Ξღ سمعتي قصة خطبة او زواج غريبة؟؟ تعالي ღΞ

رد : Ξღ سمعتي قصة خطبة او زواج غريبة؟؟ تعالي ღΞ

حرمه كبيره من جماعتنا تزوجت واحد وقعدت معاه ثلاث سنين وماصار عندهم عيال وانفصلو وكل واحد فيهم تزوج وصار عنده عيال

الموهيم الحرمه يابت مدري كم بنت وولد واحد ويوم كبر الولد عيزت معاه تبي تزوجه وهو مايبي ومره رايح بيرجع خواته من عرس وشاف بنت طالعه من العرس وانسحر فيها وطار حق امه الا يزوجونه هالبنت الي شافها والام طبعن ماصدقت خبر واخيرا ولدها بيتزوج ويوم سألو عن البنت طلعت بنت طلقيها لووووول وراحت لابوها الي هو طليقها وخطبتها وصار النصيب

سبحان الله طلاقهم كان فيه حكمه ونصيب هالعيال

اب اب اب اب

عاد انا قصتي معجبة فيييها حيييييل وفي كل مكان لازم اقولها هههههههه

البطل الي هو زوجي تخرج من امريكا ومهندس وملتزم ومزيووون -- هذا الصج ما ابالغ واذكرو الله -
المهم لما تخرج ورجع -- عاد هذا عرفته منه بعد الخطوبة - صار يحن على امه يبي يتزوج وهو من الاساس من قبل ما يتخرج وهو دايما يقول لها خطبي لي بس هي تقول له لما ترجع يصير خير
المهم هو رجع تقريبا في شهر مايو وزادت الحنة والرنة

نجي لجهتي انا داك اليوم قاعدة مع اختي نفرفر في النتديات كان ندخل على منتدى حق منطقتنا وحاطين خبر رجوع مهندس من امريكا وحاطين صورته يوم التخرج
عاد انا قلت في قلبي يا زينه والله يجعله من نصيبي

على شهر يونيو تقدمو لي ٥ قبله تقريبا ورفضت ٤ منهم ووافقت على احسن واحد منهم وان دكتور ،، ورحنا سوينا التحاليل وكنا ننتظر النتيجة

من جهة زوجي سال امه ها ما لقيتي لي عروس قالت له لا ما مداني اروح اشوف بنات ولا عاجبيني الي في الاعراس مصبوغين ومتعدلين ما ادري من الحلوة من الي لا - وهي اصلا شافت كم بنت وتخلي بناتها يروحون يشوفونها بس ما عجبهم احد كانو متشرطين وحاطين مواصفاات حييل صعبة ويدققون في البنت في كل شي --
المهم عصب ذاك اليوم قال كل هالبنات مالين الديرة وما شفتي لي وحدة قال لكن انا الي بوديج تدورين لي وكان هـ الكلام حزة المغرب وهو بيطلع للمسجد وهي تبيه يوصلها مشوار
قال لها مرة وحدة بوديج معاي المسجد واحنا طالعين اوديج المكان الي تبينه وكانت معاها حماتي الصغيرة ،، وراحت معاه وطبعا صادف ذاك اليوم انا رايحة مع امي وخواتي وكنا في الصف الامامي بعد الصلاة ما شفنا الا وحدة جاية تسلم على امي ها تذكريني ومن هـ الكلام وطلعت دارسة مع امي من يوم هم في ابتدائي ،، طبعا لاحظت انها وتكلم امي وهم واقفين منزلة عيونها علي الا اختي تقول لي هذي ام المهندس الي شفناه في المنتدى وسمعتها تسال امي من الي معاج وسالت عني بالذات وش اسمي وش ادرس وكم عمري
المهم شوي الا تجي حماتي الصغيرة تقول لامي امي تبي رقمج ومن نفس الليلة اتصلت وقالت لامي احنا ندور عروس لولدي وانا شفت فلانة الي هي انا وعجبتني بس هو ما يقتنع الا بذوق خواته ،، عادي نجي يشوفونها
امي رحبت فيها وجاو شافوني وانا الصراحة ارتحت لهم اكثر من اهل الخطيب السابق لوووول وقلت لامي ترد على اهل الدكتور اني مو موافقة -- كنا عاطينهم رد مبدئي لين ما يرجع من السفر واشوفه -
ومن يوم ثاني ردو علينا اهل المهندس ان موافق مبدئيا وبيجي يشوفني النظرة الشرعية وراح سوا التحاليل بروحة بما اني كنت انتظر النتيجة بس
وما جا شهر جولاي الا احنا مملكين
وتوتة توتة خلصت الحدوووتة

رد : Ξღ سمعتي قصة خطبة او زواج غريبة؟؟ تعالي ღΞ

saudi dentist

ما شااااااااااااااااء الله
تباااااااااااارك الرحمن
الله يتمم عليج

قصتج اتينن


انا اعرف وحدة...خطبها واحد منصب..بس ماصار نصيب...وطبعا انتشر بمحيط عايلتهم انه البنت حلوووة
وبعد جم يوووم والا نسيبهم اخو وحدة من حريم العايلة الاولى >>> دكتور
ياي يخطب البنت ...وهم ما صار نصيب
لانه الرفض مو على الشخص...الرفض على الحمولة

رد : Ξღ سمعتي قصة خطبة او زواج غريبة؟؟ تعالي ღΞ

هههههههههههههههههههها لا يوقف

رد : Ξღ سمعتي قصة خطبة او زواج غريبة؟؟ تعالي ღΞ

انا بقولكم قصتي عرفت زوجي الحين وحبيتة لما كنت بالثانوية
وتزوجنا وجبنا عيال وكنااسعد زوجين والناس تحلف بحبنا لاكن في يوم من الايام صارحني انة خطب بتحريض من ولد
ولد خالتة اللي يكرهني كانت صدمة حياتى صحت وبجيت ايام وانا اطلب الطلاق لكن زوجي لما شاف حالتي تحرك حبي انا والعيال داخا
حب اسرتة بقلبة وخرب عرسة اشرايكم اسمح وانسى ------------------ مع العلم اني احس انة طعني بظهري وابجي
كل ماتذكرت---------------------------

قصص حلوة
مااااتبعة

رد : Ξღ سمعتي قصة خطبة او زواج غريبة؟؟ تعالي ღΞ

تريزا3 قال:

انا بقولكم قصتي عرفت زوجي الحين وحبيتة لما كنت بالثانوية
وتزوجنا وجبنا عيال وكنااسعد زوجين والناس تحلف بحبنا لاكن في يوم من الايام صارحني انة خطب بتحريض من ولد
ولد خالتة اللي يكرهني كانت صدمة حياتى صحت وبجيت ايام وانا اطلب الطلاق لكن زوجي لما شاف حالتي تحرك حبي انا والعيال داخا
حب اسرتة بقلبة وخرب عرسة اشرايكم اسمح وانسى ------------------ مع العلم اني احس انة طعني بظهري وابجي
كل ماتذكرت---------------------------

أنقر للتوسيع...

سامحيه عشان العشرة والعيال اللي بينكم
بــــــــــــــس
غيري اسلوبج معاه

الله يوفقكم جميعا ويرزق البنوتات ..

اممممممممم اتذكر مرة قبل 4 سنين كنت رايحه اقدم على امتحان التراي :$ .. شافتني وحده يايبه مادري منو يمتحن معاها .. وكانت معاي امي وكلمت امي عشان عندها ولد وتبي تخطبني له .. بعدها بجم يوم دقت على امي وعشان تعرف تيي ولا لا لكني للامانه ما وافقت عليه :$ ..
مادري امه وااايد ملسونه وانا وحده ماعندي السان خفت تاكلني بالسانها باجر ..

لكن لا ياس مع الحياة حباني واحد بعد 3 سنين وكلم اهله وقال لهم شايفها بالصدفه طالعه من بيت يدي فروحو خطبووها لي ولو انه لا صدفه ولا بطيخ كان يدري انه بطلع بذاك اليوم .. وكاني زوجة وام حق وليدي حبيبي ..

لا تياسووون بنااات ما تدرون من وين يطلع الريل ..

رد : Ξღ سمعتي قصة خطبة او زواج غريبة؟؟ تعالي ღΞ

مشكوورة حبيبتى خوووش موضوع
وحده هم بالجامعه طالبه كااانت معانا الله يستر عليها شكلها موووو حلووووة كللللش وضخمه ومتينه واايد يطنزون عليها مسكينه يا واحد من الشباب بيرقمها يعنى نوع من الطنازة جان تقول نعم قال ابيج تاخذين الرقم قاالت لاء اذا تبي بعطيك رقم ابوى تخطبنى غير هالحجى ماعندى سبحاااااااااااااااااااااان الله بنات اهو بيرقمها شفقه يعنى علباله ماراح تصدق انه رقمها لانه مزيوون وشايف عمره علباله يعنى كلش ماراح ترده وتاخذ الرقم وانصدم بموقفها سبحان الله راح خطبها وتزوجها عجبته اخلاقها
تزوجت قبل كل البنات اللى دايما يطنزون عليها

رد : Ξღ سمعتي قصة خطبة او زواج غريبة؟؟ تعالي ღΞ

لا يأس مع الحياة

uppp

رد : Ξღ سمعتي قصة خطبة او زواج غريبة؟؟ تعالي ღΞ

انا بدوانية بيت يدي ربع خااالي يسفطون سياييرهم
عاد كله اتطنز على سياره واااحد
اقول فشلنا اللحين الناس عبالهم هذا مستوانا سيايير من الاربعينات يمكن

وكل ما اشوفها اتطنز واقول انا بس بشووف ويه اللي يسوقها شيحس فيه ؟؟؟

اخر شي انخطبت وملجت
واكتشفت ان صاحب هالسياره هههههههههههههههههههههههه
سبحان الله

رد : Ξღ سمعتي قصة خطبة او زواج غريبة؟؟ تعالي ღΞ



مشاء الله القصص حلوه :eh_s(7):

up

رد : Ξღ سمعتي قصة خطبة او زواج غريبة؟؟ تعالي ღΞ

thx على الموضوع

رد : Ξღ سمعتي قصة خطبة او زواج غريبة؟؟ تعالي ღΞ

عمري ماصادفت قصة فيها اكشناات ولو صادفت برد اكتب

upppppppppppp

الله يهني الجميع
وخوش موضوع