خياط الدعية سيء
خياط الدعية أكثر من سيء. ما يلتزم بالقياسات نهائيا.
وديت له فستان بسيط وقماش، قلتله يفصل مثله. 3 مرات رايحة ورادة، وماكو فايدة. يا واسع، يا ضيق. وبكل الحالات مو مرتب.
نفس الشي بالنسبة لبنطلون. وديتله بنطلون جاهز وخام أسود يفصل مثله. أول مرة واسع، وثاني مرة ضيق، والأسوأ كاوي بالأوتي فالقماش صار فيه لمعة كأنه مستعمل ورخيص.
لا يمكن أخيط عنده. واليوم كنت عنده أخذت الملابس رغم انهم مو مضبوطين لأني قررت أتبرع فيهم، ولما وصلت شفته يصرخ على بنت ويقولها طلعي برة. طلعت البنت عيونها تغورق. عقبها يت نفس البنت وصديقتها الي زفته. كل هالصيحة لأنه مو راضي يعترف انه خرب هدومها ويبي فلوس زيادة عشان يصلحهم.
هالسالفة خلني أتأكد إنه مو بس خياط سيء، بل أيضا غير محترم وطماع.