كويتيات للطبخ

العودة   منتديات كويتيات النسائية > >

الحياة الزوجية لمناقشة الجوانب المتعلقة بين الزوجين من افكار وخبرات ومشاكل وحلول


اهل زوجي ومرت حماي .. ورطه وأستوت !

الحياة الزوجية



إضافة رد
 
أدوات الموضوع انواع عرض الموضوع
قديم 14-12-2013, 10:18:50 AM   #1
ODYi
كــويــتــيــة جــديــدة
 
الصورة الرمزية ODYi
 
تاريخ التسجيل: Oct 2013
المشاركات: 22

افتراضي اهل زوجي ومرت حماي .. ورطه وأستوت !


السلام عليكم ،،
اهل زوجي جابو لي المغص والمرض ! مقدمه تفتح النفس ...
طبعا زواجي كان مشترك .. هو وأخوه بليله وحده
مرت حماي الزمتهم بشروط خاصه هي وأهلها ووافقو عليها .. وأنا أهلي ماشرطو لأن من عادات اهلي عيب اتشرط على زوج رائع المواصفات وأخلاقه الأهم بالأول والأخير وفعلا هذا اللي حصل زوجي رائع الله لايغير علينا ..

نجي للب الموضوع ...
بداية زواجنا كانت لي الأفضليه بكل شي وكفتي راجحه لأني بنت ناس وماتشرطت .. وكنا سمن على عسل وخصوصا مع مرت حماي اعتبرها اختي
الى ان حملت مرت حماي قبلي واشتغل الدلال عليها والمدح وصرت انا عند اهل زوجي في خبر كان ...
بالأصح نسوني ... كان صدمه لي النفاق لها .. شهرين وحملت ( زوجي تعالج) .. رجحو كفتي شوي ...
مع الوقت مرت حماي وصلت غيرتها السما طيحتني بموقف مع اهل زوجي بداية حمالها وحطتني بموقف لا احسد عليه ...
بدت الغيره تطفح وصارت العزائم والولائم تصير بين اهل زوجي واهل مرت حماي .. ومشكلة اهل زوجي انهم منافقين ومع الصف العامر .. اهل مرت حماي عندهم خير واهل زوجي مستفيدين منهم
مرت الايام الى ان صار الدلع والغلا لها وانا عادي مايعاملوني شين بس يحز بخاطري يدلعونها
وصل الدلع الى ان ام زوجي تسولف عالطالعه والنازله انها تدلع الولد اللي ببطن مرت حماي وانا اللي ببطني تقولي ياويله وبطقه وتعايرني بوحامي
صارت المواجيب مطلوبه علي انا بس وهي لاء صارت تسوي فيني حركات وتضايقني مرت حماي واقول لزوجي يقولي طنشي او ماتقصد ( بحكم ان زوجي الكبير لازم يكون نموذج مثالي ! ) .. ووصلت لحد الوقاحه تضايقني ورحت اشتكي لحماتي الكبيره وتقولي انتي تتبلين هي طيبه وماتسوي هالفعايل .. والمصيبه يعرفون انها نمسه اول فتره الزواج كانت لئيمه معاهم والى الان لكن على مصلحتها لان طبعا اهل زوجي خفو كثير عنها ومايضايقونها ( عشانها تهديهم وترزز فيهم وتسوي مصالحهم )
والثقل صار علي حتى لو تعبانه ملزومه باللي يبونه وهي لاء تمثل عليهم او بالأصح تسحب عليهم ويستذبحون انهم يرقعون لها
ماتهتم لزوجها حمواتي يغسلون ملابسها وينظفون شقتها ويطبخون لها وانا لاء .. لكن مو معناتها ابي مثلها

جابو لي المرض بالتفرقه بيننا والمشكله زوجي يحط الغلط مني عشان يبري امه وخواته وهو يدري اني مع الحق

اذا اجتمعت مع مرت حماي عندهم انواع الترفيع والدلع لها وانا كأني طوفه .. واحيان كثيره يغيضوني ومرت حماي معاهم عالخط .. والمصيبه مو بحمواتي بأم زوجي مره كبيره ومريضه تنزلين نفسج ليش وتطيرين بالهبه عشان تقهريني !!

مشكله مادري شسويت لهم انا اللي دايم اوجب ودايم معاهم ايدي بإيدهم وبنفس طيبه وعزيزه وفوقها ماتشرطت عليهم وكنت الغاليه عندهم
ومرت حماي شايفه حالها وخبيثه ونمسه وهذا مو كلامي بس كلام قرايب اهل زوجي .. وايضا كان راي اهل زوجي قبل مرحلة النفاق .. بس سبحان اللي غيرهم عشان مصالحهم

قبل يومين مرت حماي غلطت علي وشتمتني وانا حرمت اروح لها او حتى اوجبها بولادتها لانها ماتستاهل وقحه وعينها قويه .. واحس اني نزلت لمستوى كبير بالتجاهل الين ماحسيت اني مهانه وعطيت زوجي خبر وتضايق عشاني وايضا قالي اسكتي عنها .. ووصلت الموضوع لحماتي الكبيره وقامت تدافع عنها حسيت روحي انا اللي غلطانه

فسرت اللي يصير انهم الى الان مانفذوا الشروط اللي طلبوها اهل مرت حماتي وقاعدين ينافقون لهم ويرضونهم ويرضون بنتهم عشان مايطلبون ، بس انا مالي ذنب بشروطهم وارفض اكون زوليه ينداس عليها واتحمل

ثانيا : قررت ماروح لها بولادتها ولا اوجبها لان تعبت اوجبها ومايبين بعينها وفوقها تشتمني .. ومابيها توجبني بولادتي
ابي احط حد وموقف جاد لها ولاهل زوجي

ارائكم ؟



ODYi غير متواجدة حالياً   رد مع اقتباس
قديم 14-12-2013, 11:58:13 AM   #2
* Snow White *
كــويــتــيــة بــرونــزيــة
 
الصورة الرمزية * Snow White *
 
تاريخ التسجيل: Sep 2011
الدولة: الكويت .. دار الخير
المشاركات: 595

افتراضي رد: اهل زوجي ومرت حماي .. ورطه وأستوت !


مشكله والله ... عندي لج حل ايجابي وحلو حيل
فكي عمرج من شرهم، وكثر ماقربتي لهم كثر مازادت المشاكل
خلي علاقتج سطحيه وياهم حيل..

مثل ماقال لج زوجج طنشيهم، ولاتقولين له عنهم اي شي مره ثانيه الا اذا في سالفه چايده صارت اج
بما ان اهما مسوين علاقات مع بعض، انتي سويلج علاقات مع ماس تعرفي ع ارفيجات او ردي لرفيجاتج
لو سوي علاقات مع اهلج وحريم اخوانج وعزايم وياهم وطلعات بينسونج مرت حماج واهل زوجج .. لي درجه بالعكس لي شافوج جذي ثقيله ورسميه وياهم وعندج علاقات راح يتلزقون لج .. وخلج مبتسمه وتضحكين وايد .. ومو اي شي يصير تقولينه لاحد بالبيت، لاتثقين باي اي ولاتقولين كل شي خلج ساكته واسمعي موفقه



* Snow White * غير متواجدة حالياً   رد مع اقتباس
قديم 14-12-2013, 11:59:35 AM   #3
* Snow White *
كــويــتــيــة بــرونــزيــة
 
الصورة الرمزية * Snow White *
 
تاريخ التسجيل: Sep 2011
الدولة: الكويت .. دار الخير
المشاركات: 595

افتراضي رد: اهل زوجي ومرت حماي .. ورطه وأستوت !


مشكله والله ... عندي لج حل ايجابي وحلو حيل
فكي عمرج من شرهم، وكثر ماقربتي لهم كثر مازادت المشاكل
خلي علاقتج سطحيه وياهم حيل..

مثل ماقال لج زوجج طنشيهم، ولاتقولين له عنهم اي شي مره ثانيه الا اذا في سالفه چايده صارت اج
بما ان اهما مسوين علاقات مع بعض، انتي سويلج علاقات مع ناس تعرفي ع ارفيجات او ردي لرفيجاتج
لو سوي علاقات مع اهلج وحريم اخوانج وعزايم وياهم وطلعات بينسونج مرت حماج واهل زوجج .. لي درجه بالعكس لي شافوج جذي ثقيله ورسميه وياهم وعندج علاقات راح يتلزقون لج .. وخلج مبتسمه وتضحكين وايد .. ومو اي شي يصير تقولينه لاحد بالبيت، لاتثقين باي اي ولاتقولين كل شي خلج ساكته واسمعي موفقه



* Snow White * غير متواجدة حالياً   رد مع اقتباس
قديم 14-12-2013, 12:02:08 PM   #4
A p r i l
كــويــتــيــة نــشــيــطــة
 
الصورة الرمزية A p r i l
 
تاريخ التسجيل: Nov 2013
الدولة: فـ وحـدتي ..
المشاركات: 177

افتراضي رد: اهل زوجي ومرت حماي .. ورطه وأستوت !


والله يا حبيبتي هذا اللي صاير هالايام واللي لاحظته ..

اذا ماتشرطتي وطلعتي عينهم مستحيل يسون لج مكانه اما اذا جيتيهم بالطيبه ماراح يبين في عينهم ابد

ادري انج منقهره حيل وحاطه بخاطرج ..

بس شوفي لا تكبرين الموضوع وخلج انتي العاقله وجبيهااا وروحي لها لوجهه الله لانه في الاخيرر اللي بتيبه مرت حماج راح يكون ولد عم ولدج يعني حرام

خلي علاقتج فيهم رسميه وانتبهي لا عاد تقولين وتشكين لــحماتج الكبيره او زوجج لانه مهما اشتكيتي انتي ف عينهم غلطانه حتى لو كنتي على حق يعني بيشوفونج انتي راعية المشاكل .. يعني بتحرقين قلبج على الفاضي
صدقيني بجي الوقت وبيعرفون قيمتج

وخلي همج زوجج فقط والاحترام لاهله .. وطنشيـــــــــــــــــــه م

والله يهدي سركم




__________________

التعديل الأخير تم بواسطة A p r i l ; 14-12-2013 الساعة 12:04:09 PM
A p r i l غير متواجدة حالياً   رد مع اقتباس
قديم 14-12-2013, 12:12:07 PM   #5
فوفو22
من كبار شخصيات كويتيات
 
الصورة الرمزية فوفو22
 
تاريخ التسجيل: Oct 2008
الدولة: Milton Keynes
المشاركات: 10,261

افتراضي رد: اهل زوجي ومرت حماي .. ورطه وأستوت !


وايد شاغله نفسج بالغير

لو تلتفتين لنفسك ولزوجك وبس


رح يخف منك شعور متابعه ومراقبه الغير


عندك مرض وهو تفسير كل شي من ناحيه سلبيه

وعلاجه. لا تفسيرين الاحداث اليوميه

فقط انشغلي بنفسك دراستك هوايتك وظيفتك بتك فقط الا غير

وتلاقين نفسج شوي شوي ما تتابعينهم ابدا ولا يهمونك


فوفو




__________________

(انا فوفو ام بداح عمري بال 40 واحب روحي وعاشقه نفسي وعايلتي احب الخير للناس طموحه طيبه صريحه احب السفرحاليا أُمارس سلوك التغافل واليوجا ورياضة الاكوا والسباحه )
تحملوا ردودي حبايبي تراها مثل ابره التطعيم تعوّروتجّرح بس تفيد وتعالج>>>
هدفي خدمه الجميع لوجهه الله مابي غير الدعاء منكم

التعديل الأخير تم بواسطة فوفو22 ; 14-12-2013 الساعة 12:14:33 PM
فوفو22 غير متواجدة حالياً   رد مع اقتباس
قديم 14-12-2013, 12:31:30 PM   #6
sara.
كــويــتــيــة
 
الصورة الرمزية sara.
 
تاريخ التسجيل: Jul 2013
المشاركات: 63

افتراضي رد: اهل زوجي ومرت حماي .. ورطه وأستوت !


السلام عليكم
صراحة معطيه الموضوع أكبر من حجمه اللحين يوم انه يصير كل هذا انتي ليش تسولفين فيه شيء صار وانتهى انتي طالعي جدام مؤ وراج ومالج دخل فيهم سوي اللي عليج واهتمي بزوجج ولاتشكين لأحد الشكوى لغير الله مذله وشفتي حماتج الكبيرة تسكتج لا تشكين لأحد وخلي عينج قوية ورائي يا أختي إذا بتكسرين عينها اكسري عينها بطيبتج ! روحي لها إذا ولدت وقهويه واشتري لي هيدة لبيبي أو عطيه ولاتفكرين تفكير خبيث نظام اللي تسويه أسويه فيها غلط يابعد قلبي واهتمي بأمورج أكثر ما تنشغلين بمتابعة أمورها وسوالف اللي مأتعجبج وطنشي.



sara. غير متواجدة حالياً   رد مع اقتباس
قديم 14-12-2013, 12:47:07 PM   #7
حلوه وبس
كــويــتــيــة فــعــالــة
 
الصورة الرمزية حلوه وبس
 
تاريخ التسجيل: Apr 2008
المشاركات: 377

افتراضي رد: اهل زوجي ومرت حماي .. ورطه وأستوت !


من رايي طنشيهم كلهم بس المواجيب وجبي

عيشي حياتج لا تخلينهم الاولويه راح تتعبين

ان شاءالله بتولدين و بتنشغلين بولدج وبيتج و يخف الاحتكاك و المشاكل



__________________
اللهم أني استودعتك أبنائي و أحبائي فاحفظهم يارب العالمين و ما فيه خير لي يسره و ما فيه شر لي ابعده ياااارب


حلوه وبس غير متواجدة حالياً   رد مع اقتباس
قديم 14-12-2013, 12:48:27 PM   #8
M!ss CoLoRz
كــويــتــيــة فــعــالــة
 
تاريخ التسجيل: Sep 2012
الدولة: البحرين
المشاركات: 364

افتراضي رد: اهل زوجي ومرت حماي .. ورطه وأستوت !


انا مع فوفو وسارة

دامج حاطة في بالج فكرة سلبية عنهم كل شي منهم تجوفينه سلبي

ان سألوا عنج بتقولين اي يحبون يتبعون اخباري وانا مادري عنهم ولازم يعرفون كل شي عنهم وفضولين وان ما سألوا قلتي اي انا ما يحبوني انا ما يوجبوني ذيج الحبيبة ذيج اللي يبونها وانا خل اولي

أختي صدقيني صدقيني صدقيني اهل زوجج ولا حاطين بال حق هالسوالف حاطين في بالهم عادي وعايشين

انتي عليج من نفسج وعامليهم بأخلاقج مو بأخلاقهم .. وبعدين ترى مو غصب يحبونج يعني شي كلش عادي انه وحدة تكون مقربة لهم أكثر من الثاني.. دامهم ما ضروج ولا جفتي منهم شر ومرتاحة مع زوجج لا تفتحين باب وتخلقين مشاكل مالها وجود وبعدين اتين تبجبجين وتقولين ما يبين فيهم الطيب

وأبدا ابدا لا يطلع العيب منج و وتفججين العيلة في الاخير اللي بيي هاي ولد اخو ريلج الحشيمة حق زوجج مو لغيره ما فيها شي لو مريتي عشر دقايق وطخيتي ادناة بدلة حق ولد عم عيالج



M!ss CoLoRz غير متواجدة حالياً   رد مع اقتباس
قديم 14-12-2013, 01:01:25 PM   #9
هدوووشه
كــويــتــيــة فــضــيــة
 
الصورة الرمزية هدوووشه
 
تاريخ التسجيل: Oct 2011
الدولة: ksa
المشاركات: 831

افتراضي رد: اهل زوجي ومرت حماي .. ورطه وأستوت !


اقتباس:
المشاركة الأصلية كتبت بواسطة A p r i l مشاهدة المشاركة
والله يا حبيبتي هذا اللي صاير هالايام واللي لاحظته ..

اذا ماتشرطتي وطلعتي عينهم مستحيل يسون لج مكانه اما اذا جيتيهم بالطيبه ماراح يبين في عينهم ابد

ادري انج منقهره حيل وحاطه بخاطرج ..

بس شوفي لا تكبرين الموضوع وخلج انتي العاقله وجبيهااا وروحي لها لوجهه الله لانه في الاخيرر اللي بتيبه مرت حماج راح يكون ولد عم ولدج يعني حرام

خلي علاقتج فيهم رسميه وانتبهي لا عاد تقولين وتشكين لــحماتج الكبيره او زوجج لانه مهما اشتكيتي انتي ف عينهم غلطانه حتى لو كنتي على حق يعني بيشوفونج انتي راعية المشاكل .. يعني بتحرقين قلبج على الفاضي
صدقيني بجي الوقت وبيعرفون قيمتج

وخلي همج زوجج فقط والاحترام لاهله .. وطنشيـــــــــــــــــــه م

والله يهدي سركم


معاهااااااااااااااا



__________________
(اللهم أجرني في مصيبتي واخلف لي خيراً منها)

هدوووشه غير متواجدة حالياً   رد مع اقتباس
قديم 14-12-2013, 01:13:55 PM   #10
نـعـومـه
من كبار شخصيات كويتيات
 
تاريخ التسجيل: Aug 2010
المشاركات: 12,286

افتراضي رد: اهل زوجي ومرت حماي .. ورطه وأستوت !


قللي من زيارتج لهم واحتكاكج فيهم واذا سئلو ليش ماتزورين قولي انكم دوم ضدي



__________________
سبحان الله وبحمده ،، سبحان الله العظيم
نـعـومـه غير متواجدة حالياً   رد مع اقتباس
قديم 14-12-2013, 03:22:54 PM   #11
randomy
كــويــتــيــة ذهــبــيــة
 
الصورة الرمزية randomy
 
تاريخ التسجيل: Jul 2007
الدولة: بالبيت
المشاركات: 2,068

افتراضي رد: اهل زوجي ومرت حماي .. ورطه وأستوت !


سكري بابج

وافتكي من مشاكلهم


اهم شي نفسج وزوجج



__________________
لا الاه الا الله محمد رسول الله
randomy غير متواجدة حالياً   رد مع اقتباس
قديم 14-12-2013, 03:24:10 PM   #12
randomy
كــويــتــيــة ذهــبــيــة
 
الصورة الرمزية randomy
 
تاريخ التسجيل: Jul 2007
الدولة: بالبيت
المشاركات: 2,068

افتراضي رد: اهل زوجي ومرت حماي .. ورطه وأستوت !


سكري بابج

وافتكي من مشاكلهم


اهم شي نفسج وزوجج



__________________
لا الاه الا الله محمد رسول الله
randomy غير متواجدة حالياً   رد مع اقتباس
قديم 14-12-2013, 05:12:15 PM   #13
sh_mashael
كــويــتــيــة ذهــبــيــة
 
الصورة الرمزية sh_mashael
 
تاريخ التسجيل: Dec 2010
الدولة: ديره مامثـĸυωαịτ❤لهاديره
المشاركات: 1,070

افتراضي رد: اهل زوجي ومرت حماي .. ورطه وأستوت !


مبين عليچ حسّاسه و تهتمين بالناس و وايد قاعده تكبرين الموضوع
نصيحتي لا تعتبرين انها موجوده معاكم بالبيت لقيتها عند خالتچ سلام و بس
غير چذي لا تروحين لها او عندها
اهم شي زوجچ و امه و ابوه
داريهم و باريهم
وتعاملي معاهم ب أصلچ و سنعچ

موفقه



__________________
❁❀✿
❁❀✿
sh_mashael غير متواجدة حالياً   رد مع اقتباس
قديم 14-12-2013, 05:23:19 PM   #14
لوولوو_88
كــويــتــيــة مــاســيــة
 
الصورة الرمزية لوولوو_88
 
تاريخ التسجيل: Apr 2013
المشاركات: 3,531

افتراضي رد: اهل زوجي ومرت حماي .. ورطه وأستوت !


حبيبتي صفي نيتج اول شي .. و خلج من الانتقامات ما اوجبها ولا توجبني .. خلج رسمية ولا تبادرين إلا بالشي الزين بحدود ..

بعدين في تناقض بالحجي انه تقولين أهل زوجج منافقين و بنفس الوقت تراقبين تصرفاتهم و ناطره منهم الدلع و الحجي الزين .. مو منافقين شلج فيهم وليش ناطره منهم .. خلج رسمية معاهم ..

ولا تسوين مشاكل مع أهل زوجج يبقون أهل ريلج و ولدج .. نصيحة خلج رسمية ولا تقارنين نفسج بمرت حماج كلن له اطباعه و شخصيته .. ولا راح تموتين اذا ما صرتي التوب عندهم ..

مرت حماج منتي ملزومه برفجتها بس نصيحة اهل ريلج لا تخسرينهم من المشاكل حتى لو تكونين رسمية ..

تعوذي من ابليس ولا تشكين وايد و تكلمين بأحد . خلج بحالج و بس



__________________




ربي إني أستودعك عائلتي فاحفظهم بحفظك فهم أغلى ما املك♡
لوولوو_88 غير متواجدة حالياً   رد مع اقتباس
قديم 14-12-2013, 05:56:03 PM   #15
oshi_q88
كــويــتــيــة فــضــيــة
 
الصورة الرمزية oshi_q88
 
تاريخ التسجيل: Feb 2012
المشاركات: 896

افتراضي رد: اهل زوجي ومرت حماي .. ورطه وأستوت !


انا مع راي فوفو وساره
وياليت ماادخلين ريلج بالمشاكل ذي



__________________


( اللهم زوجني رجلا صالحا تقر به عيني و تقر بي عينه يا ذا الجلال و الاكرام)
oshi_q88 غير متواجدة حالياً   رد مع اقتباس
إضافة رد

اكثر الكلمات بحث
.., اهم, حماي, زوجي, ومرت, وأستوت, ورطه

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 07:02:13 AM.