تجاربكم مع العمليات الجراحية والاطباء

شرايكم بالدكتوره ميرفت الصالح
في احد مجربها

السلام عليكم حبوباتي كويتيات
تكفون ابي مساعدتكم مرة اخوي مسويه عملية شد وشفط لبطنها ولها 5 ايام وليمن الحين ما شالوا بربيش السوائل منها عفيه بنات الي عندها اي خبرة تجاوبني على هالاسئلة:
عادة ممكن ازالت البربيش وما زال الجسم يفرز سوائل لان الدكتور راح يشيله باجر.
في اول وثاني يوم كان بطنها مسموت وشكله وايد حلو ولكن بعدها انتفخ وبرز للامام هل هذا عادي؟
هل ينصح باتباع رجيم من الان ؟

اختي حبيت انصحج لا تشيييييل البربيش لان الوالده الله يطول بعمرها شاله لها الدكتور من 3 ايام عقب العمليه والحين لها 7 شهور مسويه العمليه وبطنها وارمه وفيها تجلطات واكيد هاذا كله بسبب الاهما ليوم شالو البربيش امبجر وما عطو السموم فرصه تطلع من جسمها

حبيباتي تكفون الي مسويه عملية شفط وشد لبطنها او سامعة عن تجربة تقولي هل الانتفاخ الي قاعه احس فيه بكل انحاء بطني وكأني مو مسويه عمليه هل هو طبيعي ومتى يفش ويرجع طبيعي ومتى اقدرارجع امشي وانام طبيعي لان ظهري انقص من عوار نومت الظهر وجزاها الله الف خير الي ترد
على فكره اليوم لي اسبوع من العمليه

[color="red[b]"]حبيباتي ما شوف احد رد معقولة ما فىه وحدة تحب تساعد [/color][/b]

خميسة قال:

[color="red[b]"]حبيباتي ما شوف احد رد معقولة ما فىه وحدة تحب تساعد [/color][/b]

أنقر للتوسيع...

الكل يحب يساعد بس يمكن اللي قرو ما عندهم جواب يجاوبونج

حبوبه دقي على الدكتور وسأليه
ياليت عندي جواب افيدج
وربي يقومج بالسلامه يارب وطمنينا

مساكم الله بالخير يالحبايب رحت الدكتور اليوم وسالته عن الاورام الي شادة بطتي ومضايقتني وقالي يبيلها وقت وراح تروح بالتدريج ولكن الي ضايقني اكثر انه لما شاف الجرح قال ما راح يشيل الخياط اليوم مع العلم انه المفروض انه ينشال من اسبوع بعد العمليه واليوم لي 11 يوم ولكنه فال تعالي بعد اسبوع واشوف الجرح .
امانه بنات اللي سبق وسوت عملية شد لليطن متى انشال الخياط ومتى بدى الانتفاخ يفش وجزاكم الله الف الف خير

--------------------------------------------------------------------------------

الله يشافيج خميسة
ما ادري
بس عادي الخياط يفرق من شخص لشخص
انا اعرف بعد الولادة رفيجاتي يشيلونة من اسبوع وانا اقعد اسبوعين او 20 يوم بس لا تكثرين عشان لا يشد عليج
وربي يشافيج ويعافيج بسرعة
بس حبيت ارفع الموضوع

مشكوره وايد (يا الله يا كريم ) والله يطمنك مثل ما طمنتيني وريحتي بالي

بنات وينكم عفيه الي مسويه عملية حصوات المرارة طمني وشنو حست عقب عملية بعواار مثلا

اختي الماسا 82 دكاترة الاميري كلهم شاطرين وعندهم د محمد الهيفي سبق قريت له مقال انه من ضمن اربع اطباء جراحة بالعالم الذين يستخدمون المنظار بتقنية جديدة وانشالة تقومين بالسلامة واطمنينا عليك

انا بعد سامعة عن د محمد الهيفي انه شاطر بهالعمليات

السلام عليكم وامسي عليكم بالخير
هذي اول مشاره لي في هذا المنتدى
بقولكم عن عمليتي : عملية شفط دهون واعادة حقنها بالجسم
اولا : انا ام ل2 اطفال وزني بعد الرجيم 60 والطول 166سم يعني حاولت قدر الاستطاعه ان انزل وزني بس من غير رياضه بتاتا لاني ما احب عندي جهاز مشي بالبيت امشي عليه من فتره الى اخرى المهم عندي زوائد وهي التي لاتذوب مع الرجيم يعني انا اعظام صدري اطلعت وزوايدي موجوده لازالت فقررت ان اشوي عملية الشفط الاماكن اللي سويتها نبدي بالترتيب 1- الظهر كامل 2- البطن 3-الافخاذ من الداخل والارداف لانه هذولي مجننيني وبعد في نفس يوم العمله سويت اعادة حقن للوجه والساقين لأنها حدها ضعيفه جنها عوادة جبريت وعمليه شفط دهون للعين اعلا العين .هذا كله كلف 1400 من شغل ايدها 900 الى الكورسيه كامل الجسم والادويه وتاجير غرفة العمليه في مركز الزهير الطبي


القصه من البدايه اول شي القناعه كنز لايفنى والله جميل يحب الجمال وانا كذالك وانا مقتنعه من شكلي ولله الحمد ولكن زيادة الخير خيرين لطالما ما دخلنا في تغير الخلقه الجميله فكنت ابحث عن دكتوره تسوي هالعمليات وتكون شاطره بس احنا ماعندنا ثقه بالحريم فسويت بحث استطلاعي بالنت والجرايد والناس لغاية ما طحتلي على وحده دكتوره مصريه تسوي هالشغلات كلها ولكنها غاليه اشوي وبعد فتره هم شفت اعلان دكتوره ثانيه بالسالميه صديقتي امسويه عندها شفط افخوذ فسألتها عن العمليه وشلون التأثيرات قالتي اولا شي هي بنج موضعي في العياده وشفط نفس الوقت من غير الم الألم فقط عند القعده والقومه بس بسيط عادي والنتايج من نفس الوقت عجيبه فتوكلت على الله ورحت للدكتوره / شرين محمد ابو الفتوح في عيادة علاج كلينك الدور السادس الهاتف 25632369 الدكتوره حدها عجيبه وفنانه واخلاقها عاليه حبوبه بصراحه عجبتي بس كنت خايفه وموواثقه منها موشايفه شغلها على احد بالعمليات الكبير بس توكلت على الله ودخلت عندها وقتلها بشيل من هني وبحط اهني حده السريه عندها يعني انا حماتي راحت لها على توصايه مني وسوت لها خصم من 1000 الى 700وحاولت انها تعرف بس الدكتوره ماقالتلها عني اي شي فطلبت من الدكتوره ان اشوف شغلها من المرضي اللى سوت لهم قبل وبعد والله حلو فسويت التحاليل واخترت يوم العمليه بس بشرط قتلها انا ابي الاستف كله نسائي بحت ما ابي ولا رجال بالغرفه من طأطأ الى سلام عليكم فسويتها بمركز الزهير لعمليات اليوم الواحد والدكتوره مالت التخدير استشاريه وايضا دكتورتي استشاريه ممتازه اختي كانت خايفه منها تقول لاتسوين العين عندها اخاف الخياط مايطلع عدل بعدين تتشوهين بس انا توكلت على الله وسويت كلشي بس صج صج شغلها عجيب وعيوني اللى يشوفها يقول جذابه مومسويه شي الندب من 2 اسبوع راحت ندب العين بس اللي بجسمي لالحد الحين موجوده بس كشكل بس مكانها ماتحسين انه في شي موجود ملمس حلو
انا الحين صالي 3 اشهر ونص وانا ادعي لهالدكتوره اللي شالت مني هالهموم اردافي الفضيحه وردة لسيقاني الشكل الحلو ووجهي بصراحه
الملاحظه اللى بقولها انه الانسان لازم يحرص من الدكتور اللى بتسوسن عنده يعني انا يوم انكشف انكشف على مره حرمه هذا افضل مو دكتور هذا موطعن في باقي الدكاتره حاشا لله بس اقول من وجهة نظري انا استحي وابي دكتوره فشله من ان اوقف متفصخه جدام ريال غير ريلي هيهيهيهيهيه فكل وحده وراحتها وعموما انا ريلي مايرضي عند اي دكتور الحمدالله ان في دكتوره واستشاريه بعد مقيمه دائمه بالكويت بس تطلع تسوي عمليات بره وترجع وانا امدح هالدكتوره لأنه انا مسويه عندها ولأن اعرف انه في وايد حريم وبنات اهاليهم مايرضون عند ريال واهم يستحون ويرتاحون للحرمه اكثر وما شفت احد كاتب عنها بالنت فحبيت اضيف قصتي للفايده للجميع والنعم في باقي الدكاتره الرجال والنساء وكل واحد وراحته اشكر هذي الدكتوره الحلوه على جهدها فيني

انا سويت عملية تصغير المعدة عند الدكتور باسل السميط والله الدكتور ما قصر معاي تبارك الرحمن والله يخليه حق اهلة صجججججج دكتور ما شفت مثلة من كثر احترامة حق مرضااااه ما قصر من اول يوم دخلت فيه لي اليوم الاخير صج قووول وفعل

خميسة قال:

اختي الماسا 82 دكاترة الاميري كلهم شاطرين وعندهم د محمد الهيفي سبق قريت له مقال انه من ضمن اربع اطباء جراحة بالعالم الذين يستخدمون المنظار بتقنية جديدة وانشالة تقومين بالسلامة واطمنينا عليك

أنقر للتوسيع...

الف الحمدالله والشكر خلصت من عمليتي حصوات المرارة بالمنظار من عشر أيام الحين ونجحت صج كلامج دكاترتهم زينه
بس صج كنت مرعوبه ودقات قلبي كانت تدق بسرعه من خوف بس حمدالله عملية سهلة كانت واخلاقهم حلوة

ماحد يعرف دكتور شاطر لإزالة اثار جراحه قديمه

منو بنات سامعة عن الدكتور احمد على بمستشفى السلام امانة بنات ردو على

صباح لخير جميعا بنات تكفون ساعدوني منو جرب شفط دهون الجسم وحقنها في الارداف واحسن عياده وكم المده الى تقعد وشكراااااااااااا