من أشعار سيد حجاب

<blockquote>يا أصحابي عجّزنا كده ..
قبل المعاد !
يا أصحابي ما تبكوش علي كتوفي 
بقول 
أنا عمري ماكنتش جمل صلب 
اسمعوا 
أنا مكنتش يوم شيال الحمول 
اتعتعوا 
ووسعوا لي ف صدركم 
حتة عليها انحني 
وأقول كلام بيهزني 
بيغلي جوايا ونفسي أطلعه
يا أصحابي .. لا .. متوسعوش 
ليا أنا 
داحنا يادوبك كل واحد مننا 
بيقول كلامه 
وهو برضو يسمعه 
يا أصحابي آه .. حتي الجمل 
بما حمل 
ميّل .. ونخّ</blockquote>