اخر كتاب اشتريته

japanese قال:

حبيبتي عتام مشكوره يسلم قلبج

واي ماتتخيلين ،، كل شوي اجيك وين وصل وان شاء الله المفروض باجر او اللي بعده يكون عندي

انا دش بخاطري

لآنه مريح للعين مب مثل الايباد او التلفون والشغله الثانيه انه اقدر اشتري الكتب من مكتبه امازون

واوبيه اوبيه اوبيه الكتب رخيصه حدها ووايد متنوعه ،،،، غير جذي فيه خاصيه انه حتى لو كنتي تحت الشمس بعد تقدرين تقرين

non glaring feature ويتروالي للصيف هاللي ابيه لآني ادري من يدفى الجو كله بتم برا ومع الشمس ماقدر اقرا الا من كتاب

او هذا الحين الكيندل بس صعبه من الجوال لآنه الاشعه تنعكس ع الشاشه

وبالظلام ينور بشكل مريح للعين built in light ،، وبعد اللي عاجبني انه خفيف كلش وراح اقدر انزل فيه كل الكتب اللي ابيها

بدال ماشلهم وياي ،،، خلاص يختج كبرت وماقمت احب اشل شي وعيوني بعد نفس السالفه :/ من القرايه خلاص قام يضعف نظري

مع اني مسويه ليزك بس مافي فايده

هو انا طلبته ب 119 دولار يتروالي السعر الزين مقارنا بآسعار الكتب الورقيه هالآيام بعد

الشي الوحيد اللي مخرعني ان شاشته صغيره ومادري اذا بتعجبني ولا لآني متعوده ع كتب صفحاتها متوسطه ع الاقل

عطوني يومين جذي خل اتعبث فيه واقولكم شعجبني وشماعجبني

:>>>>​

أنقر للتوسيع...