شلون أحمي نفسي من تدخلات الغير بحياتي ! و قراراتي !

يسعدلي صباحكم / مساكم:eh_s(17):

من فترة وانا شاغل بالي .. شلون أمنع الغير من التدخل بحياتي .. قراراتي .. رغباتي .. شلون أحط الحد و أخليهم ما يتعدونه و يعملون حساب لي ابيه و اللي مابيه ..
طبعا خاصة الأهل .. القراب جدا ..

مجتمعنا متعب جدا .. اشياء كثيره تنفرض علينا من مبدأ العيب و فشله و شقولون .. خل يقولون بكل الأحوال راح يقولون ..

تكونين قاعده في دوامج بيتج لا لج و لا عليج .. اييج اتصال يعفس يومج ! على شي أبدا ما يسوى
ليش ما طرشتي البدلة حق فلانة
ليش ما سويتي هالشي
ليش
متي
والادهى اذا قالوا شعندج ! انتي فاضيه !
شلون احكموا اني فاضيه !؟ :eh_s(1): عشان ما اتحلطم و لا اشتكي
دوامي طويل و الطريج زحمة بالروحة و الردة
غير مسؤوليات البيت
ريل و عيال
وانا ما عندي خدامة والحمدالله مكيفة بحياتي
هاو ليش مسويه بروحج جذي ليش ما عندج خدامة
شعليكم ! كيفي ! انا راضيه:eh_s(4):

طبعا .. قا احاول افضفض بشكل عام ..
وابي استفيد من طريقتكم في التعامل مع الناس القراب و تدخلاتهم وشلون نحدها بدون ما نزعل احد
لان اذا سكت و سكت و سكت راح انفجر بلحظة

Tom ♥ Jerry;32703163 قال:

.

موضوعج عالجرح

لي باك .. بقلبي كلآم وآيد بخصوص الموضوع....

أنقر للتوسيع...

بالانتظار

patcholli قال:

عن نفسي ميخالف خل يذمون فيني اهم شي ماطلع خصوصياتي برا البيت
مو ظروري اقنع احد بشي عاجبني ومريحني ..؟؟ شنو بستفيد اذا اقنعتهم او بررتلهم ؟؟

طول ما انا مرتاحه وسعيده بحياتي خل يتكلمون من حرتهم وقهرهم
واللي يقول مرتاحه ابتسم واسكت مو لازم اشرحله شي
او باختصار قولي اشياء خاصه مو كلشي ينقال

انا متخذه هالنظام كلشي مخليته خاص والي يسؤلني عنه هم اقولهم شغله خاصه او شي خاص
محد له شي عندي
حتى لو يدقون عليج تلفون يقولون ليش وماليش قوليله مشغوله شوي بيدي شغله مهمه وسحبي عليها احلى طاف

أنقر للتوسيع...

عدل كلامج .. المفروض واحد يسكت و ما يتعمق بالسوالف

اهذريبك~ قال:

و فوق هذا كله انتي ماتتدخلين بخصوصيات احد صح ؟!!!

انتي يمكن من البدايه عطيتيهم فرصه و الا من سالفه فضفضتي فيها عليهم انعكست ضدج و مرات
يعايرونج اذا صارت مشكله بسيطة وهذا الشي يضايق و يغث

أنقر للتوسيع...

يبتيها عالجرح
ما لي شغل بأحد ولا أتدخل بحياة أحد .. صح 100% صح
و بالفعل مشكلة صارت لي وكنت ابي شور أحد يفيدني و الله العظيم عايروني فيها

طريق السعاده قال:

موضوعك ع الجرح رح اتابع واستفيد من تجاربكم اعااااني من تدخلات غبيه في كل شي

أنقر للتوسيع...

الله يعنيج و يعينا
و نستفيد مع بعض
:eh_s(7):

nokia n95 قال:

اول شي ... الله يعينج ....

سؤالج حيييييل صعب ....


الناس بالكويت تحب تتدخل بكل شي ....
يبدون رايهم بكل صغيره وكبيرة .... ولازم تسمعين كلامهم ...


علشان ترتاحين ....
لا تتناقشين ....

اللي يقولونه .... قولي
صح


و رددي الدعاء اللي حاطته بتوقيعي ....

أنقر للتوسيع...

يزاج الله الف خير
ردج فيه وايد حلول وماهي صعبة
صح المفروض أسولف عن المواقف لان دايما على أساس بسولف اقوم و أخر الأولي و التالي عن نفسي و حياتي

البارونـه قال:

انج تردين بكل تحفظ ودبلوماسية ، ذكاء اجتماعي
طبعا ردي مختصر بس اقدر اقول ان كلنا جي ، خاصة من الناس الي تحس انها صح والكل غلط
وخاصه اذا كانت خالتج او عمتج مهما تكبرين بتضل تحسج صغيره ف تحاول تتدخل وتفرض رايها
بس خلاص دامج كبرتي وصرتي ناضجه فـ لازم يحترمون خصوصيتج وانتي الي لازم تفرضين هالشي
واذا احتجتي استشاره استشيري الشخص الصح مو الي بيضل يحسسج انج دوم محاتجته ويفرض رايه بكل شي
بتابع الموضوع يهمني انا بعد

أنقر للتوسيع...

تتخيلي .. صارت لي مشكلة و فضفضت حق أكثر انسانة ممكن تثقين فيها .. لان ابي الحل
مرتين مو مرة تعايرني بنفس المشكلة
و تربط تصرفاتي بذيك المواقف مع مواقف ثانية تبيني اسويها
الشكوى لله :eh_s(2):

skon قال:

بعض الناس..منشغل بحياة غيره

وين رحتوا ؟،،متى جيتوا؟!!!

حامل ؟
ليش تأخرتي ب الحمل

منك ولا منه !!!!؟

بطلي حمل عيالك كثير !!!؟

موظفه ؟عندك شغاله ؟!!

ليش سويتي،،ليش حطيتي ؟!!


هم يشوفون انها ميانه عادي اسأل اتدخل



أنا اعتبرها قلة ذوق !!

بنظري مالهم علاج

غير التجاهل ....والله يرزقنا سعة الصدر

أنقر للتوسيع...

الله يرزقنا و ياكم بسعة الصدر
:eh_s(7):