ولد امه ؟؟؟

السلام عليكم وصباح الخير
بنات ابي رايكم بصراحه :eh_s(2): انا










متهاوشه مع زوجي واحس اني بديت اكرهه والسبب حركاته !!
البارح فلسياره نسولف كان يقوللي كنت عند اهلي اليوم ونسولف انه بنخطب لخوي كان تقوله امه كيف نخطب الصغيره ونترك الكبيره قال عادي انا اخذ الكبيره <<
انا هنا انهرت وقلت انت دايما كذا تحب تفرح امك علي وجاي تقولي قال انا امزح وامي عارفه انه مزح
بنات اهو يحبني لكن عند اهله يظهر العكس اذا كنا معاهم يرفع صوته علي اويتطنز على شكلي واخرها ذي الحركه
المشكله يقول انا امزح وانت انسانه مريضه ماتعرفين للمزح



انا من جد ابي حل حسبي الله ونعم الوكيل

مو مهم الظاهر المهم انه يحبج

وترا كلمته عاديه ومبين غشمره ولي تطنز عليج جدام اهله ضحكي وقولي له بتييني بعد شوي وبذكرك خل يعرفون ان جدامهم شي وراهم شي

بس بيني وبينج انا عموما ماحب ريلي يدلعني جدامهم عن العين والحسد والتشيش احب الشي خاص

هدي نفسج

ويه عادي انا كل ماروح لأهلي او اهله نتطنز على بعض و نضحك ونتغامز هههه

و اما سالفه الزواج هذي عاد يوميااااا

مو لهالدرجة حبيبتي

كلهم بيحبو يبينو أدام أهالهم هيك

إنه يعني رجال

عادي خليه يمثل هالدور وساعديه بدون ما تنقهري ولاتزعلي

ما في شي بالدنيا مستاهل الزعل

بنااااات من جدكم عادي ليش عادي بالعكس اهو جرحني ليه اكيد امه بتقول ولدي مومرتاح معاه او اي شيي

شدعوا حبيبتي ماراح تقول مرتاح ولا مو مرتاح لان الموضوع ومافيه يعني ريلج على غشمره حب يقول حق امه ان يبي يحل لهم الموقف


غشمره عااااااااااااااااااااااااااااااااااااااااادي

وليش تنجرحين ؟؟؟؟؟!!!!!!



يعني كل واحد يقول بتزوج تزوج يا حياتي الرياييل كلهم يبون يبينون انهم مو ميتين علينا وان لو يحصل لهم ياخذون ثنتين وثلاث بس لو يقدر جان ماهوش حجي فاضي

ولا تكبرين الموضوووووووووووووووووووووع ولي تغشمر معاج جذي ضحكي وقولي له مو مشكله ماردك لي

حبيبتي واااضح انه يتغشمر

انتي بس هدي ولا تكبرين السوالف

اقولك شي
ياقلبي شكلك حساسه جدا خذيها نصيحه لا تدققين تغشمري مثل مايتغشمر ويمزح عادي والا بتتعبيييييين مررره
وماقول غير الله يخليكم لبعض ويولف بين قلوبكم اللهم اميـــــن

dash^_^teya قال:

بنااات ترى مو حاسين فيها لان ساعات تطلع من الريال ثقيله
ويبين حق اهله اهوه فاندام ومايخاف من شي وسي السيد ومع زوجته مدح الدنيييا
فصج شي سخييف
هذا غير عن الغشمره
وتقبلي مروري

أنقر للتوسيع...

صدق شي سخيف دايما يحسسهم انه مايحبني انه عادي هالانسانه عندي اذا هذا مزح اجل مزح ثقيل وكريه

تغشمري معاه وبيني الموضوع عادي بيمل ويتعب
اما اذا بينتي انج منقهرة بيزيد ويحس انه مهم

عن العين والحسد احسلج

حرم راشد الماجد قال:

شدعوا حبيبتي ماراح تقول مرتاح ولا مو مرتاح لان الموضوع ومافيه يعني ريلج على غشمره حب يقول حق امه ان يبي يحل لهم الموقف


غشمره عااااااااااااااااااااااااااااااااااااااااادي

وليش تنجرحين ؟؟؟؟؟!!!!!!



يعني كل واحد يقول بتزوج تزوج يا حياتي الرياييل كلهم يبون يبينون انهم مو ميتين علينا وان لو يحصل لهم ياخذون ثنتين وثلاث بس لو يقدر جان ماهوش حجي فاضي

ولا تكبرين الموضوووووووووووووووووووووع ولي تغشمر معاج جذي ضحكي وقولي له مو مشكله ماردك لي

أنقر للتوسيع...

معاهااااا :rerrerek:
هونيها وتهون غشمره في ناس غشمرتهم ثقيله عادي واذا كلللش مو متحمله وغاثج لي هالدرجه قوليله ترى اتضايق لما تقول عني جذي صارحيه وفكي عمرج جود يهون عن الغشمره مره وحده

في وايد رياييل جذي يحبون يتقشمرون ويظنزون على حريمهم جدام الناس . .


وخل اقولج شغلة اهي صج هالحركات تظاايق .. لكن مو لدرجة الكره توصل !!
نبهيه مرة ومرتين .. واتركيه عشر

واذا تطنز جدامهم ومسك عليج ممسك .. ظحكي واحرجيه قوليله : ها؟ في شي ثاني حاب تقوله تظحكهم علي؟
او قوليله عندك نكت ثانية غير انك تتكلم عني خل نظحك ؟؟؟

(هذا الل قريته من فوزية الدريع)

والله يسخرلج زوجج وحاولي تكسبينه كثر ماتقدرين وخليج حنونة معاه

بصراحه شي سخيف انا ماحب الي جذيه جدام امه يقعد يتطنز واذا بروحهم يتغزل والله يرفع الضغط
قولي له انا طوفت وايد بس بصراحه شي يزعل انا شلت بقلبي ليما ما عاد اقدر اتحمل وطبعا اختاري وقت مناسب وجو مناسب وتكلمي بهدوء مو بصراخ وبيني انج متضايقه والله يهديه

انتي كانج تتكلمين عن زووجي هههههههههههههههههههه .. انا حاااسه فيييج ... اكيد اهو يقربلج صح ......

الله يعييييييييييييينج ويهديه لج اهم شي صدقيني انه الحين ملكج لحااالج ولا امه ولا اهله ولاربعه يقربوله اكثثثر منج

وامه حطيها بعيوونج والله يحطج بعيوووووونه ................................ ولاتقولين ولد امه يالغاليه ........