شوربة الخضار الناطعه

رح اعمل كذا نوع ان شاء الله، هالاكلة روعة للتصرف بالخضار اللي عندك بالبيت، اي نوع ممكن تحطوه، انا فتحت البراد عندي وكل شي خضرة استعملتو، عادة بحط كمان بازيلا وبقوليات بس اجاني طلب انو بدون
–
هالكم يوم رح انزل وصفة تانية كمان مع بقوليات مختلفة عن هاي بس جداااااااااااا لذيذة بإذن الله
–
الطريقة والمقادير مو محددة بيعتمد على الذوق
–
جبت الهاون وضربت فيه: 3 ثوم + نصف ملعقة صغيرة زنجبيل (ازا بتحبو طعمة الزنجبيل ضيفو كمان انا بحبو خفيف + مكعب مرق الخضار) ورشة خفيفة ملح ومنتركها على جنب
–
بطنجرة على النار حست الخضار اللي كانت عندي بالبيت: بصل، فطر، فليفلة، كرفس، جزر، (ضيفو الخضار اللي بدها وقت)
–
منضيف مرق الخضار السائل (أو ميي) غمرتهم فقط واتركوها حوالي ربع ساعة
–
مناخد نصف الخليط بالخلاط blender ومنضيف عليه مزيج الثوم اللي بالهاون + كم ملعقة سائل من الطنجرة ازا احتاج
–
منرجع الخليط اللي ضربناه على النار ومن هون ضفت باقي الخضار اللي طرية عندي (البروكلي مستوي من قبل والبندورة طرية) ممكن تحطوا اي شي بدكم ياه طالما مستوي، متل بقوليات معلبة او مجمدة أو سبانخ فريش (ما كان عندي كنت حابة) –
ممكن تحطوا ورق غار بالشوربة تنطبخ معها أو البهارات اللي بتحبوها من اللي بتمشي مع الثوم والزنجبيل، انا استعملت مرق خضار منكهة اشتريتها من اللولو متوفرة بكثرة علبتها بتشبه كرتونة الحليب.
ازا ما بدكم زنجبيل ممكن تستعملوا أعشاب إيطالية متل الريحان أو إكليل الجبل أو الاوريغانو
–
أضفت ربع كوب حليب قليل الدسم (اختياري) ممكن تضيفوا كريمة أو بدون –
واتركوها تغلي وما تنسوا تتأكدوا من قوامها ومن الملح والبهار.