مجهودي , ملف متكامل عن العنايه بالجسم والنظافه الشخصيه

كوين سويرا · 27 مارس 2014

عجيييييييييييييييييييييييب !!
جد جد يجنن الموضوع عساج عالقوه:eh_s(22):
استفدت حيل ماتقصرين عمري
وااي عاد انا اكثر انسانه اتحلس واتملس = اهتم بنفسي

اهم شي النظافه و الريحه هالشي يحبب الناس فيج اكثر

متشكره ماننحرم :$

بنوتة اماراتية · 27 مارس 2014

تابعي فديتج وايد عجبني موضوعج حياتي :eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7):
الله يحفظج ويوفقج فيه معلومات وايدة ماكنت اعرفها:yaaaaaarb::yaaaaaarb::yaaaaaarb::yaaaaaarb::yaaaaaarb:
الله يفتح عليج وانا احب البنات النظيفات واللي يهتمون بعمارهم شراتج:eh_s(22)::eh_s(22)::eh_s(22):
تابعي تابعي تابعي ......... وشكرا لج عزيزتي مرة ثانية :eh_s(9)::eh_s(9)::eh_s(9):

مـوج · 29 مارس 2014

كوين سويرا :

هههههههههههه مثلي أحب آخبص بالخلطآت والكريمات وهالاشياء ♥

آي صادقه بعض البنات الله يهديهن ماعندهم من ينصحهم ويرشدهم..

نورتي حبوبه ، مَ أنحرم من طلتك ..

بنوته اماراتيه :

امـــــــــــين يااارب الله يوفقني ويوفقج ويوفق الجمييع ..

حبيبي هدفي بهالموضوع إني أفيدكم وافيد اللي ماعندها من يعلمهاا ويسنعها ..

ولا ننسى إن النظآفه من الايمآن ♥♥

وشيء معروف ان النظاافه تريح الاعصااب ..

العفو حيآتي /،

نــــــــورتـــــــــي حبوووبه زوريناا مره ثاانيه

ظبية بوظبي · 29 مارس 2014

كملي حبيبتي
احلى شي فيش شرحش رهيب

0oR0R0 honeyo0 · 30 مارس 2014

سنعه سنعه مشاءالله عليج
مجهوود تشكرين عليه الصراحه
ناطرين البقيه ~
ومعليج امر نبي خلطات تفتح الجسم بس ماتكون فيها روايح نفس الفكس والروايح القويه
وكذالك الشعر نبي اشياء نفدر نستمر عليها ومافيها روايح
وشكرا لج حبيبتي

مـوج · 31 مارس 2014

ظبية بوظبي

فديتج حيااتي احرجتيني وربي ،

عساني ما أنحرم من هالطله يالغلاا ، نوريناا مره ثانيه

0oR0R0 honeyo0

ياعمري والله ، تبشرين ياقلبي..ولو ماعاش من يردج

حاضر من عيوني ، العفو ياقلبي..احنا خوات مابيننا شكر

نورتي يادنيتي الله لايحرمني من طلتج ، نوريناا مره ثانيه

misS cute1 · 1 أبريل 2014

تسلمين على هالمجهود ماقصرتي وربي يعطيج العافيه وفي ميزان حسناتج يارب

منيره آل ثاني · 1 أبريل 2014

موضوعج يا بوقته لآني احب النظافة الشخصيه واهتم وايد

مشكوره على الموضوع في ميزان حسناتج إن شاء الله

مـوج · 4 أبريل 2014

بعععععد عمممممري ، نورتوااااااااااااا ..

جذي شجعتوني أكمل ، ونبدأ من هالحين ..

تسلمون بنات ، ابيكم تسوون كل اللي تقدرون عليه يعني مو بس ردود وشكر

اللي عندهاا ولو معلومه صغغيره لاتبخل علينااا ..

عارفين ان اللي يكتم العلم حراااامم ..

الله يجزاكم الجنه يارب ..

انتظرووني

مـوج · 4 أبريل 2014

بسم الله ..وقفنا عند تعطير المنطقه الحساسه
علمتكم كل شيء بس بقى تعطيرها وبعدين ناخذ اشياء ثانيه..
اول شيء نصيحه يابنات :
وربي يابنات المنطقه الحساسه على اسمهاا ، لاتستخدمين اي اشياء ضاره لها
تأكدي 100% قبل لاتستخدمين الشيء ، مو اي وحده تجيج تقولج والله انا استخدمت جذي وفادت وياي وو .. آلخ ، حتى ولو اقسمت لج بالله ..
ماقولج كذبيها ولا تسمعين كلامهاا ، بس بقولج أحرصي على هالنقطه ..
أهم شيء أحرصي ان المنطقه تكون ..
بيضاء ..
ناعمه ..
رائحتهااا طيبه أو ع الاقل رائحه طبيعيه ..
نظيفه ..
يعني لاتطمعين وتقولين لا ابغاها انعم من جذي ، أبيض من جذي ، انظف من جذي..
*

تــــــــــعــــــــــــطير المنـــــــــطقه الحســـــــــــــاســـــــــه :

بنات للأماانه ، مو كل هالمعلومات من عندي للامانه بعضها أخذتها من النت ..

بس ماجبتلكم شيء إلآ والبنات مادحينه .. و ع فكره وربي أفيدكم واستفيد انا بعد .

فيه اشياء كنت غافله عنهآ ^^ ..

اول شيء يابنات نحرص على اننا نستخدم البودره ..

والبودره احرصي أن أستخدامها يكون بالمناطق الخارجيه .,

أحسن بودره للمنطقه الحساسه femfresh

وهاي صورتهاا ..

حدهاا عجيبه ، هي طبعا فيه منها مجموعه تتكون من :

بودرة femfresh..

مزيل عرق femfresh..

مناديل معطره للمنطقه الحساسه femfresh..

والباقيه ما اعرفها ما استخدمتها هع ، والله روعه هالمجمووعه

أسمها بالعربي فيم فريش ^^

*

بس يَ بنات حاولوا بقدر المستطاع أنكم تستخدمون أشياء صحيه وتسوونها انتم بالبيت..

أضمن لكم ،/ ..

هذي بعض الاشياء لتعطير المنطقه :

1- مكعبآت المسك فيه منها صابونه ومنها مكعبه تحصلينها عند محلآت العود والبخور

2- غسولات طبيه ، سيباميد / أنتيما / ايفون

3- خلططه جمممميللله .. مآء ورد / ماء كادي / زيت جونسون حق الاطفال ..

أخلطيها مع بعض وأغسلي بها المنطقه.. وجوفي الفرق بعدين ..

4 - هآتي قطنه وبلليها بزيت المشمش ، يمدحونهآإ

تحذير :

يابنات كثير مننا يغسلون ملابسهم الداخليه ب الكلوركس

وهالشيء يسبب حساسيه والتهابات للمنطقه ، ربمآ يسبب اسمرار ..

وانا وربي لاحظت هالشيء .. طيب والحل ؟

الحل عندي ، أنتي طبقي وانا اعلمج الحل :

أول حاجه ييبي ماء دآفي يميل للحرآره ونقعي ملابسج الداخليه فيه لمدة 10 دقايق ع الاقل ..

انا التنقيع هذا استخدمه بكل شيء حتى عبايتي انقعها خخخخ ..

بعدين ييبي صابون سائل أو العادي ، وأفركي فيه ملابسج ..

بعض البنات ينصحوني ب ديتول

عموما ،/ آبـــــــــــــــدآ لاتستخدمين آلعطور المركزه لملابسج الداخليه..

استخدمي البخور أستخدمي المسك استخدمي الدآوني لكن إلآ العطر ..

بعدين اساسا احنا نعرق خصوصا بالدوام ، ف عطر وعرق ماتجي ، تفوح ريحتج ع الفاضي..

شيء ثاني مهم :

ضروري يابنات أول ماتشترون ملابسكم الداخليه تفركينها بالصابون والماء الساخن .

لإن تخيلي ملابسج تصنع ف دول مختلفه فـ تلامسها ايدي كثيره ..

ايش عرفك إن هاليد مو مجرثمه أو اللي مسكهاا فيه مرَض..ربما ينتقل لج لاسمح الله.

عشان جذي أنتي حرصا على سلامتج وصحتج نقعيهم قبل لاتلبسيهم ..

وهذي طريقتين وايد حلوه لتعطير الابط والمنطقه الحساسه ، للتعطير قلنا :

ييبي مسك وأبشريه وأخلطيه مع شبه مطحونه ، أستخدميه بدال مزيل العرق وجوفي الفرق ..

2 - كريم جلسرين الاحمر .. ابشري المسك مع الجلسرين وحطيه بعلبه صغيره واستخدميه يوميا وبتدعين لي ان شاء الله ..

بنات انا كفيت ووفيت بالجزء الاول ، لذلك هالجزء بالنسبه للمنطقه تكلمنا عن تعطيرها فقط .. والحين بنتكلم عن اشياء ثانيه ..

بالجزأين تكلمنا عن :

العنايه بالجسم ..

ازالة الشعر الزائد من الجسم ..

تبييض الاماكن الحساسه ، المؤخره ، المنطقه ,,

العنايه ايام الدوره ..

تعطير المنطقه الحساسه ..

برب لاحد يرد بلـــــــــــيـــــــــز لماا أخلص حبيبااتي ..

مـوج · 4 أبريل 2014

*

وحده من الاخواات الله يسعدها طلبت مني اعلمكم طريقه لإزالة الشعر اللي تحت الجلد .. قالت انها بعد ماتشيل بالحلاوه تطلع لها بقع ,,

حبيبتي أول شيء الحلاوه بطلوهااا .. أستخدمي فيت ؤربي ماتحصلين أحسن منهآ ..

بس حتى فيت تطلع بقع بس البقع اللي تطلعها تقدرين تسيطرين عليها مو مثل بقع الحلاوه ..

بعد ماتشيلين الشعر تيبين زيت زيتون وليمون ، أو زيت زيتون لحآله ..

وتفركين فيه ايدج أو سيقانج أفركيهم زيييين بالزيت ، وراح تحصلين نعومه ولمعان والبقع اختفت .. بس استخدمي هالطريقه من أول ماتشيلين الشعر ..

بالنسبه ياحبيبتي لسؤالج الثاني :

افضل الموس للساق ..

بقولج برضوووه ماراح تحصلين أحسن من الموس الوردي النسآئي

أستخدميه لـ المنطقه الحساسه و الابط .. اذا سيقانج من النوع اللي مررررره حساسه

مثل سيقان عمتي ماتتحمل الشمع والحلاوه .. ف مسكينه تستخدم الموس النسائي

مع إنو ممكن يطلع شعر مره ثانيه بس مو مثل الموس الازرق

حاولي تستخدمين فيت .. وسوي سنفره كل أسبوع وهي عباره عن :

سكر .. أو ملح

زيت زيتون ..

ليمون ..

وابدأي افركي السيقااان ززييين الين ماتصير حمرآء بس مو مره يعني ورديه ..

وللامانه يابنات انا سيقاني كانت كلهاا نقط سوداااااااء وشعر تحت الجلد ..

وربي سويت طريقه من اختراعي سهله مررره مررره ونفعت وياي من أول مره . .

سويتها يمكن 4 مرااات عشان خلاص تنمسح سيقااني ..

وحده من منتدى مصري قالت انها استخدمت تآيد لحاااله ..

بس انا استخدمت تايد وسكر ومااء .. اللي حابه تستخدم ماء أو زيت زيتون براحتكم

أول شيء أمسكي التايد واضيفي له السكر والماء وافركي سيقانج..

افركيها على تحت وسوي كذا حركه .. لمدة ربع ساعه واغسلي السيقان وجوفي كيف بتصير .. قسم بالله يابنات قسم بالله نعوووومه بشكل فضيع وبياااض ولمعااان ..

للامانه هالشيء على ضماانتي انا موج ..

ومع السنفره والكريمات بتحصلين نتيجه آحلى وآحلى..

اي سؤال بالنسبه للاشياء اللي تكلمنا عليها لايردها إلأ الكيبورد ..

انتي بس اسأليني وانا بفيدج باللي اعرفه والله ماجيبلج شيء من راااسي ..

مافيه وحده تخدع خواتهاا ..

وحده من الاخوات ربي يحفظها سألتني عن اشياء تفتح الجسم بس ماتكون فيها روائح..

ياعمري اللي يبي الزين يتحمل وربي..تحملي عشان نفسج..

وأنتي تستخدمين هالشيء تذكري أنه هو سبب لعلاج مشكلتج اللي تعانين منها..

إلا اللهم فيه بنات عندهم حساسيه مثلا من ريحة الحناء .. بس حاولي تتحملين

اسمعي ياقلبي أول شيء استخدمي كريم كااااب .. الله الله ي هالكريم جممميللل .

ينعم .. يلمع .. يوحد اللون .. يبيييض .. يزيل التشققات .. وهل فيه احلى من جذي؟

استخدميها لجسمج وجوووووووفي الفرق بين قبل و بعد

سنفرة كاب الكل يشهد على فعاليتها ونتيجتهاا .. والله ماقد وحده استخدمتها وندمت..

سعرهااا بالسعوديه 35 او 45 .. أخذت لي ثنتين من السعوديه قبل لا ارجع للندن

وآآآآآآآآآآآآآآآآو ، اتخيلوا عمتي كانت تتمصخر علي يوم استخدمها ,,

والحين تطلبني انها تستخدم من حقتي ههههههه

هذا شكل الكريم للي مايعرفونه :/

ل

للجسم والوجه ، والله والله يابنات الله يشهد علي ان هالسنفره روووووووووعه

*

طريقة الاستخدام :

اول ماتدخلين للحمام اكرمك الله بعد ماتتروشين خذي مقداار من الكريم وأفركي فيه جسمج زيييين لمدة خمس دقايق ع الاقل بعدين اشطفي جسمج وافركي بالليفه المغربيه

وشوفي البلااااااااااااااااااااوي اللي تطلع من جسمج ههههههههه

وربي تخلي جسمج حرررررررررريررررر وصااااااافي ..

طريقة استخدامها للوجه :

مرتين أو ثلاث مرات بالاسبوع .. حطيها على وجهج وأفركي بشكل دائري واشطفيها..

الطريقه جدا جدا جدا سسسسههله ، ,,

والحين راح نتكلم عن الشعر ..

راح نتكلم عن :

1- كثافته

2- تطوويله

3- نعووومته

4- سوداانه أو شقآره .. يعني اللي تبيه اسود او اشقر راح نتكلم عن الاثنين هع

وفيه أحلى من كذاا ؟!

يتبع لاحد يررررررررررررد ..

مـوج · 4 أبريل 2014

كــــــــثـــــــــــــــــآفة الشعــــــــــــــــر :

اول شيء بنتكلم عن اسباب تساقط الشعر :

من الاسباب الممكنه يعني ، ـ

1- الاستشوآر

2- تمشيطه بطريقة غير صحيحه أو المشط يكون ثقييل وخشن ..

3- الضغوط النفسيه والعصبيه ..

4 - اضطرابات الهرمونات ..

5- الادويه العلاجيه ..

6- سوء التغذيه .. وهذا من اهم الاسباب ..

هذي بس اللي اتذكرهآ ، فيه اشيااء وآيد مفرطين فيهآ ..

اول شيء انتي لازم تحرصين على أكلج ونظامج الغذائي ..

العلاج :

أحرصي على الفوآكه والخضرآوآت ..

أكثري من شرب المآء ..

واهم شيء خليج ريلاااكس ولاتعصبين ولا تضغطين نفسج لانج بتضرين نفسج من نواحي كثيره .. ومن ضمنهاا ناحية تساقط الشعر ..

وبذكرلكم وصفات وخلطات سهله مرره لكثافة الشعر .. بعضها من النت وبعضها من تجربتي ..

أول شيء بذكر لكم تجربتي " ..

فصة ثوم ..

قطعي الثووم وأهرسيه .. حطيه بقدر وصبي عليه الزيت ..

بعد جذي سخنيهم ع النار بس لاتخلينهم مررره يحترون ..

اذا صار الزيت حار خليه يبرد ..

بعد جذي صفي الزيت بالصفايه من الثووم ..

وأمشطي شعرج زين وحطي الزيت عليه،ـ

خليه 8 ساعات بالكثير وأغسلي شعرج ..

والله يابناااااااات ، نعوووومه ، كثاااافه ، طوول ، يخلي شعرج روعةةةة ..

بس لاتنسين تسمين بالله قبل لاتبدأين ولاتنبهرين لاجفتي النتيجه قولي ماشاء الله تبارك الله .. يابنات احرصوا على هالنقطه تكفوون

وهذي وصفه جفتها بالنت ، الكاتبه تقول :

بسم الله الرحمن الرحيم
السلام عليكم ورحمة الله وبركاته
كيف حالكم بنات..ان شاء الله كلكم بخير
عندي لكم وصفة عجيييييييييبة لإطالة وتكثيف الشعر بشكل ملحوظ في مدة قصيرة..

انا شخصيا جربتها وافادتني كثييير،مع ان شعري ماكان قصير كان طوله حلو،بس استفدت كثير،واختي كان شعرها قصيير وقليل مرررة واستخدمت نفس الوصفة وشعرها صار كثيييف وطويل،طبعا مش طويل مرررة،بس بالنسبة لأول صار اطول والفرق وااااااضح في الطول والكثرة ..
واختي بعد استخدمتها لولدها كان اصلع ومن اول مرة حطت له بدى شعر خفيف يطلع له بس واضح الفرق من اول استخدام ..
و زوجة اخوي استخدمتها وتقول انها لاحظت ان شعرها طول،وبعد استخدمتها لبنتها الصغيرة..كان شعرها خفيف و لاحظت الفرق بسرعة..صار اكثف..
وصديقة اختي واختها..هي شعرها طويل بس استخدمت نفس الوصفة وتقول ان شعرها صار اكثر..
وللمعلومية ان شعرها كثر وهي ماصار لها من استخدمتها الا ستة ايام ..بس لاحظت الفرق بسرعة..والمفاجأة لكل وحدة تعاني من القشرة ان هذي الوصفة تزيل القشرة نهائيا في فترة بسيطة مهما كانت كثرتها..لان صديقة كانت تعاني من القشرة ،وبعد مااستخدمتها في سته ايام لاحظت ان شعرها صار اكثر وان القشرة اختفت تماما من شعرها..
وانا بعد كانت القشرة وااااضحة في فروة الرأس بس بعد ما استخدمتها،مافي أي اثر للقشرة نهائيا...
عموما هذي الوصفة ماكتبتها لكم الا بعد ماجربتها اكثر من وحدة (انا،وثلاث من خواتي،وصديقة اختي واختها،و زوجة اخوي،وبنت اخوي الصغيرة،ولد اختي الصغير) وكلهم امدحوها كثييير...
وتنفع للصغار الي مافيهم شعر..ماتأثر عليهم بس اهم شي مايطوّل الزيت في شعورهم لإن الصغير مش مثل الكبير يستحمل حرارة الشعر اذا جا يطلع،لأن الفرق بيصير اوضح والشعر ينبت اول ماتبدئين تدلكين فروة الرأس ،في نفس الوقت تلاحظين،حتى قبل ماتغسلينه له،بس اكيد راح يبكي طول ماهو في شعره..
وهذا اكبر دليل على ان الشعر راح ينبت و تبدئين تحكين مكان الشعر الي توه بيطلع..

وان شاء الله كلكم راح تلااااااحظون الفرق..وكل مابغيتي يصير اطول واكثف ..استمري عليه فترة اطول..اقصد اذا لاحظتي الفرق خلال اسبوع..لاتتركينه،استمري لمدة شهر...و راح تدعين لي ..لان النتيجة الي بتشوفينها خياااااال...نتيجة رهيييييبة ...وكل مازادت المدة اكثر من شهر صارت النتيجة...((راااااااااائعة))
واللهِ العظيم اني ما أبالغ ...وانتو بنفسكم تحكمون بعد ماتجربونها..(والتجربة خير برهان)
على فكرة : .بس قولوا........ ماشاااااااااء الله........(( اخاف على شعري طبعا ))
انا واختي استخدمناها ثلاث ايام ولاحظوا اهلي ان شعري وشعر اختي صار اطووول واكثثف...
واذا مش مقتنعة جربي خلي احد يقيس لك طول شعرك من(البداية الى الاطراف)بالمتر،واستخدمي هذي الوصفة يوميا،وبعد اسبوع رجعي وقيسي طول شعرك مرة ثانية...واكييييد راح تتشجعين اكثر ،وتستمرين عليها فترة اطول،وبتدعين لي،
وحكمي بنفسك بعد هالتجربة،و رجعي كتبي للبنات في هذا المنتدى ملاحظاتك..

ادري اني طولت عليكم بالكلام ... بس انا ماكتبت لكم هذا الموضوع الامن فرحتي واني حابة افيدكم مثل ماافدتوني..وبغيت اشجعكم لأن هالوصفة بصررراحة ماتتفوت..

بس عيبها شي واحد..((ريحتها قوووية،بس الي يبغي الورد....يصبر على شوكه))
وانا ماانصح المتزوجات يستخدمونها..لأنها اذا شمها زوجها...بدل ماتدعي لي ...راح تدعي علي...
الا في حالة استثنائية..اذا كان زوجك مسافر او دوامه shift او كل اسبوع يجي لك يومين..يعني اهم شي مايكون موجود فترة استخدام هالوصفة ..وقبل مايجي عطري البيت وبخريه...ولاتنسين تعطرين شعرك بعطورات الخاصة مثل)عطر مايا من زهور الريف،او تستخدمين كريستال سيروم،بعدين بخريه)عشان مايشم منك الا الروايح الزينة..
المهم مابنطلع برى الموضوع.....
الوصفة عبارة عن:
اولا:مكوناتها هي:
نواة التمر + عين الجمل( نوع من انواع المكسرات تسمى بهذا الاسم) بمقدارين متساويين
( والمقدار تقريبا : 2 كأس بلاستيك لكل منهما )
بيالة حلبة
بصلة مقطعة قطع كبيرة
2فص ثوم مقطع قطع كبيرة
بصلة مفرومة فرم ناعم نعصر مائها باليد
2فص ثوم مفروم نعصر مائه باليد
كمية كافية من الجرجير(نعصره) مقدار كأس واحد (بلاستيك) معصور
علبة كاملة كبيرة زيت جوزالهند
علبة كاملة كبيرة زيت دابر املا الاصلي (الاخضر) مش الاصفر
علبة كاملة زيت الأس(من العطار)
كمية قليلة جدا من دهن الورد(من العطار)
ثانيا:طريقة عمل الوصفة هي :
1- نأخذ (نواة التمر+ عين الجمل) ويحرق على النار ثم يطحن جيدا ثم يعجن بدهن الورد
الى ان يصبح مثل المرهم ((وتستخدم هذه الوصفة ايضا لتغزير شعر الحواجب))
2 – نطحن الحلبة
3- نخلط الزيوت (زيت جوزالهند + زيت دابر املا + زيت الاس) في علبة كبيرة
4 – نضيف ماء البصل والثوم المعصور بواسطة اليد +ماء الجرجير (المعصور)
5 – نضيف على الزيوت ( في نفس العلبة الكبيرة الي خلطنا فيها الزيوت) نضيف(نواة التمر+عين الجمل)المطحون+الحلبة المطحونة
6 – نضيف على الزيوت قطع البصل والثوم في نفس العلبة الكبيرة (( ويمكن اضافة الفلفل الاخضر الحار بعد تقطيعه ))
7 – نرج العلبة حتى تختلط الزيوت والحلبة و..و..و..مع بعض.
8-تترك ليلة كاملة قبل الاستخدام حتى يأخذ البصل والثوم مفعوله على الزيوت
ثالثا : طريقة الاستخدام هي :
1- تدلك فروة الرأس جييييييدا مع الاطراف
2- يغطى الشعر بالغلاف البلاستيك الخاص بالأطعمة ( حتى تأخذ الوصفة مفعولها جيدا)
3- يترك على الشعر مدة تترواح بين ( ساعتين الى ثمان ساعات )
اقل مدة :ساعتين لتأخذ الوصفة مفعولها
وأكثر مدة : ثمان ساعات
(انا عن نفسي اتركه بشعري ثمان ساعات والحمد الله مافي أي اثر للتساقط او اجهاد الشعر او فروة الرأس)
4- يستخدم يوميا لكن يجب اعطاء الشعر فترة راحة كافية.( يعني بعد ماتغسلينه بالشامبو تخليه بدون وضع أي كريم او زيت علشان ماتجهدين فروة شعرك لأنك راح تحطين زيت يومياًً)
(اما اذا كان شعرك يحتاج للكريم او الزيت بعد ماتغسلينه بشامبو يفضل انك تستخدمين شامبو مرطب مثل شامبو دوف 2في1 لجميع انواع الشعر،عشان مايخليه جاااف،او أي شامبو ثاني مرطب،واذا كنتي ماتقدرين تستغنين عن الكريم بعد ماتغسلينه يفضل انك ماتكثرين من الكريم بس مسحات خفيفة على الشعر،عشان مايتطاير هذا اذا كان شعرك جاف)
وعلى فكرة:ترى هذي الوصفة زيادة على انها تطول وتكثف الشعر بعد تنعمه،ومع المداومة تشوفين شعرك صار مايحتاج أي كريم،بس غسليه بشامبو ومشطيه وخليه يجف على الراحة وبتلاحظين نعومته صارت طبيعية وماتحتاجين لشي..(خصوصا اذا كنتي تغطين شعرك بالغلاف البلاستيك الخاص للأطعمة،لأن الشعر يتشبع من الزيت)
اخيرا...
راح اختصر لكم مميزات هذه الوصفة :
1- تطول الشعر
2- تزيد من كثافة الشعر
3- تنعم الشعر
4- تزيل القشرة تماما...
5- تنفع للأطفال ...

بس اماااااااااااااااااااااااانة من كل وحدة تقرأ هالموضوع لاتنسى تدعي لي ان الله يحقق لي اللي في بالي قريبا...تكفون (طلب وليس امر)
كل وحدة تبقي تشكرني تدعي لي ان الله يجمع بيني وبين احباب قلبي قريييييب..يااارب..لأن دعاء الاخ لاخيه مستجاب

وكل وحدة بتنقل الموضوع ..امانه عليها لاتنسى تكتب منقووول..ولاتنسبه لنفسها..
منقول

..

*

لتطويل الشعر :

ذكرتلكم طريقتي وطريقة الإخت ..

والحين بتكلملكم عن سوااده ..

للأماانه انا ماراح اعارضج واقولج لاتخلين شعرج اسود خليه اشقر مثل ماهو أحسن..

أو اقولج لاتخلينه اشقر خليه اسود أحسن..

الكل يمدح الشعر الأسود ..

بس بالنسبه لي أفضل الاشقر ، /

أهم شيء حاولي تبتعدين عن الصبغآت ،

تبين شعر اسود لامع وفاحم ؟!

تبين شعر كثيف وحرير ؟!

تبين شعر طوويل وزي مايقولون الشعر الطويل تآج آلمرأه ؟

تبين شعر الكل يتكلم عنه ؟!

أوك الحل عندي .. بس امنتك بس لاتنسين تحصنين نفسج أولا ...

تقولين ماشاء الله ثانيا ..

ما اجبرج تدعين لي سوي اللي يريحج بس جزااهاا الله الجنه اللي بتدعيلي ..

والله لمصلحتج أنتي اقولج حصني نفسج وقولي ماشاء الله ..

يابنات ترا العين

حق

*

آلطريقه :

أنا ما احتاج لشعر اسود شعري اسود من الله بس صابغته اششققرر < خآقه مع البريطآنيآت ههههههههههه

الطريقه اخذتها من النت لاني ماقد بحثت عن شيء يسود الشعر ..

الكاتبه تقول :

لشعر اسود كسواد الليل .. وصفة لإخفاء الشيب .. و لشعر لامع وناعم ولكثافة الشعر

هلا بكم حبايب هذا الطريقة نتائجها 100/ للنساء وللرجال

وانا كنت احطها على شعري ويكون لونه يزاد جمال ويكون خيــــــــــاااال ولونه حلو وجذاب

اشتري علبه كرتون حنا اسمها امير تباع في بعض الصيدليه / العطاره / السوبر ماركت /
كثيرا اشتريها من الصيدليه سعرها 6 ريال لكن تركتها لانه لايق علي الشعر بوني فااااااتح
هي بعدة الوان اختاري اللون كستنائي ومن اول استعمال سوف يصبح لون الشعر خيــــــــاااال من شدة سواده وجماله

افرغي الحنا في علبه ضعي حوالي كوب ماء وحركيه جيدا ثم ادهني به كامل الشعر جيدا
ومشطيه بمشط ثم ضعي الحنا عليه بعد 15 دقيقة قومي بشطفه وغسله جيدا بالماء والشامبوا
ان احببتي بعد ذلك ضعي على شعر شوي زبادي مخلوط بالعسل لانه بتحسين بجفاف بالشعر
او ضعي قليل من زيت الزيتون على الشعر لساعتين ثم اشطفي شعرك
بنسبه لي ما اضع شيء بعد حنا امير ......

للأهمية : من تصبغ شعرها بحنا امير والبعض يسميه الكتم لن تستطيع ان تصبر شعرها بذلك إلا ربما بعدة 5 شهور واكثرررر

لشعر لامع وناعم : اشتري زيوت من المنتجات ذات النوعية الجديدة ذات جودة وضمان ورائحة طيبه
استخدم زيت اللوز الحلو + زيت النارجين جوز الهند+ زيت الخروع + زيت السمسم + زيت الجرجير
يمزج بنسبه متساويه معا ثم يدهن به فروة الراس الجذور والشعر بكامله
ويبقى عليه مدة اربع ساعات فقط ثم يغسل استخدميه 3 مرات اسبوعيا
ويمكن لك فقط ايضا استخدام الخروع لوحده فهو رائع ويكثف الشعر و يعطي نفس النتائج لمن تستمر عليه
استخدمي لشعرك مرتين اسبوعين : كريم الببايا للشعر مره خطير يكثر يعطي لمعة يقوي الشعر

ان شاء الله تعالى ان قدرت ارفق صور لهذا المنتجات مصورتها بجوال بس ما اعرف انزلها
وابصور لكم علبه الحنا والزيوت والكريم عشان تنتبهون للتقليد
اختكم وصديقه لكم متابعة2 لا تنسوني من دعواتكم بالغيب

*

طبعا حناء الامير البعض يقوله الكتم ..

اللي صابغه شعرها لاتستخدم الحناء لانه يخلي الصبغه تختفففي..

*

*

*

وآلحين راح نتكلم عن الشعر الأشقر :

الشاااااي

ييبي شاي وماء ورجيهم زيين..

بعد كذا حطيهم بالثلاجه الين مايبردون شوي

وأستخدميهم على شعرج لمدة ساعه ع الاقل ..

بتلاحظين من أول تسبيحه والله العظيممم ..

شعر نااعم "

لمعااان ..

أحمممرر ..

~--~

طريقة ثاانيه :

هاتي حنآء وشوية ماء واخلطيهم زين واستخدميهم على شعرج ..

لمدة ثلاث ساعات أو أكثر واتسبحي ..

وربي بتلاحظين شعرج يلللمممع وأحممر ..

ونــــــــــــــــآآععممم ..

*

*

*

لتطويل الرموش وتكثيفهآ :

أنا قصيت رموشي قبل كم سنه خخخخ

كنت متعلقه مرره بالكوريين ورموشهم خلقه قصصيره ..

فـ غبائي وصل اني اقص رمشي هههههههه ..

اول شيء جبت زيت خروع ومآسكآرا فاااضيه ..

حطي الزيت داخل الماسكارا واستخدميه على عيونج بس لاينزل ع العين لانه بيعورج..

*

*

*

ان شاء الله بعد كم يوم رأح نتكلم عن :

1- تبييض الركب والاكواع ..

2- ازالة التشققات من الركب والاكوآع وتنعيمهاا ..

3- تصفية البشره ..

4 - ازالة الحبووب من الوجه والجسم..

5- توريد البشره وتوحيد لونها

واذا حابه اضيف اشياء ثانيه راح أضيف ان شاء الله ..

حبيبااتي أي سؤال حابين تسألوني عنه اسألوا لايردكمم شيء..

أتمنى شرحي يكون وآضح وكل معلوماتي دخلت بمخكم ..

لاتحرموني من تفااعلكم ،،،

* موج ,,

misS cute1 · 6 أبريل 2014

الله يسعدج حبيبتي مثل ما اسعدتيني ماقصرتي
ونتريا تكملين الموضووع

مـوج · 7 أبريل 2014

اميييين ياعمممري لك تسلم ايدك ع هالدعووه الحلووه

.. نورتي بعد عمري ..

مع الأيام · 9 أبريل 2014

تسلمين حبيبة قلبي حمستيني شكلي بدهر في نفسي والله اني مهملة وكسولة

marwa mar · 10 أبريل 2014

شكرا اختي وجزاكي الله خيراً

aحلم عمريa · 10 أبريل 2014

موضوعك يجججججنن قسم يعطيك العافيه

متواضعة · 13 أبريل 2014

شكرا موج

مـوج · 19 أبريل 2014

مع الأيام : الله يسلمك حبيبتي ، ههههههه ، أنتي توكلي على الله وتعوذي من إبليس
وأول شيء ابدأي بالاشياء السهله ، مثل صفاء البشره ، نعومتهاا ، وبكذا شوي
شوي الين ماترتقين للإعلى ان شاء الله .. نورتي حبيبتي ششكرآ عـلى مروركِ

مروه :
العفوا ياقلبي ، ولكِ بالمثل إن شاء الله ..
نورتي حبيبتي ,, تسلمين ..

حلم عمري :
مروركِ أجمل ياروحي ، الله يعافيك ياقلبي
مشكورهـ على المرور نورتي بقووه ..

متواضعة :
العفو حبيبتي ، نورتي ياقلبي
مَ أنحرمش من طلتكِ ,, تشكرآت

فديت خبآلي · 20 أبريل 2014

وعليكم السلام ورحمة الله وبركاته اول شي مشكوره ويعطيج العافية ع الموضوع الحلو يا ربي من زماااااان عن مواضيع جذي يعطيج الف عافية يا رب واكثر بعد من الالف وثاني شي ان شاءلله بجرب جم شغله حبيتهم منج الله يحفظج وين ما رحتي ويباركلج بعمرج يا رب وان شاءلله باجر بستخدم خلطة الشعر اللي ريحتها قوية وعقب اسبوع وشي بكلمج واقولج شصار معاي يا رب اليوم ماقدر استخدمها عشان عيد ميلادي &#55357;&#56834;&#55357;&#56834; فلازم اكون فريش وحلوه هههههههههه الله يسعدج مثل ما اسعدتيني يااا رب والله العظيم من شفت كلامج حييييل ارتحت الله يعطيج اكبر من الراحه اللي حسيت فيها وربي من زمان عن البنات اللي يتكلمون عن الاهتمام والحماس لبعضنا البعض وتبادل الخبرات ي الله الحين ضمنت انه المنتدى بعده بخير هههههههههه حسبته ميت استغفرلله الله لا يحرمنا منج ومن طيبج تصدقين والله اكثر شي حسيت اني استفدت منه كثرت تنبيهج ع انه نقول الاذكار ونذكر ربنا وانتي الصاجه ما يحسد الاموال الا اصحابه بس والله انا كنت ماقول الاذكار وايد لكن من اليوم الله ياجرج بكل حرف اقوله من الاذكار يا رررب امييييييين يا ربي شحلاتج

Big hug for you

مجهودي , ملف متكامل عن العنايه بالجسم والنظافه الشخصيه

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member