يارب احد يطمني ..

طمنوني بنات الله يطمنكم :'(

شلونكم بنوتات ..

واي مامداني من يومين اكتب عن مستشفيات امريكا .. وقضيت الويك اند بالاميرجنسي يومين

بنات انا ميتة خوف,, رحت بسبب عوار الدورة كان قوي جدا .. رحت جان يشتبهون تكرمون التهاب بول

رديت ومعاي مسكن ومضاد

ثاني يوم خف الم الدوؤة واشتغل مغص من المضاد لان قوي حيل كان ..

رجعت الاميرجنسي بالويل جير من الالم والتعب ولان هبوط ..

لاتشوفون شصار


بنات اول شي الدكتورة تقول على اي اساس يقولون التهاب والعينة اللي خذوها مخلوطة بتكرمون دم
الدورة
فصخوني واسحبو كرمكم الله بول من المثانة بابرة بغيت اموت

وبعدين ودوني غرفة تفول الا اسوي فحص رحم وغصبن عني



الحين انا ميتة خوف لان قلت لها اني انا بنت مو متزوجة فيرجن .. وحسيت دخلت شي تحت ومت عوار

تقول لازم اففحص مو معقول الم دورة يسوي جذي مع اني قتلها وانا ابجي اني من سنين جذي وعادي بس اخذ ابرة مسكن يروح كل شي والابرة لان يكون وياي لوعة ماقدر على الحبوب

بنات تمنيت اموت ولا اللي صار .. قعدت ادعي ربي يصبرني ويعينني

غرفة الفحص نفس مالت الولادة .. فصخوني ووشرعوني :'(

شعور الحين لما اتذكره والله انهار

مخترعة من الفحص .. شلون تدخل شي وتاخد عينه وتقول مايأثر عالعذرية

واخر شي تقول واو انتي وايد نظيفة ومبين مهتمه بنفسج وحتى التهاب بالبول طلع مافي وقالت بيحققون مع الللي عطتني مضاد بدون فحص مخبري

حسبالهم احنا جهله بالنظافة الشخصية

بنات طمنوني عادي هالفحص اللي سوولي اياه ؟؟؟؟؟؟؟؟؟؟؟ والله كنت ابجي والم حسيت انها دخلت تحت اشياء مو شي واحد :'(

اللي عندها فكرة يليت تفيدني ..

حسبي الله ونعم الوكيل .. ​

@@ شلون جذي انتي ليش قبل لا يدخلون الشي ماتكلمتي وقلتي لها انج فيرجن ؟؟

حبيبتي هدي بالج وانشالله ماصار فيج شي بس علشان تتاكدين لازم تروحين الطبيب تفحصين روحي حق طبيب ثاني لا تسكتين لانه انتي تقولين عوار صار فيج يعني يمكن غشاء البكاره صار فيه شي وانتي بعد الله يعينج كانت عليج الدوره يعني حتى لو كان نازل دم منج وصار شي الله لايقول مراح تدرين هالدم دم شنو بالضبط ؟

يارب يارب مافيج الا العافيه بس لازم تتاكدين لانه انتي تدرين لو صار شي شنو راح يصير فيج عالاقل لو كان فيه شي صار بالغشاء الدكتوره نفسها الي سوت جذي فيج تكتب لج تقرير بالشي الي صار وبالفحص علشان بعدين تقدرين تتزوجين بدون مشاكل ومحد يتكلم عنج حبيبي والله انا مو قاعده اخرعج بس الاحتياط واجب والسالفه محتاجه هالشي تحركي سوي الي قتلج عليه وانشالله ماعليج شر

والله قلبي معاج وكل يوم بدش الموضوع راح انطر ردج لا تسكتين حبيبتي الله معاج وياربي مافيج شي وماعليج شر يارب

واي يا بعد عمري سونا حمدالله على سلامتج ما ادري شقولج
بس ان شاء الله ما فقدتيها
بس تقدرين علشان تطمنين تحجزين موعد حق عياده نسائيه واتشيكين عالغشاء تطلبين منهم وان شاء الله يفيدونج
وسلامات

ان شاء الله ما فيج اي شي يمكن ما راحت عند غشاء ظاهر عنق رحمج من بدايته حسيتي بالعوار لانج بنت واهني بامريكا يخافون يسوون شي غلط علشان ما تقاضينهم انتي درسي لا تفكرين ولا تحاتين وان شاء الله اذا رديتي الكويت سوي فحص

حبيبتي اللي سويتيه اكبر غلط لانج بنت ليش تعرضين نفسج يارب ماكون فيج الاالخير
انتبهي لاتروحين لاي مكان اهنيه تفحصين نفسج انطري لارحتي الديره بس خلي الدكتوره تكتب
لج تقرير باللي سوته احتياط بس نصحية اختج الكبيره<موكبيره وااااايد عاد جني خفت هههههه>
موكل مره تسلم الجره انتبببببببببهي هذولي كفار ماينقال عليهم واسال الله انه يطمنج علي نفسج ولاتنسين
طمنييييني انا احاتيج؛؛؛؛؛؛؛

واي الله يعينج انشالله ميكون تاثر الغشاء بس انصحج اذا فيج التهاب شربي ماي ..واااايد يعني استمري 6 ايام كله ماي ووخري عن الشاي والقهوه اخذيها نصيحه مني وبعد شربي بابونج ..وطمنينيا عليج

اريام حبيبتي انا رايحة عوار بطن حق الطواريء وكانو ملبسيني لبس العمليات ودخلوني الفحص غصبن عني
انا ماكنت ابي افحص كلش كنت ابي بس مسكن للالم
وطول الوقت اقول لهم فيرجن تقول مايضر
استراليا جيرل مشكورة عالنصيحة وامي قالت لي نفس الشي عن الماي بس الحمدلله طلع مافي التهاب ومافي اي شي
سيرين شكرا على الرد وفعلا سو ويرد

اليوم طرا علي اني اتصل الصبح على دكتورة امراض نسا بالكويت مكالمة واتطمن واشرحلها بالضبط اللي صار

ان شاء الله خير

ان شاءالله مافيج الا الخير ياااااارب

ترى عاادي هالفحص اهم لهم طريقه مايحركون غشاء البكاره ولا يتأثر

ماتشوفين شر حبيبتي وان شاءالله مافي الا الخير

حبيبتي تبين تنطرين لما اتيين الكويت وتفحصين على راحتج بس والله ردي حق الدكتوره وخليها تكتب لج تقرير سمعي كلامي منتي خسرانه شي علشان بعدين لا تتحسفين حق جدام حبيبتي والله معاج

رد: طمنوني بنات الله يطمنكم :'(

ان شاء الله ما فيج الا العافيه
وبعدين الابرة دخلتهل للمجرى البول وهو قرييييييييييب حيل لغشاء البكاااارة على عشان جذي يتهيألج انها دخلتها ذاك الصوب
اهم شي اطماني وارتاااااااااااحي

ياحياتي العفو بس كنت احاتيج والله وكسرتي خاطري محد رد عليج يدشون يشوفون الموضوع ويطلعون قلت اطمنج يارب مافيج الا العافيه يارب

زين الحمدلله انه تطمنتي على روحج الله يحفظج يارب

شدي حيلج عاد لا تخلين ابليس يوسوس لج مره ثانيه على اي موضوع ثاني