منو تعرف مدرسة السيف و مدرسة السفر الخاصة ؟

C O L O R Z · 26 أغسطس 2008

السلام عليكم ..
شلونكم بنات ..

بسألكم بنات عفية ولاتبخلون علي بالرد ..

بسأل منو تعرف مدرسة السيف و مدرسة السفر الخاصة ؟؟؟

اللي عندها اي معلومة عنها تقوليلي عفية ..

جزاكم الله خير

jolie_q8 · 26 أغسطس 2008

هذيل بالكويت؟

اول مره اسمع عنهم

سامعه عن مدرسه حكوميه نوره السيف

بس ان شاءالله البنات يفيدونج

C O L O R Z · 26 أغسطس 2008

اي حبيبتي بالكويت
وحدة بنين ووحدة بنات

حق عبدالرزاق الصانع على ما اعتقد ..

بخيطان الجنوبي
عالعموم جزاج الله خيــــــــــــــــر

xxx · 26 أغسطس 2008

السيف والسفر مدارس اهلية عربية

يدرسون منهج الحكومة

شنو تبين تعرفين عنها ؟؟

F.A · 26 أغسطس 2008

شوفى اختى أنا أعرف وحده اتودى عيالها اهناك تمدح المدرسات وااااااااااايد بس تقول عيبه ان المبنى قديم
وأى استفسار انا حاضره

C O L O R Z · 26 أغسطس 2008

جزاكم الله كل خير خواتي
انا ناوية ادخل ولدي فيها ..

بس بسأل عن تدريسهم قوي ؟ يعني أحسن من الحكومة ؟
وبعدين توجة المدرسات عادي و الا لهم توجهات دينية معينة ..

هم ابي اسأل اذا فيها كويتيين وايد و الا خلطبيطة ؟ لانها بخيطان ..

انا ولدي 2 روضة بس ماستفاد من الروضة .. خرابيط ..
جزاكم الله خير ..

Sadf2000 · 26 أغسطس 2008

أنا بعد ولدي بيروح ثانية روضة وبنتي بتروح أولي ابتدائي ومدرستهم سكرت وتوهقت ماادري وين أوديهم ولا مدرسة من اللي دقيت عليهم فيها باص حق جنوب السره أو خلص التسجيل
إذا المدرسة زينة أسجلهم فيها لأنها قريبة
أتمني يفيدونا البنات أكثر

Dancing^Queen · 26 أغسطس 2008

البنات ماقصرو فادوج
بس الصراحه اول مره اسمع فيهم
يعني قويه؟
ومنههم منهج الحكومه؟

jolie_q8 · 26 أغسطس 2008

اي والله ياليت تفيدونا عن هالمدارس

من ناحيه المدرسات والمنهج ... واسعارهم

ويعطيكم العافيه بنات

Sadf2000 · 27 أغسطس 2008

خواتي انا اليوم رحت المدرسة ، التسجيل للروضه ب170 دينار والابتدائي اعتقد قالت 200 (او اكثرشوي او اقل نسيت)
سالت عن المستويعن كلام الليفى شئون الطلبة تقول المدرسة زينه وانها مسجلة بنتها فيها ، سالت في كويتين قالت اي بس مو نسبة كبيرة ، سالتها عن المستويتقول اوكيوالا جان ما دخلت بنتي (اهي مو آنا)، وللحين انا محتارة وين اودي عيالى ، يا ليت اللى يعرفون المدرسة يفيدونا اكثر ، اقصد اللى مجربين او اللى عندهم عيال فى المدرسة

غاليه · 27 أغسطس 2008

عمري انا درست فيها هالمدرسه بصرااااحه اخرطي ومو شي المدرسات اي كلام اذا تبين نصيحتي حق الروضه عندج مدرسه بخيطان بعد مالت فايزه الخرافي مدرسه امريكيه واااااااااايد ممتازه جنج بتروحين سوق الرجعان صوبه واللي ايدخلون اعيالهم كلهم جخ وهوامير ولو مو زينه مادخلوا اعيالهم روحي لها انا مو ذاكره اسمها بالضبط اهيا ثنائيه اللغه .. وشكرااا

Sadf2000 · 27 أغسطس 2008

غاليه قال:
عمري انا درست فيها هالمدرسه بصرااااحه اخرطي ومو شي المدرسات اي كلام اذا تبين نصيحتي حق الروضه عندج مدرسه بخيطان بعد مالت فايزه الخرافي مدرسه امريكيه واااااااااايد ممتازه جنج بتروحين سوق الرجعان صوبه واللي ايدخلون اعيالهم كلهم جخ وهوامير ولو مو زينه مادخلوا اعيالهم روحي لها انا مو ذاكره اسمها بالضبط اهيا ثنائيه اللغه .. وشكرااا

اختي انتي تقصدين المدرسة الامريكية ، شفتها اليوم بس رسومها ناااااااااااااااااار ، الروضه بحدود بالف وستمية ، والابتدائي اغلي وانا اسم الله عليهم عندي 2 والثالث بالحضانه ، يعني كله فلوس بفلوس ، ما اقدر على هالمصاريف ، ابي مدرسة عربيه خاصة زينه او اجنبية مثل الباكستانية اما امريكية او بريطانية صعبة ما اقدر ، اذا انتي من سكان خيطان يا ليت تفيديني بمدرسة خاصة زينه

xxx · 27 أغسطس 2008

بنات مستوى المدرسة عادي جداااااا

سالو عدل قبل لاتسجلون عيالكم ..

غاليه · 28 أغسطس 2008

عيل مالج الا الباكستانيه بصراحه رفيجه امي دخلت بنتها ماشالله بلبل انجليزي والقران يحفظونها اهيا بخيطان بعد بس والله مادري عنها اي صوب او شوفي اللي بحولي الباكستانيه الوطنيه

F.A · 30 أغسطس 2008

المدرسه بمستوى التعليم الحكومى
وعيبه صراحة ان المبنى وايد قديم وطريجه الصبح أكثر من زحمه
بس المدرسات زينين

yosa55 · 28 يوليو 2009

بناااااااااااااااااااااااااااااات سمعوني انا بمدرسة السفر وللحين انا فيها ترى اهيا خرطي وكل المدرسات مصريين والمبنى قديم حده والمدرسات يطقون الطلبه وتدريسها ميح ما تفهمون منهم شي وبنات الابلوات جنهم عندنا شيوخ على راسهم ريشه يعطونهم علامات كاملة واحنا اللي ندرس ونتعب عمرنا ما يعطونه الا جيد جدا وانصحكم ما تظلمون عيالكم فيها وبالتوفيق للكل واذا تبون نصيحتي دخلوا عيالكم بمدرسة النجاة نفس نظام الحكومة

yosa55 · 28 يوليو 2009

صدقوني والله والله والله والله ان المدرسة خره وتدريسها مو نفس الحكومة والامتحانات صعبة والمدرسات ما يعطون البنات علامات بس بنات الابلوات انا فيها وانا بالصف العاشر

yosa55 · 28 يوليو 2009

وما فيها حتى طلبة كويتيين كله مصريين والكويتين ينعدون على الاصابع

yosa55 · 28 يوليو 2009

غاليه قال:
عيل مالج الا الباكستانيه بصراحه رفيجه امي دخلت بنتها ماشالله بلبل انجليزي والقران يحفظونها اهيا بخيطان بعد بس والله مادري عنها اي صوب او شوفي اللي بحولي الباكستانيه الوطنيه

غاليه انتي كنتي معانا بالمدرسة وتعرفينها يع تلوع الجبد حتى الحماما وسخة والمقصف الطالبات يطقون بعض علشان يشترون

yosa55 · 28 يوليو 2009

انشاء الله يهدمونها هالمدرسة يارب اطيح فوق روسهم

منو تعرف مدرسة السيف و مدرسة السفر الخاصة ؟

New member

&#9829; ادارية سابقة .. واخت عزيزة وغالية &#9829;

New member

عضوه موقوفة

New member

New member

New member

&#9829; المــراقبـــة العـــامــــه &#9829;

&#9829; ادارية سابقة .. واخت عزيزة وغالية &#9829;

New member

New member

New member

عضوه موقوفة

New member

New member

New member

New member

New member

New member

New member

♥ ادارية سابقة .. واخت عزيزة وغالية ♥

♥ المــراقبـــة العـــامــــه ♥

♥ ادارية سابقة .. واخت عزيزة وغالية ♥