موضوعك وااااااااااايد حلو ومفيد ... انا عن نفسي راح اقولك اللي اشتريه من كل بلد
من السعوديه / احب الخبز الخفيف واللي حجمه كبير واااااايد حلو متوفر بكل مكان ينباع بريال واهني بمركز سلطان
يبيعون الجيس بــ 900 ومو فرش .... واكيد ماننسى التمر ومن ابها والطايف الرمان والتين يهبل
وزوجي يحب ياكل من مطعم هرفي ... يقول يذكره بالارنب الجائع قبل مو اللي موجود الحين
البحرين / اكيد الحلوى والمتاي وشعر البنات والاجار وخاصه اجار البيديان يهبل عند شويطر وماي اللقاح
عندهم بعد محل حلويات زلاميطو يهبل سوالف البقلاوة ياريت يفتح عندنا وهو فرعه الرئيسي بسوريا
وبعد لبنان ....
اسبانيا / وبالتحديد برشلونه .... عندهم الزعفران شيء مو طبيعي وهم غالي احب اشتريه من هناك
عندهم سوالف الفاكهه الجففه تهبل مثل التين والمشمش والخوخ والعرموط
تايلند / احب اشتري الكفرات و طقم الصحون خاصه اللي بسنترال او اللي بربنسون مع العلم انه غالي
مره شريت من الجاينا تاون هاون حجر يهبل .... وهم احب سوالف سجاجين الحفر ملوت الفاكهه
طبعا الامر مايخلى من الملابس والاكسسوارات والجناط والبخور ... احب اشتري الفاكهه من هناك خاصه الاستوائيه
مو متوفره عندنا ... وهم ادور عل الفلفل التايلندي الحار دايما الاهل يوصوني عليه
ماليزيا / في ماركات ميك اب تهبل ورخيصه عندهم ... عندك ملابس اليهال وااايد حلوه عندهم
بما اني ارسم دايما اشتري الفرش والالوان من هناك واااايد ارخص ( محل ملودين ) شامل كل شيء
عندهم الكازو يهبل وحتى المانجا المجففه حلوه وااااااااااايد .... الاكسسوارات عجيبه وتنزل بعد فتره بالكويت
تركيا / الاقطان والبقلاوة التركيه وجبدة الفرس وعندهم سوالف الجلود وااايد حلوه ...
لي رجعه لتكملة الموضوع
خوش موضوع
خوووووووش موضوع ........ مكه المكرمة : احب اشتري منها اقمشة الاقطان ( محل بن ناجي وبقشان وفيه بعد محلات ) اشتري من مركز مكه او اروح سوق العزيزيه وقريب منه سوق السلام وذي المجاز / واحب اخذ من ملافع محل الشرقيه ومحل الفاخرة ومحل رداء الفخامه ومحل مزاج وهذيله في مركز مكه / في مجمع ذي المجاز محل مانيكان للملافع /
لندن : طبعا للماركات بشارع اكسفورد ومحل هارودز
ماليزيا : شريت منها الحراير بشارع عبدالرحمن تنكو
دبي : العطور والبخور اجهز لسنه كامله ........ اشتري من مجمع الغرير الحراير .......
يعطيج العافية على الموضوع لأن صج ساعات الواحد لما يسافر يحتار شنو يشتري وبالنسبة لي من الشغلات اللي مجربتها أو خذيتها من معارفي
-السعودية: عندج الملافع من محل الشرقية طبعا اهو التوب-وmy faire lady-ورداء الفخامة/وعندج محل الصالحية يبيع شغلات التمور والحلويات وهالسوالف بس بشكل راقي وللتقديم
-البحرين:المتاي/ماي الورد واللقاح والمرقدوش وغيره/حلوة البحرين/اجارهم لذيذ سوالف الخلطات/عطورات جنيد وأصغر علي/والدرابيل الصغار اللي داخله حلوة البحرين/الدراريع
-سوريا:البيجامات في نفسهم بالكويت بس هناك أكثر تشكيله وأرخص-اللي عروس أو وراها ولادة لاتنسون قمصان النوم وقمصان الاستقبال للوالدة وتجهيز المواليد شي عجيييييب وأرخص من الدول الثانية-كريماتهم طبيعية-حلويات سميراميس حلوياتهم والشيش برك المثلج عجييييب-حلويات زنبركجي كل قطعة ملفوفة بروحها وعلب حلوة يعني تصلح للتقديم والصوغة
واذا اتذكرت راح أرجعلج