السلام عليكم ما اعرف من وين ابدا مومعتاده افرغ اللي بقلبي تعودت اكتم وهذا اللي دمر حياتي حياتي تحولت جحيم انا متزوجه من ست سنين تقريبا من اول سنه حملت صار معاي فقر دم حاد تعبت صحتي اهملت البيت وزوجي وما عجبه الاخ يبيني خدامه صارت المشاكل والصياح كل يومين تطور الامر وصار يسبني ويسب اهلي ويلعن على اتفه الاسباب وبعدها يليته يوقف ع السب بس صار يهدد انه يذبحني يقول بكيفي محد بيتكلم ان ذبحتج زوجتي وكيفي ومن خبالي كنت صغيره وكتها كان عمري ١٥ تقريبا خفت صدقته خبيت كل هلاشياء عن اهلي كان يدق ع امي يقولها بنتج فيها اللي يخطيها ما تنظف ما تكوي ما تغسل وامي تهاوشني وكان هذا ياثر ع نفسيتي وقتها وللان كرهته من كل قلبي مع كل هاذا ما يصرف علي ولا دينار الابالاعياد واذا كلمته امه يعطيني خمسين ويرجع ياخذا من وراها بعد ولادتي بفتره مو طويله بدا موال الهواش والاحتقار ومع كل كلمه والثانه انا ريال لا تنزلين كلمتي مره من المرات كانت عندي اخته وكان جايب لاب توب قالي بكيفكم العبو فيه وانا ما اعرف له حتا اخته فتحنا الاب ومعرفنا نستخدمه دخل علينا المريض النفسي وقال انا مو قلت لا تجيسونه ودا اخته لبيت اهله وجاني قا يصرخ ويهاوش ويهدد الامر زاد عن حده قام يهددني بخواتي يدز عليهم ريايل بالمدرسه ويهددني باخوي الوحيد يذبحه وقتها اسودت الدنيا قدام عيوني حتا بكي ما قمت اقدر ابكي صرت مثل العبده عنده صار يناديني يالزباله وقدام اهلي واهله هوالزوج المثالي مرت فتره وطلبت منه الطلاق مومتخيل الاخ تنرفض له كلمه قام يتعذر وموقصده من اللي صار والخبله صدقت وقتها صار عندنا عزا يدتي قال بياخذ بنتي امه تبيها انا رفضت مدري خفت وقتها حيل خفت ياخذها وما اشوفها وانا من ايام طالبه الطلاق صار فيني انهيار عصبي اسعفوني اهلي وهو بعدها وعيت ورديت البيت ابوي حس ان فيني شي كلم الزوج المصون ينصحه ويحذره طبعا امه كل اللي صار كنت اقولها وكانت تهاوشه ويقلب علي فبطلت اشكي لاحد وردت حليمه لعادتها القديمه كل يومين صراخ وهواش وتهديد ويكذب وبخيل وفوق هاذا اخذ ذهبي بدون ما ادري لما سالته قال ماخذه عنده ديون يرهنه ويرجعه وكالعاده اسكت ولدت ببنتي الثانيه ومرت فتره زعلت ببيت اهلي اربع اشهر بسبب انه ما يصرف علي وع بناتي خبيت الاسباب كنت خايفه ما قلت لاحد عن اللي يصير لي طلبت الطلاق منه للمره الثانيه مع تدخلات ابوه وهو رايح راد ع ابوي يقول راح اصرف عليها واغير حيتنا وانا وانا كله كذب فكذب ورجعت هههمعاه حملت بولدي قام يمنعني اروح لاحد ليش عيال عمج هناك ما تروحين مرتين قالها وعلى قولتهم القشه اللي قسمت ظهر البعير زعلت مره ثانيه مامر ع رجعتي شهرين حملت ولدت والحين ولدي عمره ست اشهر ما مر ولا صرف فلس ع عياله كله من ابوي كل اللي سواه اللهم دق ع ابوي مرتين ابي عيالي وحرمتي ورد ابوي سو اللي عليك عطها حقها ويسحب ما نشوف ويهه لما كنت حامل بولدي ضغطت علي امي وخالتي انفجرت وقلت لهم كل اللي صار لي ابي افتك منه بس مو عرفه شلون ومن وين ابدا عماتي يتشمتون فيني بجمعه اهلنا عمتي تقول لي تستاهلين اللي قطج ريلج احس اني اختقت وقتها قلت انا اللي ما ابيه مو اللي قطني ولما نروح خوالي خالتي وحريم خوالي يعني ينصحوني يقولن تحملي كلنا تحملنا ولا لقب المطلقه زين باجر ينادون بناتج يابنات المطلقه كرهت جمعاتهم صرت ما اطلع ولا اروح لاحد نفسيتي تعبت والله انا تعبت صرت اغلب الوقت اسولف مع نفسي ما ابي اثقل ع ابوي اكثر من ما انا مثقله الحليب والحفاظ واكل لعيالي ومصرف منه وانا ما احب هاشي مااحب احد ينظر لي نظره شفقه بس انا تعبت ابي تساعدوني اذا تعرفون محامي اومحاميه زينه اسعارها معقوله افيدوني فيهااشكركم واشكر المنتدى اول مره اطلع بداخلي لاحد واسفه اذا طولت عليكم
