كويتيات للطبخ

العودة   منتديات كويتيات النسائية > > >


عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

التراث الكويتي



إضافة رد
 
أدوات الموضوع إبحث في الموضوع انواع عرض الموضوع
قديم 08-10-2008, 12:24:25 AM   #31
جاي الضحى
كــويــتــيــة ذهــبــيــة
 
الصورة الرمزية جاي الضحى
 
تاريخ التسجيل: Mar 2008
المشاركات: 1,012

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اقتباس:
المشاركة الأصلية كتبت بواسطة MaZaji CoOL مشاهدة المشاركة

ههههههه عاد ماأحب القبوط ذقته مرتين أو ثلاث وكان متروس كشمش فطعمه صاير حااالي حيييييييل ماحبيته ..
بس اللي صج أحبه المرقووووووووووق ...ومرقوق طباخ بيتنا وبس...

المهم نرد للموضوع ... تذكرت كلمة ماأسمعها وايد .. بس احنا بالبيت للحين وعلى طول نقولها ...

كلمة : (( يـرجـخ )) ......!!!

يعني مبلل .. ومتروس بلل ... يعني لمن أقول فلان هدومه تـــرجــخ ماااااي ... يعني كلها مااي ....
.
.

وتذكرت كلمة سمعتها ذاك اليوم بمسلسل الدايه ... كلمة : (( يـتـصـــوّخ )) .. يعني يتسمع ..!!
بس هالحين صارو مايقولونها وايد .. صارو يقولون قاط إذنه ... أو يتسمّع .. بس حلوه يتصوخ ...
.
.

وهم لي عوووده ...
يا حيا الله Mazaji...ويييه يا حلو بيتكم وحجيكم...خوش كلمات ما شاء الله...لا تطلعون بره مطر كلا رجيخة...ولا تهويهون بالحر بره لاهوب يلفح....هذا حجي أمي...أقول يبيلانا يوم نعزمج بالشاليه على جاي ضحى وفي بيتنا على مرقوقه...شرايج...قبول ولا مو قبول؟ لا تحرمينا من طلتج و- مشاركاتج..




جاي الضحى غير متواجدة حالياً   رد مع اقتباس
قديم 08-10-2008, 12:25:27 AM   #32
جاي الضحى
كــويــتــيــة ذهــبــيــة
 
الصورة الرمزية جاي الضحى
 
تاريخ التسجيل: Mar 2008
المشاركات: 1,012

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اقتباس:
المشاركة الأصلية كتبت بواسطة سبائك مشاهدة المشاركة
رووووووووووووووووعه الموضوع

هيضتي الشجون يا جاي الضحى<<< هيضتي من الكلمات التراثيه ترى

والله حاولت اعصر مخي واييب لج جم كلمه من الكلمات الكويتيه القديمه بس المشكله انها تطلع مع السوالف بس اذا تبين تذكرينها صعبه
سبائك...شلونج؟ أفا...ما كان قصدي أهيض الشجون كنت أبي أهيض ذكريات حلوه وونيسه...إيه أدري... الشي من تبينا ودورينا ما تلقينا ولا يطلع...عارفه هالشعور...بس من يوم ورايح نبيج تسجلين الكلمات في عقلج الباطني و من تشوفين الموضوع راح يطرون عليج...




جاي الضحى غير متواجدة حالياً   رد مع اقتباس
قديم 08-10-2008, 12:34:21 AM   #33
جاي الضحى
كــويــتــيــة ذهــبــيــة
 
الصورة الرمزية جاي الضحى
 
تاريخ التسجيل: Mar 2008
المشاركات: 1,012

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


هذا موقف من مواقف

يدي الله يرحما...كان ما عندا كيري ميري حار...أيام أول مثل منتو عارفين...ذاك من ذاك

إلي تشوف واحد يعرف يقره ويكتب...وخصوصاً الحريم....يعني كانو يروحون حق

المطوعه ...تعلمهم حفظ القرآن و بس.... حياتهم كانت بسيطه بس مبروكه ما شاء الله..بس

مرت السنين و تطورت الاوضاع وقامو ناس وايد بدت تعلم القرأه والكتابه

..يدتي كانت تبي تصير من الي يعرفون.......فا ما أدري من يابلها كتب وبدا

يعلمها......فا يوم من الأيام...كانت منسدحه على بطنها على الفراش وجدمها الكتب إلي

معطينها اياهم...متخيلين السدحه ...و شلون الواحد إذا إندمج يرفع ريولا؟!!..:eh_s

(6):...ورايحا منسجما تعابل بهالحروف.....تفجج فيهم تحاول تقره...وكان يدي الله يرحما

يناديها واهي مغيباااا ما تدري درها ودرا...واهو ينادي فقير ...ما وعت إلا

بهالصوت...






"غبررروووووه....قاماي...." وقوم يا يدي وشوح





بهالكتب....فقيره يدتي.... ما تشوف إلى الأوراق تهفهف بالهوا........

للاسف كان يشوف ان يدتي فات ها الفوت على العلم......بس تموو خالاتي وخوالي

يضحكون على الموقف لا يومكم...




جاي الضحى غير متواجدة حالياً   رد مع اقتباس
قديم 08-10-2008, 12:41:23 AM   #34
جاي الضحى
كــويــتــيــة ذهــبــيــة
 
الصورة الرمزية جاي الضحى
 
تاريخ التسجيل: Mar 2008
المشاركات: 1,012

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اقتباس:
المشاركة الأصلية كتبت بواسطة coffee مشاهدة المشاركة
تسلمين حبيبتي على الموضوع الروعه مبروك التثبيت

والله شقولج انا كلامي عتيج والكلام اللي الناس تشوفه قديم ليلحين متداول عندنا واللي اتحجى فيه غيري يستغرب للاسف
الكلمات اللي احسها ما تستخدم وايد هالايام بين الناس اهي:
شتري = شمسية
ششمه = نظاره
تتن = زقاير
سري = ليتات
طاوليني = عطيني
دندرمه = برد
جتايه = غتره
السيف = اليال
الباينباق = الكرفته
والامثال والكلمات اللي لها دلالات طبعا الكويتية عن نفسي اموووووووووووووووووووووت فيها من طقة لزقة عنزروت ههه
مشكوره
هلا قهوتي...عاد الحجي القديم الزين عندج انتي...أعرفج...كل ما أقول هاو... طراتي علي بالخير...تسلمين على الكلمات...فعلاً خوش نقوه..وأنا بزيد عليهم كلمة قيض= صيف /حر..توها طرت علي....يوم يبتي طاري الدندرمه.....




جاي الضحى غير متواجدة حالياً   رد مع اقتباس
قديم 08-10-2008, 03:13:00 AM   #35
سبائك
من كبار شخصيات كويتيات
 
الصورة الرمزية سبائك
 
تاريخ التسجيل: Sep 2005
المشاركات: 17,610

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اي اي تذكرت

روتي = توست

راهي = كميته كبيره وتكفي الجميع

هامور بالسوق = تاجر كبير بالسوق

غزير او غويط = عميق

جتّي = بالجمله

حنّان منان ربي يصبر اهل بيته = ولدي ههههههههههه ذبحني بالحنه وانا اكتب الرد قلت بحطها

شحاطه = نعال مكرم القاري

تتشيحط = تفتخر وتتكبر





كور مخلبص = عايم ما ينعرف راسه من كرياسه

متسمّت = مشدود

متيح = متين

صوته مطبّق = صوته متغير بسبب المرض

واذا ذكرت شي برجع لكم ان شاءالله




__________________



سبائك غير متواجدة حالياً   رد مع اقتباس
قديم 08-10-2008, 05:22:54 AM   #36
سبائك
من كبار شخصيات كويتيات
 
الصورة الرمزية سبائك
 
تاريخ التسجيل: Sep 2005
المشاركات: 17,610

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


وتذكرت هالحجوتين بعد

مصعوي = ضعيف حيل

متبتب = متروس عوده على متين شوي




__________________



سبائك غير متواجدة حالياً   رد مع اقتباس
قديم 08-10-2008, 12:06:11 PM   #37
سبائك
من كبار شخصيات كويتيات
 
الصورة الرمزية سبائك
 
تاريخ التسجيل: Sep 2005
المشاركات: 17,610

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


تذكرت لكم كلمات دفنه <<< دفنه يعني وايد





ترى استانست كيفت عالموضوع رايحه راده عليه

من شوي كنت بالافنيوز وكل ما قلت حق اختي كلمه اقول لها هذي بكتبها بالموضوع استهلت الكلمات علي شكثرها.....عاد عقب قامت اهي تفطنني على الكلمات الي نقولها وتصلح للموضوع

دثوي <<< قلتها عن الهندي الي بكارفور بط جبدي ههههههههه

مسبه

مدوده

هذا رنقها <<< يعني هذا موديلها او طريقتها

غجه يعني حيل

ميح يعني نهائيا

امبلبط يعني يتكلم بكثره

مجقجق بالدهن يعني متروس دهن

متوبك يعني مسكر عدل

قماري يعني حلوه بس على طنازه احنا نقولها دايما هههههههه

لحظه بناديلكم اختي تفوخ تكمل عني نسيت وايد كلمات




__________________



سبائك غير متواجدة حالياً   رد مع اقتباس
قديم 08-10-2008, 01:42:06 PM   #38
مطيريه ماركه
من كبار شخصيات كويتيات
 
الصورة الرمزية مطيريه ماركه
 
تاريخ التسجيل: Mar 2008
المشاركات: 42,356

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


مرحبا

شاي الضحى خووش موضوع مبروك التثبيت

عندي اغنية بشاركم فيها

فطومه من تمر تراجيها حمر .. عذبوا الحلاوة ونبسط بالتمر

وي الباقي نسيته

اكيد لي عووودة بإذن الله




__________________
كلمآ أقبلتِ على آلله خآشعة , صَغر كل شيء حولك وفى قلبك ..
فَ كل تكبيرة بين يدى آلله تعيد مآعدآه إلى حجمه آلأصغر ....
تذكرك أن لآ جبآر إلآ آلله ! ..................

مطيريه ماركه غير متواجدة حالياً   رد مع اقتباس
قديم 08-10-2008, 04:24:34 PM   #39
MaZaji CoOL
كــويــتــيــة ذهــبــيــة
 
الصورة الرمزية MaZaji CoOL
 
تاريخ التسجيل: Sep 2008
الدولة: Kuwait
المشاركات: 1,589

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اقتباس:
المشاركة الأصلية كتبت بواسطة جاي الضحى مشاهدة المشاركة
يا حيا الله Mazaji...ويييه يا حلو بيتكم وحجيكم...خوش كلمات ما شاء الله...لا تطلعون بره مطر كلا رجيخة...ولا تهويهون بالحر بره لاهوب يلفح....هذا حجي أمي...أقول يبيلانا يوم نعزمج بالشاليه على جاي ضحى وفي بيتنا على مرقوقه...شرايج...قبول ولا مو قبول؟ لا تحرمينا من طلتج و- مشاركاتج..

الله يحييج ويبجييييييييييج ..
انشالله مقبوله العزيمة بس لازم فيها جاي الضحى بالمرمريه .. ويمه بخصم و قرص عقيلي على أصوله ..

جني تذكرت كلمة أمي قبل تقولها لإخواني لمن كنا صغار .. صغار ومايسمعون الحجي فيطلعون بالسكه حفااااي
كانت أمي تقول لبسو نعالكم ..(( رمـضـا )) لاتحرق رجولكم ...!!!

والرمضا يعني الارض الحاااااااااااااااااره ....

.
.
وفي بعد كلمة (( يـحـدّر )) بمعنى ينزل ... مثل لمن تبين تدعين على أحد واهو ياكل .. تقولين (( ياعله مايحدر ))!!
يعني الاكل مااينزل ابطنك .. لووووووووول


.
.


لي عووووووووده انشاالله ..




MaZaji CoOL غير متواجدة حالياً   رد مع اقتباس
قديم 08-10-2008, 04:46:19 PM   #40
القرآن ربيع قلبي
كــويــتــيــة مــاســيــة
 
الصورة الرمزية القرآن ربيع قلبي
 
تاريخ التسجيل: Jan 2008
الدولة: احبك يارسول الله
المشاركات: 3,489

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


موضوع اكثر من رائع
سلمت يداج وفيه كلمات اشوه لما الحين نقولها




القرآن ربيع قلبي غير متواجدة حالياً   رد مع اقتباس
قديم 08-10-2008, 05:12:33 PM   #41
جاي الضحى
كــويــتــيــة ذهــبــيــة
 
الصورة الرمزية جاي الضحى
 
تاريخ التسجيل: Mar 2008
المشاركات: 1,012

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اقتباس:
المشاركة الأصلية كتبت بواسطة سبائك مشاهدة المشاركة


حنّان منان ربي يصبر اهل بيته = ولدي ههههههههههه ذبحني بالحنه وانا اكتب الرد قلت بحطها



عاشت سبوجه...قاعدا
واقرا كلماتج وأحط جك على إلي أعرفهم...اشوا نجحا ...يا حلو إلي يروحون الأفنيوز
ويذكرون كلام أوال...قالوها إلي مالا أول أكيد مالا تالي...الله يخليلج ولديج...عاد الحنه
لازم...أنا أول إذا أمي زعلت علي وكنت دابالا جبدها وقعدت أحن وأقول قولها
يما يما يما.....(واهي تكون حاقرتني) فاجئه ترد علي وتقول:

"و صما " ( بس هالشي كان ناااادر يصير) ... الحين كبرنا عقلنا ما نحن......الله يحفظ لج ولديج...ومرورج ديماً يسعدني...





التعديل الأخير تم بواسطة جاي الضحى ; 09-10-2008 الساعة 05:14:52 AM
جاي الضحى غير متواجدة حالياً   رد مع اقتباس
قديم 08-10-2008, 05:24:15 PM   #42
جاي الضحى
كــويــتــيــة ذهــبــيــة
 
الصورة الرمزية جاي الضحى
 
تاريخ التسجيل: Mar 2008
المشاركات: 1,012

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اقتباس:
المشاركة الأصلية كتبت بواسطة مطيريه ماركه مشاهدة المشاركة
مرحبا

شاي الضحى خووش موضوع مبروك التثبيت

عندي اغنية بشاركم فيها

فطومه من تمر تراجيها حمر .. عذبوا الحلاوة ونبسط بالتمر

وي الباقي نسيته

اكيد لي عووودة بإذن الله
أهلين مروكة...الله يبارك فيج...الله وايد عجبتني الكلمات ...أحس لحنها منها وفيها...
لازم تعودينها وتسيرين علينا ولا راح تشوفيني عاقده النونه عليج.....حياج الرحمن...




جاي الضحى غير متواجدة حالياً   رد مع اقتباس
قديم 08-10-2008, 05:32:01 PM   #43
DLOOL
كــويــتــيــة ذهــبــيــة
 
الصورة الرمزية DLOOL
 
تاريخ التسجيل: Sep 2006
المشاركات: 2,921

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اوه اجل اسمعوا ....
يمل الماحي <<<<< يعني الاوجود بعد هذه اللحظه
كاري << وتاتي بالجمل هكذا ((اكاري لي سباره )) اي اؤجرهاا
دني وتاتي بالجمل هكذا ((دني وراج )) اي ازيحي لي بفسحه اجلس بها
افتر راسي وتاتي بالجمل هكذا ((قمت الصبح وافتر راسي )) اي شعرت بالدواار المنهك
فرقاعه وتاتي بالجمل هكذا ((فرقعت للغداء فرقاعه)) اي عملت مقلي بصل لوضع العيش عليه او اللحم
ابطا<<< اي تاخر
غدا <<<اي تاخر دون خبر عنه او تعرض للضياع
ماامداني <<< اي لم يكفيني الوقت
الميز <<< اي طاوله يوضع عليها اللوازم
الزعله <<< اي طف السجاده الذي ياتي بهدب
فره << وتاتي بالجمل ((يا هب يا فرته تقل حصني )) اي ياقبح وجهه كانه ثعلب الصحراء
خشه <<< اي الخشم مع الفم سوياا
قرعوط وجمعه قراعيط << اي ما تخصل وتبرم من الشعر وليست تستخدم للمدح
شليل <<< اي طرف الثوب
كراعين <<< السيقان الضعيغه
فراسن << السيقان المتينه كارجل البغل وليس الخيل العربي الاصيل
روك << وهذه الكلمه قريبا من كلمه اجنبيه سوف تندهشون لشده الشبه في اللفظ والمعنا lookيعني حدق وانظر جيدا وعلى ما اعتقد اصلها عربي
هدروس وجمعها هداريس <<< اي الثياب الغير جميله
شماطيط <<< اي الثياب الغير جميله ومهتريه
تغافل <<< ومعناها الهروب من احد دون علمه
اومي <<< وتاتي بالجمل هكذا ((اومي بالعلم عليا)) اي حركه يمينه شمالا
اخرص <<< وتاتي بالجمل هكذا ((اخرص المتر وقص الخام )) اي خمن طول المتر وقص الخام
دوزن << وتاتي بالجمل هكذا ((دوزن اوتار العود)) اي ضبطها لتستقيم انغامه




غراز <<< اي الرمل العميق
دبايه <<< اي اثر السير الكثير على الرمل
مشخص <<< وتقال للرجاال عندما يضبطون نسفه الغتره

----------------
وهذا اللي ذكرته الحين انشاء الله اذكر شي وارده لكم



__________________
بيان رسمي رقم الف قال الله تعالى (ولا تجسسوا)و قال المثل (من راقب الناس مات هما)الى "حبيبت" قلبي وببتسامه "بيبي" اقولكم اعلوج لا زقين في بروفايلنا عيب جكيناكم والله عيب
DLOOL غير متواجدة حالياً   رد مع اقتباس
قديم 08-10-2008, 05:34:19 PM   #44
جاي الضحى
كــويــتــيــة ذهــبــيــة
 
الصورة الرمزية جاي الضحى
 
تاريخ التسجيل: Mar 2008
المشاركات: 1,012

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اقتباس:
المشاركة الأصلية كتبت بواسطة mazaji cool مشاهدة المشاركة
الله يحييج ويبجييييييييييج ..
انشالله مقبوله العزيمة بس لازم فيها جاي الضحى بالمرمريه .. ويمه بخصم و قرص عقيلي على أصوله ..
جني تذكرت كلمة أمي قبل تقولها لإخواني لمن كنا صغار .. صغار ومايسمعون الحجي فيطلعون بالسكه حفااااي
كانت أمي تقول لبسو نعالكم ..(( رمـضـا )) لاتحرق رجولكم ...!!!
والرمضا يعني الارض الحاااااااااااااااااره ....
وفي بعد كلمة (( يـحـدّر )) بمعنى ينزل ... مثل لمن تبين تدعين على أحد واهو ياكل .. تقولين (( ياعله مايحدر ))!!
يعني الاكل مااينزل ابطنك .. لووووووووول
لي عووووووووده انشاالله ..
لا توصين حريص ونا إختج...انتي تعالي بس ومحنا مخلين في خاطرج شي أبد...ما تبين حليب تقطقطين فيه لسان ثور؟!!

إيه إيه الله يذكرج بالخير...والأرض الوصخه يسمونها نبقه...
ما تدرين شلون أنا مستانسا من تفاعلج...ديرتنا و اهلنا يستهلون...قمت انطر مشركاتج مناطار...لا تحرمينا منهم...الله يحفظج




جاي الضحى غير متواجدة حالياً   رد مع اقتباس
قديم 08-10-2008, 05:41:06 PM   #45
جاي الضحى
كــويــتــيــة ذهــبــيــة
 
الصورة الرمزية جاي الضحى
 
تاريخ التسجيل: Mar 2008
المشاركات: 1,012

افتراضي رد: عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين


اقتباس:
المشاركة الأصلية كتبت بواسطة القران ربيع قلبي مشاهدة المشاركة
موضوع اكثر من رائع
سلمت يداج وفيه كلمات اشوه لما الحين نقولها


هلا بلي نيك نيمها يشرح السدر...الله يتمم عليج ويثبتج على دينج...أنا لو الود ودي أخلي كل هالكلمات على لسان الناس مو بس بعضهم...مو هاين علي أشوف كلام أوال ينسي......بس فيكم البركه انتو ترددنهم عشان عيالنا يلقطونهم وتصير على لسانهم.....وحياج ربي..




جاي الضحى غير متواجدة حالياً   رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 01:01:38 PM.