنات اللي موفهمين فكره التجمع
حبيبتي الموضوع انج تخذين جدول غذائي معين وانا راح اكتب جم شغله تساعدج تسوين جدول لج بنفسج وتتبعينه من لي موعد التبويض عندج وتستخدمين فوار قلوي وغسول وراح اذكر لكم كل شي بالتفصيل وتقولين لنا شنو جدولج الغذائي وشنو صار معاج بمراجعاتج (يعني تطمنينا عليج اول باول)واي غسول استخدمتي طبعا الموضوع مبني على اساسين اهما ايام التبيويض(وقت الجماع) والاساس الثاني قلويه الجسم بس من دون عمليات فصل الاجنه طبعا كل هذا بعد التوكل على الله والدعاء

رد: تجمع خاص لكل اللي يبون يبون مولود ذكر

أولا: كل شئ بإرداة الله اولا وأخيرا ولازم نؤمن بهذا الشئ
ونتوكل على الله


ثانيا :/ الاستغفار ..الاستغفار ..الاستغفار
وقفي حش وغيبة ونميمة وخلي لسانك رطب بذكر الله وبالاستغفااااااااااااااااار خاصة


قال الله تعالى :
"فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً" صدق الله العظيم
قال الرسول صلى الله عليه وسلم :-
(من أكثر الإستغفار جعل الله له من كل هم فرجا ومن كل ضيق مخرجا و رزقه من حيث لا يحتسب).


الطريقة بالتفصيل مع الاغراض الى راح نستخدمها


1- لازم تتابعين يوم التبويض عند دكتوره عشان هذي الطريقة ما تضبط إلا اذا كان يوم التبويض صحيح 100%
فيه بعضكم بيقول انا اعرف يوم التبويض، انا المشكلة الي صادفتني ان يوم التبويض كل شهر يختلف عن الشهر الي بعده مره يوم 15 مره يوم 17 مره يوم 18 من بداية الدوره الشهرية
(يوم التبويض هو يوم نزول البويضة للرحم يتم حسابه من اول يوم في الدورة )
تتابعين التبويض عند اي دكتورة تقوليها انا اريد اعرف موعد التبويض، الافضل تروحين لها بعد 10 ايام من بداية الدورة عشان تبدأ تحسب حجم البويضة وتخبركم عن انسب يوم للجماع طبعا ممكن تقول تعالي بعد يومين او 3 ايام عشان تتاكد من ان حجم البويضة كبر(يقولون لازم يكون حجم البويضة 18 او اكثر). بالنسبة لي تابعت عند دكتوره رحت لها بعد الدورة ب 10 ايام رحت لها وقالت لي تعالي بعد 5 ايام ورحت لها بعدين قالت لي بعدها البويضة حجمها صغير تعالي بعد 3 ايام طبعا انا بديت من بعدها اطبق الخطوة رقم 2
خواتي الافضل تستخدم الجهاز الداخلي عشان تتاكد اكثر من موعد التبويض الي هاذي صورته.



وهذي صوره لطريقه عمل الجهاز(الكشف)




- تروحين الصيدليه وتشترينUralyt-U وهو عبارة عن بودرة لونها برتقالي مثل العصير في كرتون كبير لونه اخضر (ما في منه اي مضره) وظيفة هذا الدواء او العصير انه يخلي الجسم كله قلوي ( الجسم القلوي يخلي الحيوانات المنوية الذكرية هي الي تلقح البويضه ويبطئ الحيوانات المنوية الانثوية) كيف استخدمة : تستخدمينه لمدة 3 ايام قبل التبويض بيومين + يوم التبويض عشان يصير الجسم كله قلوي. بعد الفطور تحطين منه ملعقة (موجوده بالداخل) في كوب ماي وتشربينه، بعد الغداء تحطين 2 ملعقة في كوب ماي وتشربينه، بعد العشاء تحطين 2 ملعقة منه في كوب ماي وتشربينه. وحاولوا خواتي انكم تكثرون من شرب عصير البرتقال الطازج في هالايام وتقللون كثر الامكان من الحليب ومنتجاته عشان ما يتحول الجسم الى حامضي (مناسب لانجاب الانثي)
او الفوار الاخضرUral

يتبع..........​

​

رد: تجمع خاص لكل اللي يبون يبون مولود ذكر

الله يرزقكم الذريه الصالحه

رد: تجمع خاص لكل اللي يبون يبون مولود ذكر

مشكوووورة أختي

رد: تجمع خاص لكل اللي يبون يبون مولود ذكر

انزين خواتي انا ودي اعرف وقت التبويض من غير ما اروح عند دكتوره يصير ؟

رد: تجمع خاص لكل اللي يبون يبون مولود ذكر

حتى انا ودي عرف

رد: تجمع خاص لكل اللي يبون يبون مولود ذكر

++the duchess++ قال:

الله يرزقكم الذريه الصالحه

أنقر للتوسيع...

جزاج الله خير يالغاليه والله يسمع منج

رد: تجمع خاص لكل اللي يبون يبون مولود ذكر

قمر المدينة قال:

مشكوووورة أختي

أنقر للتوسيع...

العفو ولو

رد: تجمع خاص لكل اللي يبون يبون مولود ذكر

ام فطوطه قال:

انزين خواتي انا ودي اعرف وقت التبويض من غير ما اروح عند دكتوره يصير ؟

أنقر للتوسيع...

هلا يعمري
ممكن لان في نفس تحليل الحمل اختبار منزلي للتبويض سألي عنه بالصيدليه بس يتم السونار اضمن عشان تعرفين اذا حجم البويضه اوكي او لا

رد: تجمع خاص لكل اللي يبون يبون مولود ذكر

شيرازية 85 قال:

حتى انا ودي عرف

أنقر للتوسيع...

هلا فيج حبوبه
وتمي تابعي الموضوع بدور صورت الاختبار اذا لقيتها بحطها لكم
وانا مستخدمه لان احس السونار اضمن يطمنج على نفسج وعلى بالاول وتعرفين
اذا ماكانت البويضه صغيره او حجمها اوكي للحمال

رد: تجمع خاص لكل اللي يبون يبون مولود ذكر

الله يرزق الي يبي الذريه الصالحه ويكون ذكر

رد: تجمع خاص لكل اللي يبون يبون مولود ذكر

موضوع حلو انشاء الله نستفبد منه
كملي ناطرين

رد: تجمع خاص لكل اللي يبون يبون مولود ذكر

انا بحط لكم جم معلومه
1- النظام الغذائي ونبدي بالمسموحات (الذره-اللحم-صدرالدجاج-البقوليات-المشروبات الغازيه-الطماط-البطاط-الفواكه ماعدا المانجا والتفاح-العيش-خبز الذره عند مخبز امير الامراء- الجبن المالح والجبن القابل للدهن) واذا ذكرت شي برد احطه
الممنوعات (الخبز الابيض والاسمر-القهوه-الكاكاو-الخضراوات الورقيه-السمك-الجبن-الحليب ومشتقاته-النشويات)
2-معلومه اخذتها من دكتورتي ان 4 موزات باليوم تكون بديل عن حبوبالبوتاسيوم اللي في البوكس الازرق لنظام الولد
4-غسول فيمينا في منه الازرق للولد والوردي للبنت
5-ان تصل المرا للنشوه قبل الرجل وهذي في من يعارضها يقولون العكس بس عن تجربه اقول لا المرا قبل اهو الصح
6- الجماع بوضعيه السجود
7-ان تنام بعد الجماع عالجنب اليمين ساعه عالاقل
8-متابعه يوم التبويض
9-اخذ الابره التفجيريه والجماع بعدها اب 36 ساعه واهو وقت نزول البويضه بعد الابره
انا جربت البوكس الازرق ومشيت عليه وهالمعلومات بعد بس الحمدالله على كل حال اجهضت وكنت اتابع عند فوزيه القطان وبرد عالبرنامج اذا نويت احمل باذن الله

رد: تجمع خاص لكل اللي يبون يبون مولود ذكر

ترى المعلومه رقم 2 من الدكتوره خالده المجيبل مو فوزيه القطان لاني بعد ما اجهضت غيرت الدكتوره

رد: تجمع خاص لكل اللي يبون يبون مولود ذكر

حبيبتي تسلمين على المعلومات الحلوة
واعجبتني معلومة الموز
راح ادبلهن ثمان
ههههههه