تجمع نبي طريقة مجربة لانجاب الولد بأذن الله

رد : تجمع نبي طريقة مجربة لانجاب الولد بأذن الله

صح وانا بعد اشوف اهم شيئ بعد التوكل على الله هو:

متابعة التبويض مع طبيبه عن طريق السونار الداخلي وعليه تحدد لك متى يكون اليوم الانسب

ولما يحل اليوم المناسب تشطفي بغسول بكربونات الصوديوم

وبالنسبه للحميه والشراب ..اللهم اني آخذ فوليك اسيد وزوجي زنك ومتى مايصير لي مزاج اركز على الموز وعصير البرتقال ماالتزمت بحميه

انا الدكتوره قالتلي اهم شي التوقيت ..
انا الجماع صار باليوم 12 و13 و14
يالله تكتبلي الولد الصالح المعافى ..

مواصله انا سألت دكتوري عن حبوب الزنك لزوجي قالي الرجال ينتج حيوانات منويه ذكري وانثويه نفس الدرجه ماله داعي ياكل ابو العيال لأن حيوان منوي ذكري واحد وإذا ربي تمه بيحصل حمل.
مون فديتج متى تبشرينا عنج بالولد الصالح.
انا بعرف وين البنات اشفيهم لا حس ولاخبر!!!!!

انا عن نفسي مابي احمل الحين تو الناس لي قررة احمل راح ابدأ بغسول ومتابعة التبويض اما الاكل ماراح اسويه لاني بسوي رجيم قاسي ابي وزني يوصل على الاقل 65 --"

اول مره ادري ان الغسول تقتل الحيوانات المنويه وانا سألت دكتوري واهو استشاري ومو طماع يخاف الله قالي عن الغسول انه يساعد الحيوان المنويه الذكوريه بس الصيدلاني قالي احسن غسول بيكربونات الصوديم اللي عباره عن اكياس وتحطينهم بلتر ماي يعني انتي تسوينه اما الجاهز ما حبيته إذا انتي عندج ضعف تبويض سوي تلقيح اسألي شيخ وسوي تلقيح اضبط من بعد الله
سبحانه لانهم يخيرونج شنو تبين بفصل الاجنه بنت ولا ولد وحدة من جماعتنا سوت تلقيح وبغت بنت و ولد والحين حامل الله يتمم عليها. استخيري واسألي شيخ وتوكلي على الله. وانشاء ربي يرزقنا الولد الصالح المعافى من طلب ربه ماخاب.

رد : تجمع نبي طريقة مجربة لانجاب الولد بأذن الله

السلام عليكم خواتي

طبعا انا ذكرت لكم في الصفحات السابقه عن النظام اللى متبعته للحمل بالولد بأذن الله
لغاية الان ما الله كتب لى حمل بسبب لخبطه في حسبة ايام التبويض ولكن ان شاءالله هالشهر راح ارجع اتبع البرنامج وابشركم بالنتائج..وان شاءالله قريييب انا وبناات التجمع الله يرزقنا بالولد الصالح المعافي..

الاخت اللى سالت عن الغسول العادي او بالبوكس الازرق ترا 2 عادي مافيهم شي انا اختي تستعمل اللى بالصيدليه وماشاءالله عندها 3 اولاد وبنتي عمي مجربه البوكس الازرق وتوها حامل وبعدين حرااام تاخذينه من مستشفى او دكتوره والله الغسول ينباع ب 11 دينار والحبوب اب 15 دينار من الموقع مالهم ويوصل للكويت بعد.. انا الصراحه ما اتابع مع دكتور خذيتها من الموقع وبنت عمي نفس الشي سوت..

ام كوشه فديتج شلون اطلبه وشنو الموقع وضحيلي بليز وشكراً

رد : رد: تجمع نبي طريقة مجربة لانجاب الولد بأذن الله

*ملامح يوسفيه* قال:

مواصله انا سألت دكتوري عن حبوب الزنك لزوجي قالي الرجال ينتج حيوانات منويه ذكري وانثويه نفس الدرجه ماله داعي ياكل ابو العيال لأن حيوان منوي ذكري واحد وإذا ربي تمه بيحصل حمل.
مون فديتج متى تبشرينا عنج بالولد الصالح.
انا بعرف وين البنات اشفيهم لا حس ولاخبر!!!!!

انا عن نفسي مابي احمل الحين تو الناس لي قررة احمل راح ابدأ بغسول ومتابعة التبويض اما الاكل ماراح اسويه لاني بسوي رجيم قاسي ابي وزني يوصل على الاقل 65 --"

أنقر للتوسيع...

تدرين انا كنت اتابع مواضيع وتجمعات الحمل بولد من 4سنين او اكثر لكن توني مقرره اترك حبوب المانع

واحمل ا شاء الله قبل نهاية هالسنه ان شاء الله ربي يكتب لنا ويرزقنا الولد ويفرح قلوبنا

بالنسبه للزنك ينصحون فيه لانه قبل كل شيئ هو عباره عن مجموعة فيتامينات قبل كل شيئ

والقصد منه تسريع حركة الحيامن الذكريه

رد : رد: تجمع نبي طريقة مجربة لانجاب الولد بأذن الله

mo0on-q8 قال:

انا الدكتوره قالتلي اهم شي التوقيت ..
انا الجماع صار باليوم 12 و13 و14
يالله تكتبلي الولد الصالح المعافى ..

أنقر للتوسيع...

يااارب تبشرينا بعد 3شهور بالولد

رد : رد: تجمع نبي طريقة مجربة لانجاب الولد بأذن الله

يارحيم إغفرلي قال:

السلام عليكم ورحمه الله وبركاته

اشكرج اخت كويتيه على هالتجمع اللي قاعدين نستفيد منه وعسى الله يرزقج انتي وكل البنات بتوم ذكور سليمين معافيين
انا بصراحه صارلي 3 سنين ابحث بموضوع تحديد جنس الجنن وكان لي تجارب كثيره من غسول وفصل اجنه وغيره وليلحين الله مااقسم

ومن اربع شهور حنيت للموضوع من جديد مع اني قعدت فتره طويله ناسيه الموضوع لاني بصراحه تعبت
بس استخلصت شي من خلال كثره تجاربي وان شاء الله يفيدكم
وهو بيكربونات الصوديوم

بنات ترا تقتل الحيوانات المنويه وتمنع الحمل وبصراحه انا خايفه منها وماودي استخدمها ودي ابدلها بماي وملح

انتو شرايكم؟؟؟؟
ابي تجاربكم من حربت بكربونات صوديوم وحملت؟
وأي نوع اللي بالصيدليه ولاللي بالبوكس الا.رق؟
لان العرف يقول اللي بالصيدليه يقتل الحيوانات المنويه بس اللي بالبوكس الازرق يكون مخصص ومايمنع الحمل عشان جذي يبيعونه 40 واللي بالصيدليه وب5بصراحه انا خايفه استخدم البكربونات هالشهر لان انا عندي ضعف تبويض وبالغصب تطلعلي بويضات وماابي اضيعهم سبت هالمحلول وبنفس الوقت ريلي ذبحني حنه يبي ولد

أنقر للتوسيع...

يمكن طريقة الاستخدام الغلط او استخدامه بكثره هي الضاره

المفروض يكون استخدامه مره وحده قبل الجماع بنص ساعه بيوم التبويض

واللي اعرفه انهم يمدحون في بكربونات الصوديوم اللي بالسوبرماركت

الله يرزقك ويرزقنا ويفرح قلوبنا وتقر عيونا ومايضيع لنا تعب

رد : تجمع نبي طريقة مجربة لانجاب الولد بأذن الله

ام كووشه حبيبتي ماتقصرين عسى ربي مايضيع لك تعب

انا بقولكم سالفتي عيل رحت حق دكتوره معصومه مخصيد عالأساس بسوي البوكس الأزرق خذو من تحاليل دم وعطوني شريط تحليل هرمون الحمل متى يكون التبويض بأي وقت ومشيت عالتعليمات كلهاااااااا وانا وريلي كنه نبي انييب ولد ورحنه انا وياه عشان نشتري البوكس الأزرق ودشينه عالدكتوره وعطتنه التعليمات طبعا قبلها بشهرين مشينه عالاكل اللي قالتلنه عليه وعالحبوب وزوجي بعد مشه عالعسل والكافيار والأكل بعد ورحنه خذنه البوكس طلع علينه كله مع التحاليل تقريبا 240 دينار ومشت عالطريق بالضبط الحبوب اول شي من اول يوم الدوره وعالأسساس يوم 14 من الدوره تبويضي وسويت الشريطه وطلعلي الخطين وخلاص عقبها 24 ساعه بقالي استخدم الغسول الاول و لازم يصير الجماع عقبها وهم قالتلي اقل من 36 ساعه في غسول ثاني ويصير جماع ثاني وبس اتوقفين ......

وأي ريلي قبل الجماع الاول بساعتين حضرته اييني ويقولي بس ما ابي اسويها عقب هالتعااااااااااب كله تخيلو فجأه هون انا طبعا ضاق خلقي لأنه حرام عقب كل هذا قلتله يالله خيره والحمدالله والشكر وعلى راحتك ولي الحين مو عارفه ليش ما كمل وعقبها ب6 أشهر حملت جذي والحين انا بالثالث يقول ابي الولد من الله واللي بيني انا راضي فيه معنه عنده 4 بنات وهذا الخامس ادعولي هالمره ولد والله يعطيه على قد نيته ويفرح قلبه يارب .....

السلام عليكم

يارب يارحيم ياواحد ياأحد ياحي ياقيوم ترزقني انا اوخواتي بالتجمع توم ذكو سليمين معافيين

ملامح يوسفيه انا سويت فصل أجنه حقن مجهري عند العرف ومااحملت ولاأنصح احد فيه لأن العمليه متعبه بس الحمد لله على كل حال

اخت واصله يعني تنصحيني أستخدم الغسول لأن بصراحه خايفه منه وقاعده اقرا الصفحات اللي فاتت البنات يحاولون مع البوكس الأـزرق أكثر من محاوله ولاينجحون توقعت من الغسول حتى لو ادشين عالم حواء البنات كاتبين انه يأخر حملهم

والله خايفه

انزين يسير استخد الغسول قبل الجماع بيوم؟؟؟

حبيبتي مواصله الله يسمع منج وادعيلي يالغاليه ..

رد : تجمع نبي طريقة مجربة لانجاب الولد بأذن الله

هلا اختي ملامح يوسفيه

حبيبتي الحبوب والغسول تطلبينها من موقع جين سيلكت وهذا الرابط مالهم
http://www.genselect.com/store
ماعليج الا انج تعبين الطلب باللى تبينه من الحبوب والغسول والكميه وبعدها تحطين عنوانج وبعد اسبوع او اقل يوصلج لغاية باب بيتج
واذا عندج اي استفسار انا تحت امرج يالغاليه
عسى الله يحفظلج ماعندج ويرزقج بالولد الصالح المعافي اللهم امييين

الله يرزقكم الولد الصالح البار المتعافي اللهم امين
انا عندي ولد وبنت والثانيه بالطريق الله يحفظهم ويرزقني اخو لولدي
متابعتكم بصمت الله يوفقكم بجميع خطواتكم
ويرزقكم الي تمنون

رد : تجمع نبي طريقة مجربة لانجاب الولد بأذن الله

شهد الحلوه _عسى ربي مايضيع لكم تعب ويرزقك ويرزقنا بالولد الصالح المعافى ويفرح قلبك وقلب زوجك

يارحيم اغفر لي _الله يسمع منك بعد عمري

واللي اعرفه ان كثير جربو بيكربونات الصوديوم اللي بالسوبرماركت ونجح معاهم لان اللي بالصيدليه معطر ومواد كيميائيه

واصلا بوبندر اذا تعرفينه صاحب برنامج ترجيح جنس الجنين دوم ينصح ويوصي فيه ويقول انه احسن

مووون ام كووشه حنووونه يااااربي تفرح قلبهم وتقر عيونهم بشوفة ضناهم وماتردهم خايبين ياربي ياكريم

بنات اخباركم والله يرزقكم عن قريب بالولد الصالح المعافى بنات انا بنقطع عنكم فتره واذا حصلي فرصه ماراح انساكم بنات طلعلي ظرف انشاء الله يسره يحدد مستقبلي تكفون بنات محتاجه لدعواكم لي بالتوفيق ويسرلي امري. لاتنسوني من دعائكم.

رد : تجمع نبي طريقة مجربة لانجاب الولد بأذن الله

الله يرزقكم بالولد الصالح يارب ,,,

وانا الحمد الله عندي البنت والولد بفضل من الله ,,,

ولا عمري سويت اي شي للحمال ,,,

واللي يجي من الله حياه الله ...

كثروا دعاء واستغفار ,,,

تحياتي ...