تجمع مميز**تجمع أمهات أطفال " زراعة القوقعه " حياكم الله*مميز**

رد: تجمع أمهات أطفال " زراعة القوقعه " حياكم الله

و الله حبيبتي انا جربت كذا واحد عندهم بس كلهم ما عجبوني و لا يعرفون يتعاملون مع الياهل بس جنه شرين شوي زينه يعني احسن وحده فيهم
انا ولدي ما قمت اوديه لان يصير ضغط عليه مدرس بالبيت و المدرسه و المستشفى حرام وايد يمل جذي و يصير لخبطه عنده كل مكان يعطونه طريقه النطق غير فكنسلت اكثر مكان ما يستفيد منه و انشالله اكون فدتج

رد: تجمع أمهات أطفال " زراعة القوقعه " حياكم الله

اهلين منار سالم العلى موشى صراحه بس مستغربين من مستوا بنتى وكله بفضل الله وشغلى معها وماحس بنتى مستفيده منهم الحمدالله الحين بنتى بدت تشرح الى تبى عن طريق الجمل وماتعرف اى شى بالاشاره بس عيبها انه عجله بالكلام يعنى مثل تقول مامه ابى البس نفنوف احمر تقول مامه ابس افنوف احمر .......اعطيها 20 كرت من ضمنهم ورده نحله فراشه فيل حمامه الخ بفضل الله طلعهم بسهوله اقوله عطينى نحله تقول ازززززز مع صوت انحله اقول فيل تقول كبييييير جذى انا دخلت معلومتين لها اسم الحيوان وصوته او ميزه ....اجيب الكور الملونه اقولها عطينى كور صفره وحده وحمره ثنتين جذى اكون دخلت العداد والون لها امشى على هالطرق بتدريب والله راح تشوفين تتطور سريع وانصحج بمكتب جرير حلوه وهم بعد طيور الجنه .. وشترى له انفخ مالت الصابون عشان يطول انفس عنده ويقدر يقول جمل .... وانشاء الله راح اصور اللعاب بنتى انا مسويتها لها عشان انطق استفدت منهم بدايت التأهيل حيل وانزلها لكم
خلى ولدج عنده ثقه بنفسه ترى والله هالشى خله بنتى ذكيه وسريعه بتدريب والحفظ وحتى مدربته بالندن تقول شخصيت بنتج راح اتساعدها
وافضل مدرب انتى له خواتج ابوه على طول كلموه خيره بشغلات مثل تبى بيسبى وله عصير اسماعه لاتقطينها اله وقت النوم
واسفه انى من زمان مادشيت هالقسم

رد: تجمع أمهات أطفال " زراعة القوقعه " حياكم الله

مساءالخير
حبيباي ابي اسالكم عن زراعه القوقعه
انا عندي حماي مايسمع ولايتكلم وفيه كهرباء زايده في مخه نشيط حيييييييييييييييييييل الله يخليه
بس المشله ماكو احد قال لنا عن القوقعه الا انا من فره قريت موضوعم فقلت حق عمي وقال سالي اكثر اهو يسخدم سماعات بس مايحبهم كله يقطهم ومايرضى بالسماعه والمشكله اهو كبير عمره 18 احنا نعرف نتفاهم معاه بالاشاره بس ودنا يسمع وخالتي بتموت عشان يقولها ماما
اللي ابي منكم معلومات افيه عن الزراعه ووين وبجم والخ والخ

رد: تجمع أمهات أطفال " زراعة القوقعه " حياكم الله

مشكووووره اختي نووونا انزين ما سمعتي عن استاذ عبدالله عندهم يمدحونه............

رد: تجمع أمهات أطفال " زراعة القوقعه " حياكم الله

مشكوووووووووره اختي بناتي اهم حياتي ما قصرتي و لو سمحتي عطيني طريقه التدريبات اللي حبتها بنتج لان ولدي عنيد الله يهديه ولاتنسين صوري لنا كل شي استفادت منه بنتج وكم صارلها مسويه العمليه وكم مره برمجتوا لها السماعه وعند منو واسفه اختي على الازعاج............

رد: تجمع أمهات أطفال " زراعة القوقعه " حياكم الله

اهليييييييين اختي علياء بالنسبه لحماك اتوقع انكم تأخرتوا عليه انزين اللحين كم محصوله اللغوي واهو اصم من الولاده وافضل عمر للعمليه من سنه ونص الى خمس سنوات والعمليه يسوونها عندنا بالكويت على حساب الحكومه واي سؤال انا حاضره...........

رد: تجمع أمهات أطفال " زراعة القوقعه " حياكم الله

مشكوره اختي منار
حبيبتي حماي مايتكلم واهو مايسمع من ولادته بس اول لما ركبنا له السماعات كان يسمع بس قلت كان يشيلهم واهو في مدرسته يعلمونه الحركات وينطق يقول بابا بس ثقيله تطلع منه ويقول بطه ويقول بس صوته قوي حيل كله يصايح سبحان الله مايتكلم بس صوته ماشاءالله قوي حيل شلون ماادري وصج راحت عليه يعني ماكو امل يزرعونها له وشلون واي مستشفى

رد: تجمع أمهات أطفال " زراعة القوقعه " حياكم الله

لا اختي منار ما سمعت عنه لان الدكتوره امينه حاولت اتوديني عند احسن دكتور تخاطب عندها و ما اعجبوني

حبيبتي العلياء ترى ما في عمر معين الحين حق زراعه القوقعه يعني انا من سويت حق ولدي قبل سنه بالكويت نفس الوقت سواو حق بنت عمرها 18 بس كان عندها مخزون لغوي يعني الي سمعته ان كانت تسمع بس سمعها خف مع الوقت انتي روحي راجعي عند مركز سالم العلي و شوفي شنو يقولولكم ترى يساعدون و على حسب فقد السمع الي عند حماج لان فيه القوقعه و في جهاز اسمه ابها جنه يعني نوع حق العصبي و نوع حق شي 2 يعني لازم اتعرفون من شنو فقد السمع الي في حماج و انشالله اكون فدتج

رد: تجمع أمهات أطفال " زراعة القوقعه " حياكم الله

زراعة القوقعة الألكترونية@@@@@أخبار متجددة (http://www.q8yat.net/showthread.php?t=353099)

رد: تجمع أمهات أطفال " زراعة القوقعه " حياكم الله

اختي العلياء انتو لا تيأسون روحوا سألوا في مركز سالم العلي وراح يفيدونكم ان شاءالله.............

رد: تجمع أمهات أطفال " زراعة القوقعه " حياكم الله

مشكوره اختى على الاخبار سمعت عنهم عن طريق اولياء الامور

رد: تجمع أمهات أطفال " زراعة القوقعه " حياكم الله

منـــار قال:

مشكوووووووووره اختي بناتي اهم حياتي ما قصرتي و لو سمحتي عطيني طريقه التدريبات اللي حبتها بنتج لان ولدي عنيد الله يهديه ولاتنسين صوري لنا كل شي استفادت منه بنتج وكم صارلها مسويه العمليه وكم مره برمجتوا لها السماعه وعند منو واسفه اختي على الازعاج............

أنقر للتوسيع...

هلا منور شلونج انا كسوله صايره بس انشاء الله راح اصور بس ابى منكم ادعاء بس راح احطه موضوع بروح
اما عن افضل طريقه هى انى ادخل العب معها يعنى كأنى العب الرسم مثل صبوره ومغناطيس راح انزل لكم انشاء الله
هى مسويه العمليه من سنه ونص وبرمجت لها وايد نص بالندن والباقى بالكويت اذا بتعرفين متى تبرمجين اطلعى برا الغرفه ونادى بصوت واطى شوفى مدى الأستجابه اذاحسيت انه مايلف على صوت الواطى اعرفى انه يحتاج برمجه بس العفو انتى عند منو تبرمجين
بدا يقول جمل وكم عمره الحين
وعندى لكم خبر حلو فى مركز راح يفتح 4 ساعات باليوم حق النطق تابع مركز العلى يصير مثل الحضانه بس راح يكون العصر

رد: تجمع أمهات أطفال " زراعة القوقعه " حياكم الله

اهليييييين اختي بناتي اهم حياتي يلا لا تتأخرين علينا ننطرج للتطبيق ان شاءالله وصوري لنا كل شي خطوه بخطوه و بالنسبه لولدي خذينا له موعد برمجه الاسبوع الجاي عند دكتوره امينه واخر مره برمجنا له قبل ثلاث شهور عند اريج واحس برمجتها مو شي بس شلت كاتم الازعاج ووطت على الصوت وللحين ما قال جمل بس كلمات بسيطه ماما وباب وباص واسد ويقلد اصوات الحيوانات ويعرف اعضاء الجسم عن طريق السمع ويحاول ينطق عين وشعر واسنان يعني يقول اول حرفين بس ويميز اغلبية الاصوات عن طريق السمع وكان الاهمال منا لاننا كنا بس معتمدين على مركز سالم العلي لا سجلناه في حضانه ولا جبنا له اخصائي والله يعين ان شاءالله وعمره اللحين ثلاث سنوات وسبع شهور وان شاءالله الخبر الحلو صج متى راح يفتحونه ووين مكانه واحسن شي انه العصروشلون طريقة الدوام فيه ومتى نسجل عيالنا ومشكوووووووووره اختي ما قصرتي............

رد: تجمع أمهات أطفال " زراعة القوقعه " حياكم الله

رفع
رررررررفع
رررررررررررررفع

رد: تجمع أمهات أطفال " زراعة القوقعه " حياكم الله

اي و الله ونستينه بخبر المركز الي بحطونه العصر و انا سمعت عنه مره من استاذ السالم بس ما عرفت متى ببطلونه
انشالله يكون قريب

رد: تجمع أمهات أطفال " زراعة القوقعه " حياكم الله

بليييييييييييييييييييز بنات الي عندها رقم ااااي خصااائي تخاااطب تعطيني ياااااااااه والله يجزاها اااااااااااااااااالف خير لانه صج متوهقييييييييييييين وسالم العلى ما يعطوون من عمرهم كلش ,,, بنااااااااات تكفوون لا طنشووووني

:0bee2e8d89::0bee2e8d89::0bee2e8d89:

رد: تجمع أمهات أطفال " زراعة القوقعه " حياكم الله

سالم العلى حق النطق فاشل بصراحه ماقمت اودى بنتى اخاف عليها من العين مشفح واحس مايفهمون يعنى هو اردنى وفرق لغه يقول حق بنتى شو هاى بانطلون انا اعلم بنتى بنطرون والبرمجه عند دكتوره امينه وبس اما الباقى اخواره حقل تجارب بصراحه هالانسانه عظيمه ومحترمه وتعطى من قلب عسا الله يفرج لها والله انى احب هالدكتوره احسها اخت
مره شفت واحد امريكى زارع قوقعه والله طفل طبيعى كلامه عجيب وامه شاطره بس تسولف معه عجيبه وكانت جايه تبرمج عند دكتوره امينه هى مقيمه بالكويت وتبى تسافر حق امريكه سألتها قلت برمجى بأمريكه افضل قامت تضحك تقول انا اصلن ماخلى احد يبرمج لى غير دكتوره امينه وطبعا انا كنت تونى راده من الندن وماكنت اتوقع بنتى راح اتكلم بس لما شفت الولد صارت عندى عزيمه زاخذت من امه نصايح ومشاء الله عليه لامدرب ولاشى امه هى الى معلمته وطلبت من دكتوره امينه انه امه تسوى محاضره حق اولاياء امور زراعه القوقعه
هالكلام من سنه بس شكلى بذكر دكتوره امينه صج نبى توعيه

رد: تجمع أمهات أطفال " زراعة القوقعه " حياكم الله

إختي بناتي هم حياتي

في شاب كويتي مسوي قوقعه من عمره سنتين تقريبا وأهله مقيمين في الولايات المتحده من أول ما أكتشفو حالته. كلامه ما شاء الله عليه واضح بس لغته إنجليزيه ويتكلم كلمات عربيه شويه. إذا حابه تشوفين مقابلته باليوتوب وايد حلوه.


http://www.youtube.com/watch?v=eUiw5OSFi8w

وشكرا

رد: تجمع أمهات أطفال " زراعة القوقعه " حياكم الله

snow قال:

إختي بناتي هم حياتي

في شاب كويتي مسوي قوقعه من عمره سنتين تقريبا وأهله مقيمين في الولايات المتحده من أول ما أكتشفو حالته. كلامه ما شاء الله عليه واضح بس لغته إنجليزيه ويتكلم كلمات عربيه شويه. إذا حابه تشوفين مقابلته باليوتوب وايد حلوه.


http://www.youtube.com/watch?v=euiw5osfi8w

وشكرا

أنقر للتوسيع...

اى اختى انا اعرف سيدابراهيم والد عبد اللطيف كنت اراسله عن طريق الايميل بس عبد اللطليف الى ساكن بأمريكه ويجى زياره حق الكويت بس انا ماحس انه والده تعب عليه هو خلاه بأمريكه ورد الكويت جذى الولد كسب لغه بس مايعرف شى عن العادات وتقاليد ولاسلام

رد: تجمع أمهات أطفال " زراعة القوقعه " حياكم الله

إختي شلون أبوه ما تعب عليه وأهوا مأخذه لأمريكا من عمره سنتين ومقيم معاه ليومنا هذا. في أحد يقط عياله بالشارع.

وعلى فكره عبداللطيف محافظ على الصلاة والصيام ويعرف دينه وله معرفه بقليل من عاداتنا وتقاليدنا بحكم إقامته بره الكويت وهذا شيئ طبيعي لما يقيم إنسان بعيد عن ديرته.

و عبداللطيف طالب طموح ويحلم يصير جراح بالمستقبل.