تجاربكم مع العمليات الجراحية والاطباء

الله وناسة انا اول وحده ارد
شوفي حبيبتي .. انا سويت تحويل مسار عند د. موسى خورشيد
ما شاء الله عليه دكتور متمكن و مهتم و يعطيج كل التفاصيل و فوق هذا غشمرجي و نفسه حلوه
الله يحفظه
الله يوفق الجميع

اي و سويتها في مستشفى السلام عنايه ما شاء الله عليهم و اهتمام من ممرضين لي اطباء تخدير لي جراحه
كلهم عسل ما شاء الله عليهم و اهتمام مو طبيعي جنه ماكو غيرج مريضه

شكرا على ذكر تجربتك حبيبتي وان شاء الله ناطرين المزيد

انا سويت شفط وشد للبطن وتكبير للصدر وشفط كل جسمي الباقي عند دكتور عبدالناصر اللي في عيادة بوشهري كلينك وسواها لي بالسلام

Thanx 7rm al 7oot

امانة اشرايكم بالدكتور لاري عمليتي بعد اربعة ايام شفط وشد البطن وتكبير الصدر -تكفوووووووووون ردوااااااا

انا سويت عمليه تجميل حق خشمي
عند د.منذر العجمي (استشاري انف واذن وحنجره واخصائي تجميل وجه وراس ورقبه )
صار لي 4 ايام مسويتها
في مستشفى الهادي
المستشفى كان عادي يعني مو توب ,على اساس ان غرفه عاديه وابات ليله ,بس الغرفه جنج قاعده بمستشفى حكومي!! لوعه ونظامهم قديم
وريحة الحمام لوعه مجاري كافخه بالغرفه ,يعني كلش مومهتمين بالغرف العاديه الله يهداهم ,,الناس بتقط فلوس خووو مو بلاش ملاعيييين لووووول حتى تحسفت اني ليش مارحت السلام اغلى بالسعر بس ارحم

وبالنسبه للدكتور منذر يهبل اخلاق وحبوب واهم شي اني ارتحت لها نفسيا وحسيت ان له خبره بالتجميل وشاطر
وان شاء الله يكون ظني في محله ,ناطره النتيجه لان الخشم يبيله 6 شهور على مايستقر شكله
لكن مبدئيا الحمدالله , يبيلي اكمل اسبوع والدكتور يشيل الغرز
طبعا حاليا الويه متفخ ومزورق شوي تحت العين ,وماكو تنفس ,الدكتور قالي يبيلج اسبوع تقريبا وتتنفسين ان شاء الله

اللي عندها سؤال انا حاضره

وموفقين بنات

..بنوتة عسل.. قال:

امانة اشرايكم بالدكتور لاري عمليتي بعد اربعة ايام شفط وشد البطن وتكبير الصدر -تكفوووووووووون ردوااااااا

أنقر للتوسيع...

بنوته عسل
انا بقولج تجربة بنت عمتي عند د لاري
من سنتين تقريبا سوت تصغييييير صدرها
اهيا حدها مجازفها مع ان احس صدرها مو ذاك الكبر الي يفشل يعني
عموما سوتها عنده
اهوا صغرا لها بس شكل الصدر لاتشوفينها الخياط والشق لوووونه بني غامج من الحلمه وخط اشطوووله
حتى ماتغير عقب فتره وشلون صاير تشوه حتى الكل قالها اشتكي عليه
رفعي عليه قضيه !
راحت له عقب قالها ارجع اعدله له لج بدون فلوس
قالنا لها لا اتجازفييين وماتبي

ديري بالج ترى مايمدحونه يخووورااا

انا كنت مسويه عمليه ازاله ناسور من منطقه المستقيم عند دكتور خالد العنزي بمستشفى الاميري
ومن قبلها عند دكتور صباح الحديدي بعياده انترناشونال كلينك جيس دهن
والاثنين تعاملهم راقي وفاهمين وبالهم طووووويل مع المرضى

اولا شي مبرووك افتتاح القسم
واشكرج على طرحج لهذا الموضوع عشان الكل يستفيد
بصراحه موضوعج جاي بوقته
انا لازم اسوي عملية غده عند جراح شاطر ومو عارفه وين اسويها استشرت كذا دكتور بس للاسف للحين ما استقريت على دكتور فارجو من خلال هالموضوع اللي عندها خبره بالدكاتره او مسويه عملية غده تنصحني بدكتور شاطر ؟
لان ناس انصحتني بالجار الله وناس خوفتني منه ورحت لدكتور محمود بالهادي واتفقت معاه وبعدين مارحت

:flower:هلا بنوتات انا محتاجه حق عمليه جراحيه للظهر وين تنصحونى اسويها الي تردعلي الله يجعله لها فى ميزان حسنتها:yaaaaaarb:

سلام عليكم انا كان وزني 98 وطولي 154 يعني حدي متيييييينه ولوعه وانا بروحي مريضه فيني هشاشه وجسمي ما يتحمل المتن رحت عند دكتور أحمد طاارق بمستشفى الراشد وسوالي عمليه تدبيس طولي للمعده وانا الحين وزني 54 والحمدلله الصحه عال العال وخوش طبيب اهوه والصراحه الممرضات والعنايه واحد حلوه وانا صج ارتحت مع هالطبيب بس الحين صار جسمي مترهل يعني يبيني عمليه شد وشفط يعني شد وشفط البطن والخواصر والصدر تكبير وشد والزنود وهم راح ياخذ منهم الدهون الزايده ويكبرلي الخلفيه عاد انا قريت تجربت الاخت حرم الحوت والصراحه خذيت الرقم ورحت حق الكتور والصراحه معامته وايد حلوه والنفسيه اتين باجر راح اروح اسوي التحاليل وادفع لوس الدكتور واحط موعد عمليه بس على انشالله نص شهر ثمانيه لانه ابي اروح الشاليه قلت شلون اسوي عمليه اروح ما اقدر قلت اسويها قبل رمضان الله كريم خواتي ادعولي بالتوفيج والصحه

ام عناز انا طبيبي خالد العنزي بس ماجربت سوالف التكميم انا سويت عمليه ازاله ناسور عنده وخوش دكتور صراحه

رفع

اهلين بنات
انا سويت عمليه شفط لخواصري وفخوذي وبطني وتصغير لصدري
عند البرفسور عبدالناصر خلاف اللي كان بمركز بوشهري وحاليا بمركز المنار
فووووووووووق الروعه
وشاطر ممتاز
والخياط حده نظيف
تبارك الرحمن الحين لي شهر من العمليه ومايبين الخياط
وتحسفت اني ما سويتها من زمان