تجهيزات الحامل لها ولمولودها ولاستقبالها متجدد ومرجع لنا

يعطيج العافيه على الموضوع الحلو
عجبتني اللسته هذي وحبيت اشاركم

:Your bag for hospital(حقيبتك للمستشفى)

- عبآءة,ملفع ,دلاغ ، حذاء .

- قميصين للنوم يستحسن آلأنوآع آلمفتوحة من آلأمآم لأنهآ عملية أكثر أثنآء آلرضآعة آلطبيعية أو بجامه قطن .

- جلآبية وروب للإستقبآل ولآتنسي آلشآلآت (لتغطية آلصدر آثنآء آلرضآعة) .

- شآل ثقيل أو جآكيت شتوي (للشتآء) .

- قطعتين آو ثلآث تغيير دآخلي كآمل منهآ حمآلآت صدر خآصة بآلرضآعة .

- حذآء أو شبشب سهل آللبس وآلخلع .

- فوط صحية أكبر حجم .

- أدوآت تجميل(مكيآج بسيط,مرطب شفآة,عطر,آكسسوآر,مرآة صغيرة,مجفف مشط للشعر,فرشآة ومشط للشعر,ماشات وربطة للشعر) .

- أدوآت عنآية بالأحجآم آلصغيرة(شآمبو،صآبون،منآديل ورقيه وأخرى مبللة،كريم مرطب،مزيل عرق، ليفة،معجون وفرشآة آسنآن,مقص آظآفر) .

- زيوت و كريمآت لتدليك آلبطن .

- فوط : فوطة للإستحمآم وفوطة للوجه .

- مفرش سرير للإستقبآل .

- هآتف محمول وشآحن له .

- كاميرآ تصوير وتأكدي من آلفيلم وآلبطآريآت .
.

- كتيب للأذكآر وأدعية آلولآدة وكتيب تمآرين آلرحم وشد آلبطن آو آسئلي عنهآ آلطبيبة .


- وجبآت خفيفة(بسكويت،عصير,كيك,بآلإضآفة إلى مطاره حليب ومطاره مشروب عشبي لمنع الإصآبة بالإمسآك ولتنظيف آلرحم ولاتنسي التمر لتحنيك المولود) هالشغلات وصي ريلج او احد اييبهم بعد الولاده .


- آلأورآق آلرسمية(بطآقتك وبطآقة زوجك,كرت المستشفى)وأي أوراق تحتاجينها.


وبعد تجهيز حقيبة آلمستشفى ضعي بجوآرهآ عبآءة وحذآء جآهزين في حآلة أي طآرئ وآعلمي زوجك بمكانهآ .

اغراض البيبي




1-سرير لغرفة النوم<<< انا بحط سريره في غرفة نومي ولذلك خذيت سرير يناسب لون أثاث غرفتي


2-سرير صغير(سلة) عشان تحطينها في الصالة، وممكن يكون تحتها ستاند وعجلات أحلى وعملية أكثر، وبفترة النفاس عند أهلك هالسلة راح تستخدم كسرير للبيبي ولما تردين بيتك استعملي له السرير الكبير.


3-طاولة تغيير تكرمون للحمام، وتكون بلاستيك وفيها أماكن لوضع الشامبو والكريم وأغراض التغيير وأكو نوع أخذته يكون فيها حوض لسباحة البيبي يكون عملي أكثر.


4-فوط أحجام كبيرة وصغيرة، كثري الفوط لأن بتحتاجينها وايد.


5-فوطة للسباحة تصير مع كبوس.


6-اسفنجة طبية لمسح جسم البيبي.


7-فوط صغيرة ناعمة تستخدم كليفة لسباحة البيبي.


8-غطاء كامل للبيبي عشان اذا بتطلعينه خصوصا من المستشفى للبيت، أحتاجه لأني بولد بالشتاء انشاء الله، وهو يصير مثل بيت للبيبي يغطيه كله ويدفيه.


9-بجامات(بربتوز)<<<< كثري لأن المولود تكرمين يرجع وايد وكل شوي تغيير.


10- بدلات حلوة ( لا تكثرين لأن اييون وايد هدايا) وما راح يحتاجهم وايد.


11- فنايل قطن اخذي وايد حفر ونص كم.


12-مهادات قطن.


13-شراشف قطن خفيفة خام فنيلة اشتري وايد عشان كل شوي تغيرينهم تحت البيبي، منها أريح له لأنهم قطن ومنها انك مو كل ما وسخ الشرشف تبدلين الكفر والحوسة، بس تبدلين هالشراشف القطن.


14-كفر كامل مع مخدته وحوسته حق سرير البيبي.


15- لحاف عملي يدفيه للبيت، وواحد ثاني أكشخ شوي عشان الطلعة.


16- الفوطة الخفيفة اللي تصير نايلون من الجهة الثانية، عشان اذا كنتي طالعة تفرشينها وتغيرين للبيبي عليها، وتستخدم للبيت بعد اخذي 3 تقريبا.


17- اسفنجة كبيرة لوضع البيبي عليها أثناء تحميمه.


18- لمبة صغيرة خاصة بسرير البيبي تركب عليه إضائتها خفييييفة ما تزعجك بليل بس عشان اذا صاح بليل تقومين تشوفين ما يكون ظلمة مرة وحدة.


19- الألعاب اللي تعلق فوق فراش الطفل( اللي تفتر وتطلع موسيقى) عشان تدوخه وينام .


20- ستة إلى 10 رضاعات (مميات) بلااااستك لا تاخذين زجاج لأنها ثقييلة وأول ما تطيح منك تنكسر، خذيت Unti-Colic مضادة للمغص والغازات، ماركة Chico وفيها فتحة من فوق عشان تطلع الغازات وما تعور بلاعيم البيبي وهو يمص، وايد عملية وصحية والأطباء ينصحون فيها.


21- حلمات زيادة للرضعات عشان تغيرينهم كل فترة أحسن.


22-ملقط كبير بلاستك خاص لمسك الرضعات والحلمات وهي حارة بعد التعقيم.


23-ستاند بلاستك لوضع الرضعات النظيفه فيه حتى تنشف، خذيته أيضا من Chico


24- غلاية الرضعات( المعقمة) اخذي اللي بالبخاار ولا تاخذين اللي بالميكروويف مو زين اشعاعات عالبيبي تضره.


25- سخانة الحليب، يعني أحيانا وانتي ترضعين البيبي يغفي 5 دقايق ويقوم الا الرضعة بردت وما يبيها، في هالدقايق ممكن تحطينها في السخانة وبعدين يكملها، وهي صغيرة بحجم الرضعة، ومعاها صحن اذا كبر شوي تستخدم لتسخين أكله وخذيتها ماركة Chico


26- مقسم الحليب البلاستك، اللي يصير في كل طبقة مقدار رضعة وحدة من الحليب البودرة، ويفيد وايد بالطلعة وللبيت بعد، في الغالب يكون من 4 طبقات.


27- مصاصة(لهاية) اخذي 3 ولا 4.


28- baby monitor الجهاز اللي مثل اللاسلكي واحد عندك وواحد عند البيبي عشان اذا كان بغرفه ثانية تسمعينه اذا كح ولا صاح.


29- فوط للكتف، وتصير طوالية تباع بمذركير وهي خاصة عشان تكرمون تكريع الطفل بعد الرضاعة عشان ما يوسخ ملابسك.


30- صداري للبيبي، واخذي عمليين للاستعمال اليومي تصير خام فوطة ووراها نايلون عشان مو كل شوي ينقع ملابسه وتغيرين الصدرية بس، والعاديين اللي مرتبين وما فيهم نايلون يصيرون للطلعة وجدام الناس ممكن بس اللي وراهم نايلون وايد أحسن للاستعمال اليومي.


31- كبابيس، دسوس يد، ودلاقات.


32- مطارة خاصة للبيبي للماي الحار عشان رضعاته.


33- غلاية للماي خاصة لغلي ماي البيبي.


34-علبة بلاستك كبيرة بغطاء لحفظ الحفاظات.


35- علب بلاستك صغيرة لحفظ قطن التغيير وأغراض البيبي.


36-سلة صغيرة لملابس البيبي المتسخة.


37-خزانة من أدراج لأغراض الطفل.


38-فرشة كبيرة خاصة لتنظيف الرضعات، وثانية صغيرة لتنظيف الحلمات.


39-مقياس درجة حرارة الطفل بالأذن.


40- أغراض البيبي (شريتهم بجنطة كاملين من مذركير) اللي هم مقراضة أضافر، مبارد، مشط، بروش، شفاطة لتنظيف الأنف، مقص صغير.


41- أغراض العناية للطفل: شامبو، صابون، شور جل، كريم، كلونيا، baby oil ، قطن أذون، قطن تغيير، مناديل رطبة للتغيير، كريم سيباميد للحفاظ، بودر<<<< مادري اذا نسيت شي روحي قسم الأطفال بالجمعية وبتلقين كلشي جدامج


42- لا تشترين الحفاظات ولا الحليب للطفل، لما تولدين سألي طبيب الأطفال بالمستشفى وهو بقولج الماركات اللي تناسب طفلج.

بخصوص الكاكاو، في محل اسمه chocoandmore وعندهم حساب بالانستغرام ومحلهم موجود بالديره يسوي توزيعات المواليد وانتي تختارين الكاكاو الي تبينه بس السعر مادري جم وكاكاوهم جربته عجبني

وفي محل لازورد بالرايه بعد بس ماجربته ان شالله بالوقت المناسب امره

ليدي، or جربته هم حلو بعد واذكر كل من ذاقه عجبه

بس مادري شلون ع الفطاير وورق العنب، عاد انا مو كل ورق عنب يعجبني، ساعات يصير العيش من داخل يابس، واذا بدبس الرمان ساعات يكون وايد طاغي فيه ، والفطاير مادري

.:lady bug :. قال:

رفيجتي تو مسوين استقبال جايبه من اركان تقول والله مابقى شي بالصينيه كلوه كله لذيذ

أنقر للتوسيع...

اركان حلو كنت طالبته بس قبل جم يوم دازيلي فيديو انه فيه دود

صباح الخير ..

خلوني افيدكم بالي اعرفه حاليا للاستقبال

وتجهيز البيبي للنفاس تالي الورقه الي مسجله فيها بالبيت ههههههه


..



محلات الحلو عندكم

اور
اوبرا
واو
سلفرينا
يمي
لاديخ
لازورد



محلات الموالح

لشس
ميني اند ماني




ورق عنب

لشس حلو
مندرين
وايت روز جوكليت
ميني اند ماني



..


التوزيعات عندكم

كاكاوتي / وسام الشيرازي شغلها حلو ونظيف عن تجربه

وانا هالمره بسوي كوكيز من وحده لها محل بالغوالي


..



اكسسوارت او مواعين الحلو والموالح


هوم سنتر
المعلم
صفاة الغانم

اركان جربت منه الورق عنب كلش ماعجبني .. والناس اذواق او على حظي ماكان حلو

جنطه تتحول سرير حلوه اذا راعيه يمعات وزوارات