كويتيات للطبخ

العودة   منتديات كويتيات النسائية > >

التربية و الطفل ركن يخص جميع امور الطفل من تربية وتغذيه


تجمع مواليد وامهات شهر ديسمبر 2013 .. أحلى المواليد

التربية و الطفل



إضافة رد
 
أدوات الموضوع إبحث في الموضوع انواع عرض الموضوع
قديم 13-05-2014, 05:36:47 PM   #226
Om_HoBi
كــويــتــيــة فــعــالــة
 
تاريخ التسجيل: Aug 2013
المشاركات: 405

افتراضي رد: تجمع مواليد وامهات شهر ديسمبر 2013 .. أحلى المواليد


Sh q8
بس غيري حليب بنتج عطيها العىدي رقم 1 مو كومفورت لأن خلاص الغازات راحت الحين مو نفس قبل
انا قالتلي وحده بالجمعيه مالت ابتاميل ان من 3 اشهر خليها عالعادي بس الحمدلله انا من شهرين ونص بلشت بالعادي ليلحين






انا امي تقول ان وكلت بنتي بسكوت و حليب و كلت و تقول ان اسهل لها من المميه
و انا عطيتها وكلتها و كله اتفله ليلحين
ماراح اعطيها غير البسكوت و الحليب ليما تكمل 6 ابدي بالكوسا
بس ابي تتعلم عالقفشه و البلع عشان 6 تاكل
لأن الياهل يحتاج اكثر من الحليب بعمر 6 فمو من 6 ابدي اعلم و على ما تاكل



Om_HoBi غير متواجدة حالياً   رد مع اقتباس
قديم 19-05-2014, 08:30:28 PM   #227
chocolateBon
كــويــتــيــة جــديــدة
 
تاريخ التسجيل: Oct 2013
المشاركات: 20

افتراضي رد: تجمع مواليد وامهات شهر ديسمبر 2013 .. أحلى المواليد


السلام عليكم يا حلويين




ربي يحفظلكم عيالكم يارب ويبلغكم فيهم ..
بنفبه لبخاخ ماي الملح ترى كثرته موزينه يتعب صدر الجاهل وإذا حيل حيل محتاجينه لما تبخون لا تسدحونهم خلوهم قاعدين عشان ماينزل للصدر ربي يحفظهم ،،،

بالنسبه للأكل بديت وياها بشويه تمر بس بنطر تكمل 5 شهور وإن شاء الله أبدي بالتدريج ..
وأحسن شي للطفل توكلينه أكل غير مملح خلوهوم يتعودون على طعم الخضره بدون منكهات أحسن وأفيد لهم .

بنتي جم يوم وتكمل 5 شهور بإذن الله وزنها طبيعي وطولها طبيعي وكل شي فيها زين بس الناس ذبحوني كل شوي بنتج متينه بنتج وبنتج وبنتج!
شي يغث حيييييل !!!!

إسم الله عليها نومتها أريح بواجد أحاول كثر ما أقدر ما أنومها بعد الساعه 6 المغرب أنطر تصير 9 ونص أبدي أزهبها للنومه ساعات تقول نص الليل بس مو دايما ً ..

لما تكمل 5 أشوه ماكو تطعييم راااحه!




chocolateBon غير متواجدة حالياً   رد مع اقتباس
قديم 21-05-2014, 07:25:23 PM   #228
sh-q8
كــويــتــيــة نــشــيــطــة
 
تاريخ التسجيل: Mar 2010
المشاركات: 114

افتراضي رد: تجمع مواليد وامهات شهر ديسمبر 2013 .. أحلى المواليد


شلونكم بنات عساكم بخير

والله خالتي ام ريلي تبيني اوكل بنتي ومادري اوكلها او لا

اهيه انولدت ١/١ يعني ماخلصت شهرها الخامس الحين

مادري فيدوني يابنات

وصج شريت من ايكيا قفاش وطوس للاكل وقلاثات الماي اللي عليهم غطاا يعني شوي مووايد لاني احط في بيت ابوي لان ريلي يسافر وايد وبعد احط في بيتي

ام هووبي يالغاليه تصدقين دكتور بنتي ماقال غيريه قال عادي خليه دامها مرتاحه عليه واي بسكوت تعطينها

ماشاءالله عيالنا كبروا

الحين تحب تمسك الاشياا وتعصب مراات وماتحب القرقاشه الصغيره تبي تحطها بحلجهاا وتعصب تبي العاب كبيره الاخت
وتحب تطالع تلفزيون والتلفون تبارك الرحمن غرامها ههههه





جربوا بالعرباله تطلعون عيالكم ومشوهم عالبحر بيستانسوون صدقوني

شوكوولااااااا وخيتي ماعليج منهم خليهاا تمتن وااي حاطين دوبهم دوب بنتج عاد تصدقين حتى بنتي كله يقولون عنها متينه اقول لهم خلتمتن بتفش لي طلع لها اسنان عاد بنتي بس خدود مسكينه

والمشكله بنات. ان خالتي ولدت عقبي ب ٦ ايام يعني كله يقارنون بنتي في ولدها
ومااحب هالشي
لان بنتي حرجه الله يحفظها وتسولف اكثر ونشيطه



مادري شالحل

والحين اواجه مشكله الاخت تقاوم النوم وتسهر شسوي



sh-q8 غير متواجدة حالياً   رد مع اقتباس
قديم 21-05-2014, 07:32:06 PM   #229
sh-q8
كــويــتــيــة نــشــيــطــة
 
تاريخ التسجيل: Mar 2010
المشاركات: 114

افتراضي رد: تجمع مواليد وامهات شهر ديسمبر 2013 .. أحلى المواليد


بخصوص اللي تبي تطقم مع بنتها

العربيد مايخيطون حق البيبي او يحسبون سعرها نفس سعرج



مرت عمي مخيطه ب فحيحيل مجمع العنود
حسب حق بناتها ب. 18 واهيه ماتذكر يا 35 او 45 لان شتا والخام عليه


المهم اللي تلاقي شي زين تقول لنا


وصجججج بخصوص القرقيعان
ابي نفنوف قديم تذكرون اللي لونه ازرق مورد او اخضر جذي خاطري مادري ليش


وطبعت لي وحده بالانستغرام تبانه جنها تيشيرت فيها جم وفيها تصميم بطل فيمتو وهلال يعني البسها ياه اول يوم رمضان
سوته لي ب. 10

وطبعا بطبع لها وايد سوالف بس تكلفه بيطلع علي

وادور وادور اخد شي لقيت بالانستغرام واحد يطبع تيشيرت للكبار والصغار بنفس السعر يعني. 4 دنانير قلت زين اطبع لي ولبنتي

تهقون سعره زين ولا لا

بصراحه اول بنت وبفنتك فيهاااا





شرايكم



sh-q8 غير متواجدة حالياً   رد مع اقتباس
قديم 17-06-2014, 12:59:34 PM   #230
amonitta
كــويــتــيــة فــعــالــة
 
الصورة الرمزية amonitta
 
تاريخ التسجيل: Dec 2009
المشاركات: 441

افتراضي رد: تجمع مواليد وامهات شهر ديسمبر 2013 .. أحلى المواليد


بنات شخباركم وشلون عيالكم

من زماااان عنكم

انا داومت صارلي شهر ونص وبعد جم يوم بسافر واخلي ولدي عند امي كاسر خاطري





24 بالشهر يكمل 6 شهور وانا اكون مسافره بس برد اول رمضان ان شالله وأبلش أوكله

نومته مرات حلوه ومرات لأ

العيار أنومه بالليل واحطه بفراشه شوي ويقوم يبجي يبي ينام يمي !! من أحطه يمي شوي أرضعه يسكت ويناام بس لازم يمي مايبي بفراشه مادري شسوي

امممم شنو بعد.. صاير يقول با با بس مو واضحه عدل... وطلعوله ضرسين تحت وااااي يهبل حده بس مسكين يتأذى منهم واحطله جل التسنين بس هم يحن حبيبي

تصدقون ارتاح بشقتي بس من اروح بيت امي يمكن عشان لويه وماشالله يهال وجذي مارتاح كثر شقتي

بشقتي مرات أحطه يجابل اللتفزيون ويسكت مده وانا ادش اتسبح او البس اذا وراي طلعه وعادي ما احاتيه بس ببيت امي ماقدر أخليه جدام التلفزيون واروح وفي يهال يروحون صوبه وجذي

صج انه التلفزيون مو زين بس ما احطه وايد... ويموت على قناة براعم هذي قناته المفضله

آخذه معاي بره مرات أطلعه وحليو مايأذيني بره مرات يحن بس من أركب السياره يدوخ وينام


----


وبس هذي آخر اخباري انتو شلونكم ولهت عليكم يالله ماتبون نحمل بالثاني p;

ههههه لا أتغشمر انا مفكره عقب سنه من الحين يعني يكون عمره سنه ونص أحمل ان شالله يعني لي أولد يكون عمره سنتين ونص أو 3 سنين على حسب متى ماصار حمال



__________________

amonitta غير متواجدة حالياً   رد مع اقتباس
قديم 27-01-2015, 12:16:56 AM   #231
Om_HoBi
كــويــتــيــة فــعــالــة
 
تاريخ التسجيل: Aug 2013
المشاركات: 405

افتراضي رد: تجمع مواليد وامهات شهر ديسمبر 2013 .. أحلى المواليد


شلوووونكم بنات شخباركم

و شلون العيال و ننووو حملت و منو ولدت مره ثانيه ولا ليلحين شطار صامدين ههههخ

انا الحمدلله صامده ناويه بعد جم شهر مابي الحين عشان لا اولد بلشتا نفس بنتي كان الاربعين جدا سيء بلشتا



Om_HoBi غير متواجدة حالياً   رد مع اقتباس
قديم 01-02-2015, 02:55:31 AM   #232
شموووخ بدويه
كــويــتــيــة نــشــيــطــة
 
تاريخ التسجيل: Nov 2009
المشاركات: 236

افتراضي رد: تجمع مواليد وامهات شهر ديسمبر 2013 .. أحلى المواليد


سلاااااااااااااااااام
شلونكم والله ولهنا على ايام تجمع الحمل ..

ولدي عمره الحين سنه وشهر ونص بس للحين ما مشى.

عادي الدكتور يقول 15 شهر عادي ....لا وماينطق عدل ادا ادا اكثر شي يقولها قال اما وبا شوي بس وهون





اظاهر من عيونا انا وابوه واخوانه مستانسين عليه حييل وحييييييييييل دلوع بس يهههبل



شموووخ بدويه غير متواجدة حالياً   رد مع اقتباس
قديم 01-02-2015, 11:48:58 AM   #233
Om_HoBi
كــويــتــيــة فــعــالــة
 
تاريخ التسجيل: Aug 2013
المشاركات: 405

افتراضي رد: تجمع مواليد وامهات شهر ديسمبر 2013 .. أحلى المواليد


انا الحمدلله بنتي اسمله عليها مشت 11 ونص
صارلها الحين شهرين تمشي بس لويه اسمله عليها من دار لي دار شريت لها حباسه اللي تصير مثل السور و داخلها العاب حاطه عشان احبسها لأن بسرعه يتهضم الاكل كل مالها و تضعف من الحركه ماشالله



Om_HoBi غير متواجدة حالياً   رد مع اقتباس
قديم 17-02-2015, 02:29:09 PM   #234
amonitta
كــويــتــيــة فــعــالــة
 
الصورة الرمزية amonitta
 
تاريخ التسجيل: Dec 2009
المشاركات: 441

افتراضي رد: تجمع مواليد وامهات شهر ديسمبر 2013 .. أحلى المواليد


فجأه ذكرت المنتدى وقلت أدش اسأل عنكم شلونكم وشلون عيالكم





ولدي حبيبي مشى بس تأخر مشى لما كمل سنه وشهر والحين يركض بس مشيته تضحك وكله يكفخ بالباب

والاكل الحمدلله اكله زين واعطيه مميتين باليوم مميه بنومته العصر والمميه الثانيه لما ينام بالليل

وبس مو مفكره حاليا بالبيبي الثاني قبل لا يكمل ولدي سنتين



__________________

amonitta غير متواجدة حالياً   رد مع اقتباس
قديم 08-04-2015, 06:48:55 AM   #235
كيميائيه
كــويــتــيــة ذهــبــيــة
 
الصورة الرمزية كيميائيه
 
تاريخ التسجيل: Jun 2010
المشاركات: 1,417

افتراضي رد: تجمع مواليد وامهات شهر ديسمبر 2013 .. أحلى المواليد


شلونكم بنات
من زمان عنكم



__________________
الحمدلله كثير الحمد


كيميائيه غير متواجدة حالياً   رد مع اقتباس
إضافة رد

اكثر الكلمات بحث
.., 2013, أحلى, مواليد, المواليد, تجمع, ديسمبر, شهر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 11:44:01 PM.