امي تكرهني او انا اكرهها ؟! محتاره

MinnieMouse · 5 مارس 2014

السلام عليكم
شلؤنكم

بدايه انا مو صاحبة النك نيم انا رفيجتها وانا مو متزوجه وعمري 19
ورفيجتي متزوجه " علشان لاحئ يغلظ بيني وبينها "

بنات انا احس امس حيل تكرهنني ما ادري ليش
دايما تفضل اختي علي
انا اختي اكبر وحده بعدها انا وعقب اخواني لصغار ماعندنا خوات

امي دايما تحجي مع اختي وتحبها حيييل وماترضئ اذا غلظت عليها اما انا عادي
يصادف مرات ان امي تقول حق اختي اشيا انل ماعرفها وانا اكتشفها بالصدفه امي تقول هاو ماتعرفين ؟؟
يعني شلؤن بعرف اذا ماقلتولي !!

نرات اكون قاعده مع اختي وامي تي عندنا
تيلس تتمدح باختي وتذكر افضالها وتذمني
ويحز بخاطزي حييييل

كل اسررااارهم مع بعض مايخبروني شي !!!
احس امي تكرهني واحس انا اكرهها مادري لييش !!

مادري شسوي
اعز امي لكن احس انها تكررهنني واحس اني كرهتها

بخاطري تلمني وتضمني وتسولف معاي
احس علاقتها معاي جامده
لو شافتني ابجي او احد من اخواني طقني ماتقول شفيج او ليش تبجين او اتدافع عني
تكون بارده ولا يتحرك لها ساكن جن ماصار شي !!!

بنات ش الحلل ؟؟
مادري شنو اقول بس والله ابجي وايد من هالموضوع
ابي امي تحس فيني وترجع علاقتها معاي طبيعيه
وايد تعاملني بجفاء

واختي نفس الشي

اسفه عالبدليات اكتب من الفؤن

~ بنت الهدى ~ · 6 مارس 2014

مافي ام تكره بنتهاا يتروالج

قــمر · 6 مارس 2014

لا تكبرين الموضوع وايد وتفكرين فيه وايد وتقول امي ماتحبني بالعكس قولي امي تحبني ومافي ام ماتحب بنتها ويمكن معاملتها مع اختج الكبيره تختلف شوي لانها الكبيره ودائما البنت الكبيره تكون ذراع امها اليمين وتساعدها في كل شي وتكون مسووله عن البيت مع أمها وأنتي اشغلي نفسج بدراستج وربعج وادعي ربج باللي خاطرج فيه ومع الوقت هالافكار بتروح عنج

sara_87 · 6 مارس 2014

حاولي اتصارحينها كلميها هذي امج

ابدي انتي اول ٫٫سولفي معاها طلعي لها اللي بقلبج لميهااا بوسيها وصدقيني اهي ماراح اتردج

اتقربي لها اكثر

*E.B.D.A.3* · 7 مارس 2014

يمكن اهي لي الحين شايفتج صغيرة وماتقدر تطالعج بنفس النظرة الي تطالع فيها اختج بحكم انها اكبر ...
يمكن اختج فيها كل الصفات الي امج تحبها مثلا طبخ تنظيف مادري .. يمكن ذوق اختج باللبس يناسب ذوق امج فتميل لها
الزبدة من كلامي هذا
ان في اشياء مشتركه بين اختج وامج ،، اكثر منـج ..
فانتي شوفي ارضية مشتركة توقفون عليها انتي وامج ..
شوفي شنو اكثر شي تحبه امج وتقدره ؟
يعني انا امي ، تحس انها تملك الدنيا اذا بتزور احد وانا اسويلها كيكه واروح ازور معاها .. اوووه والله ماتخلي احد ماتقوله
وتقعد تسولف بهالسالفه اسبوع هههههه وماتنسى هالشي

فانتي شوفي امج شنو اكثر تقدره .. وسويه لها

معصبه وايد · 8 مارس 2014

مثل ماقالو البنات مافي ام تكره بنتها هذا الشيطان يوسوس لج اعوذ بالله منه

الله يسخرها لج ويسخرج لها والله يهديج وتشيلين هالافكار حتى لو تشوفينها من واقعج لاتفكرين فيها وان شاءالله الله يعطيج على نيتج

@@نور الدنيا@@ · 9 مارس 2014

يمكن لان اختج اكبر منج وامج ترتاح تسولف وياها واتقولها الاخبار اول باول ويمكن اتتي تعاندين امج او تسوين اشياء امج ماتحبج تسويها ..ع العموم مافي ام تكره بنتها ..بس اكيد في اخلاف ف الحب لان محد يقدر يتحكم بمشاعره ..انتي اللي عليج تقربي من امج وبوسيها ع راسها صبح ومسا وخليها ترضى عليج ..وربي يهدي النفوس

kuwaitawiya · 14 مارس 2014

كلنا بسنج حسينا نفس الشي بس لما كبرنا اكتشفنا انها خرابيط واوهام
حاولي تكلمينها وتصارحينها بهدوء عشان تنتبه حق طريقتها بالتعامل معاكم بالمستقبل

عتام · 14 مارس 2014

أنا بصراحه استغرب من ردودوكم ..

وما ادري ليه الاس يشوفون الأم بعين القدسيه ؟! .. الأم مو ملاك .. ، الأم بشر .. تحب ذا و تكره هذا ..
فيه كثير أمهات يكرهون عيالهم .. لأسباب كثيره .. بعضها سخيفه .. مثل اللي تكره بنتها لإنها تغار منها !!
لأن أبو البنت يحبها اكثر من أمها فتغار هاذي و تقلب على بنتها .. وهالأشكال قابلتهم بحياتي .. وقريت عنهم بعد !

مو لأنها حملتها ببطنها تسع اشهر معناته تحبها ولا يمكن نكرهها .. وهالزمن اكبر دليل ..الأم تولد من هنا
والخادمه هي اللي تربي و تحن و ترضع من هنا !! أذكر مره قال الشيخ وسيم يوسف ان واحد من ربعه .. بنته
عمرها ثمان سنوات وماتعرف تتكلم عربي ! عايشه مع الشغاله رغم ان امها موجوده !!

قبل ايام قريت موضوع عن القاصرات السوريات أهلهم يبيعونهم بثمن بخس لدور الدعاره بلبنان
وتركيا !! وين المحبه ؟؟ لو بأحكي من اليوم لين يوم القيامه ما بخلص إستشهدات .. على كراهيه
الأهالي لأبنائهم .. ذا شيء موجود ونعيشه في مجتمعاتنا

بالنسبه لك حبيبتي .. فالله يعينك .. و لا تخافين واضح من كلامك ان بينكم اختلافات نفسيه
نظرا لطبيعه شخصياتكم المختلفه .. وذا باين .. لإن ما اشوف تصرفات كراهيه واضحه هنا من اللي كتبتيه
مجرد احساس في داخلك إلا اذا كان فيه اشياء ماذكرتيها .. مثلا تدعي عليك تسبك تجرحك تضربك اشياء مثل
هاذي ..

بالنسبه للإختلاف اللي قلتلك عنه ..فالموضوع بسيط وحل هذا سهل .. انك .. تحاكين تصرفاتها .. ،
شوفي اختك بأيش مختلفه عنك ؟ كيف شخصيتها ؟ تشبه شخصية امك ؟؟ فكري .. وراح تلاحظين السبب ..
والإنسان بطبيعته يحب يعطيه الطرف الأخر المجال للحديث عن نفسه .. حاولي تفتحين مواضيع مع امك تدور
في فلك اهتمامها .. خليها تتكلم عن اشياء تحبها .. انتي فاجئيها بشيء تحبه ..

وانتبهي .. لا تبنين اي امال عاليه بأحد عشان لا تحسين بالخذلان .. فلا تتوقعين منها تجاوب عالي ..
زي ما تتمنين .. ولا تطالبينها ولا تطالبين اي احد يحبك ويهتم فيك .. الحب يُعطى ولا يطلب ..

حبي نفسك .. ولا تنتظرينه من احد .. اذا جاء اهلا وسهلا واذا ما جاء فما عليه حسوفه ..
وصدقيني راح ترتاحين ..

واذا حبيتي تتناقشين اكثر او تستفسرين او تفضفضين .. انا حاضره ..

نجمه السيد · 14 مارس 2014

مافي ام ما تحب عيالهايتهيالش غناتي ساعات نتصرف تصرفات تضايق الام وصوتت تعصب علينا مومعناهاماتحبنا مع. الأيام راح تفهمي قصدي ابسط مثال ولدي الصغير ساعات اعصب عليه بس مومعناهاماتحبنا ما حبه بالعكس هي تحبس بس أوقات البنات البجر تكون اقرب لامها وتتحمل مسووليه البيت والأسرار مع أمها وتكون بينهم أشياء مشتركيه بس صدقيني الام تحب كل عيالها والتفرق بينهم أبدأبد

فّقدّ · 14 مارس 2014

البنات ماقصرو فوق ()*

ولكن !

حبيبتي الواضح أن طبعج حساسه وتدققين وأجد .
أنسي وعيشي يومج بأنج تحبين أمج وأمج تحبج ..
وأكثري من الأستغفار .. كثير كثير كثير مهم
وبتشوفين الفرق صدقيني , والدعاء ( *** )
كل يوم أدعي أن الله يلين قلب كل الناس لج
ويسخرلج كل خير ()*

وموفقه خير يآ حلوه ()*

meera15 · 14 مارس 2014

مشكلتك طبيعيه ومتكرره في كل بيت
لان انت ترتيبك الثاني بعدد الاولاد

ودائما دائما دائما ثاني ولد او بنت يغار من الابن الاول البكري

مشكلتك طرحتيها من الزاويه اللي تشوفينها
وحسستينا انك مظلومه
وانا متاكده لو بنسأل والدتك
بنلاقيها تعبانه منك ومو عارفه كيف ترضيك

الحل بنظري
1-عززي ثقتك بنفسك
2- حبي والدتك واحترمي اختك الكبيره
3- تخلصي من دور المظلومه
4-افتحي معاهم صفحه جديده
5- استشيري الاخصائيه الاجتماعيه عندكم في المدرسه او الكليه عشان تساعدك

حاولي تجتهدين وتحلي مشكلتك قبل لا تكبرين وتكبر معاك وتكون عواقبها وخيمه
الله يوفقك ويسعدك :eh_s(17):

ذات الهمة العالية · 19 مارس 2014

أرقى نفسك وخلى امك ترقى نفسها وانتى ارقيها انا ما قريت الموضوع بس سامعة شيخ يقول لو كان جذية معناته احد حاسدكم والله اعلم

البحث

امي تكرهني او انا اكرهها ؟! محتاره

MinnieMouse

New member

~ بنت الهدى ~

New member

قــمر

New member

sara_87

New member

E.B.D.A.3

New member

معصبه وايد

New member

@@نور الدنيا@@

New member

kuwaitawiya

New member

عتام

New member

نجمه السيد

New member

فّقدّ

New member

meera15

New member

ذات الهمة العالية

New member